絆 (已結業)

絆（尖沙咀）✨SAKE佢地有一set好靚既杯揀，儀式感滿滿✨三文魚壽司、三文魚腩壽司三文魚好新鮮，入口即化，灸燒三文魚唔使點豉油都好夠味，滲出三文魚香✨鰈魚壽司好小可食呢種魚類，原來咁好食，好特別，食落有咬口✨劍魚腩劍魚腩好鮮甜，咬落好彈牙，一啲都唔腥，值得一試✨ 免治雞肉棒、秋葵牛肉卷、露筍豚肉卷免治雞肉捧特別有一份生蛋點黎食，好有意思，食落雞肉味好香；秋葵本身滑珊珊，有一塊牛肉包住，兩者好搭；露荀豚肉卷連埋燒汁，豚肉味道好出👍🏻✨豚五花、雞腿肉串豚五花肥肉瘦肉適中，一啲都唔油膩，每啖都係豚肉香滲出嚟，雞腿肉串配搭醬汁燒得好香✨百味炸原條燒茄子好特別既一道菜，炸香左既茄子，上面灑上左七味粉，炸完唔油膩，火喉把握得好好，熱辣辣配埋酒食一流✨燒原條魷魚筒一大整條魷魚，好咬口，唔韌，上面抹左醬汁，突然諗起細個食既燒魷魚🤤✨流心蛋燒飯團卜卜脆既飯焦，上盤時已切開左4份，一拉開就有蛋黃流出，好吸引，上面仲有蛋黃醬，好夾絆（尖沙咀）📍 尖沙咀漆咸道南53-55號嘉芙中心4樓