drlecter的个人专页

今晚兩條友食雞煲，黎到油麻地哩間吞pot地方好大好寬敞～樓底又高，所以唔會好焗，食完又唔會成身臭味🤣香辣雞煲我地叫左少辣辣味好夠！食到我地大汗疊細汗，洋蔥同辣椒爆香左之後啲汁好香🥰仲有唔少得既芫茜呀！雞好嫩滑好好味～加埋個汁真係不得了見到佢menu仲有其他選擇，例如花雕藥饍雞煲、胡椒豬肚雞煲同滋補螺片花膠雞煲，下次唔想食香辣或者麻辣都可以試下！配料方面我地叫左自家製鮮蝦雲吞啲蝦好大隻好新鮮，調味都一流！個皮又夠薄，食完一隻一又隻🤪仲有開心樂園餐🤣其實就係日本蟹柳、午餐肉、芝士腸同雞肉腸，簡直係滿足哂你所有既願望～仲有牛柳粒牛柳粒吸收哂湯底既水份，連埋上面既油脂一啖咬落去，成口都係牛油香😍…查看更多

兩條友食麻辣火鍋食到悶悶地，今日去左老川皇食胡椒豬肚雞鍋，食完仲可以打邊爐😍有勁足料既豬肚，三黃家雞實際係咩就唔係好知🙈不過肉質好甜好嫩，仲有大量竹笙，正呀～咁足料個湯自然好飲啦，胡椒味好重，爛當係湯底打邊爐都唔使再加醬料👍🏻配料我地叫左美國肥牛油脂分佈平均🥰仲有魔芋好過癮呀滑lut lut, 當係麵食不過得意啲同埋順德魚腐入面包住啲煙韌野，味道就同魚片有啲似，夠咸🤗熟食叫左個蒜蓉烤茄子調味好香，食極都唔夠喉😌野飲叫左杯蘋果番石榴估佢唔到咁好飲！好清新，解膩一流！…查看更多

旺角兆萬多野食就係人都知架啦，今次試哩間放題見佢好多選擇～一入去既裝修都幾日式，有啲磯丸水產feel🤣位置夠哂寬敞～一開始有兩個免費鍋二揀一，四個人可以送多一個添～分別係北海道鱈場蟹海鮮鍋同日式壽喜燒，我地就揀左壽喜燒，細細地都幾過癮🤪最重要既刺身～好新鮮，甜蝦仲有分去頭既添，非常細心🙈另外都好欣賞佢地既炸物同天婦羅，日本香芋丸同日本榴槤炸彈勁好味！好香芋頭同榴槤味，一啲都唔漏😻海老天婦羅都好新鮮呀！絕對唔會用冇咁新鮮既蝦黎炸～芝士年糕雖然好吸引，但食一舊就夠啦，要留位食其他野😬雖然主打係日式放題，但欣賞佢地仲有提供多啲選擇，有泰式同中式美食～生蝦、冬陰功都好新鮮足料！避風塘香辣炒大蝦同麻辣花螺真係好夠辣！但調味都唔馬虎，仲貼心地有分蝦仁，方便唔想剥蝦殼既懶人😛連湯都有好多款呀～冬陰功、粟米忌廉湯、味增湯飽到不得了，埋左單之後店員都細心提醒我地記得食雪糕雪條🤩…查看更多

之前都淨係係銅鑼灣食過burger room, 相比之下尖沙咀哩間就大間好多，座位都好寬敞呀～係cashier 落單落完就可以坐低慢隻等野食🤪首先黎既係蜜味辣雞翼同洋蔥圈雞翼一咬落去係超多汁，唔算太辣，但加左蜜糖甜甜地又唔會漏😍洋蔥圈都炸得好好，炸粉適量，唔會一咬落去就成口油既感覺之後係全日早餐，好豐富呀！有我好鍾意既迷你薯餅🥰芝士腸好juicy! 咬落去有濃濃既車打芝士溜出黎～炒蛋都好嫩滑👍🏻跟住係重點既burger, 蜜糖芥末大烤菇煙肉牛肉漢堡❤️我地選擇左toppings 加鵝肝，仲有好多其他選擇架，連軟殼蟹都有得加，啱哂三心兩意既人🤣漢堡同啡菇都好juicy, 鵝肝煎得好香👍🏻食完咁多heavy 既野點都叫返個沙律中和下，我地揀左帶子沙律佢地既沙律都幾多選擇，唔似平時黎黎去去都係得田園沙律同凱撒沙律👍🏻帶子超大隻！輕輕煎香已經好鮮味～沙律仲有我最愛既火箭菜！飲品我就揀左凍焦糖泡沫咖啡個樣已經好吸引，飲落好滑，唔會太甜😬食到好飽呀兩個人眼闊肚窄，下次要叫多啲朋友一齊黎share!…查看更多

因為住附近既關係，間唔中都會去石籬搵野食有時經過都見到幾多人食，今次試下哩間中菜啦😬我地去既時候尚早，座位都好寬敞，有兩張大枱，好適合一家大細黎食第一道黎既係蒜香牛柳粒牛柳一啲都唔韌，除左蒜片之外面頭仲有好多炸香左既蒜粒，非常惹味，感覺同啤酒會好夾🤣跟住就到炸子雞一擺上枱已經好香啦😍店員介紹係外脆內軟，果然冇講大話🥰外皮炸得岩岩好，唔會太老，肉質好鮮嫩，每咬一啖都感受到香脆外皮、油脂、嫩雞肉，好正！上面幾塊薯片都好得意😂鍾意飲湯既我地都叫左盅杏汁豬肺湯，潤一潤！🙈仲有重頭戲石鍋金銀蒜蝦飯因為用加熱石鍋上既關係，黎到既時候都仲好有火喉😙店員親切提醒我地要不時攪拌為免燶底，舖滿蒜蓉既蝦好香，肉質亦新鮮，因為石鍋既關係啲飯好香口有飯焦食😍最後仲有糖水送，係南瓜西米露仲要一啲都唔hea! 店員話我地知唔係用粉開，係新鮮南瓜整架！一食就食得出因為平時果啲會食到上顎鞋哂架🙈平時我都冇乜興趣，不過哩個真心抵讚！👍🏻總括黎講座位坐得舒服、店員服務親切專業、食物品質同價錢正比，值得再試～…查看更多

係尖沙咀食完飯散下步，點知落大雨！行左入海港城見到雪糕就抵受唔住引誘揀左個柚子抹茶餡蜜芭菲兩個人share抹茶雪糕除左有好濃郁既茶味，仲有好厚實既奶味！！好彩揀左柚子，佢既清新就可以岩岩好中和返，冇咁膩～食到中間有啲cereal, 同個雪糕都好夾～丸子既餡蜜都有驚喜！層次亦好分明，食到底都好有新鮮感下次要試埋另外個蜜瓜味先！…查看更多

去親茶理史多數都係飲芋頭鮮乳地瓜小芋圓～之前試過幾隻味，牛油果、草莓、蜜瓜，不過都覺得水果味唔算好突出，芋頭就比較突出同埋夾啲地瓜小芋圓好有咬口，芋頭味好重，每啖郁食到有芋頭碎😍飲到底仲有驚喜，好多芋頭肉呀yeah因為有新口味飲品推出，店員仲送左兩粒薑糖俾我😬…查看更多

葵廣多數掃街，好少坐低食野，今次試下車仔都，成日經過都好多人食～叫左雞中翼、水魷（+4蚊）同豬大腸另外沙嗲汁（+2蚊）辣汁（+2蚊）3送本身連熱飲要$45, 唔算平～選特別汁要加錢，不過加左辣汁真係爭好好好遠！加左好味好多👍🏻成碗唔同哂配料方面雞翼同豬大腸都醃得幾好，水魷好新鮮，不過份量唔算多凍柑桔蜜要加$4, 不過都幾好飲～唔算太甜👍🏻…查看更多

成日都話媽咪最犀利既地方係開左咁多間分店，每一間分店既質素都keep到一致咁好👍🏻無論服務定食物質素～好多小店做起左就會唔休做好串，但媽咪keep住有新野推出同埋服務態度好好真係抵讚架～自己食野最鍾意食原味。不過媽咪選擇真係好多同埋樣樣都好食冇中伏😍今次食香蕉朱古力，冇左平時熟香蕉果陣酸味，濃郁既朱古力令人食完一粒又一粒😍…查看更多

周不時都要去下宜家食野，比起肉丸我更加掛住既係佢個gravy 😬今日個蘑菇湯個味好古怪，有啲化學味😪好似飲梗汽油咁但係雞髀就極度有驚喜，好多汁仲要肉質勁鮮嫩，估佢唔到～🤤蔬菜薯餅就好似越黎越淋同濕咁，以前好食啲😭…查看更多

今日黎左西環海旁食法國菜，係附近行下都好舒服～訂左晚上七點所以去到都未係好多人，侍應都好熱情招待😌餐廳長方形一眼睇哂，座位間隔較近，所以都幾嘈，適合一班人多過情侶黎談心😹頭盤叫左煙燻乳鴿沙律係餐廳既signature dish一定要叫，欣賞廚師既創意同勇氣！👍🏻乳鴿因為冇烹煮過所以極！度！鮮！嫩！😍令我覺得以前食既乳鴿其實全部都係老人家黎...配上我鍾意既紅菜頭，沙律醋酸酸地好開胃跟住半打法式焗田螺牛油同parsley配合得好好，濃厚而唔油膩😇我自己叫多左個洋蔥湯，因為女朋友唔食洋蔥🙈順帶一提麵包好好味，可惜今日試唔到佢既sour dough一聞已經好香洋蔥味，消毒一流呀真係，外國人病左都係飲哩啲架咋😂洋蔥已經煮到好淋，好清甜～主菜叫左燉羊小腿羊肉燉到好淋，但係個汁就差少少，冇乜味，但又偏油仲有白酒煮大蜆個汁恰到好處，可惜蜆肉唔夠新鮮，海鮮一大敗筆😥甜品叫左法式傳統甜點Madeleine, 新鮮焗起外層好脆，入面就好鬆軟，少量切絲檸檬皮增添口感同清新，好好味🤤…查看更多

今日五個人去左奧海城牛角燒肉放題慶祝朋友生日～首先讚一讚佢地reception聽電話既同事都好專業呀，我地唔清楚唔同分店既種類佢地都解釋得好清楚🤓因為六點前入座可以平$30, reception姐姐都好好提醒我地😬我地揀左B set, 因為有和牛又平啲～盛合仲有一口牛肋肉、肩脊肉、豚肉燒同雞腿肉👍🏻放題方面任叫有牛舌、牛肋肉、豚扒、野菜什菌、蜜糖香腸等等肉類方面都好新鮮，個人最鍾意牛肋肉，叫完一round 又一 round😂最重要既牛角飯我都食左兩碗～啲紫菜加埋個汁，配上日本珍珠米真係不得了😍最後仲每位有個豆腐雪糕，好好味！唔係好甜，但好重豆腐味，個個都飽到捧住個肚走🥳…查看更多

醉鮮係一間間唔中就要去下既餐廳，因為除左野食，佢地仲有個秘密武器係令人會心掛掛要去😍個秘密武器就係佢地放仔枱面既蝦仔！！！係完全將整個湯底同泡飯昇華！！！好香口、口感又過癮❤️👍🏻照舊叫左魚湯泡飯，不過今次係食下午茶所以配左惹味雞翼！朋友就叫左秘製豬扒～個魚湯真係好好味，食得出冇乜味精～雖然魚味唔算特別濃，但飲下飲下就會飲哂😋惹味雞翼炸到外層好脆，調味一流，雞翼又大大隻😍相比之下朋友叫既秘製豬扒好似就差少少～不過佢地既份量就不嬲唔算多，食完好快就肚餓😝…查看更多

兩個人靜靜地想食串燒，荃灣哩間火狐爐端燒真係唔錯地方唔算好大，所以都係一個好地方慢慢食野飲酒價計😌雞軟骨黃金燒，軟骨連住少少雞皮同肉，相對大舊同有咬口，上面有咸蛋王真係好邪惡🤤豚大腸山葵燒，大腸燒得好脆，亦冇多餘油份，配上山葵感覺冇咁heavy!🤓大啡菇芝士燒，一切開個菇啲芝士流心架😍豆腐唐揚，都係炸得好脆冇油益味！個汁配埋蘿蔔蓉好好味～黑椒牛舌，偏重口味，加左檸檬汁係balance啲既！最後既蟹膏海鮮炒飯，有帶子、蝦同魷魚，值得一讚個飯粉得好靚！乾身同有咬口，調味亦岩岩好～炒飯好難炒得好架！👍🏻👍🏻下次會再黎試多幾款😍…查看更多

一行四人黎食哩間應該係新開既一人一鍋佢特別在係啲湯底唔會好似平時啲一人一鍋咁悶中式台式日式韓式連泰式都有！🤙🏻最犀利既係除左火鍋，仲有台式特調茗茶！火鍋可以揀辣度，亦有食物成分提醒敏感人士，好細心～店員服務態度亦非常好，又專業！姐姐成日都帶住親切笑容問我地需唔需要加湯執枱熄火，好有耐性，值得一讚呀👍🏻我就叫左個泰式海鮮鍋，因為我鍾意冬陰功湯底🤓海鮮鍋主要配料有鮮蝦、青口同蜆，當然仲有雜菜同雜菌、粟米、炸薯仔、枝竹、鵪鶉蛋等等～每樣都份量得宜，食到人好滿足，一人一鍋既好處係唔會不停不停食肉，實會記得食菜😝好足料呀～👍🏻朋友叫既招牌臭臭鍋入面有米血糕、鴨血同滷大腸😍加埋臭豆腐好似真係去左台灣咁！另外仲叫左兩個小食燒牛舌上面有孜然粉，好惹味～燒茄子上面就鋪滿蒜蓉🥰好耐冇食過咁多肉既茄子，好抵食～野飲真係令人喜出望外！本來以為店舖主打火鍋，點知野飲非常出色！我自己叫既超級水果綠妍其實就係多種水果既綠茶，有西瓜、橙、熱情果、士多啤梨等等，茶味極香冇澀味～同水果既鮮甜好夾！👍🏻👍🏻食完火鍋飲可以清清膩～朋友叫既芝士莓莓，本來想叫蜜桃，不過係時令關係冇供應就轉左藍莓，證明店舖真係只用新鮮當造既食材👍🏻清新帶酸甜既藍莓中和左濃厚既芝士，味道調較得岩岩好😍好出色呀！估唔到火鍋同野飲質素一樣咁高，下次行開旺角經過就算食唔落火鍋都可以黎買杯野飲😬…查看更多