薇薇安的个人专页

可以6:00後堂食，跟男友在屯門搵食，見門口有幾抵的2人餐，就入去食。選了$168餐，電話do QR code 自助下單，有部分選擇售罄。選了超級至尊pizza, 厚切焗豬扒飯， 芝士醬伴一口炸雞， 美式炸魚千島沙律選熱檸蜜時，有得選要1片定2片檸檬，我忍唔住同男友講想要3片，無得選，熱檸水3片檸檬先係正常吧？ 當然選了2片，幸好有片較厚。炸魚沙律估唔到咁大塊，外脆內軟不錯。這個炸雞都好脆好厚肉，唯一是芝士上枱時已經煎到快變芝士脆片，個底金黃色，無咩剩可以撈上脆雞上。Pizza 無睇清楚圖，以為係出面的超級至尊餡料，如果知道是腸仔可能會轉要日式果隻，但整體係好食的，愛腸仔的朋友會喜歡，佢算多餸的。 這個厚豬排焗飯，好味，豬扒好有份量，這個芝士是好食過脆雞的芝士，而且有不少磨菇。 男友話食到個盤的金屬味影響了味道，我就後知後覺，個腥味唔係來自番茄？最後我地2人餐竟然食唔晒，打包左半個pizza 回家，第二日早餐有著落。下次再試另一二人餐，二人餐其實唔大食的三個人都夠食:)…查看更多

今次與飯腳食飯，在油麻地地鐵站果面等，最後都係向旺角方向，食左呢間餐廳，好喜歡小舖的門口裝修，文青feel。見到Follow IG 有9折，當然即做啦！ 同飯腳都係愛熱飲之人，二話不說就先叫左呢壺叫百味紛陳，有蘋果、百香果、青檸的香味，而且有蜜糖的甜味。 好濃好甜的味道，我自己就覺得略濃了點，愛甜的朋友就一定喜歡。餐廳仲有另一壺花果茶熱飲的，可惜今次飲唔晒，下次要再試。串燒上枱好靚，有特濃沙嗲醬，而且佢一份就有3款串燒選擇，所以多而不會太膩。孜然燒牛肉唔錯，較瘦但有孜然香。京蔥燒雞肉，京蔥是主角啦！鳳梨燒豚肉，應該是鳳梨汁醃製吧，因上枱不見鳳梨，但就幾好食。因晚上去食已經無晒牛角包，但這個賣相很出色，燒牛肉炒蛋多士好好食，多士香脆、蛋香而燒牛肉嫩滑，下次會再來encore. 最後要了吉列魚柳滑蛋飯，生京蔥起了大作用，配吉列魚柳原來好夾，魚柳好大塊，蛋有蛋汁，如果滑蛋再厚身些口感會更佳。飯份量足，我哋兩個都食唔晒碗飯。這餐廳好好坐，可以慢慢同飯腳傾下計，食下飲下，便一個晚上。 服務唔錯，好舒服的一晚下次會早些來試牛角包。…查看更多

提提大家，這裡是qr code 落單，自己落單好啦！ 唔好搵亞姐！ 否則未食就會有氣其實食過多次，次次都是食同一樣 - A7餐 - 豬膶牛湯米 + 炒蛋多士。豬膶好食，大塊、又有厚度又爽，牛肉ok, 個湯有薑味（但可以再重些薑味），而且個湯好有細個嫲嫲煮豬膶水的味道，所以都喜愛久不久去食一碗:)回味下兒時。所以湯係必會飲晒的。炒蛋中規中矩啦，多士可以的。而這裡的杏仁霜係唔錯的，又係濃味的。因無諗住出post, 所以開頭無影相，就俾食完的相大家睇啦咁做咩最後要寫呢？ 係因為這裡的亞姐，由帶位就開始晦氣，我自動波未叫入坐就掃定安心又在佢面前do 溫度，但佢就當客係佢心內條蟲，語氣係嫌棄我哋行得慢、唔配合的感覺，所以作為客一開始就會有點不是味兒！所以勸大家自己do枱的qr code 落單，轉咩都得，免叫極都唔幫你落單，或回一句qr code 落單，或幫你落單時嫌棄你煩。搭枱2-3組在4人枱，有時亞姐上菜會是但放低，要客人自己領回，客人變傳菜。所以食物ok, service就唔好有期望。管理層見到post就搵人微服下就知㗎啦！…查看更多

在佐敦搵食，不約而同，都有朋友約我在這茶餐廳食，所以都食過幾次。有次食完飯想飲杯野，飲左杯熱杏霜，好耐無試過杯熱杏霜咁濃咁杰，好好飲，不是我曾經在其位地方試過好稀的杏仁水，所以印象深刻。之後試過午餐食牛扒意，性價比高的，不過忘記影相。今次食tea, 叫左個雞翼撈麵，見到上碟有d style, 所以影左相。 食落又幾好食，麵夠韌性，瑞士汁夠味及雞翼夠滑。 整體好食，唔錯。 炸髀薯角都好食。難怪咁多朋友都會約我在這裡食…查看更多

超級愛魚 或自稱係貓的人士要看完又同飯腳飯聚，今次想食中式，在openrice 睇下睇下就選了這間。旺角繁華的後方煙廠街的中式小店，去到時街市剛剛開始收市。在對比下，容易找到。一坐低，竟然發現有差電位，二話不說就差電今次試了一個好考師傅功力的菜式，麻香爽魚皮，好爽的、好彈牙的，膠原豐富的，麻是麻油香，點日式芥末食，多了一份層次，多人分享就好，兩人食完都飽左一半，我明唔係人人敢食，但我飯腳平時唔多食魚都食到幾件㗎。有一個餸吸引了試食的興趣，金稻穗香一口牛，係炸米加茄子炒一口牛，而個汁係日式芥末，我唔敢用鼻呼吸，只可用口來呼吸，才可以唔咳新嘗試，脆米配牛有口感。蒜蓉蝦乾蒸勝瓜，正好中和一下上一道菜的重口味，這碟味道可以，但對港女來說油份略嫌多左些。但男士應該大愛。最後又係貓貓出場的時間，豉汁蒸白鱔，味道惹味，雖然這條鱔唔算大條，飯腳怕多骨，食了一些大件少骨的，但我又清了一碟，中規中矩啦。溫馨提示：記得唔好坐門口位，坐入面會較好。…查看更多

屯馬線開咗，就約飯腳去九龍城食飯，真係好方便，宋皇臺站一出就到九龍城，好快就到今日訂左位的泰菜館。係Openrice 見呢間都多好評，我同飯腳又未試過，而且出面又無分店，所以就揀咗呢間試下啦:)好彩有訂位及行快一步，入到去已經係最後一張枱，後面到的人要等成十幾分鐘才再入座呢，Lucky我地今次無叫蝦餅魚餅，反而叫咗炸雞卷，味道都討好，脆脆的腐皮包住雞肉，如果餸酒都唔錯。平時都係食豬肉生菜包，但見到佢有鴨肉生菜包，所以馬上叫來試試，估唔到有驚喜，好食喎！ 鴨肉有口感，而且整體好夾，有檸檬葉及洋蔥的香味加少少辣，好有層次的口感，令人想一食再食。這個好快就食晒。而且鴨肉中還有一些炸豬皮裝飾，但炸豬皮混在鴨肉中，可能食左都唔發覺，如果保持脆脆會更好。蛋包鮮蝦金邊粉賣相ok, 蝦有彈性，而且有一片片的豆干，整體味道ok, 青檸汁一定要記得加，加左味道層次會出色多些。我同飯腳都選了熱飲作結，我選了洛神花蜜，飯腳選了菊花薑蜜。係一個好的作結。埋單出門口，無加一，正！呢餐食得好飽，也好開心可以同飯腳傾下近況。 最正係好快又可以走回屯馬線，返屋企快左好多…查看更多

好耐無同飯腳食飯，今日試了未食過的游水蝦燒烤。 無得去旅行，就去食一餐勁的。 而且仲有得玩又有得食，娛樂性十足。一上到樓，就見到好多裝滿游水蝦的水缸，入面的蝦好生猛，而且好大隻。 見到佢哋游來游去，好療癒。真係好大隻的，而且好新鮮，夾果時都好高難度，游來游去，會生猛到夾唔到，或者夾到都反抗逃跑。就係咁就會濕面濕身，或濕了隔離枱所以我地都坐出一個位，不貼近水缸現場還有好多海鮮，扇貝、帶子、螺、大蛤、蠔、魷魚、整條大眼雞 等等不停添加。 所以都食左幾round.每枱都送好大件的無骨鱔肉及鮑魚，燒鱔肉真係好好食。連唔多食魚的飯腳都食晒全件。另外，也送了蒜蓉蝦（在錫紙盒內）及鹽醃蝦。 但這些蝦的新鮮度當然不可以同游水蝦俾啦，但係就夠惹味！我喜歡食扇貝，所以就食左幾round:)蛤都好大隻。游水蝦，現場係有一個冰水桶可以先凍暈佢再燒，而且有剪刀提供，可以去鬚去腳再燒，就會簡單方便啦。蝦肉彈牙，蝦頭有膏（自己要識揀啦），整體好新鮮，鮮、甜、味好。蠔都唔錯，好鮮甜。 而魷魚可全筒燒，也不錯。海鮮類外，燒金菇牛肉係我喜愛的食物，所以也食左10串8串衝完一輪，要中場休息，就食下翠玉爪、冬菇、菠蘿、雞翼，見到現場有原條茄子提供，但今次太飽無試。 下次再試。燒菠蘿當然係好好味啦！ 又係好幾round解膩就可以再食過這個爐有兩層，可以加快燒烤的速度，所以秋刀魚、金菇肥牛、牛仔骨、秋葵、大蔥等放得平的食物都在第二層燒現場也有好多腸、丸、肉（包括羊架）、蔬菜可供選擇，但真的好飽，食唔落啦！又係下次再試。現場的熟食也有照顧到，可以自己淥菜淥烏冬。飲品櫃及雪糕櫃都係一應俱全，真係兩個胃都裝唔晒。 食到最後，真係飽到上喉嚨。要讚員工照顧貼心，見到蝦在冰桶反抗，馬上送上碟給我們蓋頂，而且也會有燒烤提示，非常貼心這餐好滿足，而且飲飲食食時間好快就到十點，希望限聚令快完，可以再嚟食得更盡興:)…查看更多

好耐無食過山林道，所以今日就由佐敦行去山林道搵食。 見Openrice 話這間唔錯，就同飯腳去試試。天氣涼涼地，又乾燥，馬上要了兩壺熱檸檬洋甘菊蜜糖茶。好足料呀，成個壺面都係花味道討好，令人一飲會想再飲。 個人會喜歡再多一、兩片檸檬，就very good 啦！先來小食厚玉子燒，嫩滑的內心，很有蛋味，而且燒汁及木魚絲也很搭配。襯熱就馬上食了兩件，好快清碟。:)Call 芝士控入來，就是這碟醬油風白汁三文魚扁意粉。 個名明明是白汁，但第一啖一食就馬上很surprise, 好濃的芝士味，非常好食。 而且三文魚也有不少。 連唔愛食魚的飯腳也喜歡。 這個扁意粉要encore好多枱都有叫這個MK鰻魚蛋包白飯，這個鰻魚好juicy, 好好味。 蛋包飯因有鰻魚汁而可以空口食晒 這個飯已經包了一件厚玉子燒，所以整體是好豐富、好滿足的。 這餐廳靜靜傾下偈也不錯，所以都好多人來食。 記得訂位先，唔使等位…查看更多

在佐敦唔知食咩好，實在太多選擇。 所以就上openrice 選了這間未食過的南洋與飯腳來試試。門口所見，都算合口味，而且多款選擇，就入去試試。餐廳環境整潔，而且餐具也感覺乾淨。 不用額外清潔的感覺。這杯凍冬瓜龍眼冰很好飲，甜味適中，而且龍眼好食。 要了少冰正合我意。飯腳要了一杯熱咸檸水，可以好好地解渴，下火。:)要了南洋小食拼盤，共有5款小食，最好食是彈牙蝦餅，味道很不錯。 可以Encore炸春卷鬆脆，味道唔錯，襯熱食好味。炸豬扒及炸雞翼，香茅味加蔥油味，也惹味。雞翼夠嫩滑。醃鳳爪，這個爽爽的，個人口味，如果再酸辣多一點會更好。金沙骨肉骨茶好香好飲，藥材味夠甘香，入口濃郁。 而且金沙骨香滑入味，完全不會是煲湯肉，好嫩滑，不痴牙。可以一食再食，不會膩。原個蒜頭加入，打開蒜皮有煮腍了的蒜頭食，是另一特色。 但如果再煮腍爛些會更吸引！:)這個炒飯就好有驚喜 - 蝦頭膏炒飯！上枱就已聞到好香鑊氣。飯一粒一粒的好好食，而且蝦也好爽。本來飽左大半怕食唔晒，但整體太好食，所以最後好快清碟照鏡。好食的一餐，與飯腳好好地傾左一晚。好開心的飯聚現場。可以Encore.…查看更多

今日跟飯腳在銅鑼灣搵食，睇Openrice 先知原來銅鑼灣都有小曼谷，所以就來試一試。在大門口就見到火車頭，原來這間係火車站主題，有指示牌又有行李架，都幾特別。 現場有live music, 樂手唱得不錯，結他輕奏，好有mood. 可以聽下歌，慢慢傾，慢慢食。先來沙律開開胃，這個極上牛小排醃沙律好好食，雖然真的有點辣，但好足料，牛小排有好多，好有份量，而且好嫩滑有牛香。沙律菜好新鮮。要了海南雞半隻，份量都ok. 雞有雞味，而且好滑，忍唔住一口氣食左幾件，泰式海南雞醬辣辣地幾惹味。點醬或唔點醬都各有風味。泰式乾炒海鮮米粉有驚喜海鮮份量有唔少，而且竟然有帶子！ 個米粉好有鑊氣，而且米粉係幼絲但好有彈性。 味道好好食，咸咸地，加埋士拉差辣醬就昇華左，令人好想食多碟。泰國米粉真係無得輸，令人一解泰國街頭小舖的懷念。這餐廳整體感覺良好，下次要再encore:)…查看更多

在旺角約了飯腳，涼涼地又想打邊爐，最後openrice左在我地附近的這間，就訂位試試。入面環境坐得舒服，位置不會太迫，而且有預留櫈來給我們放手袋，很好。自助的飲品雪糕、及自助的菜丸餃麵雪櫃都好齊全。有啤酒任飲，其他飲品款式也不少。食物乾淨也有好多款選擇。有出x一丁供應，非常好。打邊爐響鈴、魚皮就真係唔少得。蔥蒜盤直接送上枱，樣樣齊全，可以輕鬆‘加料’。可以選雞煲或鴨煲，而且餐單可選走芫茜或走腳，很細心。 我們選了雞煲。這裡仲要無限添食，可以食完雞煲食鴨煲。雞煲上枱，好香！而且有員工幫手炒勻芫茜，聞住就肚餓了。雞煲味道ok, 我們點了多麻少辣，而雞就的確惹味。食完雞煲，我地就開動芫茜鍋，芫茜好新鮮。除了自助區，攞菜丸餃麵，還有點心紙點食物，海鮮都有不少，我們要了生猛海蝦、帆立貝、活海蜆、白鱔片、墨魚滑、墨魚仔等等，活海蜆好食，蝦好新鮮，所以飽也encore左一次！再要了美國肥牛，真夠肥；鮮滑牛肉，夠嫩滑；美國黑豚肉，羊肉片等等，鮮滑雞件就真係好滑，食下食下就好飽了。最後都飽到食唔落甜品啦。…查看更多

好耐無去過貓貓cafe, 今次同飯腳在openrice搵左間人氣店來試試。幸好時間早，唔使等就可以入舖。入舖前有一樣好衛生的安排，就是要戴上腳套，但也是好先進的安排，一踩即穿上非常貼心。一入到去就見到貓貓露肚肚歡迎這間真係好多貓在四圍走動好可愛無處不在，隨時佔了櫈、佔了枱底，甚至剛準備好的枱面好似要探索什麼，下一秒就鑽了入車底佢地真係好玩得，又任摸任抱言歸正傳，講番食物先這壺藍花皇家伯爵荔枝紅茶，蜜糖另上。 味道本身是清清的幾好飲，當加入蜜糖就更好味。 我地一壺就加晒所有蜜糖這個是忌廉南瓜湯，好creamy, 而且有南瓜蓉加強口感，真係真材實料，質地濃厚幼滑金文畢芝士挪威煙三文魚意大利黑醋沙律有驚喜，芝士跟三文魚同食好夾，三文魚塊數不少，喜歡。 除了沙律菜，開心有菠蘿，個黑醋汁也好味。西班牙紅蝦東瀛蟹籽墨魚汁扁意粉有兩隻大蝦，而且肉質彈牙鮮甜，個意粉惹味及有彈性，而且竟然食到好有鑊氣當然墨魚汁就食到牙黑咀黑啦但都好值得。新西蘭露絲瑪莉羊前膝配黑松露燒汁跟薯菜，羊膝好好肉，而且估唔到肉質好嫩滑，所以這個好快KO. :)食食下，又有貓貓在枱底坐下，好可愛。這餐好彩早些來食，出門口時，出面人山人海，好多人在等位。…查看更多

今日同飯腳試新野，去左諾士佛臺，因為睇openrice見到有人推介食熟西瓜配豬腩肉，好有趣，就要去試下。上到餐廳，見到餐廳的燈好靚好特別，忍唔住影了下來。餐廳內環境寧靜舒服，係happy hour 傾計好地方。飯腳要了一杯Mocktail Eden Garden, 薄荷葉非常新鮮，而且味道清新、接骨木花味道及其他果汁味道配合，很吸引。頭盤開開胃口，選了西班牙火腿拼盤，有兩款不同風乾月份的火腿，較短月份的，嫩滑，入口即溶。 較長月份的，甘香，齒頰留香。配料的選料不錯，味道配搭剛剛好，有小紅莓、杏甫肉、橄欖、餅乾，配搭來食各有特式。到了今趟想試的重點，西班牙燒豬腩伴烤西瓜三文治，這個味道係估唔到咁夾，烤西瓜的口感有點似爽肉，加燒豬腩同食好有趣。這個是飯腳喜愛的意大利雲吞，菠菜芝士意大利雲吞拌蕃茄芝士汁，菠菜泡沫。 這個賣相好靚，味道剛好，蕃茄芝士汁及菠菜泡沫是令整碟餸菜的點綴位，保持清新感覺，非常建議要襯熱食，口感會更佳。炭烤西班牙栗飼豬胺伴時令蔬菜，焦糖蘋果蓉，豬胺有驚喜，嫩滑及炭烤豬味好吸引，豬油香溢，焦糖蘋果蓉係有助豬胺昇華及解豬油的膩，配搭食用很好。而醬汁也建議配在一起食用，廚師巧妙的配合，合起來也很有風味。最後我要了個signature cocktail, Dirty Affogato. 其實也算是一道甜品。 上枱時有好香的Espresso 味， 也有好香的酒味。 酒類有homemade coffee whiskey + Kahlua + Dom Benedictine, 再有好香濃的Espresso，angostura bitters 帶出了咖啡及酒的味道，最後吸引味蕾的是有雲呢拿籽的雲呢拿雪糕啦！這杯cocktail 是為這餐畫上好完美的句號。兩個人，這餐fine dining 每人食左$520 左右，開心傾了一整個晚上，很舒暢。…查看更多

因男友幫他的朋友搬屋到土瓜灣，今日特意跟男友在土瓜灣食晚飯，但時間較夜，就在附近入了小廚食小炒！一向都喜歡有鑊氣的餸菜，所以這個時菜炒班球一定對胃。有鑊氣之餘也很香，魚塊的數量也合理及好食。菜心也很新鮮，餸飯一流。另一碟是欖菜肉碎炒四季豆，這個有欖菜就已經好香，肉碎跟豆的配搭又夠味，完全係可以全碟沽清。兩人食了一碟也不會嫌多呢！兩個人share 1 碗飯，食哂所有餸，就已經好滿足。叔叔的招呼也好街坊好親切。…查看更多

今日下午同飯腳去了西環，選了這間慢煮主題的餐廳食好西。 但入到去，估唔到有一塊好古色古香的牌匾。設有上層雅座，可以較靜地慢慢傾吓偈，不受打擾，非常適合三五知己一齊聚下、飲下酒。這裡要自己出去counter order, 侍應再送餐。先來飲品，我這杯是荔枝接骨木花特飲。很清新的味道，少少甜，很好飲，行到熱入到來飲這杯透心涼。飯腳選了熱水果茶，味道不錯，有幾粒生果點綴，也是解渴之選。諗起慢煮就想食美式煙烤豬仔骨，這份有3條骨。 慢煮後的豬仔骨，皮香肉嫩，一咬肉就跟骨分離甩出來，醬汁好味。 我們選了3款配菜，牛油卡真蝦仁串都夠味，不會是醃得好爽好假的蝦仁。 燒蘆筍苗真的好幼細呢。芝士溫泉蛋大啡菇是不錯的選擇，流心蛋汁配芝士及菇很美味。我們再選了一個獨食燒烤盤兩個人share。24小時煙燻烤頂級安格斯牛肉，肉很嫩，不會痴牙，而且有肉味！24小時煙燻烤美式豬腩，肉一樣嫩滑，而且肥膏有口感，皮QQ的。烤紐倫堡香腸，這個有煙燻香味的香腸也不錯。36度溫泉蛋也很滑及有蛋味！接著的配菜，如：公司薯仔沙律、雜菜沙律及香草車厘茄也很吸引眼球。菜肉及澱粉的配搭，果然適合一人自私食。最後試了比利時窩夫，芝士味，可以用來點蛋汁，非常建議新鮮熱辣出爐時食。同飯腳歡聚一個下午，又係傾得很開心的一餐。 …查看更多