岳川串揚 (已結業)

經過見到新餐廳，又有全日優惠套餐，入邊都企企理理，就去試吓。其實平時好少去串揚餐廳度食，估唔到有驚喜！💓佢每個餐都有跟罐裝汽水，又有麵豉湯，又有漬物：相對都幾豐富。串揚方便不得不讚佢個香菇同埋年糕，本應係食肉獸嘅我都覺得好好味😋佢啲炸皮好薄，香菇菇味好濃，好突出，年糕好煙韌，啱啱好👍🏿無過熟或者唔熟嘅情況，所以兩個都好值得試人而其他肉都OK，我試晒豬牛雞，特別推薦豚肉秋葵卷串，有三嚿，好抵食 而且佢有秋葵嘅配合令到油膩感下降，個人覺得配搭得幾好最後亦都叫咗個特價餐嚟試，本應純粹諗住特價餐，燒雞扒烏冬冇咁易出事，點知佢係有驚喜！雞扒表面燒到香脆不特止，啲肉質重要唔嚡，而湯烏冬就正常發揮，不過佢啲烏冬唔係平嘢嗰啲，幾好味！