月光太太的个人专页

好耐無食火鍋，再次嚟到牛大人，感覺耳目一新，自家健康茶飲換上新卡通杯裝，勁靚～晚市仲可以免費任食Dreyer's、Kitkat雪條甜筒，升級後的牛大人，真係好正！120分鐘任飲任食，澳洲極上和牛套餐 $328湯底選了加入大量蕃茄熬製的醍醐蕃茄酸辣鍋，酸甜微辣，十分開胃！台式小食逢甲Q爽雞腳筋：微辣爽口，配啤酒食一流陳醋涼拌黑木耳：酸咪咪，幾開胃真豬小香腸：炸得夠香士林鹽酥雞：招牌小食，外皮酥脆鬼馬老油條：大人細路都中意真滷牛肉飯 ：滷水牛肉醬好入味必點海鮮有海蝦，沙白，鱸魚片，鯇魚腩等應有盡有。海鮮漿亦好有特式，蟹籽墨汁漿爽口彈牙，干貝鮮魚漿好重魚鮮味！肉類方面，澳洲和牛牛胸爽爽口，安格斯牛板腱煙靭有肉味，安格斯牛小排最軟腍。M5和牛肩卷嫩滑不老。自助區還有各款蔬菜丸類和飲品！最正係近期新增的Dreyer's雪糕甜品任食大放送，不同口味一次試齊！當中我最喜歡近期大熱的開心果口味甜筒香脆解膩！還有台式芋圓糖水可以選擇！…查看更多

炭火燒肉真係好香！店員幫忙燒肉，服務亦好加份，除左必食嘅炸雞外，今次仲點左壽喜燒，牛肋骨，水冷麵，燒鰻魚，勁豐富！入座先知 柞木炭家做緊6 週年慶祝活動，最勁爆係全單6 折優惠，真係超超抵！！成功挑戰，在秒鐘準確按到06:00秒，即送炸雞半份，好開心！！多款韓式前菜免費任食，當中薯仔沙律，泡菜，海帶條，都非常高質素及美味！🤍雪梨水冷麵口感冰冰涼涼，配上青瓜同雪梨，清新解暑！🤍壽喜燒和牛三筋肉色澤鮮紅，油脂豐富，偏厚身，肉質超級軟腍燒好沾埋蛋汁一齊食，齒頰留香！🤍鰻魚 好大塊，慢火燒熟，剪開再加入鰻魚汁，魚肉嫩滑兼帶陣陣炭火香氣，很好食！🤍最上等牛肋骨雪花紛飛真係好靚，肉質彈牙，牛味濃郁，近骨位置份外軟滑！🤍原味炸雞 配鹽酥雞粉及沙律醬，一次試齊3 款口味，很特別！🤍西柚乳酸梳打：解膩解渴———🤍青瓜梳打：健康清熱氣…查看更多

難得放假，專程來到旺角韓燒大叔食勁量級「韓式盛宴」放題，餐廳位置方便，旺角E2 口一出即到，有酒有肉，任飲任食，真心超滿足！晚市120分鐘放題每位$386 ，包無限肉類，海鮮，刺身，小食，人蔘湯！4款韓國啤酒，藍妹生啤又係任飲，一於不醉無歸！4 位客人送原條蒲燒大鰻魚～～仲有免費抽獎～～送！送！送！餐廳上菜速度超快，落單不久就擺滿整張枱，先來小食醫肚！有泡菜煎餅，炸雞翼，粉絲煎餃，炸雞軟骨，蛋卷，炸魷魚，粉絲春卷，韓式炸雞，泡菜湯等！小食味道唔錯，用紫菜包住的韓式炸物香口鬆化，泡菜煎餅熱辣辣超香！韓式炸雞更有多款味道選擇，最欣賞鋪滿芝士粉嘅炸雞，啖啖肉，好芝味～～～肉類包括美國安格斯肩胛翼，澳洲草飼黑安格斯牛頸脊，五花腩，豬扒，雞翼，霜降一口牛，牛肋骨等！鐵板火力旺盛，食肉獸大飽口福！海鮮刺身就有三文魚，帶子，赤蝦，帆立貝，多春魚，扇貝，虎蝦，青口等！由於有熱辣鐵板，又有老人家，今次即席把部份刺身燒熟，跟生食同樣美味！飲飽食醉，除主食外，自助區仲有軟雪糕，焦糖爆谷，小蛋糕，泡芙等任食，看得出的用心，食物質素高，多元化，有下次！…查看更多

麻辣鮮香嘅方叔叔重慶老火鍋，特色的味道，一直令人食指大動，留意到有限定送特飲優惠，特別來到沙田方叔叔醫肚。自助區有 3 款前菜可以任食，酸甜爽脆嘅黃蘿蔔，深得我心！免費特飲有牛油果酸奶，香芒椰子沙冰，海藍椰椰冰粉等11 款選擇，冰爽又解辣。靈魂湯底方面，選了麻辣鴛鴦鍋，除着重麻和辣的招牌麻辣大紅鍋外，亦點了滋補清潤的豬肚雞鍋，湯底奶白色，仲有雞食，有辣有唔辣，正！🔺 大刀牛肝牛肝口感粉糯，沾埋獨有嘅花生沙嗲粉超香！🔺手打魚籽蝦滑真材實料，滿滿的蝦肉，很彈牙！🔺 長城小白豬午餐肉熟悉的味道，吸滿麻辣湯汁更美味！🔺 鮮龍躉片龍躉切得夠厚身，久煮魚肉亦結實，好適合火鍋食用！🔺 鮮魚膘女人美容恩物，口感滑溜，補充滿滿的骨膠原！🔺 鮮活海蟶店員推薦時令海蟶 ，果然隻隻都飽滿大粒，非常鮮甜！🔺 紅糖爆漿糍粑即點即炸，糯米糍包住流心紅糖漿，愈食愈想食！方叔叔而家做緊激抵優惠，消費滿$200即送$100現金券下次消費用，食多送多，無封頂使用，相等於可半價平食！（優惠不適用於中環分店）…查看更多

最近心情不暢，知情識趣的先生提議食自助餐，確為心情帶來一𢇁好轉，最終選購了 喜來登酒店的午市自助，由Klook 購票，包加一，無限添加橙汁，可樂，只需$350/位，性價比十足。餐廳在11時50 分便可入座，食物選擇比想像中更為豐富，長腳蟹，生蠔，燒賣，小籠包，甜品，蒸魚，咖哩羊肉，意粉，芝士，烤餅，水果應有盡有，令人心情興奮。好景不常，雖然平日用餐的客人不算太多，但餐廳在本應是行人通道的位置上，擺放卓椅阻礙通行，進出取食物唔太方便….是敗筆的開始。午市沒龍蝦，有涷蝦。蟹腳只有剛開始時較大隻齊全，啖啖肉但味道偏咸（過咸）掩蓋蟹肉鮮味，其後出品瘦弱，唯一好是會不停添加。生蠔🦪尺寸偏小，味道帶點回甘，算不上出色，而且大部份時間只有3，4 隻出現，什至取餐盤一隻也沒有。中菜🔸蒸魚大條嫩滑。蝦仁木耳炒翠玉瓜🔸不過不失！🔸燒賣🔸小籠包，味道強差人意！燒味三寶🔸實在令人不敢恭為！叉燒，燒鴨肉質粗鞋厚實。油雞賣相美觀，肉質嫩滑，但骨處過於血紅，令人望而生畏。比較出色是咖喱羊肉🔸炆得頗為入味軟腍。甜品選擇豐富～花多眼亂下逐一品嚐，有忌廉卷蛋，慕絲，蜜桃批，蛋糕等…某些蛋糕甜品，口感乾硬，有不新鮮之疑….眾多甜品中，小妹獨愛雞蛋布甸。整體來說，餐廳選擇豐富，連自助餐少見的豬腳薑亦有供應，確實令人喜上眉梢，唯食物水準未能令人一去再去，但優惠價吸引下，絕對值得一試，支持留港消費！…查看更多

每次食放題都覺得時間唔夠，今次搵到大角咀任飲任食2.5小時的「星級」雞煲火鍋放題，一次食齊A5 和牛，愛爾蘭生蠔，泰式串燒拼盤，芝士焗龍蝦，海鮮拼盤等～雞煲仲可以無限追加，啱曬和朋友慢慢吹水！日本宮崎A5和牛肩胛肉眼套餐 $578前菜：小食：芝士焗新鮮龍蝦芝士舖滿哂整隻龍蝦，上枱香噴噴，新鮮龍蝦都幾大隻，啖啖肉，肉質爽口彈牙，芝士味亦濃郁，好邪惡！惹味雞煲（可無限追加）可以自選辣度，上枱已經煮好，超香，雞件炸過，色澤金黃，配埋少少辣既麻辣醬，啖啖肉，好惹味！愛爾蘭生蠔生蠔新鮮乾淨，入口淡淡海水味，清甜爽滑，再追加，都只係$10 一隻，抵食！海膽白麵豉湯底奢侈地用新鮮海膽融入高湯，橙黃色湯底令人食慾大增，加埋白麵豉，香氣更濃郁！日本宮崎A5和牛肩胛肉肉類都幾多選擇，有日本宮崎A5和牛肩胛，澳洲M7和牛肉眼，北海道豬梅肉，美國黑安格斯牛板腱，美國牛小排及紐西蘭羊肩卷，主角A5和牛油花分佈豐富，煮好特別軟嫩！🐮時令海鮮拼盤大鮑魚，大虎蝦，大青口，大白貝，大生蠔，海鮮新鮮且份量十足，鮑魚虎蝦我們都各煮了5 分鐘，安全鮮味又彈牙！火鍋配料套餐除了有矜貴的A5和牛，大鮑魚外，火鍋配料亦令人驚嘆，竟然有新鮮魷魚，牛蛙，沙爆魚肚 ，黃花魚春，無骨黑魚片等特別食材，亦有朋友最愛的田雞，鱔片，蝦滑，花膠，鮑魚仔，吸滿海膽湯汁，食材鮮味更突出，唔駛沾醬油都夠味！飲品最後再食埋甜品，除左有唔同品牌雪糕雪條，仲有即叫即製既香蕉朱古力牛角窩夫🧇，窩夫熱辣辣，牛油香味重，可以媲美甜品店出品，唔錯…查看更多

想起台式火鍋，牛肉，肉燥飯，鹽酥雞，總會想起牛大人，任飲任食2小時，臨走再食埋甜品，大滿足！澳洲極上和牛套餐 $308湯底選了期間限定既醍醐蕃茄酸辣鍋。上枱紅紅橙橙，除左酸白菜，辣椒，仲有好多蕃茄，睇見就相當有食慾，夠濃味又唔會好辣。台式小食叫了一堆，真豬小香腸，香甜多汁，士林鹽酥雞，香口酥脆，炸脆薯的番薯🍠很香甜，豐原排骨酥，啖啖肉，炸物熱辣辣，很香口！肉類選擇同樣豐富，有安格斯牛板腱，手切封門柳，一口牛肉粒，紐西蘭羊卷肉等～當中以M5和牛肩卷 肉味最香濃！安格斯牛小排最柔軟，啱女仔食。另外又點了海蝦，沙白滷大腸，牛筋，鯛魚片仲有 魚腩，炸魚皮，花膠，豬血糕等火鍋配料，混合醬油，沙茶醬一齊食，分外滋味！鵝腸，蛋餃，小雲吞台式麻辣鴨血不得不提台灣直送既海鮮漿，牛肉漿，真材實料，尤其花枝漿，食到一粒粒既墨魚，爽口又彈牙！自助區還有各款蔬菜🥬，丸類和飲品！…查看更多

每次唔知食乜好，都會諗起安平燒肉，裡面既原住民燒肉，台式小食鹽酥雞😍豬肉乾，鴨舌等都可以無限任食，真係諗起都好肚餓！荃灣店面積好大，基本上唔需要等位就可以入座，啱晒肚餓既朋友仔😜🪭澳洲M5和牛燒肉套餐 （$418）自助吧飲品選擇豐富！唔同既蔬菜🥬菠蘿🍍都可取到，當中最吸引人既櫻花蝦拌飯區，有齊蒜蓉，海苔，滷水汁，加埋炸過既櫻花蝦，真係非常好味，必食！👍台式夜市小食，今次點左鹽酥雞，好香口；炸蚵卷，章魚卷，食到一粒粒，海鮮嘅鮮味！仲有燒兩下就食得既豬肉乾，雖然口感偏甜偏硬，但一樣好受歡迎👏連價錢唔平既鴨舌，都可以無限任食，真係要食返夠本🤣套餐贈送每人2條牛舌芯，燒至熟透，Q彈又爽脆，難怪咁多人鍾意食！肉類方面🥩小妹最愛澳洲M5和牛肩胛肉，美國SRF極黑牛同安格斯牛小排，肉味香濃而且好快熟，沾黃金醬/ 燒肉汁食都同樣滿足！😚🥰海鮮有生蠔🦪虎蝦🦐扇貝，多春魚，鯛魚下巴等…… 普遍都幾新鮮！單品選擇多元化，點菜超興奮的！食至尾段，自助吧內既菠蘿最搶手，燒過真係會甜d ，酸酸甜甜幫助消化！最後再食埋Haagen-Dazs雪糕/台式仙草芋圓，大大的滿足！🥳…查看更多

話說朋友生日唔知去邊間餐廳慶祝好，先生推介灣仔既家賀屋，呢日去開附近，即興食返餐好！家賀屋位於商廈一樓，用餐環境簡潔舒適，主打壽司刺身和燒物，當中尤其以特選鮪盛，特選刺身盛，海鮮丼，彩虹壽司卷，生燒白鱔，燒牛舌等最受歡迎。來到居酒屋，先來2 杯酒潤潤喉～🔖開胃前菜～🔸梅水晶 $45爽脆鯊魚軟骨，加入酸甜既梅子，非常開胃！🔸長芋山葵漬 $42山藥經山葵醃漬後，味道竟出奇配合！🔖下酒小菜～🔸炸三文魚皮 $38酥脆得令人難以置信，增加了歡樂氣氛！⭐️煙燻日本黑豚肉腸仔 $38平時屋企都有買日本豚肉腸仔，多左煙熏味，更上一層樓！🔖主菜～🔸家賀壽司 $48 件食過無數次，回憶返晒黎，三重口感，海膽，牡丹蝦，吞拿魚蓉，配上壽司醋飯，正！🔸黃金舟 $65甜甜既油揚被芝士，三文魚，魚籽包圍，經火槍燒過嘅芝士非常香，一啖放入口，非常滋味，啱晒中意食芝士既朋友！🔸彩虹壽司卷 $138招牌菜之一既彩虹壽司卷集當季最鮮食材！每次不同，色彩繽紛，赤貝，帆立貝新鮮鮮甜，入面包住牛油果，生菜🥬蟹柳，好清新！🔸特選刺身盛 $278 （附鮪魚腩2切 ）刺身選了包羅萬有既特選刺身盛 ，款款厚切！有我最愛既牡丹蝦，油甘魚，重頭戲 中拖蘿幾乎無筋，鮮味又帶魚油香，入口即溶。🔸冷蕎麥麵 $65🔖甜品 ～🔸蘋果雪葩 $58🔸千層雲呢拿蛋糕 $35…查看更多

週末同朋友嚟到中環都爹利街 煤氣燈旁的意大利餐廳A Lux食早午餐。餐廳以粉紅和淺綠為主色調，裝潢富現代感，燈光柔和，環境放鬆！最特別是牆上鮮明的抽象畫作，極富藝術氣息。這個早晨，由意式傳統風味喚醒，套餐經過精心設計，由麵包，前菜，至主菜，甜品，全程服務周到！先來可以任食嘅麵包脆片拼盤，有3 款選擇，麵包新鮮柔軟，沾上橄欖油黑醋同食，很有意式風味。接著是同樣可以無限任點的意大利前菜拼盤Antipasto碟上放滿時令的意式小食，有巴馬火腿伴哈蜜瓜，煙燻三文魚伴忌廉芝士醬法式蛋餅，鵝肝多士伴酸梅醬及蕃茄馬蘇里拉芝士沙律！當中小妹最愛鵝肝多士伴酸梅醬，厚切鵝肝配上爆脆多士，口感豐盈，更有酸梅解膩，配搭美味且恰到好處。Carabineros Prawn Spaghetti (+$108) 主菜前，先食一客 飯/麵，夠晒飽肚。紅蝦意粉熱辣上枱！被譽為世上最好食的極品野生紅蝦，果然非同凡響，濃郁鮮甜，肉質爽彈，酸酸甜甜，欣賞廚師的高超廚藝。Barramundi, Celeriac Purée, Mustard Leek Sauce主菜方面，鱸魚煎得2面金黃酥脆。魚肉嫩滑，好味！最後來的甜品亦相當精緻，拿破崙金黃鬆化，層次分明，配搭軟滑香甜的忌廉吉士醬，完美！仲有隨餐附送的咖啡，整個套餐令人活力充沛！…查看更多

蟹友們最期待的大閘蟹當造季節，是從9月開始直到1月初，相對買蟹回家洗刷蒸煮我更愛到莆田食大閘蟹，除價錢相宜外，更有驅寒的蟹醋，薑茶奉上，十分貼心！大閘蟹二人套餐 $598 （配母蟹）🔺蝦苗頭水紫菜頭水紫菜，有紫菜中的XO稱號，一年只有7天的採摘期！營養更比普通紫菜高30 多倍 混合香醋，蝦苗，口感鮮甜爽口，酸酸地，非常開胃！🔺莆田荔枝肉勁似咕嚕肉的菜式，豬肉半肥瘦，外層炸得香口！配菜有蕃茄，洋蔥，荔枝肉加埋蕃茄酸醋汁，送飯食一流！🔺莆田扁肉湯真係好中意飲呢款湯！扁肉湯，福建傳統手工菜！特別在從皮到餡，都係用豬肉製成，非常鮮香，湯頭微酸，愈飲愈開胃！🔺大閘蟹主角母蟹，一隻大約3.5 兩重橙紅色嘅蟹膏鮮甜飽滿！口感似香濃蛋黃醬，實在太滿足！🔺福建海鮮滷麵主食選了福建海鮮滷麵，配料有大蝦，蜆，蟶子，蝦米，大白菜，干貝，五花腩，豬骨湯炸豆腐等，麵條吸滿鮮甜湯頭，營養又好味！最後食埋甜品，薄荷枇杷凍和建蓮雪耳湯，2 款都滋潤降火，當中薄荷枇杷凍好似食緊薄荷啫喱甘，連小朋友都中意食…查看更多

今日朋友帶我食來自韓國嘅手工炸雞專門店Yadllie Plate，炸雞薄脆唔油膩，難怪能在韓國擁有30多間分店！🔺魚介湯鍋 $238先來去韓國最喜歡的街頭小食！湯鍋放滿魚糕，魚片，豆腐，年糕，雞蛋，蔬菜等，很豐富，全部吸滿清甜魚湯，煙煙韌韌，一串接一串，正！🔺藍橙荔枝梳打 $48充滿夏日氣息的一杯飲品，濃濃的荔枝梳打，加埋青檸片，口感更清新！🔺蜜味乳酪粉炸雞 $188用上韓國空運走地雞！乳酪粉香甜，雞件酥脆軟滑唔油膩，配埋炸番薯薯條，必點！😋🔺滷水五花腩 $288見到差唔多枱枱都有點，厚切五花腩口感軟腍入味，脂肪部位肥美邪惡！用生菜包埋蒜頭，醬汁食，好味又解膩！🔺芒果雪冰 $88賣相好靚～芒果甜中帶酸，雪冰軟滑綿密，一齊分享最甜蜜！😋🔺芒果波蘿Mocktail $128🔺蜜瓜沙冰 $68餐廳環境放鬆，整餐下來，真有種令人流連忘返的感覺！…查看更多

荃灣 方叔叔重慶老火鍋，陪伴了我多個日與夜，呢日都唔例外，同朋友一齊打邊爐！適逢熱辣7周年，店內的四大天王特飲和Sapporo生啤都可以無限添飲，我哋當然唔會錯過！挑戰激辣重慶火鍋前，一定要先準備好涷飲，方叔叔特飲真心大杯，平時多數飲唔晒，呢日有免費任添優惠，我同朋友竟然都飲左2 杯好解辣！最愛洛神花鮮橙特飲 ，下火之餘，仲有鮮橙食！🎗麻辣挑戰2人套餐 $435🔺九宮格麻辣大紅鍋 （普通辣）重慶老火鍋着重麻和辣，由牛油，辣椒及香料炒製而成嘅紅油湯底色澤鮮紅，香氣濃郁，配合超吸汁嘅火鍋食材，愈煮愈麻辣鮮香。 🔺嫩牛肉（半份）無得輸，牛肉味道香濃，久煮亦同樣香滑！🔺手打魚籽蝦滑（半份）真材實料，滿滿的蝦肉，很彈牙！🔺重慶耗兒魚（半份）魚肉鮮甜無細骨，啖啖肉！🔺鴨血 （半份）重慶火鍋伴侶，每塊都吸滿麻辣湯底！🔺紐西蘭精品羊肉卷（半份）羊肉卷沒有羶味，沾醬油食好味！🔺功夫萵筍片（半份）套餐貼心地配有蔬菜，薄片萵筍好快熟！食至中段，我們撈起所有辣椒，止辣！🤣🔺武隆苕粉 （半份）紅薯粉好大條，吸滿濃濃的麻辣湯汁，非常煙靭！🔺皇帝菜（半份）🔺鮮竹笙（半份）食埋甜品🍮整餐飯真係好飽足！…查看更多

偶然在聚會中食過 釜山炸雞批薩嘅炸雞，好有驚喜，呢日經開馬鞍山，特地到店食過夠，再打包炸雞回家跟家人分享！🐮辣牛肉湯（配白飯）$78店內所有食物都是即點即煮，牛肉湯熱辣上枱，薄片牛肉唔會太老，湯頭加入洋蔥，秀珍菇，增香增鮮，酸酸辣辣，很開胃。🍜炸醬麵 $68炸醬麵要價親民，香濃醬汁包住爽滑麵條～配料薯仔豬肉入味，唔錯！泡菜煎餅 $108橙紅的泡菜煎餅，混入泡菜汁煎製！外脆內軟，口感煙韌酸辣，好飽肚！炸雞二重奏 $219炸雞二重奏可以選擇2款口味，今次點了蜜糖芥末+蒜香醬油各半份，份量超大！唔係講笑，剛剛炸起，趁熱食真係好脆，好多肉汁！蒜香醬油甜甜地，醬油味道剛剛好，唔會過鹹；蜜糖芥末醬好滑，香甜蜂蜜加上芥末滋味，令人難以抗拒！韓式炸雞，配上韓式飲品，一流！…查看更多

感覺莆田就像一個美食嘉年華，經常舉辦唔同嘅美食節，亦會舉辦廚師爭霸戰去發掘新菜式！裝修過的莆田，光鮮亮眼，地方舒服整潔！趁住莆田鰻魚節，帶埋父母來荃灣廣場，品嚐最新鮮的鰻魚！先來2 杯飲品消暑，蕃荔枝汁口感清新酸甜，大家都愛！🐷 莆田荔枝肉 $98外型有幾分似荔枝的炸酥肉外脆內軟！包滿甜酸汁，愈食愈開胃！🥬 大白菜燉軟豆腐 $128自從飲過一次之後，真係每次必點！用上大骨熬製8小時的上湯，再加入大白菜，軟豆腐，豬肉，蟶子等食材，湯頭鮮甜滋補，好啱繁忙都市人飲！🐠蒜蓉豆豉蒸鰻魚 $188餐牌標榜出口級的活鰻魚，令人份外期待！上枱鰻魚不負眾望，厚切大件，趁熱食，魚肉肥美鮮嫩，魚皮油脂香滑，連腐皮亦吸滿蒜頭豆豉香，很滿意！🍮薄荷枇杷凍 $48清熱止咳的一款甜品，入口涼浸浸，薄荷香味獨特，爸媽亦喜歡！🍐桂花陳皮燉雪梨 $48原隻雪梨燉桂花陳皮，潤肺止咳，很滋潤，不會太甜！🌙月光太太…查看更多