chilldream的个人专页

每次想食串燒，無論係油尖旺定觀塘收工，一定會專程入嚟元朗，講起串燒暫時無一間能比美泰豪燒。有圖有真相，每串份量絕對唔揸流攤!厚切翠肉瓜每次必點，爽脆Juice，唔會出水出到成塊淋晒，又唔係燒到乾爭爭。今次仲叫左芝心丸，一串5粒，芝心丸嚟講第一次食呢隻隋圓波形，驚喜高質，好食過平時打邊爐四四方方個隻假芝士心。其他就唔一一介紹，隔住個mon都應該睇得出有幾高質量吧，泰豪燒絕對唔係得個殼。茄子又係必叫!!! 可以連皮食嘅燒茄子去邊搵？食燒烤好怕啲蔬果類出晒水，淋晒，無口感最後想介紹下個牛舌，上枱一刻真係嚇一嚇，一般食肆都係切到薄一薄，得兩三塊，差不多嘅價錢係呢度係原條上，仲要一串兩件！都係個句，有圖有真相，配料味道剛剛好，唔會重口味到連本身食材嘅味都遮晒！讚讚讚👍🏿…查看更多

兩丁友做完野行完街勁肚餓又諗唔到食乜好，放題一定係最好選擇，乜都有得食又唔駛煩。行行下見到街邊易拉架寫住百令蚊韓燒，反正我地兩個都好幾年無係香港食韓燒，一於trytry 啦。食物種類都好齊全，有三文魚刺身、有壽司類、有韓式前菜、味道唔錯，刺身都會keep 住refill，唔駛等唔駛搶!食韓燒主打當然食肉類啦，該有嘅都有！最喜歡嘅咖哩魷魚都有，醃得幾好，夠晒入味。飲品方面都好多選擇，連可口可樂,忌廉都有甜品有軟雪糕，又有得自己整綿花糖…查看更多

月頭去完泰國瘋狂食泰菜後,月尾又好想食泰國野.平時通常食地道泰國人開嘅小店, 咁啱就快生日,當然想揀返間食好啲, 見到呢間又有海景環境又唔錯就一於trytry.打頭陣一定係冬蔭公啦～一大隻大頭蝦，湯味道有點咸，隱約帶點辣同酸。豬頸肉炒飯，炒得好香，飯粒粒分明，入面仲有豬頸肉粒。小食拼盤～種類配搭得不錯，有晒一般人都愛點嘅小食，最後當然要試埋甜品啦，反而無叫芒果糯米飯，叫左呢個焦糖薑汁燉蛋，薑味濃郁，全餐飯最驚喜…查看更多

接好姊妹收工+行街街日，荃灣真係好多野行啊，行到腳都斷，想搵間舒舒服服又可以坐耐啲同好姊妹傾下計食下野飲下野，首選當然是Cafe啦，見到openrice呢間近近地，簡潔嘅門面同野食都好吸引。好彩嚟到啱啱好有位✌🏿 作為薯條怪嘅我地緊係即刻點返個黑松露醬炸薯條，新鮮熱辣粗薯條，外脆內軟，個醬簡直好味到停唔到！呢個白酒蜆肉意粉煮得好好，意粉唔會煮到過淋，味道清新唔會過咸。豬鞍架配薯角又係薯仔，香脆好味。…查看更多

做完野同朋友係太子唔知食乜好，辛苦一日緊係想搵間舒服又好食嘅餐廳啦，行行下經過見到間咁有格調嘅餐廳緊係即刻衝入去trytry啦不過可能太晏啦，無羊鞍，無肉眼扒，所以兩個人叫左份西冷牛扒、小食拼盤同飲品。南瓜蓉湯果然足料，濃濃南瓜 清甜南瓜味。扒嘅賣相都唔錯，不過個人認為筋比較多。個人口味嘅野，一定有人鐘意慢慢咬筋。新鮮熱辣炸物，芝士條必點喔！濃濃芝士拉絲拉絲！飲品揀水蜜桃特飲，清清甜甜，入面仲有雜果粒粒，感覺很Fresh~…查看更多

難得入到元朗就試下元朗地膽朋友推介嘅串燒，坐低無耐先上前菜，店員話可以唔要架，唔係強迫消費，有得揀你話幾好，蘿蔔同翼尖正中我心，加上燒物需時有嘢咬下真係好細心。醃得非常入味，又夠淋，呢個前菜令我兩非常期待第一碟嚟嘅~燒牛柳粒，燒得非常好，唔會太硬又唔會太生 翠肉瓜係厚切，燒完好爽口，仲好juicy冬菇，鴨胸~~整體嚟講蔬菜類燒完出黎唔係出晒水林patpat，肉類都唔會燒到好乾爭爭，調味料唔係一堆味精蓋過雪藏味，材料選取得非常好，可見老闆應該係燒烤愛好者先咁有心蒜炸魷魚鬚一上枱熱辣辣非常香口彈牙，好耐都無食過咁好食嘅炸魷魚鬚，完全無油膩味，食到底都見唔到一滴油。烤魚都超高水平，無雪藏味，皮燒得香口，魚肉唔會太乾身 茄子真係要重點推介，食過咁多間燒烤店，只有呢間做得非常出色，燒完無縮水，仲可以連皮食，用刀叉輕輕一切，每啖都充滿蒜香味，又不失茄子嘅juicy…查看更多

自從上年去完越南旅行返黎都好想食返碗似樣啲嘅越南粉同小食，去完通X琴行見到樓下就有間越式餐廳個名咁有趣就試一試啦。麵類有得揀份量，實在太貼心，一份MENU仲有香草類知識，又有野食又有野學兩個人的晚餐，首先來個小食~燒豬頸肉，伴碟有最愛既酸羅白絲，豬頸肉燒得啱啱好，唔會咬落乾爭爭，加上炸蒜嘅配搭簡直一流再來小食拼盤：牛油雞翼，蝦餅，春卷!即叫即炸，非常香脆，蝦餅入面真係蝦嚟架!非常彈牙主角當然係呢碗Large size 特式牛湯粉~入面有生牛肉、牛柏葉、牛坑腩、手打牛丸等六款不同牛，湯底濃郁牛味，配上不同口感既牛部位完全帶出越式精髓，到而家都回味緊個湯底飲品方面當然要叫返杯越式咖啡沙冰啦~咁先夠完美一餐越菜嘛!呢杯牛油果奶昔夠晒特別，奶香十足，啖啖牛油果香味，味道非常夾 喜歡牛油果味道必試!!!…查看更多

差不多每個月都會嚟Megabox附近做野，做完野勁肚餓又勁想食日式嘢，衝過黎九秒九買完bb嘢行兩步見到竟然新開左呢間餐廳有壽司食，當然即刻坐低trytry。用pad點餐真係好方便，每次點四樣，落完單等兩三分鐘就有得食打頭陣當然嚟個刺身，油甘魚夠肥美，啖油真係到而家都回味緊。對海膽要求極高，因為一唔新鮮感覺就好似pat shxt 咁...呢間絕對擺得入口，一個字"鮮"，必叫壽司同軍艦都無伏，醋飯唔會一夾就散，味道合適炸物叫左炸雞，芝士春卷，餃子雞翼. 樣樣都非常好，即叫即炸，餃子雞翼一嚟到相都唔記得影就食咗，因為實在太香，襯熱食!芝士春卷雖然望落細細條，但芝士味濃郁，食完又唔會太漏，好怕食到頭皮發麻，呢個份量剛剛好。至於炸雞，咬開入面好juice好香口蟹子沙律，蟹子夠多，沙律醬又好足，醬汁怪表示滿意兩個人加埋一先三百蚊，雖然擺盤比較簡單，但食物質素非常好，好過啲整色整水擺到勁靚但只得外表又收到貴一貴既餐廳，九井壽司抵食…查看更多

年初四一丁友係附近搵晚餐食，求其茶記啦，見佢裝修夠晒old school 應該都唔差既。就試下干炒牛河啦，色水幾好，夠穫氣但油左啲囉，不過牛肉真係好多食，唔硬，有肉味，河粉唔會一patpat，總體幾好架!…查看更多

收早經過，八點幾唔駛排隊，緊係即刻買個返去品嘗，只有原味，啱晒，最鐘意原味。全程車聞住好香既蛋糕味，可惜返到去已經凍咗，但都一樣軟綿綿，蛋味超香，個個朋友食飽飯都忍唔住呢個香味要食返舊不過緊係新鮮出爐熱辣辣最香最好食啦…查看更多

一點鐘呢d放飯時間，兩條友搵地方食lunch，周圍都咁多人，譚仔竟然唔駛排隊，叫個過橋米線乜餸都有唔駛煩，估唔到除左三x，佢都有蕃茄湯揀，味道同三哥唔同，呢間濃郁啲，仲叫左個蒜泥白肉，但個汁就無三x 咁好食。…查看更多

天氣回暖返終於可以食下撈檬，今次整返個泰式燒雞髀撈檬。一打開嘩左聲，好貼心，切開咗，食得方便～隻脾都估唔到咁大隻，又好香口，啖啖肉，即使叫外賣檬粉都唔會漿住變左一pat野，40蚊咁好味，讚…查看更多

朋友團聚話要打邊爐，一行十個嚟做火鍋撚!當然叫到成枱野食啦，象拔蚌、三文魚、帆立貝、手切牛肉、脆魚皮、餃竟然有午餐肉餃、手打丸...... 整體都新鮮好食!咁多款最出色係腐竹雞蛋糖水沙冰…查看更多

念念不忘既拉麵，今次試下黑王先，墨汁湯底，成碗黑蚊蚊，湯底好濃郁，好香，叉燒就差少少，可能比個湯蓋晒d 味? 無乜肉味麵就唔駛講，軟硬適中幼身拉麵，最後當然成碗湯飲晒…查看更多

開張無耐食過一次，一直都念念不忘，實在太好食!菇，羊肉，牛柏葉同蘿蔔，配薯粉，微辣，薯粉吸晒湯底味，勁好食，又唔會煮到太淋，配料都好出色，仲有酸酸豆，同酸菜，簡直係尖沙咀四川粉之霸!…查看更多