臨記車仔麵

係大圍呢頭返工，
老老實實，好食既車仔面真係少🥺
但呢間臨記一到食飯時間，人龍就會出現！
結果我試完之後，果然冇令我失望！

臨記車仔面好似快餐店咁，落完單坐低等叫number,
其實真係好方便！唔洗企住等佢整！
而且地方闊絡，坐得好舒服😌

食物方面，水準都好平均！
第一推介，燒雞翼！
食落味道追到某大米線店🍜既土匪雞翼
值得一試！

第二推介，豬腸！
臨記處理得好乾淨，食落唔會過肥，亦冇異味！正！

第三推介，腐皮卷
入口香脆，超好食！