孤獨的為食家的个人专页

首次品嘗十二味，頗有驚喜。酸菜魚份量多，加左冬粉，惹味抵食。四季豆夠鑊氣，好味！另外食左口水雞，也很不錯！特別係酸梅湯，係好大大大大一杯（$24）夠兩三杯份量！正！職員有禮熱情，食物品質不錯，值得再嚟！…查看更多

最近為食家極易覺得肚餓同好想食野，一於約朋友去食放題，放縱一下自己。今次選了未去過嘅銅鑼灣極尚大喜屋，一入去睇到有間大房嘅設計，自成一角！好啱一大班人一齊去！坐低之後，當然馬上叫野食！原來係唔洗再用落單紙，用電話就可以直接落單，落完又可以再睇返有無野未叫/叫多左！好方便同埋環保！抵讚！！雖然而家開始少食左刺身，但極尚大喜屋仲有好多唔同種類嘅野食！酸菜魚：夠酸夠辣，好味道！好多魚，大豆芽，酸菜！花膠都好正，一人一份，補充下骨膠原！！燒鰻魚：最鐘意食燒鰻魚，食左好多！肥美香口！燒左口魚裙邊：好味，有油香唔少得為食家最鐘意食嘅燒菠蘿：呢度嘅菠蘿特別香甜！當然要encore!新鮮出爐葡撻仔，好Q～海膽手卷，一次掃買幾個無難度！黃金蝦！好香蛋黃味！呢個出面少有架！記得試！食食下又去到食甜品環節，叫左季節限定嘅哈根大師～仲有多款雪糕雪條任大家食，個玄米茶雪糕都好好味！仲有木瓜雪耳糖水膽蕃薯糖水！我都食左兩碗！榴蓮炸彈波波！流心榴蓮！勁香滑！同朋友暴食完一晚！個個都食到好飽好滿足！！…查看更多

為食家好耐無出動啦！今日為食家約左幾位好友一齊去極尚大灜喜，大拆一餐！一入去見到兩排冷盤熟食一字排開，都幾多選擇。有為食家鐘意嘅泡菜同酸蘿蔔，encore左幾次！有熱湯，花螺，牛煵正仲有甜品，雪糕，飲品任飲任拎，好多款式都係其他地方好少有嘅，仲有酸沙糖，行過都拎幾粒食下，幾過癮。為食家一開始已經先食一條蜜瓜雪條聽朋友講，榴蓮雪條超好味！坐低正式開始食，當然少不了第一輪的刺身啦！水準不錯，新鮮，大件，好味！特別係甜蝦，大隻又鮮甜！熟食方面：羊架好味，嫩滑，無羶味又大件！雞軟骨好味又香口！為食家都食左好多串！仲有花膠（忘記拍照）花膠大件又滑，個汁都好味，配有冬菇同少量菜鰻魚，為食家同朋友都一致好評，因為唔係度度有，就算有鰻魚都唔會係淨上，會係以壽司形式上，呢度係完全淨上，喜歡食鰻魚的朋友唔好錯過！海膽手卷：海膽新鮮有少少甘甜，手卷細細但非常惹味！榴蓮球又圓又大，蘊藏大量榴蓮內涵！正！！差少少唔記得講，呢度係有清酒梅酒任飲，仲有熱清酒，雖然為食家當晚並無飲酒，但係其實餐廳都提供好多小菜可以伴酒，例如：魚干仔，枝豆之類，有時同三兩知己，小酌一杯，大快朵頤，實在係平常生活中的一大快事！…查看更多

臨近年尾，真係好多聚會呀飯局呀咁，你知啦香港人日做夜做，辛苦左成年，有時都要同班朋友聚一聚，一齊開心返一晚。今日同朋友行開旺角，行行下覺得又攰又肚餓，度度都要排隊的情況下，朋友帶左我上Station 3 Cafe入到去，環境其實靜靜地，舒舒服服咁都唔錯！叫左dinner set, 每份大約$88-116，加$30有頭盤加甜品（一件芝士蛋糕散叫要$25，所以加$30有齊兩樣野算抵食！而且芝士蛋糕唔錯，好味）飲品，我因為好口渴，所以飲完一杯士多啤梨沙冰之後，再叫左一杯熱花旗蔘蜜。士多啤梨沙冰味道唔錯，是鮮打的，但冰塊略微大左少少，如再幼滑會更好！熱花旗蔘蜜飲完覺得喉嚨好舒服，有真蔘片焗水，再自行加蜜糖，都好飲終於有野食沙律好好味，蔬菜新鮮唔會苦，又落勁多芝麻醬，正我地除左抵食的dinner set 仲叫左兩份小食拼盤，每樣都有幾件，樣樣都試到，而且熱辣辣，新鮮即整！食食下仲想再食薯條，所以加點左一份雞翼，因為點小食加$10又可加薯條，咁抵食當然要叫！門口都有好多卡牌遊戲供客人用，服務亦都唔錯～過左一個愉快的一晚！！…查看更多

踏入10月，香港都開始有少少秋意，雖然都仲未係好凍，但早晚都有涼涼地。所以為左一身完美脂肪細胞，為食家決定食！雞！煲！！其實而家好多地方都有雞煲食，所以為食家向朋友攞料後，黎到18樓雞煲試一試！一入到去，好多人已經開動中，雞煲好香噴噴！！原來飲品櫃有幾個，各個都有少少分別，所以要睇哂睇岩先拎，去一個飲品櫃睇係唔夠的！好多菜可以自取，食哂再拎，唔好浪費！！自助醬料區，其實雞煲好夠味，真係可以唔駛拎醬料！！好多款式，肉類唔少得，海鮮都有唔少，有一d係出面好少食到嘅都有，例如：萵筍，秋葵，鮮淮山，麻辣雞粒⋯正我全部都食左d, 新鮮同上菜快、無漏單，抵讚！D 冬菇浮哂上來，食得，起筷！有雪糕同乳酪食！！仲有爆爆珠，三色椰果，黑糖水晶之外～竟然仲有麥片同士多啤梨醬！！超正！！雖然個雞煲已經好大好夠份量，但為食家都再啪左兩大杯士多啤梨爆爆珠乳酪！好味～好飽好滿足！18樓雞煲幾正！下次再返黎食過！…查看更多

韓國最強嘅實力就係軟文化，不論係音樂，劇集，綜藝節目，抑或飲食，近呢廿年開始真係影響世界各地！最近煲煲下韓劇睇到主角食炸雞，睇到我洗哂口水，所以即call班friends一齊去銅鑼灣食炸雞。呢度位置其實真係好方便，又近地鐵站，而且向大廈入面，就算要等一陣位都唔洗身水身汗。雞類食物：半份香脆雞香脆雞果然又香又脆，本身想叫一份，但因為份量多，所以決定叫半份，因為仲想試其他野食～～一份韓式辣焗烤雞好惹味，好似去左韓國咁，搶左五大舊來食，不過如果每舊雞可以切細size少少就更好，因為我今次一口咬落去就會成嘴邊都有醬啦蜂蜜合桃無骨脆雞～呢款係朋友揸fit order，開頭我諗住得個樣味道應有一般，點知一出菜就好靚好大盤～～而且好～好～食～～出乎預料！香口，juicy, 仲有好多蜂蜜合桃！！正除左主菜叫左幾款雞，仲有叫左個蛋捲同個沙律中和返！飲品叫左兩jar檸檬梳打！個檸檬梳打幾好飲！而且1jar可以分到好幾杯架啦！share飲又開心！！全部野食都好新鮮，上菜速度又快，環境亦ok, 唔洗限時限刻，坐多陣傾下計都無問題！朋友們都好開心好滿意！！…查看更多

今日趁住屋企人放假，一齊去位於尖沙咀（其實近尖東）嘅帝苑酒店食lunch buffet!!呢間酒店比較舊式d傳統d, 中間個大天井其實幾有特色，而且採光充足，感覺舒服。去到剛夠12點，但已經見到唔少人拎緊野食，可能暑假關係，好多一家大細，扶老攜幼咁嚟，好熱鬧冷盤海鮮有長腳蟹，蝦，蜆，青口，仲有蟹鉗，長腳蟹肉同蝦都ok, 食左幾隻（其他無食，因為唔太好海鮮）沙律菜都多款同新鮮，青瓜片差左少少，因為睇落唔新鮮，而且食到有苦味（可能太大盤又無咩人食，搞到放得耐左？）熱葷有燒味同燒烤，有蒸魚有蒸點心，我樣樣都食左少少咁～甜品生果都幾多款，藍莓芝士蛋糕好食！一開始個時有著名蝴蝶酥，原味好食（好似出得一次，但臨收檔個時先再有一盤綠茶味蝴蝶酥，但原味好食d)有個龍眼雪耳糖水好味，H記雪糕有6款（有芒果雪葩幾特別又好味）仲有師傅整”班kick”埋單有7折, 每人大約300鬆d (原來頭100名訂位仲有6折tim)，閒日lunch buffet來講，cp值算唔錯！…查看更多

最近真係好多台式飲品向香港落腳，加上天口熱辣辣，搞到為食家都心思思想飲返杯珍珠奶茶！上環最近新開左間叫一芳嘅飲品店，聲稱主打台灣水果茶同黑糖粉圓鮮奶茶。為食家今日買左杯粉圓鮮奶茶（半糖）（茶濃），一飲就知出事，非常伏。首先呢杯所謂奶茶，其實真係無咩奶香同茶味，我睇到一芳應該係用香港品牌的鮮奶去沖奶茶，所以唔香亦唔滑。茶味就更加唔好提，茶濃飲落都無茶味，不敢想像無咩茶濃嘅會唔會似飲糖水..............珍珠我覺得咬口算勉勉合格，但無咩甜味，雖然唔係叫黑糖個款，但天x茗茶個d珍珠食落都會feel到少少糖水煮過嘅甜味，呢間是無咩味嘅.........可能唔鐘意食甜珍珠嘅會鐘意呢間d珍珠？！總括來說，我會比唔合格，以一杯$29蚊（中杯），咁嘅質素，唔會再飲囉............…查看更多

最近呢兩個月為食家非常忙碌，忙到無咩時間見朋友仔。趁住六月頭唔太忙，馬上call班friends出黎食放題先～今次係為食家第一次去大滿喜食放題，咦～唔錯喎～首先講下個「自助吧」先，有沙律冷盤，飲品（種類好多，有涼粉爽同馬蹄爽，仲有白色個隻可樂），有各式甜品，雪糕，雪條（有melona～正），仲有是日例湯，真係未見過放題會提供中湯，飲完碗湯就馬上開餐。全部自取！任拎唔嬲！（當然大家食得到先拎，唔好浪費，而且食物紙上面更多正野！）刺身壽司係正常水準，手卷就係迷你版，食幾舊都唔怕。大滿喜仲有就咁一舊舊燒鰻魚咁叫，唔洗食多舊飯，好貼心羊架燒到剛剛粉紅色，唔會唔熟亦唔會過老～～炸物好香口，芝麻雞翼好惹味，榴蓮炸彈好勁榴蓮味～甜品都可以自取，竟然有迷你豆腐花同藍莓乳酪，好好味～～有部雪糕可以自己撳雪糕，仲有多款配料，有軟糖，爆爆珠，朱古力碎，棉花糖同曲奇～～為食家好鐘意食燒菠蘿，因為夠鮮甜，又可以解一解食左咁多野嘅油膩感覺～～臨尾都要encore幾次～～…查看更多

有時生活太苦悶，最好就係去食餐好去慰勞下自己。今次一於食放題啦！銅鑼灣大喜屋我同朋友成日都去食，因為位置好，上菜快，唔漏單，野食又好味！刺身新鮮好味，d甜蝦好大隻！！真係要讚，壽司細細件，好味又唔會食完之後咩都食到唔到！左口魚裙邊好好食，出面食要成十幾蚊舊架！蟹粥：雖然食蟹粥好似唔太抵，但其實個蟹粥幾好食，入面仲好多蟹芝麻雞翼，好好味又香口，encore左幾次！！又係雞翼，呢款係燒雞翼，都好食！（不過我個人都係鐘意芝麻雞翼）魚干都好好食，可惜我無飲酒，唔係拎來佐酒一流！特別鐘意大喜屋燒菠蘿，菠蘿非常新鮮香甜，大大件，我一口氣食左5/6件，食到停唔到口正最尾食左個milk top 沖繩海鹽味雪糕，又係好好味！！出面買起碼廿幾三十幾蚊啦！！雖然只可要一份，但係已經食左好多野，飽哂！大滿足！…查看更多

復活節長假趁著幾日紅日，當然要去行下兼食野啦！！銅鑼灣實在太多選擇啦，今次試下向登龍街嘅上海生煎皇，因為近住時代廣場，行完街食佢都好就腳好方便！首先，叫左兩隻生煎包。職員提醒進食時小心生煎包入面有熱湯汁，幾貼心~生煎包上層都算薄，下層較厚身但係香脆~枱上有「生煎四部曲」提示～～d公仔又幾得意麻辣無骨鳳爪，鳳爪食落好爽口，無骨食起來好方便，帶少少麻辣香，仲配少量青瓜絲，好味!擔擔麵分量都幾多，有肉醬，帶少少辣，建議上枱盡快食，唔係會凍左同d面會焾左架。…查看更多

為食家又出動啦！朋友選擇旺角greyhound cafe食新派泰菜～叫左好多野食丫！！單骨雞翼呢個好味，熱辣辣，惹味香口，當時想馬上encore多一份tim ar~~~鮮蝦粉金邊粉呢個撈個時小心，因為有一些乾辣椒碎，如果撈埋就會有少少辣，不過味道都唔錯～～燒尤魚味道ok, 但尾部有d燶左，苦苦地份量偏少呢個薯角又係我鍾意。因為香口～份量都夠，不過如果帶小小辣就更惹味芒果糯米飯賣相麻麻地，少許失望，雖然芒果果肉好香甜，但果肉份量太少，cp值低椰子千層，真係有椰子肉在千層蛋糕中間，而且椰子好清新爽口，唔錯今次獲安排坐成間餐廳最內部的梳化位置，環境不錯，適合一大班人聚會。整體食物份量較少，價格較貴，如果可以有d dinner set就更好啦！…查看更多

呢排工作忙，星期六都要返埋工，上司話有好餐廳推薦比我地試下～～呢間餐廳其實算係bar, 所以如果行過都未必會入去食，但都有set lunch提供，而且有好幾款唔同類型可以選擇。星期六比weekday貴$20左右Set 包飲品同甜品，如果要埋湯/沙律就再加$10沙律份量好足，各式新鮮菜都有，仲有黃椒絲，紅椒絲，吞拿魚，加$10其實幾抵，幾用心主菜我要左肉眼扒，份量足，算厚身，有肥膏嘅位置，食落口唔會覺得肥膩，反而有一種燶香味，而且都有配菜，重點係薯蓉好香滑，而且有牛油香味架～～…查看更多

在中上環返工都有好幾年時間，有時食來食去都係個幾間餐廳，就算好食都會有D悶。今次同事提議食韓式烤雞，我話好呀!!因為向韓國食烤雞就食得多，反而向香港就HIT左咁耐都未試過呢間GOOBNE香港有幾間分店，其他分店有LUNCHSET，但中環呢間無LUNCH SET，但LUNCH TIME依然好旺場~~(不過如果可以提供埋LUNCH SET就更好啦!)原味烤雞既然第一次食，要試一試原味先。成隻雞的不同部分都有齊，份量都有十幾件，整好就即刻上枱，所以係好熱，熱到會辣親手~~~烤雞比起炸雞，食起來唔會咁乾咁硬，保留到雞肉的原汁原味，肉質好嫩滑，唔錯~~~火山烤雞我其實唔算食得到好辣，但就鍾意食辣，同事話一於試下餐牌上面spicy 5 嘅火山烤雞!! 第一啖已經有辣味慢慢滲出黎，有辣醬包住雞肉，肉質就同原味差唔多，愈食會覺得愈辣，好惹味，但我中間都狂飲凍檸水解辣。不過有一樣幾得意，食食下碟雞無咁熱個時，係無咁辣嘅~~~韓式炒粉絲雞蛋捲($148)有韓式炒粉絲做配料，味道ok，但講唔上好好食，而且偏貴凍檸水($15)為左解辣而叫嘅…查看更多

呢個泡菜熟成豬肉定食好岩我口味，所以我本身去親都食呢個餐。泡菜我本身好鐘意食，但其實唔係間間餐廳嘅泡菜都好味，就算韓國餐廳嘅泡菜有時都會「那那地」，好似未醃製成熟咁，但大戶屋嘅泡菜唔會，而且好爽口帶小小辣（但我會再加小小七味粉，再調少少味出黎）好好食，好鐘意！！而豬肉其實係類似細豬扒咁（係比較厚身嘅豬肉）食落好有口感，不過今次食，豬肉比較多肥膏，我覺得瘦d會好味d茶碗蒸蛋非常非常滑，好好味，但比較唔鐘意蛋入面隻冬菇，我覺得唔好味，而且冬菇味同蛋唔夾.......哈哈，因為我大食，而且個飯太好味，所以我一落單，通常即刻叫多半碗飯。咁當個泡菜豬肉飯一上，就可以馬上撈埋一齊食～～～大滿足！！！…查看更多