港日泰美食放題 $259@升級任食即開日本生蠔 $138@除咗生蠔之外，仲有海膽帶子都係任食，而且仲有Hoegaarden同Stella Artois都係任飲。而出面有前菜、飲品、雪糕同甜品可以任拎，款式都唔算少。前菜拎咗最大路嘅螺肉、芝麻八爪魚同中華沙律，味道都好正常，而且八爪魚都好大嚿，一啲都唔寒暄。☺️ 即開日本生蠔 *升級食材*隻隻都大大隻，好飽滿，味道係有海水味，鹹鹹哋，配有檸檬同醬汁，如果成枱人都食嘅話，只係加$138/位又真係幾抵，朋友仲一個人掃咗一打，回晒本，而佢最後亦無身體不適，但戴返個頭盔先，大家要盡力而為，始終人人體質唔同。☺️ 海膽帶子 *升級食材*呢款比較少見，係喺某啲日本料理店到先會有，所有一嚟就點喇，佢都好大方，隻隻帶子都好厚身，方便佢中間界開放海膽，而海膽份量都唔算孤寒，以放題嚟講都真係幾抵，2款刺身都已完全解凍，口感鮮爽嘅帶子配埋細滑嘅海膽，加埋一齊真係好夾。☺️ 刺身有好多款式，我哋就每樣點少少試吓先，有赤蝦、三文魚、油甘魚、冰山蚌配三文魚籽、八爪魚、希靈魚、鮑片、馬刀貝、醬油吞拿魚、角螺、赤貝、帶子，仲有泰式生蝦添，其中比較推赤蝦、三文魚同油甘魚，赤蝦連頭上好大隻，肉質較為鮮爽；而三文魚同油甘魚都比較肥美可口，紋路都幾靚。😋 壽司佢啲壽司飯細細嚿，好啱放題食，花之戀都有好幾款，有普通款，亦有海膽三文魚米同黑松露吞拿魚蓉雙色花之戀，因為佢係用三文魚同吞拿魚去包住佢，都幾特別，軟綿嘅吞拿魚蓉，再加上本身三文魚同吞拿魚2款刺身唔同嘅口感。仲有燒三文魚壽司、燒左口魚壽司同芝士鰻魚卷都幾好食。☺️ 手卷係細細嚿，叫咗海膽甘蝦手卷，２樣都幾夾，爽甜配creamy。😉 炸雞軟骨一碟都唔少，炸到幾脆，有咬口。😋 大蝦天婦羅外脆內軟，size正常，唔點嘢都好食。😋 泰式蝦餅炸得夠脆，入面蝦肉爽口彈牙。☺️ 泰式魚餅味道較重，口感較煙韌，亦有少少彈牙。☺️ 串燒牛柳正常發揮，肉質軟腍唔柴。😋 炭燒豬頸肉好食，外脆內軟，而且唔算太肥。😋 泰式燒羊腩有一層薄脆皮包住，本身擔心佢會唔會好韌，點知原來肉質都幾軟腍，值得試。🙂 泰式燒元貝係用蒜蓉去做調味，唔會太鹹，同埋燒完嚿肉都仲好大嚿。☺️ 冬陰公湯熱辣辣上枱，好紅，但唔係好辣，一人一半share就啱晒。☺️ 甜品全部都係喺出面拎嘅，當中提子啫喱同榴槤糯米滋，啫喱除咗唔會死甜外，提子味都算出；而糯米滋外面嘅皮係軟糯，入面有榴槤肉，又香又軟綿。😋 雪糕我哋揀咗抹茶味同曲奇味，味道都ok，正常，打開係花形，同埋唔算十分甜。…查看更多
