Purple_purple的个人专页

銅鑼灣一向都係高質餐廳既集中地，而澳門逸園中心更係日式居酒家既集中地。今次我就選擇左其中既備長去試一試。一入座侍應就會立刻奉上前菜，其中包括椰菜，青瓜同紅蘿蔔。本身前菜就冇任何調味，所以就要點點面前附上既三色碟中既海鹽，味噌同檸檬。我最愛就係點味噌，甜甜鹹鹹咁令人十分開胃。然後黎到居酒屋就當然要點串燒黎食啦，首先第一串上枱既係厚切牛舌，就咁睇相都見到個名冇呃人，真係相當厚切。而味道方面，食牛舌最怕就係一陣羶味，但備長既牛舌係完全冇任何羶味，好驚喜，好似真係返左日本食既一樣。而第二串上既就係煙肉蠔卷，煙肉既鹹香配上熟蠔既鮮味，亦都係相當高質既串燒。緊接就係荔枝豬肉卷，如果我見到餐牌上有呢一道既話我就係必點既，而呢度亦冇令我失望。一口咬落去，荔枝中既甜果汁再加上鹹香既豬肉，兩者互相調和，令口中味蕾有唔同層次既享受。串燒最後就係雞心同埋蘆筍，呢兩樣都係水準之上，雞心咬落爽口，配上檸檬汁食就更好。而蘆筍見到都係大大條，但食落完全冇渣，非常鮮嫩。兩者都推介可以一試。串燒食完過後都想有啲主食落肚，餐牌上最吸引我既就係海膽海鮮炒飯。一上枱時已經見到大大份海膽非常吸睛，味道亦非常鮮甜，並冇任何苦味。炒飯粒粒分明而且配料亦相當足料，幾乎每啖都會食到蜆肉等既海鮮配料，呢道亦係相當推薦一試。…查看更多

今日黎到元朗，上網查下有咩好餐廳介紹，就見到公車泰國餐廳都幾多人介紹，都算係人氣餐廳。去到都見到有人排緊隊，果然都幾受歡迎。入到去就諗諗嗌啲咩黎食好，一段時間冇食泰國菜，都係嗌啲大路菜式食下，先叫個炸蝦餅同木瓜沙律黎開開胃。炸蝦餅一碟有6大塊，每件都大大件，最重要係粉唔算多，食落淡淡都係肉，外皮又炸得香脆，內裏又爽口彈牙，非常惹味。木瓜沙律方面，幼幼既木瓜絲再加上甜甜辣辣既醬汁，令口腔刺激非常，亦令胃口大增。去到主食方面，馬拉盞炒通菜就冇咩特別好講，係好食既，通菜方面完全唔老，食完唔會黐晒牙罅。泰式金邊粉就炒得好乾身，配上花生碎同小蝦乾，口感非常好，酸酸甜甜令人想食多幾啖。最後配上清甜椰青一個，結束完美既一餐…查看更多

有朋友食過I cafe話唔錯，所以我今日黎開尖沙咀都專登去試吓。朋友叫咗個煙三文魚班尼迪，本身佢仲擔心會唔夠飽，點知一上枱我哋都哇左一聲，因為好大碟！ 個包係烘底，超級脆，個包上面揸咗好多牛油，好香，淨係個包都好好味。配合埋煙三文魚同埋蛋一齊食，口感一流。旁邊仲有啲沙律菜，加埋一啲酸酸地嘅沙律汁，好開胃。我就叫咗一個all day breakfast，裏面有牛油脆豬、炒蛋、豬柳漢堡、紐侖堡腸、薯餅、茄汁焗豆同沙律菜，非常豐富。最鍾意就係個脆豬，聽係好香口好好味😋而炒蛋都炒得好嫩，唔會好老，好味，再加上沙律菜真係一流。我叫咗杯抹茶紅豆鮮奶，唔會太甜，抹茶味都幾濃，好好飲！…查看更多

而家天氣開始涼左好多啦，又到左最適合打邊爐既時間，咁啱喺葵芳行完街就見到新都會廣場有我都幾鐘意既一鍋堂，咁就當然要去會一會佢啦一鍋堂既湯底選擇非常多，所以一定要嗌鴛鴦湯底，可以試到兩款唔同既味道。今次我就選擇左杏汁豬肺湯同羅蔔粟米豬骨湯，兩款都係清清地冇咁濃味，但又有飲緊住家湯既味道黎到一鍋堂，當然唔少得既就係讚嘆一下佢地既自助蔬菜櫃，又多選擇又refill得快，望落去好壯觀。而且仲要係羽衣甘藍呢種平時少見既菜都有得任食，抵讚飲品櫃亦都一樣，望落真係勁多選擇仲要有自家制既茶類，作為一家放題任食餐廳，選擇多真係好重要，一鍋堂就做到啦。另外大部分食物都係可以自己掃QR code自助點餐既，真係相當方便又唔會容易漏單，一鍋堂最岀名既8吋蟹柳係必點既，上到黎絕對足料，又大條又真係幾有蟹味。而其他牛肉就都好有牛味，會忍唔住係咁不停點。總括而言，以一個相對平既價錢可以有咁多高質既食物選擇，可以話係性價比好高既一間餐廳，喺香港放題打邊爐黎講，一鍋堂都可以話數一數二既選擇。…查看更多

我好鍾意食泰國嘢，不過就好少食泰國麵，不過朋友強力推介呢間餐廳俾我，咁我就去試吓啦。我哋叫咗個炸蝦餅，一碟有三舊，切開有六件。蝦餅都幾彈牙，同埋食得出材料好足，唔算好多粉，正！朋友話船麵好出名好好食，所以我就叫咗一個牛肉船麵，入面有牛腩、丸、芽菜等等。枱面有一個食船麵嘅簡介，就係要將枱面嘅四樣配料，包括糖、醋、魚露同辣椒一齊放落碗麵度食。呢個食法都幾新鮮，我未加呢四樣配料前先試咗個湯底，都幾濃味，之後加咗呢四樣配料落去係令到個味道更加有提升，真係仲好味左！朋友叫咗個蛋炒咖喱蟹肉飯，佢話呢個好好食。所以我就食咗幾啖，入面蟹肉都幾多，咖喱味唔算好辣，送飯真係一流。我最後叫咗一杯碟豆花芒椰奶香，一放上枱面係紫色嘅一杯野，超級靚！椰香味好香好重，唔算太甜，好飲。…查看更多

又去元朗食逸之燒，呢間係我好鐘意嘅日本餐。我地一口氣叫左幾樣壽司、刺身。先黎三文魚腩刺身先，因為係魚腩嘅關係，所以好肥美，而且每一塊都好厚切。磯煮鮑魚刺身好稔好彈牙，都幾驚喜，下次會再叫！最後係海膽花之戀壽司，海膽都幾新鮮幾creamy，好好味。燒鵝肝多士，燒鵝都幾厚幾肥美，入口即化，多士烘得好脆。沖繩網燒鮑魚仔燒得幾香，可以再encore呀！鹽燒豚肉荔枝串係每次黎都必叫嘅，荔枝好甜，夾埋豚肉一齊食可以幫手消左肉嘅肥膩感，正！鹽燒日本赤雞心串，一串有4粒，爽口彈牙，加上少少燒汁好吸引。鮮菠蘿串係我嘅最愛，菠蘿好甜好多汁呀，加上燒到好香，我後尾仲嗌多左一串呀。和風炒雜菜同芝士年糕係最後先叫嘅，啲菜炒得好爽口，味道唔會太濃。…查看更多

好耐冇食日本野啦，今日突然好想食日本野，咁啱喺銅鑼灣見到餐廳個餐牌好吸引，所以就上咗去食啦！首先黎個前菜先，前菜係蒜子蕃茄沙律，呢個前菜好開胃，蕃茄好清新。之後連續上咗幾碟串燒，分別有雞翼串、韭菜泡菜豬肉卷、豬生腸、西班牙黑豚肩肉串，全部都係上枱嘅時候熱辣辣，韭菜泡菜豬肉卷好有驚喜，豬肉卷連埋韭菜一齊食可以無咁滯，一流。豬生腸個口感好爽，有啲似食魷魚嘅感覺，正。三文魚魚頭原來都幾多肉食，佢個面頭燒到好脆，而入面啲魚肉就好嫩好滑，我差唔多食晒成個魚頭。最後嗌左味噌煮豬軟骨、味噌煮魚餅、味噌煮油揚同味噌煮蒟蒻。全部味噌都好入味，特別係豬軟骨，煮到好穩，而且又多骨膠原。…查看更多

今日黎到荃灣揾食，發現火山燒既評價都唔錯，咁就不妨試一試。首先我覺得必點既一定係佢地既石燒牛扒。我就因為認為牛柳肉質會嫩一點所以就點左200g安格斯封門柳。上桌後發現比我想像得更好，即使牛扒放左熱石上不停加熱，但肉質唔會老，食到最後一舊都仲保持非常嫩滑。另外肉汁亦鎖住在牛扒內，雖然餐廳有提供兩款醬汁，但我認為高質既牛扒即使唔點醬汁已經相當美味。下次有機會我一定會試埋其他牛扒。另外我地都點左一客吉列芝士豚柳咖喱蛋包飯，味道都相當不錯，咖哩係日式咖喱，所以唔會太辣而係帶有一點點甜味。而豚柳既份量亦相當大，芝士配搭任何食物都非常夾。小食方面就點左日式燒茄子，本身上桌時已經幫客人撕好一份份，方便客人去食。而茄子上鋪滿木魚碎同沙律醬，真係會另人忍唔住一口接一口咁食。Ps.所有主食可以加29蚊就變成套餐，可以喺四樣選擇入面揀三樣，分別係任何一款飲品，串燒，沙律同餐湯。我認為都值得加配，尤其飲品方面，我點左玫瑰海鹽奶蓋烏龍茶，茶味都濃而且味道唔會太甜，都係值得推介既。…查看更多

上星期同朋友去完銅鑼灣行街，見到附近有一間日本嘢，睇吓個餐單覺得好吸引，於是就入咗去食啦。首先叫左薄燒牛肉沙律，侍應同我哋講啲牛肉係慢煮嘅，食落去都好重牛味，而且非常嫩。沙律醬酸酸地非常開胃，而沙律菜非常新鮮好爽口，食完呢個沙律前菜令到我胃口大開。跟住就嚟到重頭戲九鼎丼啦！呢個九鼎丼個賣相真係非常吸引，每一個丼都係少少哋，可以試足九款唔同口味嘅魚生，啱晒我呢啲咁鍾意食嘢嘅人。每一個丼啲魚生都多到滿瀉，而且樣樣都新鮮！我最鍾意就係海膽丼，海膽味好重，好creamy，食到停唔到，好想再食多一個。另外蟹膏丼又係一定要食，蟹膏真係非常濃！豊勝壽司盛盒（12貫），呢度都有一件海膽壽司，但係同啱啱海膽丼入面嘅海膽係完全唔同味。海膽丼入面嘅海膽味道比較重啲，而呢個海膽壽司嘅海膽味道相對冇咁重，而且甜味較重，重點係兩款海膽都好好食！拖羅就唔洗講，幾乎入口即融呀！銀鱈魚西京燒，銀鱈魚煎到好嫩滑，外皮煎到脆脆地，好好咬口，正！銀鱈魚本身都有啲甜甜地嘅醬汁一齊去燒，所以唔使點沙律醬都已經好好味。最後係鯛魚湯烏冬，鯛魚味好濃，飲得出係落咗好多鯛魚落去做個湯底嘅，而且烏冬都好彈牙，為呢一餐畫上完美句號呀！…查看更多

上個星期同朋友到尖沙咀去揾食，上網睇下發現有一間8Five2 Restobar係食墨西哥菜既。我地就未試過墨西哥菜所以就想去試一試😋餐廳整個風格都非常有中北美洲既味道，包括大壁畫同音樂。前菜方面我哋點左兩樣，第一款係Tuna Ceviche，首先佢既外觀已經相當吸引，由一個玻璃瓶裝住再配合玻璃瓶內既乾冰，令整個畫面充滿仙氣。而食物本身亦有好高分數，瓶內主要有吞拿魚，牛油果同酸酸辣辣既醬汁。吞拿魚爽口鮮甜，再配合酸辣汁令到大家胃口盡開。然後第二款係西瓜牛油果伴羊乳酪沙律，本身我地都係見個配搭幾特別所以想點黎試一試，但都有俾到驚喜我地。首先係沙律既汁底都係有辣味喺度，所以一邊食西瓜既時候會有甜味同辣味喺口腔，口感相當豐富。而羊乳酪既存在又幫忙中和返整道菜既辣度，配合得非常好。而主食我地就只係點左芝士波菜墨西哥酥餅，上枱時熱辣辣，見到芝士喺酥餅內處於半溶既狀態，就咁聞都覺得香氣撲鼻。酥餅會配有3種醬汁包括酸忌廉，番茄醬同牛油果醬。配合不同醬汁就可以食岀不同風味，而我最鍾情就係酸忌廉，最為配搭。餐飲方面我地就點左兩杯mocktail，分別係Friends 同 Breaking Bad。兩杯比較我就相對喜歡Friends，因為當中既莓味同雲尼拿味相當配合，而且口感亦比較厚實。而Breaking Bad都唔差既，係桃味再加上薄荷葉，味道都唔錯，相當清新。…查看更多

之前食過安安燒覺得又抵食又好味，一直都好想再食多次但出旺角又有啲遠喎，咁啱今日約左好朋友喺旺角見面，就同朋友去食啦。我地叫左黑松露菌醬三重芝士撈丁，黑松露同芝士都又香，食落啖啖都有芝士味，啱曬我呢個芝士控，如果鐘意食芝士，真係要嗌呢個👍惹味蒜蓉生燒茄子，茄子又大件，蒜蓉非常之多，熱辣辣放入口真係好好味。燒韮菜，呢個係我每次必嗌嘅食物，非常好味，唔會太辣，但好惹味。水果牛肋條，好嫩呀，切開仲係粉紅色嘅，唔會燒到好熟，而係燒到啱啱好，唔錯嘅。香濃芝士燒扇貝，芝士控一定要食嘅，又係每一啖都有芝士入口，燒到啱啱好，好香。仲有燒菠蘿，好甜好好汁，好食到想嗌多碟。秘製醬燒雞中翼，個皮燒到好香，我覺得呢個比較辣，不過好惹味。…查看更多

好耐都冇去元朗啦，今日難得出到去，就去食下呢間朋友推介嘅日本餐廳先。入面嘅裝飾都好有日本感覺呀，特別係天花擺左好多傘，好古式古香嘅感覺，好正。九丁目午餐嘅選擇都幾多，樣樣都好吸引咁呀。我就揀左極上壽司定食，包括有三文魚、油甘魚、海膽、帶子等等，仲有一碗細烏冬，唔洗驚唔夠飽呀。三文魚同油甘魚好新鮮，幾乎入口即化，好食。最令我意外嘅係海膽，好鮮好creamy，一啲都唔腥，好好食。其實壽司都係新鮮嘅，都好味。…查看更多

之前已經同朋友食過泰妹嫁啦，覺得幾好食，咁今次就食過返尋味，帶埋屋企人去食。一開始就先點一啲惹味既小食開下胃，蝦餅有六大件，件件都好足料，食落唔會成口都係炸粉，配埋泰式辣醬，甜甜酸酸辣辣既味道都齊全，相當開胃。另外生菜包亦係另一泰國岀名小菜，肉碎既份量相當多，而生菜既份量就相對地少啦，希望可以多幾塊生菜，如果唔係淨返既肉碎就只能送飯啦😂肉碎既味道就偏辣一點，如果鍾意食辣既朋友就應該會幾鍾意，不過唔食得辣既就可能要事先叫定少辣啦。而主食就點左海蝦粉絲煲同埋豆腐肉碎粉絲湯。海蝦粉絲煲就咁睇張相都已經好吸引，大大隻海蝦加上已經入曬味既粉絲，已經係最好既配搭。而豆腐肉碎粉絲湯就係玉子豆腐再配上蔬菜湯，好鮮甜，為整餐比較重口味少少去中和一下，正…查看更多

好朋友生日嘅大日子，梗係要帶佢食餐好嫁啦。首先叫左黑松露蘑菇湯，一上枱就聞到好香嘅黑松露味，而且啖啖都有蘑菇，口感好豐富。法式蕎麥薄餅，呢個好特別呀，我第一次食蕎麥整嘅薄餅。我地叫左個有蛋同火腿嘅，仲有黑松露呀，好香。估唔到蕎麥薄餅都幾飽，好食。焦香帶子扁意粉，帶子都幾多，有成4-5粒，而且都幾大粒。帶子有微微煎過，所以好香。極致羅西尼牛排，仲有鵝肝喺牛排上一，鵝肝入口即融，好好味。而牛排就真係做到5成熟，一切開仲係粉紅色嫁。牛排好嫩，冇筋。牛排下面嘅薯溶都好好食呀，好重牛油味，正呀。…查看更多

屋企人話好耐都冇岀街食飯想岀去揾啲好嘢食，大家都一致同意想食日本菜，咁就有人提議去試下野川。野川我都唔係第一次食，覺得質素都幾好所以就同意一齊去食啦😁餐牌食物選擇相當之多，有刺身，炸物，燒物，拉麵等等。咁一開頭當然要點刺身黎開一開胃，三文魚，帶子，甜蝦通通都要點。刺身食落都非常新鮮，冇咩雪味，而且份量亦大，都幾抵食然後就食左一啲煎餃子，燒豬頸肉，台式鴛鴦腸等等，味道都相當唔錯但重點其實係最後既甜品，每次黎我都會必點佢哋既生果雪皅，真係好好味，我點既蘋果味好重，再配合酸酸既雪皅，真係幾飽都忍唔住要食😋…查看更多