wmwai904的个人专页

男友係觀塘區開工, 成日食飯都唔知食咩好上openrice見呢間上海野又近近地, 我地就決定過黎試下!呢間餐廳係老店黎, 店內地方唔大, 位亦唔多不過都好乾淨! 好有懷舊feel!我同男友點左個二人套餐, 一共有兩個小菜, 一個湯。1. 醉雞又真係幾好食, 係估唔到咁重酒味!最開心既係佢地好細心咁去哂骨, 啖啖肉!但如果個份量可以再多D就好喇!2. 獅子頭獅子頭下面放左好多娃娃菜, D菜吸哂D汁, 好好食! 但個獅子頭比較鬆散, 似係加左D面粉。整體都OK!大家可以一試!…查看更多

十分推薦呢間店，比茶餐廳更抵食的價錢，但有家的味道,完全係抗通賬之選！睇餐牌時，完全估唔到上菜咁大碟。必食推薦有：香煎蓮藕餅 $48有6塊大大塊，啖啖肉，有咬口，送飯一流，某大型快餐店，得2塊差唔多的碟頭飯已經要近$40蚊😓38蚊的一口豆腐以為係小食細細碟，點知都係一個客飯size咁送上黎，豆腐軟滑，炸粉薄身脆口，忍唔住一粒又一粒咁食。好推介呢間小菜呀！大家快d幫襯下佢啦😆😆😆😆😆😆👅…查看更多

呢間野唔係朋友推薦我去，都真係搵唔到。但一入去，估唔到咁多人幫襯。西式bar chill風格叫支酒，生蠔仲有折，50蚊有半打♥️不過同場朋友唔愛食生蠔，所以唯有叫炸廣島蠔，48蚊有6粒大大粒，抵到爛，送酒一流。新鮮炸起，炸粉唔算多，但蠔肉多汁鮮美，熱到有少少辣親咀，好味！熊本霜降西冷係必點（$198）忍唔住叫左兩碟，牛味重，食落似慢煮咁軟熟，配埋新鮮炸起薯角同黑醋沙律菜，完美配搭。豬肪骨都好正，大大份，鐘意大大啖食肉朋友至愛，一樣煮得軟滑，十分惹味！係近佐敦至尖沙咀，食得咁靚的西餐質素起碼要3-4百蚊多點地點隱世，仲要唔收加一，所以每人埋單都係大概2百幾蚊，但行5分鐘多d就去返佐敦地鐵站!!…查看更多

今日同男朋友屋企人一齊食川菜，佢地有老人家又有小朋友，想地點方便D！於是我地就揀左旺角一間川菜，叫滿江紅小甜甜！為左要照顧食得辣同唔食得辣既家人，我地就叫左個沙鍋雲吞雞！入面好足料，有半隻雞同好多雲吞，而且有好香濃既雞湯，老人家都食得好開心！另外，我地仲點左個招牌鹽焗蜆，入口好清甜，份量亦都超多！我地都一致推介呢度既甜品呀！男友屋企人最中意食芒果涼粉，入面既芒果好濃味，真係好好食！所以都好推介呢間餐廳！…查看更多

我未見過一間放題店係咁多貴價野任食🤤大大粒生蠔，完全係出面食20蚊一粒的質素，每人食返一打已經夠回本。仲有手指咁長的甜蝦同埋即燒扇貝都係必叫之選！我一個人都忍唔住食左8粒。粒粒都超大粒又鮮甜，一食就驚為天人。點解可以咁高質又好食，仲要無限住你落單，你落單就好快比到你。有d放題店好孤寒，高質野只會按人頭每次叫一粒，呢間爽手又好食，服務態度又好，值得讚賞。不得不提係有得任飲生啤，有得自己整黎飲，係1664同asahi😍成大班一齊去食飲住啤酒食燒物就最正。佢都有放題常見的串燒同炸物，送酒一流！鐘意飲啤酒的人就會明白即沖生啤，同罐裝啤酒真係差好遠。…查看更多

韓國新派西式美食，啱晒一班人今日「激安之殿堂」開咗，所以就約埋班朋友收咗工去尖沙咀行街街，血拼完之後，成身又攰又滿足，於是就喺隔離個商場度食韓國嘢。呢度唔止一間韓國嘢，喺尖沙咀都有條韓國街，但係我哋就揀咗喺商場入面舒服咁食。呢間韓國嘢係要fusion 菜，一於同班姐妹試下佢咩料！呢間嘢唔止食到韓國泡菜味嘅Pizza，個名叫「泡菜海灣芝加哥」，食落有淡淡泡菜嘅辣味，上面嘅海鮮料豐富、而且邪惡嘅芝士拉絲拉極都唔斷，加埋又係人芝心批邊，好食到停唔到口。去得食韓國嘢，點少得韓國好出名嘅炸雞。個炸雞係牛油蒜香，好食得來外皮又脆博博，入面炸得好滑。再黎個海鮮年糕，略嫌個海鮮好少款，份量唔多，但個汁都好味嘅，年糕整得軟硬適中。軟殻蟹意大利飯份量岩岩好，味道都唔錯，幾creamy, 反而個泡菜海鮮意大利飯就太咸，好彩叫咗杯嘢飲，個熱情果燒酌令味蕾感受到清新嘅感覺。好朋友今日「激安之殿堂」開咗，所以就約埋班朋友收咗工去尖沙咀行街街，血拼完之後，成身又攰又滿足，於是就喺隔離個商場度食韓國嘢。呢度唔止一間韓國嘢，喺尖沙咀都有條韓國街，但係我哋就揀咗喺商場入面舒服咁食。呢間韓國嘢係要fusion 菜，一於同班姐妹試下佢咩料！呢間嘢唔止食到韓國泡菜味嘅Pizza，個名叫「泡菜海灣芝加哥」，食落有淡淡泡菜嘅辣味，上面嘅海鮮料豐富、而且邪惡嘅芝士拉絲拉極都唔斷，加埋又係人芝心批邊，好食到停唔到口。去得食韓國嘢，點少得韓國好出名嘅炸雞。個炸雞係牛油蒜香，好食得來外皮又脆博博，入面炸得好滑。再黎個海鮮年糕，略嫌個海鮮好少款，份量唔多，但個汁都好味嘅，年糕整得軟硬適中。軟殻蟹意大利飯份量岩岩好，味道都唔錯，幾creamy, 反而個泡菜海鮮意大利飯就太咸，好彩叫咗杯嘢飲，個熱情果燒酌令味蕾感受到清新嘅感覺。…查看更多

成日話馬鞍山係美食沙漠，但其實馬鞍山都好多好嘢食。就上個星期日，同左屋企人去酒店樓下間西餐廳食，貪佢靜靜地，又近個海濱長廊。我哋叫咗個海鮮意大利粉，個明太子醬非常濃郁，食到成個口都係醬，啱晒重口味人士。然後個泰國串燒，其實相當惹味，作為頭盤或者開派對簡直一流。個肉醬通粉略嫌細咗少少，不過肉醬炒得唔乾身，食落有肉汁、而且有番茄味，越食越開胃。於是我哋叫埋煙三文魚香草薄餅包，個包食得出係小店製作，因為同平時食開冇咬口嘅麵包差好遠，識落煙煙銀銀，好有滿足感。最後仲食埋個朱古力蛋糕作為甜品，入面嘅朱古力有少少流心，成功為呢餐晚餐畫上完美嘅句號。…查看更多

打邊爐最緊要既野除左個爐就係食材要新鮮! 今次黎到寶寶雞煲就好感覺到食材新鮮真係差好遠。我地叫左本地新鮮牛肉同手切雪花肥牛, 兩款都有牛味各有捧場客, 而我就鍾意食手切多少少, 因為牛味濃D。之後不得不提手打蝦滑, 大大粒蝦肉係入面, 未落個煲已經估到係正野, 熟左再食不得了! 又爽又彈牙! 點解可以咁好食架!!!其次鍾意食佢既雲吞同九菜餃, 仲有稻庭烏冬! 雲吞同餃覺得係佢地自己整既, 食落好新鮮, 唔似出面街市買果D雪左幾個星期既雪藏餃。烏冬依度雖然雪到硬冰冰, 但淥完出黎好滑, 唔係粗身果隻烏冬, 超好食!最後值得一講既係桂花蚌, 雖然我唔係好食海鮮, 但都食得出好新鮮, 咬落好爽! 朋友們一路食一路讚。…查看更多

最近香港興起食熱石牛，見完蘋果動介紹，自己都心郁郁想試，所以就去左旺角就近既熱石牛-牛極，黎做返日牛魔王！餐廳好細心，提供埋即棄圍裙，最開心係沙律🥗任食、牛湯任飲、飯任添！牛湯幾唔錯！其他配菜就不過不失啦！主角出場！80 grams 肉眼扒！店員一拎出黎，有血水出緊，所以好大煙，大概係一成熟！我等左5分鐘，已經係7成熟，大家唔好放咁耐！食落都幾好食！價錢算係大眾化，唔洗過$100就有交易！都可以一試呀！…查看更多

一入門口第一眼就覺得好靚, 個天花板有好多星星燈同埋店內燈光較到比較暗, 形成一種好似係星空下食晚餐的感覺, 門口仲有一個鐵網鎖上大量情人鎖, 感覺好適合情侶過黎食。雖然今次唔係同伴侶過黎食飯而係同一班三五之己過黎, 但依度真係好適合傾計, 因為食物的份量足, 又有酒飲, 再加上無限時, 食下野傾下計, 唔覺唔覺又一晚。今次我地4個人叫左一份炸雞, 一份芝士豬肋骨同飯團。唔好睇好似好少野咁, 其實份量好大, 絕對夠食。食韓國野好難唔叫炸雞, 韓國的炸雞都大大件炸得又香口, 依度都唔例外。因為有朋友唔食辣而我地又想試多D口味, 所以我地揀左雙併炸雞 – 醬油&香蒜蜜糖, 一上菜真係嘩一聲! 炸雞同薯條份量十足, 仲配上4款調味醬, 其實唔點都已經好夠味, 同埋大口大口咬炸雞的感覺真係好滿足。下一道菜係芝士王國 - 芝士豬肋骨! 仲大碟!! D 芝士佔左一半位, 係加熱期間融化左芝士同豬肋骨混合埋一齊, 正! 一開頭唔知份量咁足怕唔飽, 所以叫左一份炭豚飯團, 味道唔錯, 不過炸雞同芝士豬肋骨的衝擊太大了。最後飲品我地叫左蘋果芒果米酒同柚子米酒大家share飲, 大大碗, 每款米酒每人起碼飲到2碗。2款米酒都係甜甜地好岩女仔飲的。…查看更多

日本放題都hit左好多年下,近排聽到有餐廳推出左韓國版既放題,聽到都即刻心心眼呀!呢間餐廳位於尖沙咀, 由美麗華行過去, 應該係5分鐘都唔洗!場內都幾寬絡, 總體都坐得好舒服!!呢間餐廳最大既賣點就係可以食8爪魚刺身!omg!咁大個女第一次食會郁既8爪魚腳,入口個feeling都幾得意, 佢會啜住我塊面口感就好似魷魚咁, 食落都唔錯!呢度食物有好多選擇, 甜品有movenpick任食, 飲品都有好多韓國獨有野飲揀食物方面, 首推係部隊鍋開心既係可以自己散叫食材, 成個feel好似打緊火鍋咁!…查看更多

我既父母都超中意食辣，仲要係超重口味！今日就擇左呢間餐廳，一嚐佢個麻辣火鍋🍲睇下係咪咁過癮！餐廳地方非常闊絡，坐低就有店員上前介紹菜式更令我地驚喜既係，佢地竟然提供水果🥭任食！而提供既西瓜🍉蜜瓜都好新鮮多汁非常驚喜！湯底🥣我地點左麻辣火鍋配豬骨湯，個麻辣湯好夠味！辣得過癮！食物推介既第一位：牛丸！好爽口，食到有牛根！店員仲解釋係佢地手打！對食材好認真！第二推介：珊瑚蚌好新鮮，入口爽彈，仲食得海水味第三推介：鴨血好滑好滑好滑！重要野要講三次！…查看更多

我平時都會係大圍嘆下茶，意外發現田心邨附近有間家庭式既茶樓於是就帶媽媽黎呢度嘆嘆茶呢度既點心🥧都係即叫即蒸絕對唔會出現大酒樓果d, 不斷翻蒸又翻蒸既情況唔怕點心🥧蒸到爛哂！點心🥧首推既係蒸鮮魷，好厚肉，好入味，覺得整得好好食二推係奶皇包，大大隻，食到有蛋其粒粒！三推係蝦餃，Omg😲 第一次見粉果咁大粒既蝦餃味道又幾好食喎，入面好爽口蝦bb同我say hi👋🏻 四推住花膠雞湯，清清地，唔會好味精！我中意呀！…查看更多

老媽子向來都喜歡食日本菜，而且最愛食海膽，見依間都近近地就黎試一試，順便慶祝母親節🤭🤭依間日本餐廳都唔錯，環境唔算大，但睇錯都幾舒服丫~首先我地叫左個自選海鮮丼，價錢都係$68，有馬都貝、赤貝、甜蝦、左口魚，非常抵食👍🏻壽司我地叫左三文魚、芥末八爪魚，仲有左口魚，每件壽司都係大大件，好有鮮味❤三文魚入口肉嫰，左口魚魚油味夠哂香濃，好惹味😋重點推介嘅係芥末八爪魚，同出面食嘅好唔同，芥末唔會好重，味道岩岩好👍🏻八爪魚好彈牙👍🏻好好味。主角出場啦😍馬糞海膽登場💞入口海膽品道濃郁，而且用日本傳統方式，紫菜係分開上，既保持到紫菜鬆脆，真係令個味道升左一級，值得一讚👍🏻👍🏻仲有串燒，叫左牛舌、香菇、一口牛等都燒得幾唔錯，香茹$8一串，抵食到冇朋友🤭仲有芝士天婦羅蝦卷，面層芝士燒食好香，可以一試。最後加左個黑豚肉烏冬鍋，黑豚肉煮得岩岩好，唔但un口，都幾好味👍🏻食完依餐真係飽飽，整體都幾滿意，可以再黎😋…查看更多

係大圍呢頭返工，老老實實，好食既車仔面真係少🥺但呢間臨記一到食飯時間，人龍就會出現！結果我試完之後，果然冇令我失望！臨記車仔面好似快餐店咁，落完單坐低等叫number,其實真係好方便！唔洗企住等佢整！而且地方闊絡，坐得好舒服😌食物方面，水準都好平均！第一推介，燒雞翼！食落味道追到某大米線店🍜既土匪雞翼值得一試！第二推介，豬腸！臨記處理得好乾淨，食落唔會過肥，亦冇異味！正！第三推介，腐皮卷入口香脆，超好食！…查看更多