千秋王子的个人专页

中秋就快到，尋日同阿仔 去掃貨，搵到呢款超可愛嘅Eggnroll月餅🥮！呢盒Eggroll 皇牌流心奶黃月餅，個餅皮真係超正！軟軟綿綿嘅，又薄又密，咬落口個口感好獨特，裡面嘅奶黃餡料香到爆！又滑又濃，每一口都充滿奶黃味，真係食到陶醉咗，仔仔食完一個仲要爭第二個添😂！仲有個禮盒設計都好有心！用可愛嘅雞蛋扮成兔子，超有中秋氣氛，擺喺屋企都靚仔～仲融入咗香港嘅招牌同路牌元素，滿滿嘅本土風情，無論自留食定送俾朋友，都好有香港特色，真係靚得嚟又好食👍！佢哋喺中環街市同啟德都有鋪架，$238一盒真係抵買…查看更多

#金箔玫瑰韓式豆蓉月餅 #手作的溫度 #流心月餅中秋送禮🏮送上是一點心意 一份思念❤️不喜歡一式一樣的麻目bakebae月餅一見傾心🥮無論送禮自用均充滿驚喜❤️希望在月色之下🌕 和最親愛的人 一起品嚐嘅月餅❤️bakebae 的 【金箔玫瑰韓式豆蓉月餅】片片玫瑰花瓣唧製🌹再用金箔點綴選用台灣低糖豆沙🫘包裹流心內餡製豆蓉有外在美也有內在美🥮粉紅色。蛋黃奶皇|咸蛋黃流心香甜奶皇，滿滿中秋滋味🥮紫色。可可奶皇|阿華田流心夠華田味突出🥮紅色。開心果奶皇|開心果流心2個流行的開心果，充滿果仁香氣分別有4入禮盒裝/6入禮盒裝食用方式：熱食：以預熱180度焗爐/氣炸鍋加熱5分鐘凍食：室溫解凍10分鐘即可食用（凍食的話流心餡會係軟心狀態）…查看更多

香港嘅Omakase 好多都變咗質，但 #重房 係我呢兩年食過最高質素最有靈魂，不單於就咁「新鮮」，係每樣食物都花心思配搭，汁醬都經長時間烹調，每款有專屬汁醬，唔會一汁多用，實在係太欣賞師傳嘅匠人精神👏🏻🎍菠菜、水雲、南瓜豆腐以木盒盛載嘅前菜，先來一場視覺盛宴👀🎍白子爽脆嘅白子以日本醋汁、辣椒造成的醬汁微酸開胃，再伴上細緻嘅紫蘇花同日本蔥🎍慢煮安康魚肝見著師傳砌呢道菜，安康魚肝放在「對中餅」上，中間加上靜崗士多啤梨🍓，上放芽蔥，最後以淡雪鹽 - 沖繩鹽點綴，味道濃烈卻清新🎍粒貝灑上鹽昆布及食用花，更添層次🎍野生油甘魚席前炭炙燒野生油甘魚做到色香味俱全，令油甘魚油脂更香口，加上微甜而鮮的日本芽蔥，伴上日本芥辣末同楊梅，油甘魚味道豐郁而不膩。如果你同我一樣咁喜歡油甘魚，咁就一定要試下呢個高階版🎍磯煮鮑魚以糖、日本醬油細煮嘅日本鮑魚，如少女皮膚柔軟而充滿彈性。配上以鮑魚肝淆製的肝醬和龍珠果，色澤潤麗🎍金鯛燒一片片嘅魚鱗用滾油整咗個皮脆卜卜，而旁邊放上用分子料理方法製作的南瓜湯球，一味菜式要花多長嘅時間😋🎍 雙色拖羅以這個是高潮了，不料後續仲有連連驚喜。炙燒大拖羅配大拖羅刺身，中間夾上紫蘇天婦羅。拖羅固然精彩，特別嘅係紫蘇天婦羅脆而不油，味道可口🎍深海池魚用煙燻的方法加上香氣，好吃到上天。面頭配有北海道麵豉醬，是北海道風味🎍甜蝦配蝦頭膏下面是現在omakase 多用的紫菜片，濃淡相宜🎍赤貝赤具𠝹上巧奪天工嘅花紋，加上拍打和青檸汁，收縮後嘅赤貝更為爽口鮮甜🎍赤身以為赤身沒有驚喜？ 我太年青了😅。吞拿魚上還配上油甘炸蒜，衝擊味蕾🎍北海道海膽壓軸出場嘅北海道海膽鮮甜濃厚，極度Creamy，海膽顆粒分明，十分新鮮🎍地。金甘鯛指明產地鹿兒島來的嘅金目鯛，味道如出身般相稱。有別於常吃的大大塊魚皮，重房的金目鯛魚皮細細的，配上以蒜粒🧄、芽蔥的醬汁，味道豐富。師傅仲同我哋講金目鯛都有分種類，以金木的「下品」、到「土」、以至上品的「地」🎍魚湯如果你只係鍾意媽媽煲嘅魚湯，咁你就要試吓呢度嘅魚湯～ 係唯一碗我覺得好飲過媽媽整嘅🤣以多種魚淆製，濃到漿口，鮮甜無比❤️🎍甜品重房用千層朱古力蛋糕🍰 或水信玄餅是要結尾，而不是坊間的雪糕，由頭到尾都要這麼精彩嗎😆😆今餐無論環境、氣氛、師傳嘅親和度、食物都滿分💯超班，是真真正正omakase 👏🏻👏🏻👏🏻…查看更多

又來這兒吃免費薄餅了😂因為只要係小童就有免費薄餅，所以星期日工人姐姐放假時，我自己湊仔嘅時候，一定會黎食pizza，唔會自己煮～ 炭燒紐西蘭西冷牛扒配黑椒汁伴薯條及炒雜菜呢度嘅牛扒值回票價！ 百幾蚊有咁厚切的，而且 肉質好嫩，無痴刀，牛扒格仔紋，紋理清晰，配上黑椒汁更好吃薯條係厚切版，用小鐵籃裝著，賣相精美。脆脆的，很快就給阿仔食哂啦～底部的薯菜有焗過，鮮味更為濃縮，酸酸甜甜，更為醒胃。田園沙律/是日餐湯 +$15餐湯和沙律我哋都有叫，餐湯用打爛的方法烹製，我們當天是栗子湯，打蓉的栗子湯好濃厚，加上忌廉很順喉。Kiddie pizza 主角是兒童pizza是芝士和蕃茄的組合。兩種都是小朋友至愛。餅底有點似餅乾，比較硬。芝士好香濃。滿足的一餐，地方舒適! …查看更多

🔆遖📍尖沙咀漆咸道南115號達成商業大廈7樓入到遖，門外嘅小石路已經好有日本味道，調節好一顆日本心情後，我哋就開始睇師傳表演啦！ 💕 北海道海膽打頭炮的北海道海膽，用精緻的玻璃盒子盛著。有如寶石💎般精彩的海膽，上面放上魚子，下面是海膽豆腐、海藻啫喱，突出海膽的濃郁鮮香💕活赤貝和帆立貝師傳將兩款刺身做成一幅美麗畫作，賞心悅目。赤貝上的紫蘇葉絲令味道充滿變化，而貝柱上有青檸汁，帶出鮮味💕 柚子胡椒八爪魚 🐙八爪魚軟嫩而不失口感，醬油味道適中。配搭的白蘿蔔更是清甜，完全不澀💕鮟康魚肝師傳從醬油盒中拿出肥美嘅魚肝，第一次知道魚肝可以這樣大件！ 師傳將奈良漬西瓜放在魚肝上，一點心思，與別不同！魚肝入口即化，軟糯醉香💕鱈魚片 沖繩苦瓜 沙律薑一輪精彩後，係時候吃著鱈魚片和小吃，飲飲酒，傾傾計啦！ 沙律薑真是一絕，清脆微辛，清醒味雷😋💕燒太刀魚燒到皮脆而不澀的太刀魚，魚肉還是像少女肌膚般軟嫩，一件小小的燒物盡現師傅功力💕柚子蘿蔔蘿白配柚子粉，清新有層次💕金目鯛壽司Omakase 就係食師傳嘅心機。一件金目鯛壽司，是用金目鯛魚頭餚嘅豉油做汁製成，每啖都是精華💕深海池魚 上面係池魚自己個肝😜。味道濃郁而有油香，肉質緊緻💕赤身醬油漬醬油的濃香令赤身的鮮甜更突出，上面再加專登訂來的超幼細青海苔點綴，強勁嘅香味同赤身醬油漬互相輝影💕醬油中拖羅魚身軟熟，看上去波油，食落口卻爆油💕大拖羅上有昆布鹽，減低膩感。油潤好食💕魚子壽司用上整個連膜嘅魚子，所以魚子會更整體更緊密💕 燒右口魚邊壽司右口魚炙燒後嘅爆油，吃到一口甘香。加上香蔥，油潤、軟滑。如煙花最後一刻般，是相當精彩的結尾💕日本胡盧瓜卷 茶碗蒸 草莓茶連茶碗蒸都足料非常，絕不馬虎💕魚湯每一啖都好像飲緊大海精華，鮮！ 應該是我飲過最好的魚湯！ 💕北海道雷電蜜瓜比夕張密瓜甜度更上一層樓！ 💕培茶/芝士ice ream 呢個omakase 係我食過最有誠意的🩷…查看更多

未去到旅行🧳，唯有去充滿日本風味嘅餐廳食下日本野🇯🇵🇯🇵😜：🍎日本蘋果沙律 $78爽脆嘅日本蘋果絲拌上大量蟹子，微酸嘅沙律汁好開胃🍣特上十貫目 $378席前位置一定要點壽司🍣，望著師傳係前面預備，將刺身切好，握好壽司，係一場視覺享受😎十貫目已經包括咗大拖羅，滿滿嘅魚油香，而油甘魚同帶子都𠝹成花狀^^，口感更好🐠池魚王（蓮切）$268池魚切成蓮花狀，每片魚生都如白玉般閃亮，美不勝收👏🏻。 池魚入口豐盈，魚味濃而不腥，魚肉札實😋🍤炸蝦天婦羅（五隻）$98天婦羅蝦肉彈牙，每隻都大大隻，而又大小好相似，可見得買手嚴選食材👏🏻👏🏻天婦羅漿脆而不膩，唔會食完好滯🦀甲羅燒 $98最後叫嘅甲羅燒，用上燒到甘香濃郁嘅蟹膏，拌上生雞蛋🥚，自行塗到麵包上，鮮香味美！ ✨鮨一 (厚福街)✨📍尖沙咀厚福街12-12A號藍馬商業大廈18-20樓…查看更多

呢度真係好靚呀，無敵日落景，個佈置仲好有法國🇫🇷feel，好似置身於法國充滿園林氣息嘅街道🌳～今次食嘅✨Soft Opening Signature Menu ✨真係好抵，唔知之後有無咁抵，要食最正牛角包，大家都要快d黎啦😍💕法國鴨肝醬流心牛角包 🥐🦆鴨肝醬好似雪糕咁幼滑，滿滿嘅鴨肝醬充滿整個牛角包，好足料！ 鴨肝味雖濃但好易入口。 ✨前菜 Appetizer✨💕慢煮雞胸凱撒沙律🥗🐓本來以為雞胸會好鞋，點知係好滑🤤同有煙熏味。見我哋有小朋友，餐廳仲主動將雞肉先切粒，服務一流👍🏻👍🏻 呢個凱撒沙律🥗係食過最好食嘅😍✨主菜✨💕英式威靈頓牛柳（7安士) 🐮心心念念嘅威靈頓牛柳上桌啦！ 酥皮下嘅牛肉好嫩滑！ 甜品✨💕各式手工蛋糕 🧁🥥Gabriel 選咗椰子🥥蛋糕，好有驚喜，椰子味香濃！ 抵食又好食！ …查看更多

呢個冬陰公湯檬粉真係好好食呀！ Sugar & Spice 係富東一間泰國菜館，小館形式，泰國廚師，食物好多選擇。唔想叫餸太飽，我點咗個一人晚餐，就係 #冬陰公湯檬粉 啦！ 佢有泰式河粉或檬粉選擇，而我選嘅檬粉份量超多，食唔哂😂。 湯底嘅冬陰公唔算太辣，好足料，好香嘅泰式香草味，好啱香港人口味！ 隻蝦好大隻，有手掌咁大！ 蝦肉彈牙爽口。飲品仲可以加錢轉特式飲品，呢個 #珍多冰真係超抵！ 勁多泰式jelly, 顏色鮮艷，飲品底嘅椰汁都好厚實，唔係溝水！ …查看更多

朋友的生日飯，選了附近一家新開的餐廳。餐廳主打西餐，地方闊落，我們自成一閣不會影響到其他人👊🏻一邊看街上的慢活休閒的行人，一邊看旁邊花糟上錯落有緻的花朵，特別舒適。餐廳的左邊是若大的酒吧位，伸延到天花頂的酒櫃很有氣勢。酒吧旁是高枱，很多外國人先到高枱喝酒才到旁邊吃飯。而高枱附近有多部大電視，在播體育節目。另一邊是雲石餐枱跟卡坐，最喜歡以小塊鏡子做成的牆，很有時代感。️◾️《海鮮盤》◾️10⭐️/10⭐️這個海鮮盤，勾起我很久以前睇「Do姐去旅行」時，他們在法國🇫🇷旅行時介紹的海鮮拼盤。當時我還把餐廳名字記下了，下次去歐洲時去吃吃。而呢度嘅海鮮盤跟Do姐那個一樣咁澎湃，分別有兩層，上層是橙紅色的韓國海膽和牡丹蝦刺身，下層是磯煮鮑魚跟生蠔🦪。海膽還原殼上。海膽顆粒分明，新鮮香甜。海膽刺針挺拔。不是一餅餅。附上的紫菜樣子似墊著壽司的紙，還有花紋，當待應說是紫菜來，都擔心會不會是自己聽錯。呢種紫菜比傳統紫菜硬身，包了海膽後唔會軟淋淋，好香紫菜味。  鮑魚已經調味好，口感柔軟。牡丹蝦刺身好新鮮，肉質爽甜。生蠔🦪脆卜卜，鐵銹味不太重，很易入口。◾️《油封鴨髀、香煎鴨胸、香煎鴨肝配香橙西梅汁》$288◾️10⭐️/10⭐️十分驚喜，沒有預計東涌有精緻嘅西餐。油封鴨髀是眾所周知的經典法國菜，做法是將鴨髀醃後浸入鴨油內，以低溫烹煮，利用油脂在低溫時凝固的特性，將鴨腿完全密封儲存，讓味道熟成。食用時再將鴨腿煎香。這個油封鴨髀完全做到傳統的要求。鴨皮比油炸的還酥脆，鴨肉比燉煮的還軟嫩。一切下去骨肉分離，酥軟得用叉子輕輕一撥就扒開。味道是形容不了的美味，鴨肉香而不燥，口感軟糯而不黏牙。醬汁在法國菜中是好重要的！鴨肉通常配酸性水果醬，這兒配香橙西梅汁。香橙西梅醬單獨吃偏甜酸，但和鴨腿同吃就非常搭配，令味道更富層次，吃起來也沒有這麼單調。◾️《脆炸雞腿花》$98◾️9⭐️/10⭐️外皮勁脆！ 雞腿肉退到只剩下小球型，就像一朵朵的小黃花。和水牛雞翼這種下酒菜不同，這兒的下酒菜可以吃得很優雅，手指可以只掂到骨頭，沒有掂到肉，不會吃到一手油。雞腿的外層酥脆，內裡多汁軟滑。雞肉有醃過，很配搭啤酒。◾️《Yuzu Frost 》$98◾️9⭐️/10⭐️由日本清酒做出來的Yuki Frost ，加上日本名物 - 柚子，實來清新易入口，甜甜又淡香嘅Yuzu Frost 好適合女仕！ …查看更多

同一歲多嘅仔仔多去咗農場，見到仔仔好喜歡小動物，每次見到小動物都會錫落去，又常常不喜歡吃肉類，我漸漸都反思下減少吃肉。今晚同老公到尖沙咀吃飯，見到呢間主打素食嘅餐廳依然屹立不倒，那個蜜瓜山嘅廣告更深深吸引我，即刻捉住老公入去試下😍50/50 蕃茄自家製水牛芝士薄餅$138先吃主菜。薄餅餅底很薄很脆，上方有超濃水牛芝士和蕃茄醬，吃上去每一啖都是芝士香，好香口。韓式泡菜素煙肉卡邦尼意粉$118加上泡菜的卡邦尼很特別，泡菜味不會過搶，就是有少少的辛辣，少少的刺激。素煙肉味道好像火腿，好好食，而卡邦尼嘅汁掛在每條意粉上，意粉生熟度都恰當好處，份量足，整體很完美。密瓜牛乳刨冰$108主角出來啦！ 蜜瓜皮上滿滿的一個蜜瓜山，晶瑩鮮嫩嘅蜜瓜波疊起成一座小山。上有少少的煉奶增加甜度。配上3.6牛乳做嘅台式刨冰，刨冰是我在台灣吃過的棉花冰，冰是碎碎的雪片，一吃到口中便可以即時溶掉，化成牛奶，不會冰到頭痛，呢個刨冰真係好好食好貼心。餐廳裝修簡潔明亮，地方乾淨舒服。下次試埋老公想試嘅菠蘿炒飯同泰式刨冰先🥰…查看更多

油甘魚, 劍魚腩.夠肥美, 油甘魚爽脆, 油香充足, 口感柔軟, 味道一流劍魚腩魚香濃郁, 刺身十分厚切, 口感好好. 焗芝士其實是芝士焗時蔬, 芝士有點過鹹, 很抵吃.…查看更多

雞腸黑柏葉米線雞腸很肥美甘香滑嘟嘟，和平時吃的冰鮮貨或鴨腸，味道是完全不同，而且沒有怪味，軟軟香香的，不會吃到咀軟。黑柏葉味道普通，沒有上湯的味道，較失色，口感還算爽脆。湯底唔夠味，令米線也不好吃。…查看更多

小王很多人, 平常我會等下午茶尾段時間入去. 我點了一杯地瓜拿鐵，$20，好靚啊~~迷人淡紫色配上修長的玻璃杯，配上濃厚綿密的忌廉，賣相100分。入口順滑，充滿蕃薯香氣和甜美。滷鴨舌，滷水味道不濃烈，鴨舌有台灣水準。主角牛筋幼麵。牛筋很淋很膠質，麵條煙靱，湯底不太濃鹹, 有水準。…查看更多

午餐包的餐湯, 選了經典羅宋湯，濃郁夠味，蔬菜很多, 飽肚. 餐包好靚, 漲卜卜, 鬆軟可口。主菜是俄國牛柳絲意粉。牛柳絲味道是比較清淡，醬汁特多, 勝在大件抵食。…查看更多

上社交平台 睇完關注組後去的。 先點了自選"井"定食，選了大吞拿魚腩，加三文魚，加帆立貝，約$200大吞拿魚腩是鮮嫩的粉紅色啊，紋理清晰。味道豐腴，口感軟滑無渣，魚味甘香，是在香港吃過最好吃的大拖羅。…查看更多