yusukestar的个人专页

屹立不倒多年，必然有佢過人之處。對上一次食嘅時候，已經係三四年前第一次同一大班朋友來，記憶中都覺得味道唔錯嘅～今次同屋企人突然間想食一啲小炒中菜，有一啲老字號已經慢慢變咗唔好食，甘岩突然腦海中諗返起依一間，所以決定專程揸車過嚟食，喺南山邨有時租停車場$19/小時（不過就冇free parking）椒鹽九肚魚 魚香茄子煲（有驚喜，食得到真正嘅魚香既味道）菠蘿咕嚕肉火焰蜜椒牛柳粒明太子炒飯凍朱古力雖然order嘅都係一啲招牌菜，但係味道真係唔錯，價錢雖然唔算好平，但係對得起呢個價錢～P.S 此店收現金（要知道喺現今淨係收現金嘅舖頭，即係代表唔憂做😂）的確當日平日星期二到7:30時已經係九成滿座了，就知道佢咩料啦😌唯一要彈嘅就係我當日張枱沒有清潔好 枱面有好大疊污跡，叫咗侍應嚟，佢求其抹一抹左一邊就走左😐…查看更多

作為喜歡食辣嘅人，當然對於麻辣米線亦都係有要求，大集團米線老實講我唔敢飲啲湯，但係就係呢度可以搵到夠香夠麻既湯底，亦都試過飲埋大半碗湯，都唔會覺得有口渴嘅情況～我每次嚟到都會點墨魚春卷麻辣米線，而老公就會揀肥牛酸辣米線，我自己對於酸辣湯有點卻步，因為好多地方嘅酸辣湯都整到好難食（得種酸味無辣味），但係我都有試過幾啖酸辣湯，酸辣度比例啱啱好～自從疫情之後我都好少堂食，每次都係外賣，佢哋外賣會分開湯同米線，至少回家半小時後食都係好味嘅～…查看更多

對於呢個位置開一間麵包店，鄰近有好大熱嘅嘉多娜餅店 ，200米範圍有比較經濟傳統麵包店「麵包皇」～但就係因為比較就腳，而且價錢俾嘉多娜平一點～試咗幾款麵包：菠蘿油 $9不錯，菠蘿包皮都算脆 芝士火腿酥 $13好味蒜蓉磚 $10我都算係一個蒜蓉包迷，其實普通蒜蓉包係好難整得好食，但係依個真係好難食😵‍💫😵‍💫外貌的確好似好吸引，但係食落去又唔夠蒜蓉嘅香味，又唔夾個包😬之前同事有喺度買個蛋糕，蛋糕價錢都算親民～…查看更多

好旺場嘅泰式餐廳，午市12pm開始 ～第一次來的時候1:45pm需要等待一會兒才可以入座，第二次來的時候2:30pm 就唔需要等位第三次來的時候12:30 pm亦可以直入，但係坐低之後就很快不斷有人進來到1pm嘅時候已經全場坐滿我最欣賞嘅其中一款菜式就係青咖喱，因為都唔算好多地方整得好食～另外佢哋嘅香葉肉碎炒河，亦都值得推薦～午市性價比高，大部份$69左右 配冷熱飲品（特飲先需要加錢），而我每次來都會點選泰式奶茶…查看更多

當晚三人行，已買戲飛睇7:30pm在附近D2 戲院，預先睇吓附近有啲咩食，最後就揀咗依間～無得預訂位，全Walk-In ～先喺收銀處付款，然後等佢哋送餐過嚟，店舖環境唔算大約15至20個位～位與位之間就比較窄一點～兩人套餐：泰式蝦餅雞翼 🈴冬陰功湯 🉐（夠辣，我鐘意）泰式炒椰菜苗🉐海南雞 🈴泰式炒肉碎🉐加配泰式生蝦 🉐由於我哋6點就到，所以唔需要等可以直入手，到我哋離座時大約7:15，但時已經滿座了～…查看更多

台灣便當喺香港都有幾間唔同嘅連鎖餐廳做，甘岩係尖沙咀又泊到錶位，唔需要喺商場食，就睇吓附近有啲咩食啦～喺The One望過去見到1樓窗口寫住招牌名，就咁睇已經知道係食咩，所以就行過去試試～台灣鐵路大排骨便當🆗配梔子花綠茶三杯蜜汁雞扒台灣手工麵配蘋果茶加$14配小食 鹽酥雞，梅香脆地瓜麻辣鴨血 我個人覺得最出色係麻辣鴨血湯底，有麻有辣味其次就係手工麵，出邊比較少食到～而便當嘅餸同埋飯就一般般了～所以大家來試嘅話，最好食手工麵～…查看更多

今次再嚟到K11 MUSEA , 當然原因都係泊車原因，因為車位夠多～今次試下其他食肆～行咗一個圈依間嘅款式算係最多，有飯有麵，有港式野食又有泰式野食～最後就揀咗鮮蝦炒貴刁，見到佢後邊有員工即叫即炒，所以是等候時間都要大約十分鐘先至有～而味道都OK ,始終嘢食夠熱至少都唔會太差～…查看更多

作為揸車人士所以要搵一個能夠方便泊車嘅地方食嘢係較為苦惱, 由於要喺尖沙咀附近物理治療，所以架車都泊喺The One～The One嘅食肆唔多，主要食肆集中喺4樓，4樓有間泰國嘢同越南嘢開咗好耐，好耐一直都喺度，本身都食泰國嘢，但係星期一7:30都仲要等位，所以就冇再等落去所以就去咗後邊有間食西餐嘅入去試～喺度我哋揀咗個二人餐$398～頭盤揀選兩項（但係餐湯計在內），主食揀選一薄餅揀選一➡️Lobster Soup太稀➡️Wild Mushroom➡️Truffle Carbonara➡️Carnivore Pizza 9”另叫左甜品Brownie In a Pan 味道可以，但係服務上就爭啲叫人下單嘅時候一直冇反應，播舉左隻手廢fight咗隻手好耐都無人見到，睇住啲侍應望住廚房背對客人，最後我就直接行出去搵人order算了😐😐…查看更多

喺K11 Musea 既Food Court 行咗一圈，最後比相片吸引，所有最後選咗依間～我哋三人每人揀咗一款：水牛芝士有機荷蘭鮮茄蓉稻庭烏冬 $98老實講味道一般蕃茄好酸特濃卡邦尼稻庭烏冬 $98最安全之選亦都比較襯烏冬食四川麻辣豆腐稻庭烏冬 $88都夠辣但係少咗麻香對於喜歡食辣嘅我來講都可以接受～章魚燒六粒 $48即叫即整，雖然不能媲美正宗日本章魚燒，但係因為即刻整，所以夠熱～喺尖沙咀food court來講，大部份起碼都要$88以上所以價錢嚟講都算係合理，因為K11 Musea泊車方便同埋任何消費已經可以有兩小時免費泊車～有點後悔的是，當時我哋三人應該每人揀一間黎試🤣🤣…查看更多

第一次來食嘅時候，係因為泊車泊咗喺The One ，而佢哋又出咗個一至五 午市泊車優惠（$100/1小時，$200/2小時），所以嗰時就睇吓有咩食，咁無意中就去到4樓見到牛氣，見到有個60分鐘自助火鍋，雖然肉類只有一盤，但係出邊自助吧所有嘢都能夠任食，對於女士嚟講其實係都足夠，除非好鐘意食肉～而且佢嘅價錢都算合理～而我最喜歡嘅係之前有「水連」，但昨天去嘅時候就冇咗，變咗「羽衣甘蘭」希望之後有返～雖然配料唔算好多，但係都好啱我食，啲丸不是一般嗰啲牛丸豬肉丸亦都有拉麵，烏冬..全部都啱食而佢亦都有少量熟食，例如魚蛋燒賣薯條，仲有沙律吧～飲品就主要係罐裝，亦都有咖啡機～所以整體嚟講係好啱我食～其他分店我唔知，但係The One人流較少，所以經常都坐到卡位…查看更多

第一次食呢間嘅時候喺九龍灣MegaBox之後就喺新蒲崗Mkiki, 作為附近街坊大部份食肆都試過，依間都係我不二之選，見住餐牌不斷嘅改變😂😂記得開頭嘅時候價錢校平，所以經常都好多人，之後有一段時間加咗價（加幅都幾大）所以之後就較少人食，而家個價錢就係一個適合嘅水平，所以我一個禮拜有時都會食一次～而家一個基本套餐，連埋飲品甜品$79～當然我係真係最主要為「甜品」而來食而主食當中，我試過幾款，最欣賞嘅係蕃茄雞卷，但係昨晚食嘅時候賣晒:(其他餸都OK嘅最重要啲飯又夠熱～但係昨日見到佢哋寫話新蒲崗店做到3月28號…查看更多

而家要專做一味菜式既生意應該好難做，喺香港地越來越少正宗嘅菜館，以我所知「順德公」係家庭式打理，老闆，老闆娘，太子仔等人到再鋪入邊主理今次有幸跟我上司請黎食飯可以食到美味正宗既順德菜式😍😍多謝晒😛藍澳龍蝦刺身 啲肉好爽脆皮咕嚕肉堅係脆皮豆腐蒸帶子 👌🏻川芎白芷天麻魚頭湯拍蒜豉汁蒸魚（但我忘記咗係咩魚）我自己本身不是太好魚（尤其係河鮮魚），但係都可以整到好味，平時我只係會食一小舊魚片，但係當日我都食咗一大嚿魚腩🤣…查看更多

原本想食對面的泰國菜午餐，但係因為可能時間尚早，當時11:45 am 都仲未正式開門、所以朋友就入去咗對面呢間餐廳～大門好重，要好大力先推郁😅而這間店環境的確夠舒適，地方大，但係又唔係放好多枱，所以枱與枱之間有好多空間～所以同朋友傾偈嘅時候感覺好好，至少唔會聽到隔籬枱人哋傾偈嘅內容🤪🤪當天叫咗兩個午餐，朋友點做沙律，而我就點咗卡邦尼意粉（最穩陣選擇）老實講，食物質素做叫一般般，以依個價錢來講，感覺就唔值得了～但係呢度勝在環境搭救～…查看更多

因為同朋友喺觀塘APM睇晚上10點電影，所以就睇吓附近有咩好食囉～咁就搵到依間「龍鳳號」係食台灣野，見到價錢都算經濟實惠，所以來試試，朋友7:30到了，即刻有位～眼見都有九成滿座味道整體上都唔錯、評分如下👇🏻是日點餐：麻辣鴨血鍋 加配粉絲鹽酥雞惹味肉燥湯新竹米線古早味魯肉飯🥤青檸百香果🧋芋泥鮮奶奶茶🍺蜂蜜台灣啤酒🍨龍鳳豆花 & 特濃薑汁地瓜湯⭕️張枱位木枱，所以呢兩邊有角，所以腳下有一點窄，但係貼心位就係每張枱下邊有一個籃子🧺俾人放低袋～⭕️自助斟水…查看更多

其實已經食過多次，而家先至記得寫食評🤣 今晚我哋三個人點咗個二人套餐，份量夠三個人食～小食：炸雞薯條好食，薯條即炸炸雞，免上心有少少椒鹽粉調味料，惹味～主食：（揀選兩款）泰式冬陰功雞肉薄餅（小）食過幾次，味道較飄忽，有時候會辣咗一點有時會淡味一點三文魚明太子扁意粉 夠醬，還配送一片蒜蓉多士😚包兩個餐湯及兩杯飲品（飲品餐牌上任點）整體食全部都夠熱，味道唔錯環境舒適，係同親朋好友談天說地嘅好地方平日時候多數都有位可以Walk in 六日假期嘅時候現時比較多人，有時候都需要等候一會兒～…查看更多