mk chan chan的个人专页

之前同呀囡黎過，佢好鍾意食呢度既牛肉湯台灣麵，所以今日再次幫襯！😁😁清湯蘿蔔牛腩肉燥飯肉燥銀芽肉燥唔肥，稔晒，亦唔太咸，味道剛好！拌銀芽或飯食都一流！湯唔會好油膩，清得黎又有牛肉味！牛腩部位夠靚！又肥又瘦又有筋，但好稔，入味，好好食！酥炸排骨，燉牛肉湯台灣麵麵好彈牙，軟硬適中！個湯好香，有牛肉味，拌麵食一流！排骨即炸，好酥脆！粉唔會太厚，入面排骨好juicy!最中意點佢個千島醬，好夾，好好味！鹵水拼盤有雞翼、牛肚、牛展、豬耳同鹵蛋種類豐富！鹵得入味又唔會好重手，好好食，自己可以食晒一碟！芝士奶蓋烏龍茶同黑糖珍珠鮮奶佢地既珍珠做得唔錯，好彈牙，有咬口，唔會融晒甘份量夠大杯，好飲！會再黎既餐廳之一！…查看更多

朋友自遠方來，搵間好餐廳一齊食好西，傾下計！呢度係不二選擇！餐廳唔算好大，坐得舒服，又唔會好嘈，服務周到。叫左兩個一人套餐，勁多野食，食到好飽😎😎Earl grey coffee ，淡淡既Earl grey 味同咖啡味好夾！餐沙律呢度一人份，都唔少，沙律菜多新鮮，沙律汁酸酸地，好開胃！三文魚湯材料豐富，個湯濃郁。每人有兩只不同款既生蠔呢只係西班牙，好大只，食落好creamy 呢只較濃味，海水味重啲。韓國蠔好好肥美，食落好清甜，好好味！每人仲有兩只牛油煎大蝦蝦肉好爽口，好大只，好甜美，用牛油煎到好香口！加拿大斧頭豬扒豬扒最驚啲肉好鞋，但呢個啲肉質唔鞋，juicy ，夾住蒜片食好夾！青醬雞肉意粉青醬同意粉好夾，好香！雞肉都好嫩滑，整得唔錯，好食！好滿足的一餐！食到好飽！食物同服務都唔錯，值得再去！…查看更多

今日去大館經過一間新開嘅奶昔，啲店員好熱情咁同我say hello。野飲樣樣都好吸引，最後簡左杯芒果乳酪奶昔，真係十分有驚喜！！啲料落得超級足，好濃芒果味，又香又甜！之前都試過喺內地同香港唔同分店飲過，中環呢間特別好飲。朋友叫咗芒果乳酪杯，望住個店員落咗四大勺芒果，頂同底都有，啖啖芒果肉，好香香甜，好抵食啊。聽其他人講牛油果乳酪都好正，係落咗成個牛油果入去，都好吸引我～唯有下次試啦不過個地方有少少偏，係士丹利街，對面係大家樂，斜路轉角就見到啦，不過咁好飲偏少少都ok 啦…查看更多

之前食過海鮮蒸汽鍋，一試難忘，成日想食！呢間係朋友介紹，帶我黎既，話呢度啲海鮮好新鮮，又多種類！最正既係全程有職員幫你蒸，每款海鮮蒸既時間計到剛剛好，好嫩唔會老！職員首先加左個粥底，再蒸呢盤海鮮！每款時間都唔同，職員又記得好清楚喎！由易熟，無甘濃味既開始蒸，只需坐定定等食就ok😏台灣花尾龍躉片好厚身，食落好有口感釜山珍珠蠔好creamy,漲卜卜，好味！蟹皇大元貝蟹皇好濃郁既蟹味，元貝大大只，好好肉，兩者加埋食超正！台灣九孔鮑魚好大只，厚身，蒸得剛剛好，唔會韌大西洋野生青口同紐西蘭刀貝蚌兩者海水味較重，所以咸咸地，食落更清甜！加拿大野生海虎蝦蝦好新鮮，食落又甜又爽口！跟著到要蒸耐少少既琵琶龍蝦同蟹野生膏仔蟹蟹如其名，好多膏！蟹膏好濃好甜美！蟹肉勁多，好清甜好嫩滑！超好食既蟹！！琵琶龍蝦，平日少見同未食過肉質同平時既龍蝦差不多，好爽口，蒸得又嫩滑，啖啖肉，正！最後蒸既係蔬菜，亦係成晚唯一會點醬油既食物，好鮮甜！粥底好香，有晒海鮮既精華，再加埋排骨同菜莆等，個粥好好味！兩個人食呢鍋粥好飽！好滿足既一餐！價錢唔貴，食到呢個質素既蒸汽海鮮好抵！會再去！…查看更多

同朋友食晏，見到呢度韓國食物多種類，價錢又實惠，就黎試下啦！炸雞係必叫啦！有好多種口味，如果想試多幾款可以叫細份，食多幾只味！可惜我地兩個女仔食唔到甘多，只係叫左蜂蜜牛油炸雞，無骨。新鮮炸起，仲係熱辣辣！外脆，肉質好嫩滑，無雪藏味，甜甜既蜜糖同香香既牛油係絕配，好好食！！牛肉紫菜包牛肉有啲肉汁，飯唔會乾晒，有軟軟的，包住青瓜等食材，好食！吞拿魚拌飯材料好多，個醬唔算好辣，岩晒唔太食得辣既我，撈埋一齊食，正！睇韓國綜藝節目多，佢地成日食炸醬麵都食到好滋味，今日就忍唔住試下啦！首先，個麵好彈牙，軟硬適中。炸醬好多，但唔會太咸，甜甜的。撈埋個麵食真係會食到”shu shu “聲，正！飲埋杯野就完美啦，食到好飽！值得再去！…查看更多

元朗新開無耐既日式放題。😏七點零黎到要等位，所以最好book定。地面有職員安排入座，餐廳係地庫，雖然地庫，但電話網絡都收得幾好既！升級左個餐，有生蠔食！望落大只，肥美，食落鮮甜creamy刺身鮮甜，魚刺身厚切更有口感！呢兩款魚一定要食，超級好食！西京燒比目魚！個汁甜甜地，燒到外脆內軟，好香口又美味！燒饅魚唔係好多日式放題有甘靚甘大舊既饅魚！好厚身，食落好有口感，咬開好爽口，仲有啲肉汁！食左成十舊，超級好食！壽司細細件，黑松露饅魚壽司好香，配合饅魚汁好食！芝士燒大蝦蝦肉爽口，鮮甜，配合芝士食又另一番風味章魚燒剛整超，所以熱辣辣，材料豐富。呢度仲有個特別之處就係有幾款手調飲品！最好飲係紅豆抹茶，紅豆夠稔，抹茶一啲都唔孤寒，好濃！平時出面買都三十幾蚊一杯，依家梗係飲返夠本！呢度既甜品都有心思，唔止係現成既泡芙、蛋糕件，而係銅鑼燒、pancake 、waffle 等，好食、唔錯！呢度手機落單，上菜都好快，坐得舒服，值得推薦！…查看更多

環境舒適既親子Café今日襯天氣好，約左朋友帶埋囡囡去啟德郵輪碼頭行下! 玩到熱熱地，入左紙飛機親子餐廳食下午茶。之前都有聽朋友提過呢間餐廳，今日終於有機會入黎試下! 一入到大門已經見到好多聖誕既裝飾，幾有氣氛! 場內環境都好舒服，可能因為平日既關係，唔太多人，小朋友係埸內都有足夠既地方走動! 囡囡見到個波波池已經興奮到即刻跳左落去玩! 波波池相對地都算大！夠空間 整體場地唔算好大，但有齊哂唔同既玩具! 小型彈彈床, LEGO, 煮飯仔等等都齊備! 最重要係幾乾淨，部分既玩具都好新，小朋友都玩得好開心! 而我就覺得呢個CORNER係最特別! 將來可以包場開Birthday party 或者Xmas party! 現成既backdrop同埋一大班小朋友可以分幾行黎影相效果應該唔錯!另外兒童餐都好吸引! 囡囡最鐘意食熊熊奶黃蒸包，好鬆軟，味道唔太甜; 而個炒麵都唔錯，但份量比較多我地都食唔哂。我最欣賞係跟餐送既BLESS 100%果汁! 出面好難買到!自己叫左個肉躁麵，好大碗，手工麵彈牙，超飽！係一個小朋友放電，媽媽食野既好地方！推薦！…查看更多

老公生日,所以簡左佢最鍾意既韓式餐廳, 唔想咁普通, 所以係網上搵左D 資料，最後選左圓方既ANJU。睇裝潢同菜式似係新派既韓國菜式，去前都充滿期待! 網上介紹話其店名ANJU係源自韓文安酒（anju）的傳統（佐酒美食的意思），再結合西式烹調風格，所以幾特別，值得去一試! 飲品叫左Mango 同melon mocktail 見到兩條Melona 雪條好有韓國feel ！好飲！醬油帶子鮑魚醬油唔太咸，剛好。帶子同鮑魚好新鮮，爽口，味道甜美! 面頭仲加左三文魚子作點綴,更加美觀同有口感! 韓式烤牛肉包韓式烤牛肉有牛味，醬汁帶點甜味配上泡菜好特別！而青瓜同生菜清新，成個包都好好味！醬烤五花肉呢個超好食，需要必既菜式! 五花肉烤到外脆內軟，好JUICY! 夾埋生菜、紫蘇葉、蔥同醃蒜等，令五花肉既味道提升，又可平衡五花肉的油膩,雖然我覺得唔算太油。韓式海鮮拼盤可以選泡菜湯底或鮮甜魚湯，因為我地唔太食得辣，所以選了後者。而海鮮我地選左蝦、帶子同墨魚仔。海鮮好鮮甜，份量又多。個湯本身有好多配菜，如魚糕、蘿蔔、翠肉瓜等,成個湯好鮮味又大份，超滿足! 上枱時所有材料係放入特製袋內，再稍稍搖勻，等個湯底充份滲進食材內，又可以保持溫度! 打開個袋時熱氣湧出來，味道又好香!最後又點會少得甜品呢！AffogatoHazelnut 雪糕，再配espresso 同一shot makgeolli ，加幾多由自己選擇，淋上去後食味道提升，好有層次感！Poached pear呢個似中式糖水crossover 西式甜品既感覺，因好重既薑同紅棗味，好味得黎又幾特別！好滿足既一餐，老公都好滿意，食物同服務都好好，會再去！😎😎…查看更多

食完覺得呢度係lunch 既幾好選擇，野食好食，地方夠大又坐得舒服，約人傾計食野不二選擇Set lunch 都幾多選擇，包餐湯或沙律，主菜同飲品，樣樣都好吸引！個蒜蓉包暖暖地，好脆，好香蒜蓉味！蔬菜湯夠濃又滑。加左個韓醬雞翼剛炸起，超熱，外皮炸脆，內裡既肉好嫩滑！點埋辣辣地既韓醬，好惹味！主菜叫左rib eye steak 好大塊，都算厚身，唔會太薄，食落有口感。牛扒煎到好香，切開入面好嫩滑，稔稔的，好香牛味！yummy!配菜既薯條係粗薯，炸到卜卜脆，好味！芝士蛋糕芝士味好濃，好幼滑，配合士多啤梨醬既香甜味，兩者好夾，好好味！呢個+$20，抵食！士多啤梨奶昔外表已經好吸入，飲落係香甜既士多啤梨味，仲食到粒粒果肉，好好味！好滿足既一餐！…查看更多

同朋友兩個黎開餐，簡左間坐得舒適既日式餐廳！呢度最得意既係齋聽餸菜名唔係太知係咩黎🤣🤣相信老闆用左好多心機去改甘特別既名😎😎有午市套餐，款式多，唔算貴。我地兩個人叫左四樣食物，食到好飽！柚想蝦你超大碗既沙律！聽菜名估到入面應該有柚子同蝦🤣其實入面仲有沙律菜，蟹籽，牛油果，中華沙律同蘋果等。好新鮮，好有口感！煙花擺碟真係有煙花既感覺！面頭係好多既吞拿魚蓉同蟹籽，而壽司飯入面係三文魚，魚好新鮮、甜，成舊食好滿足！蜘蛛燒汁淋到好似蜘蛛網甘，我估因為甘而名名燒汁淡淡地，唔太濃，唔會搶晒其他材料既味道。入面有軟殼蟹、牛油果同蟹柳，材料豐富，食落好好味！炸芝士年糕即炸即上，所以食落好熱辣辣！年糕外脆內軟，好有口感，好味！唔錯既餐廳，會再去！…查看更多

觀塘食飯真係好難搵位，好彩早左出去食，咪晏少少都有排等位！朋友簡左食潮叔，位於駱駝漆四樓我叫左個一人火鍋，幾多野食，食到好飽！湯底選左莞茜皮蛋清甜，多芫茜打邊爐個醬料好重要！最中意食個沙茶醬，甜甜地，又香！肉我選左豬板筋第一次食呢個陪位，望落同食落既質感好似豬頸肉甘，一啲都唔肥，好爽脆！好特別！蔬菜籃有生菜，娃娃菜、蕃茄等，好新鮮，個湯唔油膩，所以食落好清甜！五寶丸牛丸同魚蛋都好彈牙！艺士丸多芝士粒，好味！食埋個蟹王麵就飽晒！個麵滾一陣就得，好爽口！干炒鵝肉蟹王麵麵炒得乾身又爽口，味道剛好，唔好太咸或太油！炸墨魚餅熱辣辣，好多墨魚肉，食落好爽口彈牙，配埋面頭既芝麻香料好夾，好食！唔錯既一餐！…查看更多

同屋企人去食，六點零時唔算太多人，高峰時係八點零鐘，坐無虛席！除左雞煲，佢仲有晚餐外賣，都係$50，食得過！晚市二百蚊有找，種類都算多，幾抵食！湯底有好多種，我地簡左雞煲，走辣，如果食得辣既要辣應該更惹味！呢度雞係四人份，但唔夠可以任添加既！雞件好入味，肉質嫩滑，雖然醬汁唔辣，但都好好味！食完雞就可以叫職員加湯打邊爐！炸饅頭都係呢度特色菜！即叫即炸！外脆內軟，點埋煉奶食一流！我自己都食左三個！醬料自助區汽水櫃，同咖啡奶茶果啲都係任飲。鯇魚片厚切，好大塊，食落好新鮮，無泥味！食左勁多豬潤同鵝腸，好爽口！肥牛唔太肥，望落去色水都新鮮既。仲有可以任叫吉吉家既芝士竹輪，好味，可以食到夠！蔬菜都好多選擇，夠新鮮，吸晒火鍋啲精華，好甜！整體上唔錯，會再去既餐廳！…查看更多

約個好耐無見既朋友食飯傾下計，諗起呢度最適合不過，可以飲返兩杯，又有串燒送下酒，唔錯！左邊係Peach mojito，右邊係Godiva chocolate 兩杯酒味都不會太重，岩晒唔太飲得多酒既我我簡既Godiva chocolate由奶同酒組成，飲落好特別，仲幾好飲添！串燒望見都好吸引！即燒起，好香，食慾大增！燒白鱔好厚肉，好大件，無骨！食落外皮脆，內裡肉嫩滑，加埋啲燒汁、香料去燒，好惹味 ，好好食！芝士黑松露大啡菇黑松露好香！內裡係融化既芝士同蛋，配合埋個茹食好夾，好好食！蜜汁燒黑豚肉燒得好靚，焦焦甜甜既味道令人食完想再食！黑豚係唔同啲，啲肉好juicy 好稔！炭燒牛扒時間控制得好好，剛好熟，所以好嫩滑，又有牛味，$49好抵食！明太子燒玉子，啖啖玉子，正！甜甜地，濃蛋味！呢個必食！招牌珍寶生蠔串生蠔好大只，面頭佈滿燒汁，咬落去好creamy 好juicy ，超級超級好味！香葱燒扇貝大大只，好好肉，好香香葱味，夠晒爽口彈牙！好滿足既一餐，同朋友一路傾一路食一路飲，坐左好耐，一個舒適既地方！…查看更多

約朋友食Tea傾計，諗起之前黎黎過呢度，覺得唔錯，就同朋友一齊黎啦！位於美麗華商B1，有幾間餐廳，唔算多舖頭，所以都較靜既，可以舒服甘傾計伯爵茶鮮奶朱古力飲拉花既朱古力，心情都靚啲！朱古力味濃，滑，有好香既伯爵茶味，兩者好夾！好岩飲！凍mocha 夏天飲凍野一流！夠冰凍但又唔會溝淡晒煙三文魚多士沙律多士煎脆，外脆內軟。三文魚份量好多，有四大片，香煙薰味，好食！中間有蛋同蕃茄，加埋香醋沙律，夠新鮮夠fresh!食完好飽！香蒜忌廉雞腿焗薯片剛剛焗起，時間控制得好好，雞脾鮮嫩，肉質好滑。無骨，啖啖肉！好味道！薯仔切片，容易入又夠稔。最後食返個生酮宇治抹茶忌廉捲作尾剛剛好！抺茶蛋糕好鬆巨，中間cream 好creamy ，兩者都都好重抹茶味，又唔太甜，好好食！好滿足既一個Tea time !…查看更多

呢度地方好就腳，西鐵站經商場天橋行過黎就到！叫左杯咖啡、意粉同蛋糕，好飽！！白咖啡 有拉花好香濃，奶味較重但又不失咖啡既味道，岩我口味！！厚切煙肉卡邦尼意粉煙肉因為厚切，所以唔會好乾，好稔，有少少似煙鴨胸既口感😆有煙薰既香味！好食！意粉軟硬適中，個醬汁好好味！好多又好creamy !岩晒我！配搭得好好！👍🏻👍🏻香蕉蛋糕材料好足，上枱前會整一整熱。好香香蕉味，蛋糕鬆軟，一件好大件！！所以食完以上超飽！唔錯！會再食既餐廳！…查看更多