我要食曬所有好食既野的个人专页

對上個星期六同fd去咗酒店餐廳食brunch🥰，我地專登揀左個寧靜啲既環境🏝，遠離繁煩囂，靜靜地食下野吹下水🎠餐廳brunch前菜相當豐富🥗，有唔同口味芝士加火腿，海鮮水果沙律，同南瓜餅🎃等等，我地都覺得芝士幾出色，味道夠濃🧀另外甜品都好多選擇😚，蛋糕有好多款🍰，正宗酒店級水準😋，如果唔係落雨應該會出去戶外食仲chill 啲🍩…查看更多

最近又走左去食好西，今次係去食中菜hehe~🙊呢間中菜館既來頭唔細架，呢間鴨大哥係由米芝蓮三星大廚'廚魔'開既一間新餐廳，我係抱住一個超級期待既心態去食🙈呢度必食既就係北京填鴨，我咁大個女都係第一次食🙈佢鴨肉既份量切得唔多唔少，岩岩好放落口可以一啖食曬，肉汁唔算多，但係口感就好細嫩滑，我食完一舊已經忍唔住又拎另一舊食🤣當中我最鐘意食既就係佢既春卷，通常我地食春卷都係皮還皮餡還餡，但係佢呢個食落去首先會食到好脆既皮，然後佢既皮會同埋d餡溶合一齊，好正😆呢間野真係冇令人失望，菜式既水準高，下次一諗起食中菜我一定會第一時間諗起佢…查看更多

如果要搵個地方chill成日🐿， muse furniture lab 係唔錯既選擇🌻，佢係元朗錦上路比較入少少既地方，可以係錦上路西鐵站再轉巴士到📍，去之前記得book定位(我個陣早一個星期book)，walk in入可能會冇位架🤫，餐廳出面有一個勁大既空地🏕可以坐成日玩成日都得，有種去左世外桃園既感覺，真係好嘆好chill架！🤭🔸芝士肉醬烤菇🍄配炸薯條🍟一咬落去熱辣辣勁多汁！睇得落左好多配料去整，同埋薯條都係即叫即整，岩岩炸起上熱辣辣好脆🤤🔸燒汁牛仔肉意大利粉🍝牛仔肉偏腍身，仲有我鐘意食既三色椒😍🌶，至於麵方面炒得好有鑊氣，食落好開胃🔸士多啤梨綠茶冰🍓由於我唔係好鐘意飲甜野，呢杯野都幾岩我唔係落左好多糖唔太甜，綠茶味偏多啲☘️ …查看更多

五星級酒店🌟既野食質素唔會差得去邊，果然冇令我失望🥯呢款用海洋寶藏做主題既tea set可以話係我呢期食過最好食既tea set🙊（當然每個人口味會唔同）我特別好鐘意食佢既鹹點，口感豐富，絕對有五星級水準👍🏻，不過我本身唔好甜野，甜點對我黎講太多🤣環境係正係好正，去個日係平日黎，唔係好多人，餐廳大部份都係梳化位，坐得舒服🐻，晏就黎既都係外國人居多，如果想搵個靜靜地既地方同fd傾下計食下野，呢度都係唔錯既選擇😌👍甜點：♦️朱古力99金磚🍫♦️抹茶Tiramisu 🍵♦️白桃朱古力mousse🍫♦️士多啤梨mousse🍓♦️咖啡金幣☕️鹹點：♦️迷你alibi沙律🥗♦️藜麥🥯♦️三文魚他他紫菜脆片🐟♦️Comte芝士配白毛豬火腿多士🐗♦️鱈魚牛油果墨魚汁脆片🦈♦️蘑菇波波🍄🌟除左tea set之外，仲會有兩杯黃金菠蘿cocktail ，同埋呢款tea set每日只會提供10set，去之前記得要book定位😊💝…查看更多

首先行到去餐廳外面個陣已經見到好多人係出面，我自己一個人食，諗住咁多人就禁飛（票）等位，點知個度冇得俾人禁飛既，我就企左係門口個度等，等到個待應行到過門口我見先過黎我到既啊叔話兩位，我接住就講一位，跟住突然有個女人彈出話兩位，個待應俾左張飛俾個啊叔，然後再俾個女人先俾飛我，明明係我黎先，我唔明點解可以光明正大俾個女人打尖，俾個女人入先？係咪蝦我得一位俾少啲錢所以俾兩位入先？然後我入到去完全冇人同我講可以QR code落單，個待應幫左我落，落完隔離檯個女人問係咪搵待應落都得，我先搵均曬啲menu ，搵到落最底見到張QR code紙，但我已經搵左待應落單，不過個待應幫完我落單同隔離檯個女人傾左兩個字都未將我張單送去水吧，我想講我真心趕時間，我兩點07分入座等到兩點35分先有得食。咁都算，其實我本身係門口等緊位個陣，見到有lunch set，但係我入座之後，佢俾我既menu冇lunch set，我以為完左時間所以冇，當我落完單之後我見到隔離檯拎住個lunch set menu 係度睇，呢個到底係咩服務？仲有個待應將幫客人斟水既水壺放左係我張檯前面，一直唔拎走，張檯已經細，其實有冇諗過尊重下個客，個客都要拎張檯食野？最後到我埋單個陣，我見人地係張檯度叫埋單，我又學佢叫埋單，點知佢俾左張單我就冇黎拎番錢，舉極手都冇人應，最後我自己行出去門口俾，真心M記 KFC服務都好過佢，食百幾兩百蚊餐飯接受啲咁既服務，好想講粗口。…查看更多

假期終於出發去搵好野食！深水埗cafe愈開愈多，呢間Minimal都係新開既，晏就行過樓面好大，不過都要full house 咁濟。芫茜苗香辣大蝦扁意粉本人姐係我好鐘意食芫茜，俾佢既芫茜意粉吸引左，意粉上面有勁多芫茜，食落其實又唔係好濃味，意粉好爽身，有少少辣，啲蝦好大隻意大利芝士蛋糕話說係我點餐個陣，我見到檯檯都有叫呢個甜品，所以我都跟風叫埋一份，成個甜品外型都係cream狀，再加有餅乾餅底同埋中間有帶有酒味既咖啡係成個甜品入面，我本身唔係好鐘意食餐廳既甜品，因為好多都係得甜味或者糖水味，但係佢呢個甜品好有層次感，如果下次再經過我會再番黎食…查看更多

前兩日放假獨自走左去酒泉食晏就飯，我叫左幾舊壽司同埋一碟芝士年糕，其實加埋都差唔多成百蚊。我開頭食件玉子壽司已經覺得唔係好乾淨咁，但係我個時又冇諗咁多，然後我食蟹肉壽司，我係成舊拍入口食，跟住我咬咬下發現交到舊好硬既野我忍唔住吐左出黎，個舊野個樣好似大牙牙齒，我忍唔住問職員呢舊係咩黎，佢問我食左邊舊壽司，我照直答佢我食左蟹肉壽司，佢同我講係骨黎，因為啲蟹肉係meet出黎所以會有骨，但我真係唔明，蟹會有骨？因為我好少遇到呢啲事，我都唔識點處理，個陣應該報驚報食環定點？不過我都係想放假食餐飯我冇再問落去，但係個職員真係一句sorry都冇講，照收左我錢，我真係好怕如果個舊真係人類牙齒食左咬過會唔會有愛滋，萬一我真係一個唔覺意食左會唔食啃親，呢次食飯真係我既惡夢，希望大家唔好似我咁中伏…查看更多

對上星期去左海濱長廊順便食埋晚飯，搵左呢間叫tapa room 既餐廳，呢度唔算好易搵，不過環境寧靜，好岩大家食下野chill下😆我地叫左咁多野食，我地最鐘意食煙紅椒蒜辣單骨雞翼🌶️，其實係得少少辣，不過佢隻調味料令到成隻雞翼好好食😋另外我地叫左鮮甜凍蝦配蒜蓉蛋黃醬🦐，啲蝦夠大隻多肉，同埋點埋個蛋黃醬真係好好食，個醬好特別到main course 部分，我地食烤煎慢煮西班牙黑毛豬鞍架配些厘醋燒汁伴炸薯粒🐗，店員提我地切個陣要點切同埋要切埋啲肥膏一齊食先好食，係真係幾野味店員冇介紹錯👍同埋啲店員服務好好，我地每食完一樣菜都好勸力過黎幫我地收碟🥰…查看更多

話說星期六去左呢間餐廳食野，係門口等緊個陣見到有個二人套餐餐牌，有主食有甜品好似幾唔錯咁，就諗住叫呢個套餐，點知入到去俾左房入面既角落位俾我地，坐底之後完全冇人理我地，水都冇杯，咁我就走左出去落單，話想叫果個二人套餐，點知個待應就話個套餐星期一至五先有，如果個套餐星期一至五先有咁你星期六擺個餐牌係門口做咩呢？咁都算，之後我地照散叫一個小食+意粉+甜品+飲品，首先飲品黎左，再過左一陣我見住個待應走過黎左手拎住碟意粉，右手拎住碟鬆餅甜品，個鬆餅仲要有碗雪糕係度，同步送上檯，係咪姐係叫客人食一啖意粉再食一啖雪糕咁既意思？啲意粉食到一半個雪糕已經溶曬，其實係咪有心做生意？服務差到不得了…查看更多

十年都唔黎一次中環，一黎到就諗起想食何蘭正，行過去都真係唔簡單，d路又斜，仲有夜晚條條街都好似差唔多咁今次去食個陣職員話有個special menu 問我地試唔試下，上菜既時候見到個樣唔係幾討好，入面主要有深海魚 菌類同埋白羅白，不過食落去係非常之好食，魚既部分係先起魚鱗片再靜係炸鱗片個部分，肉既部分就係慢煮，食落去魚係好有肉汁同口感，同埋魚鱗片一齊食好脆，呢個係我食過最特別既魚😂仲有一款XO醬虎蝦炆伊麵，平時呢個菜用意大利麵做底，但何蘭正將意利麵改左做中式既伊麵，好感幾特別，不過可以少d汁應該會更加好食d…查看更多

最近約左朋友出黎食飯，呢間野都真係好抵下，我同朋友叫左個餐埋再share 個甜品，埋單每人都唔過100蚊啊，經濟又實惠。我地食完正餐叫左個咖啡味既甜品，左邊成個月餅果個係Mocha奶凍，食落去有d似咖啡味既涼粉，奶味好重。右邊既係咖啡雪糕，咖啡味比起奶凍重好多，重點係呢兩個甜品有咖啡味但係一D都唔苦，點餐個陣我地仲好擔心會係伏，不過最後都有叫到，好采都食得過仲幾好食。…查看更多

平時唔食越菜既原因係怕粉麵味道太淡，而呢個湯檬既湯唔濃唔淡反而好好飲，即頭可以成碗湯飲曬咁濟，檬粉都好彈牙，已經消除左我對湯檬覺得淡味既偏見，牛肉串反而有d 辣，但啖啖肉好野味，咁先係叫做食過越菜。…查看更多

週末要輕鬆下，黎到媽不在家，幸好係開放日，幾驚要摸門釘😩，從來未見過咁可愛既餐牌，睇住圖案點野食🙈，店內既設計係以復古異國情調為主既一間cafe成杯飲品好靚，靚到唔捨得飲，藍人的秘蜜係藍色既蝶豆花茶，加左青檸之後就會變色，望住杯咁靚既花茶，心情都好左幾倍，飲落味道淡淡地好舒服而紅頭檬蛋係以一款健康為主既cheese cake ，cheese 既味道唔錯，不過個人麻麻地鐘意d 紅菜頭，但係紅菜頭健康啊😗，呢度除左食仲有野賣，呢度既衫都係店主設計或外地買番黎，每件既cutting 都好特別，我都買左件外套…查看更多

以前總係嫌食一蘭要等十個世紀先食到，每次去到咁大條長龍都望而卻步，要去第二間度食，終於遇到一次唔洗排長龍！尖沙咀店係全球最大間既一蘭，設有味集中counter 同一蘭屋台，集中counter 係分開左一間間似係自修室食野，而一蘭屋台係仿照日本路邊攤設計，保留住日本福岡既文化特色。…查看更多

又到左食蟹既季節，黎到呢間專食上海野既金滿庭，緊係要叫下d時令既蟹乜乜乜，黎試一試佢所以我地叫左蟹粉花膠羹同蟹粉小籠包，特別係花膠羹既味道唔錯，炆得好入味，我朋友都話呢個係佢食過最好食既花膠羹另外我地本身只係諗住普通叫多個菜食下，但估唔到碟菜係咁高質，食個陣係完全感受到d菜滲入曬湯既味道同埋菜既鮮味，又係出面好難食到同樣質素既菜，呢餐超滿意，有機會會再黎食…查看更多