johnchen33的个人专页

今日同老婆大人book咗呢間喺銅鑼灣嘅居酒屋，為咗答謝老婆湊B嘅辛苦，知道老婆鍾意食、刺身同海膽專誠揀咗呢間浪漫氣氛居酒屋，兩公婆撐枱腳梗係要試吓季節性嘅清酒清酒有花香嘅味道 配搭刺身同海膽可以突出佢哋嘅鮮味星期一至六晚餐清酒720 ml仲有買一送一如果真係飲得嘅人都幾正，我同老婆兩個人都飲唔到好多，所以都係叫咗支細嘅300ml已經醉醉地呢個前菜我覺得幾好食，青瓜同蘿蔔清新不過係無味嘅，當配搭咗鯷魚醬我就覺得好開胃，不停係咁食鐵板燒北寄貝調味唔會好重，食得出佢嘅鮮，而且爽口，佢嘅火候啱啱好唔會話太熟，配清酒都係一個好選擇北海道海原來可以叫半板，所以我地試左半板白膽，入口即溶而且好香甜，吞咗之後海膽嗰種餘韻仲喺個口入邊徘徊，之後一啖清酒成件事勁開心串燒我叫咗黑毛豬豬肩，配以煙肉碎 、芥末醬係上面好夾；蒜香羊串有少少蒜嘅辛辣味，辟走咗羊肉嘅騷味鵝肝多士，鵝肝香味濃郁配無花果醬同粉紅色嘅魚鬆粉，甜甜地即時令到肥膩度減輕去到最尾食signature雪糕 海膽雪糕，少少咸開頭都有啲怪怪地，之後唔知點解就越食越好味…查看更多

前幾日朋友約咗我去呢間餐廳，鐘意佢寧靜同埋啲食物真係幾高質叫咗杯石榴特飲，係梳打飲品，唔算太甜幾好，有少少石榴味西京燒比目魚，條魚燒得好靚，魚皮微焦，魚肉就金黃色。食入口滑溜甘甜，無魚腥味，反而係有少少甜味配埋沙律醬好夾安格斯牛肉薄燒呢款一開始我以為嚟 錯唔係薄切咩？原來佢係將薄切咗嘅牛肉捲起黎，加左啲蔥，口感更有層次又唔靭。而配搭嘅醬汁好重蒜蓉味，大有小小嘅柚子味。有柚子味幾好，中和左肉嘅油膩感。最後叫咗松露蟹膏意粉，味道無我想像中咁重口味，係無乜醬汁嘅，但都唔乾。食到好香嘅松露味，好多絲絲嘅蟹肉，2個人share 食岩岩好啦我見佢餐牌有好多套餐，下次再試下佢生蠔套餐先！…查看更多

呢排見咁多人開始出發去日本旅行，搞到自己都好想去日本食靚嘢，但係又唔想同人逼，都係喺香港食住先，見到社交平台旺角開左間居酒屋，就同女朋友去試吓,估唔到都好新鮮同埋質素都好高兩個人我哋叫咗一個櫻·澳洲龍蝦極盛有澳洲龍蝦刺身、帶子、海膽、中拖羅同埋油甘魚全部都係高級嘢咁耐冇食，梗係要愛錫吓自己同女朋友喇龍蝦刺身真係好甜、好爽嗰種鮮味好似真係去咗日本個特調蕃茄汁專為佢而設，可以突顯佢個鮮甜味中拖羅油脂分布均勻入口即溶，食完仲想再食其他刺身都好出色，海膽好甜完全冇腥味，帶子同鯛魚都好好味極上牛舌芯串燒火候啱啱好，爽口彈牙，加檸檬感覺帶點清新海膽拖羅蓉多士拖羅蓉帶點蔥味，我略嫌佢蓋過海膽嘅鮮味，不過都好好味，多士係熱同脆嘅一件有兩串燒生蠔熱辣辣，生蠔燒得岩岩好，保留到佢嘅嫩滑多汁，加一點蒜蓉已經好惹味！兩個人都食到好飽…查看更多

尋日同女朋友行街經開，search openrice見到呢間好多好評，就陪佢去食下，思念下家鄉。我地食左2個lunch set, 價錢唔貴，都係$70-90，呢個價食到韓國菜我覺得算唔錯。我地叫左「黃金鹹蛋脆雞」同埋「牛排骨湯」。黃金鹹蛋脆雞本來以為lunch set 份量會好少，得三四舊雞，點知有成半隻雞咁多！幾有驚喜。我地揀左無骨雞，所以真係啖啖肉。雞肉嘅面頭仲要撒上啲蛋黃碎！賣相吸引。好脆嘅雞皮再被鹹蛋黃包裹住，真係好邪惡但又忍唔住係咁食，充滿蛋黃嘅咸香味，雞肉幾嫩口同juicy。不過呢個最好2人share一齊食會無咁膩。牛排骨湯會想試呢款係因為我見佢lunch set平過晚市餐牌好多！同埋冬天暖暖胃。端上來時熱辣辣，好香牛味。啲湯好好飲，有淡淡嘅紅棗味，令碗湯多左一份天然甜味，飲落唔肥膩。牛排骨份量都好多，仲要好厚身！ 食落牛味唔算重，可能啲精華去晒湯到啦已經，但肉質都保持到，好稔唔會乾韌。呢間食物質素都唔錯，份量又唔會因為lunch 平左而少。仲有任食韓式粉絲同泡菜，每個set有支汽水，下次會再幫襯！…查看更多

之前同阿媽一齊黎食中午lunch 放題，估唔到都幾多野食喎！ 價錢又平啲，值得推薦回本位就緊係刺身啦！ 叫左兩輪刺身，最好食係甜蝦同油甘魚， 油甘魚好厚身，係啖啖肉嘅感覺！ 而家一啲都唔腥。 甜蝦好大隻，肉質唔霉，鮮甜嘅。壽司方面， 唔想食飯可以好似我媽咁點芝士鰻魚玉子燒，又有鰻魚又有玉子，滿足3個願望呀！海膽山都係可以一試，今日啲海膽有甜味，食落新鮮。其他卷物都唔錯，款式幾多。 手卷細細件，飯唔多，一口一啖咁嘅size, 抵試！松葉蟹膏呢款幾好食， 有好多蟹肉，蟹膏個味好濃郁到熟食啦！推薦大家試西京燒！！ 呢款魚真係好得，味度甜甜地，燒得又唔會乾身，好有日本食嘅感覺！一口牛都唔錯的， 份量唔算多，每人兩三粒岩岩好。 牛肉幾嫩，好入味炸物就推薦我鐘意食嘅芝麻雞翼，雖然好多間放題都有，不過我覺得呢間有溫度又有脆度，肉質亦juicy出面仲有一個放題區，好多野可以任夾，好似自助餐咁！總括黎講呢個價錢性價比幾高！ 難怪咁多人來食啦！…查看更多

上年疫情底下冇同女朋友好好慶祝，今年疫情好轉，要同女朋友揀一間超有氣氛嘅餐廳慶祝下周年紀念先周年紀念梗係唔少得飲番杯，佢哋做緊優惠酒加生蠔有優惠揀一支酒可以用優惠價叫一打生蠔，支酒女朋友揀嘅果香味重入口香甜，因為酒精味太濃佢唔啱飲完全冇諗過優惠生蠔會咁高質素，絕對值得開支酒感受一下生蠔嘅美味焗海鮮拼盤有原隻龍蝦，芝士焗扇貝兩隻、蒜蓉翡翠螺、芝士黑松露焗蘑菇、牛油蒜蓉焗虎蝦蘑菇勁香黑松露味，入口感覺超開心黑松露填滿晒個口龍蝦啖啖肉，鮮甜彈牙翡翠螺都好好食大大隻都好鮮甜扇貝大大粒外層有芝士包住，一啖食入囗嗰種滿足感真係好耐未試過主菜威爾斯羊西冷，羊西冷真係唔係成日都食到，勁厚羊嘅香味適中而且火候控制得好好佢外面有一層油脂，如果鐘意肥就啱晒羊西冷可以食到入口即溶嘅感覺加埋支酒簡直就係絕配，呢次周年紀念絕對值得…查看更多

自從疫情之後好耐都冇食過串燒，幾難得有朋友同我去食串燒任食放題，食完又唔會有油煙味而且價錢合理食物質素又好，當然放盡一開始店員完會先上一盤肉，有M6和牛牛柳、紐西蘭西冷、牛舌、美國豬肉眼、荷蘭豬五花平時喺街食串燒10幾蚊一串，今次係任食仲要質素比喺街上面高調味粉又多選擇，我本人最鍾意就係孜然粉同椒鹽粉，呢兩隻粉最惹味燒賣、豆腐卜、甜薯呢幾類普通嘢當然有，估唔到佢供應埋台灣腸我就好鍾意食台灣腸佢哋個爐設計係用發熱器輸出熱力，所以食完冇燒烤味開頭我諗住會唔會唔夠火力，燒落其實火力好足，係兩邊可能要調一調位，同埋佢係用鏈去自轉勁方便M6和牛可以任食燒大腸燒到皮脆內軟，電熱爐都做到呢個效果魚肉年糕勁正，年糕燒到咁上下會溶食落口感非常好燒賣又係外皮燒到脆卜卜，加孜然粉、辣椒粉勁野未啊燒棉花糖都係必食，平時要燒嘢食先可以食得到最後嘅甜品雪糕都好有誠意，呢個價錢可以任食串燒我覺得真係值得再去…查看更多

好耐無食過韓燒啦，以前食嘅韓燒都比較港式，無爐邊蛋，又無包菜，如果要食正宗少少嘅就單點，價錢都幾貴。所以呢間係朋友介紹之下食的，食完覺得係幾正宗而任食嘅韓式燒肉！今次我地叫左中等價錢嘅世子御膳，佢賣點係佢有得食護心肉，同埋小菜多啲選擇。一坐低店員就俾左一盤生菜、泡菜同芽菜，可以refill, 生菜樣子好新鮮，唔會霉霉爛爛咁。然後倒上爐邊蛋，後來我地自己剪左啲泡菜落去，成件事即刻昇華左，好夠味！烤到個底有少少微脆，而蛋心仍然滑滑地，口感唔錯未食燒肉前，都試左啲小食，以下幾款覺得唔錯：八爪魚刺身沙律入面嘅八爪魚都幾多塊，味道都有啲鮮味，無雪味，不過芝麻醬重手左少少🤣 食食下肉，再食呢個都幾解膩鰻魚鰻魚係直接食得嘅，如果想再香啲同熱啲，就可以燒一燒佢。食落照燒汁味足而且香，鰻魚嘅皮厚少少，幾有口感。醬油蝦呢度嘅醬油蝦同我係韓國食嘅味道係一樣嘅，有清清地嘅醬油味，食得出蝦本身有嘅鮮甜味，生蝦比生蟹好似多人接受到啲。燒肉方面，我地第1輪就食左燒豬皮先，豬皮燒到軟身而且焦香，有油脂香味，點埋燒汁好正！如果有黃豆粉就真係一絕啦，配啤酒一流。試左幾款肉，覺得LA牛排真係好正，好有牛香，口感又唔會韌，encore左好幾次牛肋骨肉係細長形，都係好有牛肉味，相對無咁多油脂，都係抵食之選，平日都比較貴。至於豬肉就覺得厚嘅五花肉同埋護心肉係必食！ 厚切五花肉燒到表面金黃色，焦香同有肉汁，係去韓國食燒肉時必定會點的，所以好令人懷念。 而護心肉真係抵食！肉質係偏爽，有香味，而且店家一早醃過，味道都唔錯，幾入味。海鮮就一定要食生蠔、帶子（無殼果款）。生蠔好有蠔味，海水味唔重，無乜腥味，不過我會燒耐少少，因為我腸胃敏感啲，呢個食左5-6隻都無事。 帶子就揀無殼果款黎燒，厚身又大粒啲，控制好火候就又爽又滑啦！食到咁上下再加碗辛辣麵就完美ending啦。煮嘅時間剛好，口感唔會太淋，又唔硬，湯底夠味，少少香辣…查看更多

好耐已經冇出去打邊爐，最近疫情好咗即刻約個friend出去食好西，個friend提議去深水埗佢話有間上次食過好正嘅介紹我去，靚湯足料又抵食今次就跟佢去，由於我長時間缺乏湯水，嚟到見到有個杏汁豬肺湯底，我話麻辣成日食，我同個friend講今次點呢個佢哋唔單止做夜市，早、市午市都會開，早、午市佢哋會有茶飲有點心食添杏汁豬肺湯嚟到已經好香，一野撈落去啲料多到撈唔晒豬肺、雞腳、豬肉啖啖肉，侍應叫我哋飲兩碗湯先再將啲食物放落去煮呢碗湯真係好好飲，我長期缺乏湯水所以我飲咗三大碗，豬肺洗得好乾淨而且好鮮嫩，真係好耐冇食過豬肺，我諗都應該有10年成個湯底嘅豬肺到最尾我哋清晒依家大閘蟹當造季節，餐廳仲每人送一隻大閘蟹送完即止，怪唔得知個friend 話要嚟呢度啦大閘蟹內裏啲蟹膏勁香甜，如果每人送多一隻就好啦，佢哋會附送埋薑茶食完蟹之後飲因為大閘蟹係寒涼，薑茶有助驅寒真係好窩心飲完咁靚嘅湯同豬肺，仲有食完蟹梗係開始打邊爐， 呢啲環境肥有邊少得，我哋見到餐牌上有一個陳年花雕肥牛好有特色所以就點左，我覺得性價比好高，佢好重花雕酒味好香，即使淥完之後酒味仲香濃，而且我覺得有牛頸脊嘅質素手蝦滑玩賣相好有心思，整到好似兩條鯉魚好靚而且爽口彈牙，份量好多可以大大粒放入去湯我個friend真係冇介紹錯，食物質素、服務性價比都好高，尤其是個湯真係要再一讚…查看更多

疫情過咗咁多個月，最近終於放寬左，好耐都冇同朋友出去食飯啦，今次約埋2個朋友去荃灣食野聚聚，經朋友介紹去咗呢間麻辣風雲食麻辣菜， 因為佢兩個都食得辣原來除咗麻辣小菜，仲有午市飲茶食點心都得，唔食得辣嘅朋友又可以食其他嘢，一早知可以叫多個friend嚟飲茶、麻辣菜都唔啱嘅話仲有午市客飯套餐睇來選擇都幾多 小食點左涼拌皮蛋，皮蛋啱啱食落口嘅時候唔太辣，當去到中段啲辣就開始嚟辣度我覺得OK嘅干鍋田雞有個爐坐熱個鍋裏面嘅菜，一路食可以保持住裏面嘅溫度田雞係經油炸過然後再放落去，我覺得好惹味，田雞係啖啖肉我個friend推介呢個炸饅頭，開頭覺得冇咩特別，之後食第一啖外脆內軟，炸到饅頭金黃色點煉奶估唔到個配搭夾呢個用嚟做飯後甜品都得…查看更多

同女朋友係上兩星期禁夜晚堂食之前去咗尖沙咀諾士佛台一間西餐廳，趁最後可以堂食前一兩日輕鬆一下疫情底下真係有啲影響心情，感恩餐廳食物質素好好，環境又舒適，心情即刻靚返晒一邊欣賞咁靚嘅日落景色心嘆住美食心情都輕鬆返晒一人一個信封裝口罩，雖然唔環保但疫情底下衛生健康最緊要頭盤我哋叫咗西班牙風乾火腿拼盤，15個月同埋36個月風乾火腿，右邊15個月黑毛豬、左邊36個月白毛豬，36個月白毛豬比起15個月味香濃好多我自己相對鍾意夾提子乾食，甜甜地鹹鹹地更加特顯到佢香味我哋喺特別嘅餐牌上邊叫咗個墨西哥芝士雞肉烤餅，有牛油果醬、酸忌廉同埋番茄沙沙醬，蕃茄莎莎有啲似BBQ味，酸忌廉唔太酸，牛油果醬反而覺得幾清新烤餅本身芝士雞肉有啲辣，配唔同醬料可以起到唔同嘅味覺Mocktails 佢都有幾款選擇，我揀咗杯 Tropical Delight: 香甜清新，帶有蘋果同西瓜汁味，我連佢上邊嘅生果都食埋冇酒精都幾有feel炭烤頂級殼飼牛柳五成熟，牛柳真係冇得頂，重牛味，火候亦岩岩好，食落有口感但都算稔喺疫症底下可以有咁好嘅食物，真係要好好珍惜…查看更多

呢幾個月疫情影響底下真係好少出街，最近眼見疫情都開始減退，同女朋友係旺角T.O.P 行街之後食飯，喺商場上面見到一間氣氛幾好餐廳，難得兩個人拍拖搵間情調氣氛好啲嘅晚餐都有三個俾我哋去選擇，咁耐冇出街食飯今餐食豪少少餐廳都會有生蠔供應，生蠔產地每次都唔同唔止生蠔仲有阿拉斯加皇帝蟹腳、魚子醬、龍蝦選擇餐湯同餐包其實都好好食，外面又暖又脆有啲意大利醋汁伴，因為太餓唔記得影相 頭盤煎鴨肝配焦糖鳳梨奇異果，鴨肝煎得好香口，配菠蘿或奇異果可以中和鴨肝嘅油膩感，佢中間嗰粒蛋黃都好有特色兩大塊鴨肝真係好有誠意主菜揀咗西班牙極品黑毛豬，豬燒得火候啱啱好，肉厚但內裏竟然可以燒到鮮嫩多汁，師傅嘅功夫要讚炸薯角燒蕃茄配菜都好好食好多好有特色嘅cocltail，咁開心梗係要飲返杯侍應會係我哋嘅杯酒上面噴入一啲氣體，當篤爆佢嘅時候佢會好似煙霞咁消散，好靚㗎最後梗係要有甜品，朱古力球入邊有雲呢拿雪糕，張熱情果汁係淋落去朱古力面將佢溶化，椰子脆脆有少少似椰撻，今個晚餐所有都好滿意令到呢個疫情下有少少色彩…查看更多

前排想食酸菜魚，即刻諗起呢間廚十三，係香港餐廳黎講呢間酸菜魚算係正宗同埋好食我地揀左窗口位，可以望到維港，夜晚應該好靚疫情關係，呢間餐廳有提供膠袋俾的地裝口罩。 午市有單人米線套餐，下次自己黎食會試下今次叫左個二人份嘅酸菜魚，份量勁多桂花魚好滑，肉質唔散，無骨，所以食落啖啖肉 湯底酸得黎帶有麻辣， 好開胃，食完亦唔覺口渴。加左一份腐皮，份量多！腐皮好吸湯汁，所以幾好食老虎椒愛鬆花蛋皮蛋加埋蒜蓉真係絕配，而且有少少微辣，令人一口接一口。 碧綠脆旬萵筍好爽口，調味比較清淡，食咗咁多濃味菜式，用嚟中和返都唔錯正經的雞被撕呢碟手撕雞份量都多，味道亦係辣辣地帶酸，有芫荽同芝麻香，不過就油左少少雨露均沾呢款甜品一上來，未影相就俾我食左2件外皮又熱又脆，入面軟得有少少煙韌，加埋黃豆粉同點d黑糖漿，好夾好好食畫上完美句號！…查看更多

之前同個客去左格蘭中心睇醫生，睇完醫生再同佢去醫五臟廟啦，見隔離係以前藝人鄧一君開「一君士多」 ，睇見好似幾有香港舊有特色，一於去幫襯下，門口有一幅佢嘅poster 間店有好多舊有香港特色小食，亦都有新派嘅創意食物經濟大眾化下午茶餐都有好多個選擇我見一場嚟到個肚又餓，一於試吓佢招牌推介富豪霸麵，價錢雖然比較高但我覺得係一試無妨，佢食材裏面都用料十足同佢個名一樣鮑魚有兩隻，細細隻，食落爽口彈牙牛筋入晒味，而且炆到好淋，入口即溶嘅感覺有花菇大大隻花膠幾大塊，有兩三塊係入面，講真每款食材要整都好麻煩、用好長時間廣島蠔冇腥味 讚我覺得一君士多入面有值得讚嘅係佢麻辣油，因為佢麻辣好香椒麻味，仲有我覺得佢同以往我食車仔麵嘅感覺唔同， 佢環境乾淨好多香港人、香港事、香港味蜜餞雞翼上枱時熱辣辣，蜜糖味好香,皮脆肉嫩…查看更多

前排同阿媽去食鼎王，由於佢兩個湯底都好出名， 所以我就叫左鴛鴦鍋。麻辣鴨血好濃味，湯底嘅豆腐同鴨血都好入味，豆腐鎖住啲湯汁，一入口就咇晒d汁出黎，正呀！ 鴨血就好滑，同麻辣湯好配。兩樣食完都可以refill 。而酸菜白肉湯就相對清淡，適合煮菜食。店家仲有附埋腐乳醬，熟嘅食物可以點腐乳醬，增加風味。同樣酸菜都係可以refill 另外，店家準備左果味嘅紅茶，都幾好飲，有果香味，幫助消滯！食材方面，呢度用ipad落order, 有照片睇。我就覺得以下幾樣唔錯：御選小羔羊入口肉質幾嫩滑，有羊味，羶味都有少少，但唔算重，幾好食！用酸菜白肉湯黎滾，更加食得出佢嘅羊味日本黑豚手打丸呢款丸好有豬肉鮮味，亦鎖住d肉汁。口感實而彈牙，值得試下！黑椒濃汁牛丸呢款牛丸簡直係爆汁，好香濃嘅牛味呢餐價錢略貴少少，但係食得好飽，好好食！…查看更多