天勝

同朋友星期六黎食午餐，餐廳侍應服務好好，會主動同我地介紹菜單。而且，餐廳本來只提供熱茶，但我想飲凍水，侍應都特登入廚房幫我整冰水，服務一流又細心。

我地叫左天勝弁當，入面有刺身、天婦羅、豚角煮同燒魚，好豐富。刺身好肥美好新鮮，吞拿魚入口即溶。豚角煮好入味，呢個便當都好好食。

另外，叫左黑豚滑蛋定食。佢系用鍋上，好熱辣辣。黑豚好juicy，系半肥瘦既豚肉，滑蛋好多，兩個夾埋一齊食系絕配，而且d汁好夠味，配飯真系一流，好好食。

最後，想講下佢前菜同甜品都好高質。前菜有沙律同茶碗蒸。茶碗蒸好鮮甜，蛋好滑。甜品系蜜瓜，超級甜。
呢間質素好高，可以再去。