Hungrypigcoco的个人专页

今次嚟到深水埗區搵食，真係好抵食，兩個鐘放題式邊爐，一定要試吓呢間火鍋👍🏻我哋叫咗個真龍蝦湯·龍蝦窩，湯底龍蝦香味濃郁，一水滾，飲啖湯先，好香😋大大隻龍蝦我同朋友兩個一人食一邊，仲有好多膏。餐廳俾咗QR code，隨時再落嘢食，款式好多，牛肉、炸物、刺身、小食；仲有嘢飲隨時起身去攞。配有一份刺身，同去放題食嘅份量一樣咁多，刺身新鮮，款式多。另外俾咗一大碟牛肉，唔同部位，其中我覺得牛舌最驚豔，因為夠晒彈牙唔韌，佢提供嘅牛肉質素好好。最特別嘅係，佢竟然可以任換湯底，不過我好鍾意呢個龍蝦湯，所以唔使換。…查看更多

喺呢條滿晒美食嘅街上，位於H8樓上豐富海鮮大餐，仲有好飲嘅mocktail✨Seafood platter A揀四款海鮮，海蝦、扇貝、蜆、翡翠螺，鮮甜多汁，下面鋪咗薯仔粟米同腸仔。醬料揀咗檸檬牛油，酸酸哋帶點奶滑。呢個餐另外有餐包，意大利香草包，外表焗得脆口，內裏軟綿綿，好開胃✨Ink Risotto意大利飯軟滑，墨魚汁入面加咗唔少墨魚粒，口感豐富✨Sweet dream, Purple rainSweet dream係菠蘿汁加咗奶，甜甜奶香，飲完成個人都好舒服…查看更多

✨Salmon Vol-Au-Vent酥皮入面有雞蛋碎，上面擺上煙三文魚，好有特色✨Smoky Paprika Pork Shank焗得好好，微硬嘅表皮鎖上咗肉汁，配上咗烤肉醬同加咗辣粉嘅芥末醬，每啖都有肉汁流出✨Truffle Mushroom Linguine黑松露醬唔係為加而加，好完美融合意大利麵，意大利麵有咬口，非常啱口味，非常驚艷✨Braised Beef Cheek in Pork Wine Sauce牛肉肉質好林滑，紅蘿蔔好重紅酒香味，完全冇苦澀味，記得要食埋個焗蒜，口感似薯仔，但保留住蒜頭香✨Red velvet churros外脆內軟，配合自家製士多啤梨醬，係一個完美嘅ending✨Red Sangria, Satun’s RingRed Sangria紅酒香配埋生果粒,解膩，香甜；Satun’s Ring好似奶昔質感，但冇咁厚重，阿華田配埋椰奶，好香又有層次…查看更多

呢間餐廳裝潢好有風格，好似置身一艘大漁船上噉，嚟睇吓啲漁獲先✨Seafood combo海鮮三選一，樣樣都好想試，終於揀咗海蝦、小龍蝦、海蜆，海鮮鮮甜多汁，揀咗嘅lemon pepper sauce好夾海鮮，粟米同薯仔都索晒汁✨路易斯安娜爆谷蟹餅估唔到呢個蟹餅咁多蟹肉絲，外皮稍脆，開胃唔漏✨蟹肉蟹膏南瓜意大利燴飯意大利燴飯口感軟綿，南瓜香走出，咬落仲有好多蟹肉，一啲都唔馬虎，仲唔少得蟹膏鮮香✨Mocktail (Mad Me)呢杯mocktail加咗西柚汁同菠蘿汁，果汁好好飲，又有些許酒香，連朋感覺都讚不絕口，一下就飲晒…查看更多

呢間餐館主打烤魚，川菜，愛辣嘅朋友一定要試下；服務周到，不時加湯底，加水，好貼心✨烤魚套餐（酸菜烤魚）$368呢條魚好大條，兩個人食都食的好飽👍🏻魚肉已經烤香，唔會煋，入面配埋酸菜、芽菜、豆卜，上面灑滿花椒，辣椒仔，一擺上嚟已經好吸引，流晒口水🤤烤魚套餐仲奉送廣島蠔，蔬菜拼盤，$68優惠價加配手切肥牛；蔬菜拼盤有金針菇、萵苣，呢d加落酸菜魚湯汁煮熟，好入味，好食😋✨口水雞加滿左辣油同花生粒，食落口辣味滲出嚟，又帶出甜味，好開胃…查看更多

呢間餐廳裝修充滿泰式風情，一入到去已經聞到好濃嘅泰式香料嘅香味🤤✨牛肉，雞軟骨，冬菇沙嗲串燒叫左3串串燒，食嘅時候點埋佢嘅沙嗲醬，味道更上一層樓，佢嘅沙嗲醬香口濃郁，但一啲都唔膩✨明爐香檸汁蒸桂花魚店內好多枱都叫咗盤魚，都忍唔住叫一盤嚟試下。呢條桂花魚肉質滑嫩，湯汁辣辣地，仲有青檸酸味，配合下面嘅火焰，好啱冬天食✨泰式飛天炒通菜通菜爽口，加入泰式豆醬，炒出通菜甜味✨蝦膏豬肉碎炒飯豬肉碎炒到焦香，加入蝦膏，味道好有層次，飯粒粒粒分明，有咬口✨泰式鮮蝦炒金邊粉呢碟金邊粉好高質，有鍋氣，金邊粉表面保持微微濕潤。食落海鮮既香味滲出，好開胃👍🏻👍🏻✨小曼谷原隻芒果糯米飯椰汁唔會太甜，糯米飯溫熱，飯有咬口，芒果亦都香甜，唔酸，好解膩✨珍多冰呢杯特式野飲椰汁香甜，下面放咗好多生果粒，仲有綠豆粉條。最特別係食到唔少大樹菠蘿果肉，估唔到放喺椰汁度食都幾好食。…查看更多

呢間餐廳嘅野食好好食，質素高，食物擺盤都好精致。✨安格斯牛扒伴紅咖哩焗薯蓉（$138）食開牛扒配西式醬汁，第一次配紅咖哩，新奇之餘又好夾，加埋薯蓉更係絕配。紅咖哩汁唔會太辣，啱晒怕辣嘅人；薯蓉夠綿滑，啖啖都好香。✨泰式蝦頭油軟殼蟹意大利燉飯（$148）同樣係融合泰式風格嘅菜式，軟殼蟹炸得酥脆，有膏有蟹肉；意大利飯唔會太濕，蝦油配上泰式香料，色香味俱全。✨泰式燒菠蘿沙律/ 青木瓜沙律燒菠蘿燒得剛剛好，甜味出哂嚟，配上沙律菜開胃一流；青木瓜加甘荀絲咬落弓脆口，酸甜開胃。✨紅菜頭甘荀湯紅菜頭同甘荀打成溶，呢個湯好有營養，飲落有粒粒紅菜頭同甘荀粒，最特別係佢加咗冬陰功湯，第一次試，的確係幾夾，好飲✨玫瑰花茶本身喜歡清淡嘅茶香，呢杯玫瑰花茶完全滿足到我。睇落淡淡嘅玫瑰色，清香撲鼻，飲落好舒服。✨Pina colada估唔到泰式菜餐廳都有酒飲👍🏻，呢杯菠蘿酒做得好有心思，酒香配合菠蘿汁，入面仲有粒粒菠蘿，好有口感，值得一試…查看更多

✨珍寶生蠔串、XO醬燒廣島蠔蠔真係好吸引，鮮甜，加上XO醬，第一次食依種配搭，又唔錯喎✨烤黑松露蝦串蝦串上面滿滿既黑松露，但唔會蓋過蝦既鮮味✨炭燒法國鵝肝表皮炸得脆口既鵝肝，一口咬落有鵝肝油滲出，鍾意食鵝肝既人應該抗拒唔到✨芝士年糕、烤水牛芝士條年糕軟林林，好似棉花糖咁，芝士條表面炸得酥脆，裡面芝士拉絲，滿滿幸福感✨羊肉串、燒羊架羊肉串、羊架一d都唔羶，好香羊味唔韌✨a5極品和牛粒、和牛牛舌、一口和牛串、芝士和牛串燒烤串點少得牛肉串，牛肉好多，唔韌✨玉子燒、串燒鵪鶉蛋玉子燒熟度剛好，配埋芝士好吸引；第一次試燒鵪鶉蛋，幾特別✨雞髀菇、燒大啡菇大啡菇燒得岩岩好，上面仲有燒肉蛋，同雞髀菇一樣，好食又解濟✨茄子燒、韭菜燒一整條茄子燒，上面灑左蔥花，茄子燒得香口👍🏻✨風味燒雞腎串好咬口，值得一試✨Blue Hawaiian、apple cider呢杯Blue Hawaiian真心唔錯，上面香甜既酒，下層係菠蘿汁，外表好靚之餘，味道亦非常好…查看更多

絆（尖沙咀）✨SAKE佢地有一set好靚既杯揀，儀式感滿滿✨三文魚壽司、三文魚腩壽司三文魚好新鮮，入口即化，灸燒三文魚唔使點豉油都好夠味，滲出三文魚香✨鰈魚壽司好小可食呢種魚類，原來咁好食，好特別，食落有咬口✨劍魚腩劍魚腩好鮮甜，咬落好彈牙，一啲都唔腥，值得一試✨ 免治雞肉棒、秋葵牛肉卷、露筍豚肉卷免治雞肉捧特別有一份生蛋點黎食，好有意思，食落雞肉味好香；秋葵本身滑珊珊，有一塊牛肉包住，兩者好搭；露荀豚肉卷連埋燒汁，豚肉味道好出👍🏻✨豚五花、雞腿肉串豚五花肥肉瘦肉適中，一啲都唔油膩，每啖都係豚肉香滲出嚟，雞腿肉串配搭醬汁燒得好香✨百味炸原條燒茄子好特別既一道菜，炸香左既茄子，上面灑上左七味粉，炸完唔油膩，火喉把握得好好，熱辣辣配埋酒食一流✨燒原條魷魚筒一大整條魷魚，好咬口，唔韌，上面抹左醬汁，突然諗起細個食既燒魷魚🤤✨流心蛋燒飯團卜卜脆既飯焦，上盤時已切開左4份，一拉開就有蛋黃流出，好吸引，上面仲有蛋黃醬，好夾絆（尖沙咀）📍 尖沙咀漆咸道南53-55號嘉芙中心4樓…查看更多

今日經開石門，點少得一杯珍珠奶茶，滿足下奶茶胃，一眼見到依間門口好多樹懶公仔，真係好得意🤤鋪頭飲品選擇都好多，跟朋友買左一人一杯，廢事諗奶茶同芝士奶蓋鐵觀音。兩杯都大大杯，好滿意👍🏻芝士奶蓋鐵觀音上面好大一層芝士cream, 夠奶味同打得好細滑，杯上面仲有一隻好得意既樹懶。下面既鐵觀音好有茶香，濃度都岩岩好，同芝士奶蓋都好夾！廢事諗奶茶真係好周到，心大心細款款都想飲下，依款值得一試！店員服務周到，出野飲都好快！…查看更多

石門京瑞廣場一期地下小店，特色裝修，坐位唔多，但坐得都舒服，好適合同好朋友一路食一路傾計。香噴噴既辣串串，點忍到口呀！叫左幾款串串試下，魷魚，娃娃菜，冬菇，牛肉。估唔到係娃娃菜最驚艷，菜最吸汁，食落小小辣，但個種辣香辣香留係口好耐，其次係冬菇好食，軟軟甜甜加依個辣汁都係一流。而黑糖冰粉，第一次食，食落好似甜甜地既啫喱。我同朋友都唔係好食得辣，依個冰粉算係緩和左食燒串同粉既辣。食完晚上已經懷念起個味道，下次要再去幫襯。…查看更多

門面燈光佈置好有feel,店內陽光充足，係到食一個午餐，同朋友傾計，算係一個唔錯既享受。叫左兩個lunch set,每一個lunch set配一份小菜或點心，小菜係芽菜，酸酸甜甜，幾開胃，點心有小籠包，菠菜皮蝦餃，賣相好，食落好食足料。主食有千層豬扒擔擔拉麵，個人覺得唔會太辣，湯底香辣，加埋炸到卜卜脆既豬扒，下次再encore。而天婦羅飯略略有d可惜，再濃味d應該更好食。餐廳環境舒服，服務好，下次再黎試下d小菜。…查看更多

醫院餐就一定唔好食？一直聽朋友講呢間餐廳平得黎好食，夠鍋氣！果然名不虛傳，肉絲炒麵（$30），味道幾好，好有鍋氣！雖然平，但不欺場，肉絲真係好多，食完麵仲見到肉絲👍🏻👍🏻我叫左杯飲品，埋單$41，真心推薦！…查看更多

見到門口好多人等位，一於去試下依間日式料理。野食款式多，用平板落單，旁邊火車仔送野食黎，落單好方便。野食都ok好食，但配合價位的話，cp值不高。野食可好改良味道再突出一些。服務方面職員態度好好，整體食得都好舒服。…查看更多

新鮮牛肉麵 （$38）套餐$46，牛肉粉粉的，嫩滑有咬口，幾好食。而湯底廚師除左放炸蒜、香蔥，仲放左少少芹菜，加添香味。由於本人本身胃口一般，所以分量就岩岩好。餐廳選擇多，價錢平民，不過環境衛生可以加強！…查看更多