JennyMak9690的个人专页

地方寛廠，光線柔和，坐得舒適，沒有壓迫感食物就十分具有台灣特色：油膩。不過就欠缺其精粹：軟棉。對放豬軟骨情有獨鍾嘅你，十分不建議你吃這個哦！:(豬軟骨看落去充滿油脂，但肉就食唔到軟香，而且仲柴柴地，真係有少少失望嘅。另外，要加小菜嘅你，不要🙅‍♀️考慮四季豆哦！你會好失落佢嘅份量。明明加咗錢，不過….就好似係贈品嘅感覺咁…呵呵賣相唔差嫁！幾啱用黎打下卡嘅要揾地方傾計吹水，都適合嫁！有背景音樂，但又唔會太嘈而聽唔到對方講咩。P.S. 注意⚠️：用餐時間就限60分鐘，…查看更多

個人好鐘意食梳乎厘。每次去食梳乎厘嘅原因，都係因為俾某啲餐廳照騙了，而忍唔住要揾一間好食嘅梳乎厘店，好好嘅Enjoy 一下那空氣，又有如雲朵般，令人充滿想像力的觸感。早幾年已去過K11的Pan De Pain，這次就試試這間⋯ （事後才知道是在銅鑼灣吃過的。擺盆上，的確有好大嘅落差呢）呢日係特登請咗半日價嘅Happy Tea Hour⋯ 只係著重餐廳會唔會有位，和可否讓我們慢慢坐打發時間，對於擺盆和職員態度，又真係無留意呢。 我想，一個人光顧，應該是會得介意職員沒有禮貌，和那個紙盒上餐吧！不過，今日，我目的是達到了，在整整60分鐘內，職員都沒有催促我們，讓我們慢慢坐。可能係閒日的Tea Time，剛好又沒有什麽旅客，讓我愉快哋吃上美味的甜品之餘，仲可以慢慢地傾下計，都不失為一個好地方。P.S. 強烈推薦試下食咸的梳乎厘。幾有驚喜的。特別是那個蕃茄醬，酸酸甜甜，和梳乎厘的味道很搭呢其它的，都係正正常常配搭，只要主梳乎厘做得好，都幾難唔好食吧？…查看更多

有啲趕時間，但又想食好啲啲….係英皇道一條直路當中。「大小姐冰室」就是最吸引人的。店面設計以白色為主，簡潔乾淨。就係咁，俾佢嘅門面呃咗入去。E餐，E For Elephant… （你要玩英文字接龍點餐，職員才會聽得懂，手指著餐牌，說要E 餐都係多餘似的，食個普通午餐，無啦啦俾人考反應，真令人身心不滿！）帶住呢份懊惱，等緊我的「大象」餐。（係我唔啱！貪小便宜食Lunch Set點解！明明已經人工已經去唔到30%加幅，又無時間嘅時候，竟然貪心地想食到好野？？….）上餐次序都合格。先上例湯。嗯…淨係水，睇唔到係咩中湯，不過見啱啱入黎嘅青春美少女嘅湯有紅蘿蔔2粒。但我果碗…. 一層分子細少的油層，白色一塊塊的脂肪和黑色不明物。我思考再三，決定鼓起勇氣並消除職員對我嘅歧視，撥開油層，試飲清湯一口…是水混咗油的味道….點睇都似係洗鍋水多過係湯咁⋯ 我放棄.. 了..跟住係餐飲，熱檸水（呢杯嘢正常，應該好難會有伏，係最安全的健康飲品了，BTW…我錯了..越簡單反而越考驗一間餐廳嘅衛生水平）… … 匙羹一撈底⋯ Oh No …. 黑色一粒⋯ 我仲可以視而不見照飲嘅⋯ 但綠色淺淺果塊⋯ 真係挑戰著我的神經細胞…掙扎咗一陣要唔要職員換一杯，但思考著由入門到落餐，職員嘅態度咁惡劣。。。 食安為妙….張國榮都有唱：沉默是金..！！還是放著，靜靜地打開Open Rice是否叫錯餐好了….. 或大小姐有什麽特色食品好了…最後係正餐「海鮮炒烏冬」，睇住呢碟無咩特別嘅炒烏冬。唔特別？係啊！佢賣相和普通茶記無咩分別，又無大排檔或「冬菇亭」炒到充滿鍋氣，如油色光亮、香噴噴的水準。重點係…呢間係Cafe⋯竟然係用膠碟…所以唔小心將佢和大排檔果啲混為一談了。呢碟⋯ 勉強係上色均勻…蝦又大粒，好似都幾足粒咁，仲有三大粒添，又有魷魚圈數條。味道…無果種油得黎，你都會食到好滋味嘅感覺囉。前面嘅湯和餐飲…已經令我無咩食慾。但因為我只係一位普通又衰貪吃的打工仔。唉…唯有好好地食咗呢牒可能加咗料嘅烏冬⋯ 唔好浪費$68蚊、又或者珍惜食物都好..味道可以接受。係唔明炒青口就炒青口，你唔好炒碎咗人哋嘅殼先得嫁嘛⋯ 令我清唔到牒呢⋯ P.S. 整體體驗好差！- 對於食客，建議你著得街坊啲，但同時要靚少少，唔好著到俾人覺得似內地人又無錢果啲衣著。（本日當日衣著的確是十分糟糕的。😔😔😔，所以才會被差別對待吧？🥹還是，這餐廳本來就係保持不了水準？只係純粹以大廚過去的年資和豐富經驗作為賣點？？）- 對於內地遊客，唔好俾門店騙了，這不是香港傳統冰室。也沒有香港茶餐廳特色。建議還是去對面大家樂吧….自助式的，食得自在安心一點。減低民族間不必要誤會。- 唔睇Open Rice 食評還好，一睇，原來都有唔少人被「大小姐冰室」的簡潔門面騙了。而且食物水準不能保持水準。可能晚餐會好一點吧？？？- 值得一讚係收銀姐姐，幾有笑容和禮貌，也會温暖地提你帶傘，或有沒有帶傘。…查看更多

每次經過觀塘，都一定會買番幾盒章魚小丸子。而上次9月尾去觀塘，咁啱撞正佢裝修，心心念念，今日再去一次！！WoW ！！觀塘呢間開番啦！快快趣Take Order4盒，分別係：蟹子章魚小丸子 （6粒裝）蛋沙律章魚小丸子 （6粒裝）激蔥章魚小丸子（6粒裝）蜜糖芥末章魚小丸子 （6粒裝）外賣拎到番屋企都9個字後，章魚小丸子微温下，雖然外皮沒有脆脆的，但仍然好好味！特別係激蔥，一打開成盒都係脆綠的青蔥，又新鮮又靚。真係令人好開心。蟹子、蛋沙律反而有少少差咗，用料無裝修前咁Full。雖然同第一印象有些少落差，但都好好味，無咗以前飽到上心口的感覺了。蜜糖芥末係第一次試。個人比較鐘意黃芥末重啲就好了，感覺會無咁甜膩。雖然每次去都要等15-30Mins，而且每次味道都有唔同。但鐘意食章魚丸小丸子嘅我，只要真章魚燒一日Keep 住每粒小丸子都有大大粒彈牙的章丸係入面，我諗我都好難會割捨唔食章魚小丸子的…查看更多

位於中環大館區賽馬會20號的小店。 在香港站C 出口，步行7分鐘，交通真係好方便。沿途還有很多別具一格的建築物置俾你打卡。齋行都好開心。行到門口有兩位保安人員，感覺好嚴肅似的。 其實只係地下樓層有藝術展覽舉辦中。另外，在Lunch 時間12:00至13:30 左右，餐廳人流唔算很多，而且座位之間有足夠空間，仲有個露台位置，適合小情侶相聚或與閨蜜傾計舒壓，令人忘憂，是一個可以充電放負的好地方。食物方面，咩菜式都有啲，但主要是以日式為主吧。 如果要吃正宗的，可能就要去附近其它餐廳了！現在，看看我們吃的午餐吧！附近仲有好多值得打卡的位置哦，得閒可以多啲過黎影下相，打下卡，記住唔好揀繁忙時間過黎，阻住番工嘅人食飯啊！P.S. 如果雞扒沙律的醬汁，可以有選擇就好了。真係好想試用Balsamic Vinegar 調配的意式醋醬汁啊這樣就可以減低雞扒皮帶來的油膩和吃到菜的新鮮了唔知大家鐘意搭配芝麻沙律醬多啲？還是其它沙律醬呢？多謝同行朋友仔請食呢餐生日飯，祝你前程錦繡，再創高峰，加油啊！…查看更多

從太子站D 出口，沿住基隆街直行到荔枝角道，沿路閒靜，街道亦寬敞、企理和乾淨，沒有旺角般的繁囂和陜逼。也沒有深水埗的雜亂。可以一邊行一邊慢慢欣賞舊日香港的建築痕跡。來到@悄悄的門口，木色的門面，隱約含蓄的招牌，在入門前，讓人忍唔住放慢腳步，先細細地欣賞店名。 店員主動好客，會為唔識推門的客人開門！另外，欣賞店主大膽地放棄可以容納最少4張4人枱的空間，作為等候區，係香港呢啲寸金尺土嘅地方，實屬難得！加分加分午餐主要有3個Set，賣相十分簡潔，沒有多餘的配飾，份量以7-8成飽為主。A 餐係深海煎三文魚 （驚艷！真係會嘩！嗯！好味啊！咁去形容呢）B 香蔥燒豚肉 （蘭王蛋，好晶透啊）C 紫蘇梅子冷麵 （茄子炸物，點可以做到咁香脆嫁！）配菜主要係3片爽口的白夢卜（開胃），一件菇。好似好孤鬼寒咁啊可？ 但醃漬嘅野，真係小食多滋味，開下胃，點到即止就好了！飲品以特色果汁、茶、拿鐵作為賣點。（大開眼界啊！小店都有咁高水準，會有唔同級別嘅綠茶嫁，有種去咗高級餐廳嘅感覺，會同你一一介紹唔同地方嘅綠茶，而佢哋之間又有咩細緻分別。）甜品甜而不膩，有水準！因為呢度嘅店員水準係優質的，會為你細心地為介紹當季嘅特色菜，同埋大概係點样食，點样飲所以，就賣個關子，留番你自己！「親自去感受一下佢哋細緻嘅服務和對菜單誠肯嘅介紹吧最後，呢度最大嘅特色係有踏踏米坐。仲要唔係坐咕𠱸嫁，呢啲咪真係細心囉！温聲提示：坐開椅，唔怪盤腿坐嘅你，都係要三思嘅。建議預早訂位！！P.S. 香港寸金尺土，90Mins 用餐時間是常識吧，店員一開始「沒有」好囉嗦地提我哋只有90Mins 用餐時間。過曬鐘都只係好有禮貌咁講：啱啱截咗Lunch，放張單係度先！ 呢張單真係黎得啱啱好！！！好讓我們珍惜相聚時刻，但又不會過膩。另外，多謝店員大人有大量，明明係我哋自己唔小心整跌件蛋糕，佢都唔同計較，立即同我換一件多謝🙏🏻呢間，有加一服務費，但完全係值得俾嘅！！！ 呢啲酒店級嘅服務，真係令人好意外啊…查看更多

香港有好多好多賣煲仔飯嘅餐廳，要煮一煲靚飯真係唔容易嫁，火🔥一定要掌握得好，煮嘅人仲要好耐熱先得！ 就算係咁，都唔一定食到好嘅煲仔飯，因為煲飯，唔知點解，就係會食得出每一間獨特嘅味道。而今日呢間呢，煲仔飯嘅飯焦、鼓油、飯香賣相都好足夠。仲要係熱到燙到侍應隻手添..味道就係⋯ 斯斯文文嘅一煲煲仔飯，唔熱氣。又唔會咸。有特色係，仲有埋串燒食，而且仲要係可以好好咁坐低、有埋冷氣食果種啲添。 所以一班人吹水傾計，呢度就好適合。 又唔吵，又坐得好舒服添⋯ 有時食物好唔好食，都好睇你係同咩人黎食嘅。竟然係一班三五知已吹水，咩都好食嫁啦！！！重要係坐得舒服啫。 温聲提示：請自備自己私人餐具 佢啲筷子⋯ 真係唔得。P.S. 佢仲有埋大閘蟹嫁⋯ 不過見冇咩人Order⋯ 又真係唔係好有信心係度試呢啲容易伏嘅嘢。佢哋碗碟其實好靚，佢每碟都揾個靚碟，有時碟好大，但上得果一片切碎嘅燒魚乾⋯ 話晒燒雞泡魚乾要$60的，店主係咪要諗下個賣相呢？ 等我唔洗代入貓仔嘅角色去享用佢。今日啲腸仔加價到$22得2條。 離譜⋯⋯燒菠蘿，去埋皮都幾細心，加番你分。燒雞皮，香脆。呢客連自己都想掌摑自己，叫得太寒酸了雞翼OK！唔太懂得欣賞呢款娃娃花盛放嘅效果😅最似样係佢啦！…查看更多

近深水埗一帶，比呢間更貼地、更有江湖味的酒樓、餐廳多的是。呢次特登擇咗呢間無酒樓嘅富麗堂皇，連魚缸都會令人有點卻步, 反差萌極大的「酒樓」。門口有如粗獷大叔咁，但啲菜就盡顯細心。如冰川無骨咕嚕肉，仲唔係俾啲食唔切嘅人食嘅？而且仲去埋骨，啖啖肉添。瀨尿蝦仲幫你剝埋殼嫁。温聲提示：呢度份餐牌係無價錢嘅。叫咗13碟菜，食到蝦、魚、龍䠢、埋單$1800多啲，都算抵食吧！另外，唔建議叫菜，因為真係好油。你就放過廚房吧！出餐見到佢嘅賣相，都唔諗住叫嫁啦！點知佢哋出完一客又一客，當然唔好執輸，試下佢係咪真係咁特別先。夾番件，又啲確係有驚喜喎，而且完全係啱啱一起鍋就立即過冰河了⋯ 有種好味又唔知點形容俾你哋知嘅驚喜感，只能說：好好味啊！仲有呢客泡椒魚肚，啱晒我呢啲鐘意辣一辣嘅過隱但又唔食得辣嘅粉皮！ 麻得黎，又唔會辣親你。呢啲咪係廚師嘅細心囉！其實呢碟魚都已經好大碟了，唔知隔離枱嘅靚女仲可以有幾大碟呢？因為我聽到哥仔同靚女們講：特登擇咗條大魚俾你哋，所以耐咗啲。就算佢係賣口乖，作為食客都覺得開心。佢就係會一間餐廳都會食到嘅茄子煲。但佢最特別係上菜時，果種滋炸聲，嘩嘩嘩，實在太有氣氛了。無錯無錯，唯一要投訴係呢碟，點解偏偏我就係錯過咗最佳落單時機？所以唔夠蒜堆出山丘般的豐盛感⋯…查看更多

嘩⋯ 呢個門口⋯又大又高，真係好有氣派。係有少少去咗越南度假嘅感覺～ 令人充滿放鬆嘅心情。樓底真係好高，放咗咁多湯匙，一支支咁吊起，都完全唔會令你有壓迫感，仲帶有少少藝術氣氛添這種燈光配上這種木色～ 就係華麗！仲帶有古雅而又充滿殖民風的越南氣息。見到啤酒🍻就係唔少得大型電視吧！對，我身後正正就有一台特大電視。我諗睇波應該會好正。見我前面兩位唔睇卡通片嘅人，都目不轉睛咁睇著就知個電視有幾吸引了。最正係，呢度店員態度好好，唔識講英文，唔肯要，只要你肯講，佢哋都會盡力理解到位。 係我哋一行4人正苦惱怎樣食面前呢款雪糕后嘅時候…. 我與店員對望，佢一個疑問手勢，我一句：Yes，For Share。係食物面前，人與人之間嘅溝通原來就係咁簡單。…查看更多

好鐘意呢間餐廳的氣氛！ 一個接著一個手繪圓體波波燈吊住，仿似宇宙中的一個又一個行星🪐。好得意👍🏻。 首選係要食呢個泰式金邊河，一件蝦好單調咩？但真係好好味。另外，小食:素味紙卷，辣汁完全有點精嘅作用，將紙卷內嘅新鮮蔬菜完美帶出。Chok Chok聲的呢～對！這份就是一份豬頸肉，但$10蚊有4片喎😳😳😳 真係估唔到咁抵食。 難道係因為我哋有4個人？泰式牛肉船河，因為自己對船河有要求⋯ 嗯⋯ 佢確實係有啲啲普通嘅。不過，咁有份量，啲肉咁多，同埋啲粉好似點食極都食唔完咁，你仲想點？P.S. 佢係用幼麵，有點像拉麵果種。今日先知道，泰式豬肉船河嘅湯係甜嫁，唔鐘意甜湯嘅你，就要注竟一下了。泰式蟹肉炒飯。食番呢嘅就啱啦！ 正正常常，夠鍋氣就咩都掂啦👍🏻P.S. 鐘意食烤薄餅嘅你，一定唔好錯過烤薄餅，真係又香又綿軟的。…查看更多

店面無咩特別。有一種輕食快餐般的形式咁，感覺有啲啲似韓式嘅輕食咖啡⋯ 全店簡簡單單⋯ 你要先在櫃枱Order 食物，先付款，再拎住一個號碼籌揾位坐低，等出餐，再去番櫃面。 反而食物真係賣點，顏色豐富，蔬菜滿滿的。係夏天消暑恩物。 P.S. 出街食飯⋯ 食得健康啲⋯ 唔知點解要咁鬼貴⋯ 就因為佢服務唔多，咩都要自己黎⋯ 所以70起一個飯黎講，其車係有啲啲貴嘅:)冷壓果汁Super Food，混合咗檸檬，飲唔到紅菜頭和羽衣甘藍的草青味，融合得啱啱好，并將紅菜頭甜味帶出，真係好啱飲。這是我的錯，無睇清楚青色嘅係豆角⋯ 仲要學人配粗糙米和椰菜飯⋯最估到四四方方吧板豬係咁韌口。。。 真係咬到牙仔軟。誠意推介俾一點唔好好食飯嘅人食，可以訓練佢哋要每一啖每一口都要咬足30下先好吞入肚。Six Green 雖然有加入苦瓜、西芹，但完全無苦澀味，好值得推介俾鐘意健康嘅你。 另外，呢個泰式青檸熟蝦配烏冬真係無得輸。 呢個青檸汁⋯ 真係驚艷了我。我無諗過青檸汁可以配烏冬，仲要好好味。 蝦雖然似係玻璃蝦，但個汁就令佢錦上添花…查看更多

這間小型家庭風味十足嘅日式便當，至今已經開咗好幾個年頭嫁啦！ 負責收銀、配菜擺明嘅姨姨仍然都係咁親切。堂食嘅時候，食物送上枱時，姨姨仲會特別同我講，唔夠飯可以再添嫁，真係好窩心稍為入過廚房嘅你，睇下YouTube，要煮出這份菜並唔難。仲可以好味過這間便當店添！但當你要準備咁多配菜時，哈哈～ 你就知道這份定食餐真係好抵食。 係附近係完全食唔到咁抵食又健康。味道偏清淡，係我最鍾意嘅地方之一。另外，這個味噌湯熱辣辣，又暖胃，令人好舒服，幾粒蔥花仲帶出湯嘅微微的清甜呢。 在街飲味噌湯，好難得係無澀味。環境方面，食客真係唔多，坐得好舒服自在。 係好適合一個人食飯的好地方。…查看更多

這間位於觀塘嘅龍城，係好值得去拜會嘅！ 估唔到佢嘅早餐係咁驚喜滿分。職員落單又快，又準，最專業嘅係，佢係無用手去Mark 低你要咩嫁！出餐仲要好快添！熱辣辣嘅早餐，簡簡單單咁，係一日中最重要嘅活力來源，就係一份熱騰騰的早餐真心推介炸菜肉絲米，炸菜夠爽口，微微嘅辣香，配合呢款微透又彈牙嘅米粉，完全將米粉的米味再升華～ 好食到停唔到口啊！另外，炸豬仔都好香脆⋯ 牛油搽得啱啱好，唔太油膩，又會食到牛油香有得揀，就一定會黎呢度食早餐好開心今日係星期六早晨，唔食排隊就食到…查看更多

呢間係位於旺角幾有名氣嘅Cafe 打卡聖地。 如果你係Foodie，一定要黎啊！！ 但係⋯ 如果你係要食好西，自行斟酌… 個人就唔太推薦對美食有要求嘅人去嘅😅 首先，打開Lift 門，你會見到有啲小凳俾你坐住等，（啊！出發前記得係係Apps 內拎定飛/或去到記得去㩒飛啊）仲有一個好英式嘅電話亭，鋪滿晒花咁⋯ 可以用黎影下相打發下等待嘅時間。等到有人出黎啦，咁就會有職員叫你嘅等候號碼。再帶你入坐俾餐廳你。 揀啱咗食啲咩後，就出去櫃檯職員前面自己Order 啦！然後就番埋位等候美食上前啦！佢哋嘅菜名其用字好貼切⋯ 但我就真係唔係好記得這份菜叫咩⋯ 半隻燒雞？都幾大份肉嫁，重點係個賣相，真係好鬼吸引底部係配搭薯蓉。 雞皮仲好香脆添可惜係，隻雞處理得唔太好，有雪味，食丑到近骨位⋯ 仲要唔熟⋯ 所以呢，係Cafe 店食雞，係要冒險嘅⋯ 朋友仔就叫咗呢客完隻軟殼蟹漢堡配薯條。 薯條就真係好好食，唔太咸，又有薯味開心Share，一定係叫份薯條，邊吹水邊食！呢兩杯就係叫黎放IG 呃下Like 用嘅叫髒髒系列⋯ 唔太甜。P.S. 飲髒髒黑糖珍珠時，記得由底飲起，不然係俾啲粉「濁親」…查看更多

夜晚唔想排隊等位食飯，過去荔枝角D2 Plaza 不失為一個好選擇。可能受疫情關係，加上係工廠區，而且都唔係特別便宜。係晚市，餐廳人流真係唔多，得2-4張枱。 由8:00開始才慢慢多人，但又未至於坐滿。 唔似星期六或日午市咁排晒隊。環境都唔差，幾清雅嘅，仲有埋一支酒精搓手係枱面俾客人，幾貼心見個個都影一影打卡⋯ 少不勉跟下風，熱鬧下。疫情期間，係唔應該落手嘅，但就係想試一試佢係有咪拉絲效果Pizza 幾好食。呢款菠蘿Pizza，真係無得衰，最最最穩陣。水牛城雞翼掛曬啲汁，仲要辣辣地咁。幾美味味。但係⋯ 果兩條乾曬水嘅夢卜⋯ 可唔可以拎走佢啊？有啲似係上一枱食剩Wor⋯ 又或者係廚師們食剩先俾我嫁⋯ 竟然係唔新鮮，只係做個樣⋯ 我寧願你一開始就唔好俾我😀😀😀 呢個位真係令人好失望啊😮‍💨卡邦尼意粉，都幾多芝士係上面嫁⋯ 但係⋯ 卡邦尼上面唔係有個温泉蛋的嗎？可能我認錯了了甜品就⋯ 建議你去番附近的糖水店，同一個價錢，誠意就十足⋯ 選擇多，又有賣相先。…查看更多