韓燒大叔

難得放假，專程來到旺角韓燒大叔食勁量級
「韓式盛宴」放題，餐廳位置方便，
旺角E2 口一出即到，有酒有肉，
任飲任食，真心超滿足！

7

地鐵E2 ,一出就到，好近。

晚市120分鐘放題每位$386 ，包無限肉類，
海鮮，刺身，小食，人蔘湯！

超誇張地多種類，未開始燒已經成枱滿！

4款韓國啤酒，藍妹生啤又係任飲，
一於不醉無歸！

唔會好濃味，清熱氣又易入口！

4 位客人送原條蒲燒大鰻魚～～

好大條，幾厚肉，要燒返熱食！

仲有免費抽獎～～送！送！送！

肉質鬆腍，牛味香濃！

餐廳上菜速度超快，落單不久就擺滿整張枱，
先來小食醫肚！

配啤酒食，勁開心！！😆

有泡菜煎餅，炸雞翼，粉絲煎餃，炸雞軟骨，蛋卷，炸魷魚，粉絲春卷，韓式炸雞，泡菜湯等！

好熱氣，入口酥脆，炸雞翼我中意食～

小食味道唔錯，用紫菜包住的韓式炸物香口鬆化，泡菜煎餅熱辣辣超香！韓式炸雞更有多款味道選擇，最欣賞鋪滿芝士粉嘅炸雞，啖啖肉，好芝味～～～

外皮較厚，要趁熱食先脆！

肉類包括美國安格斯肩胛翼，澳洲草飼黑安格斯牛頸脊，五花腩，豬扒，雞翼，霜降一口牛，牛肋骨等！

半肥瘦，燒好沾大醬包生菜食，正！

鐵板火力旺盛，食肉獸大飽口福！

爐火猛烈，細火已經好夠熱！

海鮮刺身就有三文魚，帶子，赤蝦，
帆立貝，多春魚，扇貝，虎蝦，青口等！

幾大隻，食完再食！

由於有熱辣鐵板，又有老人家，
今次即席把部份刺身燒熟，跟生食同樣美味！

好新鮮，肥美！赤蝦燒熟食一流～

飲飽食醉，除主食外，自助區仲有軟雪糕，
焦糖爆谷，小蛋糕，泡芙等任食，
看得出的用心，食物質素高，多元化，
有下次！