capsandra的个人专页

平時路過呢間餐廳，夜晚經常都幾多人，有時d人book間餐廳開party，氣氛很不錯。上次中午黎過呢間餐廳食lunch，唔太多人，今次第二次黎食Set lunch唔算貴，百幾蚊，個湯足料，咖啡都唔錯我大多時鍾意口味較為清淡的菜式，所以某些餐點對我黎講算濃dd同油份豐富點（但我又要點😂），但其實主廚烹調得好，pork belly panini香口座位好舒服，可以放鬆傾計，環境優雅，係一間唔錯嘅餐廳。…查看更多

偶然路過，坐低食個lunch，座位舒適，陽光充足。  杯mocha好飲，朱古力味啱啱好，唔會過甜。 All day breakfast 幾好。  比較鍾意Chicken breast rigatoni，個汁香辣帶一點甜，特別，更開胃。  埋單果時同呢間小店的負責人傾開兩句，講起鍾意杯mocha同個rigatoni。佢話用dark chocolate令杯mocha唔會過甜，同埋唔會蓋過個啡味，而rigatoni個汁係自己親手煮。覺得呢間小店幾親切同friendly 👍🏻 …查看更多

約朋友食早餐，第一次黎到小伊甸。上樓，餐廳都幾大，好多位，而且好闊洛，檯同檯之間有幾大距離，坐得唔屈質。餐廳採用手機落單方式，落單後好快就會有waiter比單你。朋友推薦食沙爹牛麵，於是我幫朋友手機落單，自己都叫左個沙爹牛米。見到朋友既沙爹牛麵黎到之後，有d想轉返做麵，畢竟配麵好似正常d lol 不過已經落左單了～由於我有食過更好食既沙爹牛麵，所以呢個沙爹牛對我黎講係ok，而且呢個價錢仲包野飲，有煎蛋腸仔同麵包，算非常好既economic choice。味道 ★★★環境 ★★★★服務 ★★★★ 衛生 ★★★★★ 抵食 ★★★★…查看更多

又係旺角下午茶時間，今次第一次黎到Lucky Ristorante。$68 fish&chips？好抵，出面fish&chips唔止呢個價。上碟，好大份fish&chips，細食既我，當然分左好多比朋友。香脆既魚塊，大大條薯條，仲有3個sauce，矛野好講，繼續食～呃，唔記得左幫餐點影個靚相，但已在我心中。$68真係無得要求再多～仲包埋野飲。味道 ★★★★ 環境 ★★★★★ 服務 ★★★★★ 衛生 ★★★★★ 抵食 ★★★★★…查看更多

去西貢行山前，食個lunch先～:)推門入餐廳，道門都幾有份量，要餐廳哥哥幫手開門俾我。裡面已經有唔少客人，要上樓上坐。兩層既餐廳，西式英倫風，優雅向，環境舒服。menu好多choices，最後叫左Egg Benedict w. Smoked Salmon. English Muffins （$78）+$15叫多個餐湯最鍾意creamy既野，呢個餐湯岩晒我。正常既egg benedict，soft and yummy，價錢又唔貴。 下次可以try其他野。can come again～味道 ★★★★ 環境 ★★★★★ 服務 ★★★★ 衛生 ★★★★★ 抵食 ★★★★★…查看更多

餐廳雖小，但坐得舒服。微暗的燈光，望出窗外風景也不錯。叫左個南瓜汁燴牛油蟹肉芝麻菜意大利飯。其實我有d趕時間，幸好製作時間唔算耐，可以比我仲有時間去品嚐呢個晚餐。個飯好香，第一啖就feel到夠fresh，醬汁濃旭但唔over。由於細食，所以無叫到set dinner，亦食唔晒個飯。waitress姐姐見我無食晒，都有關心問到岩唔岩食，我亦答返好食，係我細食而已～有機會會再來嘗試其他菜式～味道 ★★★★ 環境 ★★★★ 服務 ★★★★ 衛生 ★★★★ 抵食 ★★★★★…查看更多

同朋友相聚，下午去exhibition，去之前先食個lunch。本身響openrice有睇左d餐廳，最後朋友想隨遇而安，所以我們就隨遇而安地在中上環browse路過既餐廳。最後我地行下行下，見到呢間餐廳，覺得都ok，最後就定下在這家日式餐廳。一入到去，很有日式餐廳的味道，優雅feel。我地最後聽waiter講，白燒鰻魚出面無，所以就揀左白燒鰻魚。然後，白燒鰻魚真心好食。唔需要落鰻魚醬！就咁食已經好正。果然，無推介錯比我地。果種炭燒味道，yummy。d肉汁好正好正，不過真係要即刻食，擺耐左再食既鰻魚，開始失卻果種汁同熱度，就矛喇。加少少隔離綠色既粉更加滋味。本身因為個粉好特別，夠香，少少辣，好過癮，於是問左waiter係咩植物磨既粉。waiter講左介紹左，但時間一過，我都係唔記得左。因為食晒舊鰻魚，所以用咩送飯呢？最後係落植物粉再加鰻魚汁，哈哈。一開始既茶碗蒸正常水準，秋葵串還好。呢個溫泉蛋鰻魚海膽o i shi！我食緊呢個海膽既時候，朋友同我講緊野，我立時gesture朋友唔好講野住，比我食埋先，好想記住個味。鮮甜，多汁，好享受。食完我先再問返朋友頭先講緊咩。好開心同朋友路過呢間餐廳，仲要食食下咁岩見到某個知名食評家黎食。跟住這個朋友一起覓食就是有好運哦～！…查看更多

book左位食dinner，一開始去到餐廳有d熬底，因為見裡面無咩人不過可能係因為book既時段太早，過左陣開始有唔同既客人入座。叫左個臭臭鍋，炸雞排，臭豆腐。臭臭鍋ok，叫左中辣，對我呢個唔係好食得辣既人黎講，好快我就放手 炸雞排脆 （食食下先影相，已經無左一部分）我最鍾意既係呢個特別啤酒 ”鹹酥雞大佬“啤酒，一見到個名同埋張圖已經覺得好正，而且叫左鹽酥雞，所以就叫左呢個啤酒。”鹹酥雞大佬“啤酒果然好～！滿意…查看更多

今日親人想食d開胃既，酸酸甜甜既野，所以外賣揀泰式菜。幾間可選擇既泰式餐廳裡，見到呢間有原個菠蘿海鮮炒飯，應該幾開胃，於是揀左。再加個辣既馬拉盞炒通菜～細食既兩個人食應該夠。OK落單～好快外賣就到～打開銀色錫紙，出現半個菠蘿同埋在內既海鮮炒飯。賣相好好，海鮮亦工整地排在炒飯上。除左菠蘿，仲加左提子乾，增加酸酸甜甜既味道，非常易入口。馬拉盞炒通菜唔會好辣，我食左唔少通菜。又係美味既一餐～下次有機會可以再試呢間其他菜式～…查看更多

今次黎到太子新開的日式居酒屋，朝。響openrice搵餐廳既時候，見到呢間，新開，未有太多食評，其實有d concern，不過覺得可以try try，ok book位。最後係try得岩既～！晚上入到餐廳，已經有唔少客人。menu上都幾多小memo紙遮住唔同菜式名，所以少左選擇。揀好部份菜式後，waiter姐姐黎到，我地又問有咩好推介。waiter姐姐非常熱情，言談間顯露出對食物滿滿既愛。“呢個超級好食”如是者介紹左好多唔同菜式比我地。亦提醒左我地焗豬手要耐d，需要45分鐘。ok落單成功～上菜～最最值得推介既“朝邪惡玉子燒”。邪惡之處係內裡層層芝士。超滑既玉子，再加好夾既芝士，正 後來大廚出黎同隔離檯傾計，聽到大廚講起用既令料，同埋好多功夫要一層一層咁捲，覺得呢個價錢真係物超所值。呢個燒羊架比較細隻，不過嫩口亦整得好食。價錢相宜。從上到下，tua tua clam，焗芝士自家制肉醬薯皮，自家制醬汁燒豆腐。tua tua clam大隻多肉。tomato sauce多配料，淡淡的頗夾。薯皮勁多cheese，yummy！自家製醬汁燒豆腐，未試過薑蓉醬夾豆腐，好鮮味同特別。去到最後，焗豬手終於上檯。本身waiter話要45分鐘，我地見好似好耐仲未到，於是有問waiter。waiter同我地講返仲整緊，後來老闆都親自過黎再同我地講唔好意思，仲整緊。終於豬手到，一入口，非常非常脆，出面分分鐘要300左右先食到，而且未必咁脆，記得呢度個價錢係148定188左右，好抵，即刻覺得等得好值得。個醬就比較多水分，於是我地再request左芥末。仲有叫左個飯糰，好味。之前試過其他餐廳既飯糰，有試過d比較硬既飯糰，呢個唔會。成餐cp值好高，食物高質又價錢相宜，員工服務態度好，老闆平易近人。值得回頭的日式餐廳～味道 ★★★★★環境 ★★★★★服務 ★★★★★衛生 ★★★★★抵食 ★★★★★…查看更多

平日真係比較少黎如心廣場。地點位於荃灣西，但又唔係荃灣西隔離直接就響度既海之戀廣場或者donki donki。今次因為朋友推薦，所以大家特地黎到呢間響如心廣場既義大利餐廳。雖然係平日下午茶時段，但餐廳都已經唔少人。好在都係有位～一坐低已經覺得，裝修特別。張檯係粉紅色雲石，平時好多餐廳都係簡約風裝修或冷感風格，呢間餐廳係如此大刺刺地熱情奔放。頭頂仲有大吊燈，如同一個公主就係要著得華麗同話比你知，望住我～！我地叫左個tea set，four cheese pizza，all day breakfast，仲有一個唔記得左個朵呢個係唔記得左個朵但都好食既～擺材料既方式同美感，側面顯示出廚師對食物既要求。華麗麗既檯～點少得tea set？tiramisu絕對值得推薦，好滑，入口融化。呢個four cheese pizza值得一提，裡面既blue cheese係比較重口味，然而，呢個pizza配左個蜜糖漿～！我比較孤陋寡聞，都係第一次食pizza落糖漿，但係甜糖漿同個咸度mix埋一齊好夾，亦令blue cheese既味輕返。all day breakfast，無影到相，不過好值得推介。d無花果，fresh fruit真係fresh。仲有一舊蛋白煙肉，成個蛋白好鬆軟咁入口，再配埋煙肉，一流。侍應都好快手，需要有咩幫助，好快就會過黎幫手。叫左earl grey tea（好飲！），侍應不斷禮貌地過黎幫我地加水，辛苦晒。隔離朋友叫左杯咖啡，咖啡配有一塊小曲奇，都係餐廳自己整既曲奇，超級有心思！值得回頭，cp值很高既義大利餐廳Pasticceria Giovanni Pina 1920～（個名都好長好優雅誤xD ）味道  ★★★★★環境  ★★★★★服務  ★★★★★衛生  ★★★★★抵食  ★★★★★…查看更多

好耐無見，同朋友聚舊，第一次黎呢間Doubleshot By Cupping Room～:)走過斜斜既樓梯，終於上樓黎到cafe。裝修簡約，冷淡風，光線處理都唔錯。叫左個Avocado Toast 2.0.， 一上到檯以為叫左三文魚刺身哈哈，呀唔係，係牛油果刺身。我唔客氣了！4個醬都正，尤其鍾意最左邊果個mango，酸酸甜甜又帶點辣～之後係一個邪惡既薯條，MF Potatoes.好脆，熱辣辣，又多層，呢個係真薯條。食完就唔想再食普通既薯條。。。老闆，可以再叫一碟～～～環境好，氣氛熱鬧，仲要野食正，坐得耐，價錢又抵，絕對值得再黎。…查看更多

由於節目調動關係，寫“對住靚景食泰式fusion”呢個moment，記起自己無影到個景，show唔到出黎 一入到餐廳朋友已經坐低等緊，環境好幽靜。呢個晚上唔係好多人，亦唔會好吵鬧，幾適合拍拖。可惜我和朋友都是單身狗。望下個menu，都幾好玩，唔同地方既特色野撈一撈泰國變成泰式fusion菜，例如冬陰功義大利餛吞（！？），泰式韓國部隊窩etcccc。最後我都係交返menu比朋友，信任！最後朋友揀左拼盤同埋部隊窩麵（如果無記錯個朵）。賣相唔錯，整體良好。最驚喜既係最後既招牌椰子蛋糕，好意外地岩我口味。最驚太甜既野，本身唔鍾意白朱古力果隻，就算唔係超甜，我都未必覺得好食。但呢個蛋糕我忍唔住不斷點頭不斷欣賞其美好～good～…查看更多

同朋友去素年食lunch，素年顧名思義係一間素食餐廳。我早到，想入去坐住先，裡面已經有唔少顧客，出面未有人排隊，不過waiter哥哥話用餐時間90分鐘，所以我無入座，響出面繼續等我朋友。朋友到左，於是我地一齊入去。裝修風格簡約，白色為主。感覺唔錯。覺得同隔離檯有d close，如果再坐開d感覺會更加好。觀察一下之後叫左個impossible burger同一個脆薯義大利粉。我叫既hazelnut特飲唔錯，唔會過甜，也不是單一口味。我唔鍾意過甜既野。素年d野食都比較大碟，我記得朋友已經同waiter講左要細份d，不過對我地黎講依然好大碟。一份意粉已經夠我地兩個人食飽。 脆薯意粉ok，兩者相比，impossible burger較好，有d驚喜感覺，素漢堡扒如幻如真，又夠juicy。…查看更多

響荔枝角做完野，中午同朋友去左D2 Place搵野食。由於初四，都幾多食店無開。價錢較為相宜又有開既係呢間海南雞飯店。午餐大概$75-88呢個range，再送一杯野飲。年初四中午時段，呢間餐廳非常多人，仲要有埋露天卡座，我地本身行過呢間餐廳，然後再兜左個round返返黎，都仲係好滿座。  我地等左大概5分鐘或者更少時間，有得入座lu。本身想叫黑糖豆漿，不過無曬，所以揀熱羅漢果水。其實想try辣海南雞飯，不過自己唔食得辣，所以想問下店員，但係間餐廳係出去counter自己買飯既方式，店員帶完位兼比埋餐牌之後就行開左，我反應唔切最後無問。我朋友出去幫我落埋單。好快就有店員送上兩個海南雞飯比我地。好滑既海南雞飯。之前響出面食既海南雞飯，都幾容易遇上un肉既雞，呢間好滑下。而且份量多，唔係得4-5舊果隻，回想起來應該起碼有8舊雞或以上。個湯唔係好感覺到味精，好飲👌當然根據我既細食本質，大大碗飯一定食唔完。下次要記得叫小飯。起碼少一半。熱羅漢果水到，我本來think飲埋個湯，再加上都食唔晒d飯，杯羅漢果水都係飲唔落㗎喇。但係一飲，溫熱又清甜美味，out of my expectation。因為我媽平時經常做飯，都有整下d羅漢果水，蔗水etc果d比我地屋企人飲，但我好多時都會拒絕啊媽整既羅漢果水😂 有時都會比面飲下，不過我總覺得羅漢果水甜得黎硬係有少少唔岩我taste （呢篇文一開始都講左我本身係打算叫熱黑糖豆漿，咁岩我唔想飲咖啡/奶茶，無咩得揀之下所以先揀左羅漢果水）。但係呢間個羅漢果水我好受落，明明都係羅漢果水，但呢間又岩我taste，好奇怪）。唔知點解最後側重左去杯羅漢果水 😂係坐得比較逼，不過食物質素好，值得再來。…查看更多