Foodlemonbabe的个人专页

已經好一段時間無寫reviews, 呢間真係甜品失望至極，想寫低唔想大家中伏。慶祝生日，朋友 suggests 嚟呢間，話soft opening 時食過，覺得上次幾好食，不如再去，佢唔介意再食多次，我又未食過，於是就book 了食晚餐。開業唔夠三年已經拿到一星同綠星，呢個點亦係我想嚟既原因，呢到重點係食local 食材，但好可惜今餐我無感受到local食材有咩特別好食，感覺好似係佢話用咗就係特別咁。全餐頭盤到主菜都係正常，頭盤既擺盤好靚好精美，feel 到有心機整的，味道都算ok, 最好食係個生蠔，食到呢個生蠔好驚喜，主菜既話龍蝦都算幾好食，魚都好嫩，只係我同朋友都覺得ok 好食，但呢樣嘢又無咩特別，好多西餐廳都做到，米芝蓮餐廳做到就無咩特別。乳鴿嚟講，我去之前睇過menu, 見到人地既 pigeon好吸引，但係我去到既時候，個pigeon 唔同樣，呢個位好失望，不過我知無guarantee 既，味道都算ok.如果就咁end 既話，我反而覺得係一間ok 既餐廳。可惜衰係個甜品到，甜品走一個fusion 風，啲人話色香味俱全，佢係由個樣我已經唔鍾意，好hea, 頭盤整得好靚好有心機，甜品相比起好求其，味道更係一言難盡，我自問唔識欣賞，唔明點解第一個甜品後勁有陣膠味，難食到我想放棄，今年都食過好幾間米芝蓮，佢成功成為我食過最難食既甜品既餐廳。朋友都覺得好失望，話之前嚟個甜品好好食，今次個甜品食完我只係記得，頭兩個都唔好食，第一個個脆紙仲有陣奇怪既膠味，第二個個脆片圈好多餘，諗哂又有啲油益味，仲有一切彈到周圍係，點解唔用個tart 做底呢？食落好唔方便。食咗兩個下下既甜品，我只係希望佢最後既唔好再fusion, 只要佢一般，我已經覺得好好，起碼比我好好咁總結呢餐，好彩既係最後三樣都算係咁。如果佢係普通fine dining 餐廳，甜品難食，我都可以話佢頭盤同主菜ok, balance 返，唔會咁harsh. 但佢係米芝蓮一星喎，咁既甜品，我覺得完全唔合格。可能係佢太fusion, 又或者係我唔識食呢啲fusion 甜品啦，我個人比較鍾意classic 啲的。…查看更多

有位朋友好鍾意食莞茜，所以同佢嚟咗呢度食莞茜火鍋。💚入到嚟首先見到一大堆菜同醬料嘅section, 另一邊就林林總總嘅飲品，選擇都唔少喎😛😛😛一坐低，親切嘅店員們已經擺低我哋叫嘅湯底，除咗莞茜湯底，我哋仲叫咗花生沙嗲湯底，好似幾特別咁。個莞茜湯好重莞茜，除咗個湯綠油油之外，頂頭仲放咗好多莞茜，食食下會夾到一堆莞茜，朋友表示，爽呀！！岀去拿吓啲嘢食，醬料都幾齊全，有齊辣油丶蒜粒丶蔥油，最緊要係連莞茜份量都好足（岀去打邊爐最忌係啲醬料成日俾人拿哂又唔refill, 呢度就無呢個問題👍🏽👍🏽幾時去都有足夠嘅份量畀你仼拿），熱食選擇都唔少喎，但我哋今次打算主攻食肉，就無拿到了。菜嘅section 啲蔬菜，都好新鮮，又做好鯨乾水嘅step☺️ (最驚拿到個兜都係水）。夾好啲菜，就順便過對面拿埋飲品，佢有一個小雪櫃，入面就有啲菊花蜜丶咸金桔咁，另外仲有兩部汽水機，一部就岀可樂丶檸茶嗰啲，另一部咖啡機就提供咖啡丶紅茶丶朱古力等，我就㩒咗杯熱紅茶加冰☕️🧊。拿到返埋位，啲肉都上齊了，有個木架放住個兜，感覺都幾chill. 今次主打食澳洲和肩肉，雪花適中都幾靚仔，食落滿口牛味，唔錯唔錯🥓🥩🥘，食完覺得，莞茜湯底適合淥菜同丸，肉嘅話落落花生湯底就夾啲，因為我哋都係重口味一族🤪🤪🤪另外推介佢個山原島阿古豬梅花，片得算薄，脂肪啱啱好，食落亦好重豚肉味😚今次食飯坐得幾舒服，張枱夠大sofa 位又好坐，亦夠哂位擺肉。😚👍🏽店員們非常好人，每次經過就會幫手加湯，唔好睇個鍋細細，架咗幾次湯，個莞茜仲係keep 到隻綠色😹😹個花生沙嗲湯嘅味仲keep 到。👍🏽其實仲有個甜品section, 有得食cheesecake 同waffle 但係真係太飽，食唔落了😹😹…查看更多

本身諗住一人叫一個甜品😏，一openrice 見到個冰大到嚇親😏😏，仲話唔想share, 點知一入去坐，見到隔離個枱人個冰，大家都知搞唔掂，所以都係share.🥸🥸🥸個冰大到呢🤩🤩，兩個人都食唔哂啦🥳，自問唔太鍾意食啲QQ 既嘢，鍾意食布丁多啲，布丁分左兩隻味，杏仁同原味，都好食🍮🍮🍮，冰嚟講🍧🍧，我都係鍾意日本幼冰多啲，但其實呢度既味道都ok. 😺😺會再去的。👍🏽🤩…查看更多

好耐未食過燒肉，今日決定食返餐勁既。一上到嚟，見到門面幾靚，舖頭都幾大，兩個人食都會畀四人枱，一定夠位放哂啲食物，又唔會坐得好迫，可以好好享受下。😌😌😌店員超級好人，由帶位都入座都好好服務，一坐低就擺低哂唔同配菜，可以一路食一路睇餐牌。嗌咗嘢唔洗 5分鐘，就有嘢上喇！😙😙五花肉夏胡麻沙律無諗到咁大份，兩個人食差啲食唔哂，啲沙律菜好鮮甜，豬肉整得啱啱好，重豬肉味，襯返胡麻醬食，估唔到又幾夾。😆😆特選黑毛豬五花肉超厚肉有三條，夾生菜食啱啱好，唔會好油又唔會好肥，睇佢顏色就知佢質地ok 啦，仲好細心咁幫我哋𠝹開咗🥰，等佢易燒啲同平均受熱啲！☺️海膽和牛卷海膽好甜好鮮，睇個色都知ok 啦，平時有啲舖頭會帶點淡黃同灰色，呢度完全唔會，所以食落都幾鮮甜架。配紫蘇葉食，就再帶一股清新既味道！😎大墨魚嗚嘩，未試過食咁大塊燒既墨魚😹，上到嚟見到咁大塊，好驚喜😙😙，又係又幫我哋𠝹塊，燒起上嚟無咁易燶呀。本身有啲驚會好硬同好un, 或者會好難咬，點知完全唔會，用較剪一剪就剪到，咬落去質感係比較爽嗰種，一路咀嚼一路食到墨魚味。隔離有啲醃咗嘅墨魚，食落又係另一種風味！😛和牛牛舌二食分咗兩款，一個普通，一個有大量香蔥😛，其實應該點燒架呢？我哋唔識，搞到啲香蔥跌哂落個爐到😹呢個就屬於薄切既牛舌，都幾好食！壽喜燒和牛西冷最有驚喜就係呢個，上既時候見到均匀既雪花已經流哂口水，店員嚟幫我哋燒，燒到着哂火，好勁🙏🏽🙏🏽比着自己燒一定唔識燒得咁好，連埋生蛋汁同小飯團咁食，全晚最正既就係呢碟。👍🏽👍🏽👍🏽同時好佩服幫手燒嗰位哥哥仔，真係好好手勢！韓牛泡菜炒飯最後一定要食個飯先飽既人😺😺用鐵板上，但又唔會話燒到好dry, 值得一讚個太陽蛋整得幾靚，一篤就流哂蛋汁，撈飯一流！總括嚟講都幾好，就算好多人，食物水準維持到！👍🏽👍🏽…查看更多

作為一個鍾意食海南雞飯嘅人，我又覺得呢set 嘢無啲人講到咁差嘅，個雞有雞味，我覺得都算滑嘅，係比較細舊，無咩咬口，比起個雞，我反而對個飯有意見多啲，一個飯一個女仔都唔夠食喎，勁細碗，食完都唔飽嘅，非常唔抵，個飯味道普通啦，夠油但唔夠香，都係嗰句，得個兩啖，都未試清楚就食完。啲醬汁ok 既，係個薑蓉唔係好夠味。對面嘅朋友叫咗個tiramisu 刨冰，一上枱嚇一嚇，十分大個，我估四個人食就啱啱好，我地兩個人，食到一半已經搞唔掂。味道就普通，係份量好大，呢個性價比反而好高。其實個海南雞飯set 真係ok, 起碼我會再想食多次，但如果要排隊就不了，當日我係五點入去嘅，大把位，啲人態度都幾好，食完岀去已經無咩位淨，但見上菜都幾快手，算係咁啦。…查看更多

排咗20分鐘左右，諗咗好耐食咩好，好多樣都想食，但就唔知食邊樣好。😩😂😂有最低消費，所以要起碼叫三個餸🙈，要咗墨丸丶豆卜、蘿蔔同伊麵，伊麵要再加少少錢，但絕對唔會令你失望。👍🏽👍🏽👍🏽雖然咁嘅價錢，每樣餸得幾粒，確係有啲唔抵，性價比偏低，但勝在每樣食物都係有誠意嘅，豆卜夠入味，蘿蔔夠腍又甜，墨魚丸都ok. 最正係個伊麵，有微微彈牙嘅感覺，湯底亦唔差，如果鍾意食辣嘅朋友可以要辣嘅湯底，應該都唔錯。…查看更多

今次第二次去🙈😂，叫咗同上次一樣嘅嘢食，但係已經冇咗第一次食嗰種驚艷。🙈🙈😢第一次去嘅時候，無論湯底定河粉定牛肉，都好好食，湯底係好重鴨湯味，今次去都有嘅，但味道上就比第一次去差一截😢😢😩，上次啲牛係半生熟，睇返啲相都差好遠。可能係多人去咗品質上維持唔到，有少少失望嘅😢🗿，不過其實都好開心多人幫襯咗，之前去無咩人好擔心佢地做唔住。今次雖然都係好食，但就未去到會想排隊去食，可原諒期盼改善。…查看更多

旅行回港後第一樣嘢就係要去食拉麵有咩開心得過食一間有良心又好食嘅拉麵呢嚟到呢間麵匠風龍，見到枱面有各樣調味料，十分開心，因為有我鍾意食嘅芽菜同蒜醬，而家唔係好多拉麵有得點呢啲。好似最近來港嘅過江龍嗰啲就無了，我就兩種都ok 既，有就點無就算，當然有就開心啲嘅。叫咗個櫻花蝦拉麵，一開始飲啖湯係比較淡嘅，之後加咗啲蒜蓉醬上去，就重口味好多，味道唔錯，當然無得同日本比，但算係有誠意嘅拉麵店。仲有佢啲茶好好飲hehe.…查看更多

☺️☺️☺️喜歡飲珍珠奶茶嘅人，可以試吓呢間☺️☺️，就係灣仔小巷入面🙈，有時食完附近嘅餐廳都可以嚟飲杯嘢🙈，尤其呢排涼涼地，最啱揸住杯熱飲行下。當日叫咗海鹽抹茶，老實講抹茶味就爭啲，如果抹茶味再濃啲，帶點回甘就好了。杯嘢奶味比較重，不過奶蓋做得幾好幾滑。呢度仲有一樣抵讚，人情味好濃，老闆娘好好人，不斷同我地解釋，唔同飲品嘅特別之處，今次同行朋友唔舒服佢就推介佢飲某幾款茶，可惜朋友唔好台式飲品，但老闆娘都明白，好好人，下次想試佢啲冷泡茶！…查看更多

今次去咗呢間fifty fifty 食嘢，去之前睇過啲相，好似都好吸引吓。餐廳好搞笑，menu 係用QR code direct 去website 睇, 咁樣就環保得多啦。叫咗兩個set, 包餐湯，飲品同甜品。我叫咗個大蝦Pasta, 份量好多，完全食唔哂，大蝦夠新鮮，意粉亦做到Al Dente 嘅感覺。朋友個鴨腿一上枱已經好香，外皮鬆脆，內裏就軟熟多汁，不錯不錯，而且都係好大份，朋友食完表示已經食唔落甜品。我就開始欣賞個洛神花花茶，茶壺入面有啲花瓣，都幾重手下，飲落好relaxing 好舒服，一壺都沖到好多杯，好抵飲。差唔多飲完就上埋個甜品先，係阿華田布丁，細細個，好彩仲食得落，頭先話好飽嘅朋友食落覺得好食，結果本身話食唔落嘅佢轉眼已經食哂，梗係啦，阿華田味好重，而且又唔算好甜，中和返頭先食嘅main dish, 啱啱好。總括嚟講，呢度啲嘢大大份又幾好坐，而且味道又ok, 絕對係好抵食，啱哂同女性朋友一齊嚟，歎返杯花茶傾下計。…查看更多

一入門口就見到餐廳門口一推足球裝飾，雖然我自己唔好足球，但朋友話過呢度抵食，啲嘢又唔差，所以就嚟試吓。同朋友分別叫咗兩個Set, 一個牛扒，一個三文魚，再加個咸蛋黃小食拼盤。首先上嘅係蒜蓉包，外脆內軟，焗得啱啱好，又唔會話好硬👍🏼之後係沙律，上嚟嘅時候見到個container 好得意，呢度啲杯碟都好有心思👏🏽沙律份量啱啱好，都幾新鮮。南瓜湯又甜又綿😛😌期待嘅拼盤嚟喇，好重咸蛋黃味喎，款式都幾多，食完都飽飽地😂🙈呢個抵食朋友嘅牛扒，試咗一舊，好腍好食我個慢煮三文魚都嚟喇，個汁加分，係磨菇香檳汁，配個三文魚啱啱好，係略略個三文魚有啲啲熟，如果可以無咁熟就perfect 了，同時好鍾意佢啲菜，好食。最後以一杯柚子蜜作終結啦，食到好飽好滿足。😌😌…查看更多

呢排隔半個月就嚟一次，因為實在太愛泰茶products!!👏🏽👏🏽👏🏽🙈🙈佢開咗我都唔知幾happy🧡上次有frd 話過泰茶雪糕好食，今次去試，本身想話要埋抹茶，點解今期竟然係做梗榴槤，不了。🤔🤢🤔🤢不過鍾意既朋友可以係weekend 行街經過去試下。我就不了🙈🙈🙈泰茶味雪糕堅好食，比飲品更濃泰茶嘅味道，嗰陣奶茶味久久不散😌😌 除左佢好快溶之外，都無咩好挑剔了。😂😂…查看更多

呢排加藤屋好鬼Hit, 以前都唔洗排隊，而家竟然要排到岀店外，真係好痴線，但好嘢係要多啲人知，多啲人分享嘅。我都係因為咁先知原來有間抵過吉家嘅牛肉飯，不過呢排屋企煮得多，今次嚟試佢個火鍋。😂😂原以為火鍋係有火係到煲嗰隻，原來唔係既，係一鍋已經煲好再上菜嘅，都好，唔洗自己煮，啱哂我呢啲懶人。幾十蚊勁大碗，一個女仔真係食唔哂，個飯多到，食淨咗一半😢真心良心連鎖小店，勁足料，又抵食，無得輸，糧尾既時候既好去處嚟。😂😂…查看更多

又一間珍珠奶茶店🙏🏽🙏🏽好耐無飲過黑糖珍珠鮮奶😂😂，今日經過呢一間，聽講台灣好紅，所以又試吓，而家已經完全唔使排隊了，一入去就買到，有好幾種黑糖珍珠鮮奶選擇，我揀咗呢個少冰多奶版嘅🙈🙈👍🏼👍🏼👍🏼，黑糖珍珠鮮奶2.0❤️❤️🧡🧡🧡, 感覺其實同平時飲嘅差唔多，不過奶味再重咗啲啲，鍾意飲奶，好似我嘅朋友，可以一試，但係珍珠就普普通通過得去啦，良心小店，係要去支持下既👏🏽😺😌…查看更多

西營盤愈開愈多coffee shop, 真係唔知幾時先試得哂全部，奈可我唔太好三文治類，有啲coffee shop 得啲cupcake 三文治，就去唔到嚕。呢間係其中一間好少可喺coffee shop 有熱食既coffee shop, 有啲餓，就食意粉啦，又幾好食，個煙三文魚幾新鮮，佢有好多ice tea 揀，我要咗hibiscus 既，都ok 唔錯。老闆非常有良心，微閒又會同食客吹下水，最鍾意呢類小店，絕對值得去試下。加油！…查看更多