nicolenty的个人专页

疫情緩和之下，晚市重開，但上網見到午市有68折優惠，即刻約埋兩個朋友聚下，一解邊爐相思之苦😋😋同行有位朋友唔食辣同羊，所以揀左個成雙鍋 - 清湯 + 酸辣湯，亦冇叫羊肉串，但冇損各人心情。今次叫左快樂吉祥三寶 - 有黃金羊王🐑 / 美國牛小排 🐮/ 西班牙黑毛豬🐷，岩晒大家口味。花膠鴨血手打墨魚丸/蝦丸響鈴萵筍山藥雜菌芝士丸鬼馬墨魚滑芒果🥭沙冰同巨蜂提子🍇沙冰好大杯，好正。擺到成枱都係，每人只係3百幾蚊，好抵食👍🏻餐廳有一樣係好抵讚👍🏻，就係好多配料都可以叫半份，岩晒人少少或兩口子，可以叫多幾樣又唔怕食唔晒，做大嘥鬼。…查看更多

呢個星期每日都落雨，心情麻麻，要搵朋友聚一聚，釋放負能量.路經過廣福道，見到有間日本野未試過，就試一試啦！冇諗過落雨天都差唔多滿坐餐廳用QR code落單📱，一落完單，好快就送上蟹籽沙律同湯。日本餐廳set lunch多數都係麵豉湯, 但呢間竟然類似中式燉湯，有冬菇，魚肚，素翅。飲完之後，立即暖笠笠🥰我叫左燒明太子飯，呢個好少見。明太子係偏咸，但配埋生雞蛋，撈埋一齊食一流呀！另外order左芝士吉列蝦卷，蟹籽軟殼蟹卷，燒白鱔，燒牛舌，炸芝士，炸蠔朋友一齊分享😋呢餐lunch食得好滿足，又經濟又好食，心情即刻靚晒💖💖…查看更多

疫情嚴峻之下，全港所有餐廳晚上6點後就禁堂食，連去街嘅心情都受到影響。4月初，某個星期三下午5點幾，剛好要去新城市廣場買外賣，經過Tonkichi 竟然有外賣自取半價餐牌，立即😍😍，行動吧！外賣雖然唔可以refill飯同生菜，但有半價絕對有吸引力。我揀左吉列大蝦生蠔定食，半價後$159🥰雖然係外賣，但份量同堂食一樣，連前菜，麵豉湯，芝麻，豬扒汁，紫菜汁，柚子汁，生果都有。最開心係，沒有因為係外賣，而減少份量。返到屋企，蝦同蠔仲係卜卜趣😋😋食完之後，超滿足😚😚呢個超高質外賣，絕對係疫情下嘅彩虹🌈…查看更多

好多朋友都話華記車仔麵好食，叫我呢個車仔麵控一定要去食。終於有一日突發拍拖👫更，梗係拿拿臨出車🚗💨我地去到大約下午兩點半，所以唔多人，只係門口排左一陣。見到好多特色餸，樣樣都想試，有選擇困難症呀😂最後揀左5個餸🤪 豬肚，豬大腸，牛肚，牛肺，通菜。平時食車仔麵，我都會要5餸，絕對清得晒。但華仔呢碗，一放上枱，我已經話咁大碗嘅🥲，擔心食唔晒，結果真係食唔晒😅😅，好彩有另一半幫我包底😆埋單$134，一d都唔貴，因為飽到連晚餐都食唔落🤣🤣…查看更多

好同事係疫情之下都轉到份好工，梗係要好好慶祝一下🎉 最後揀左食鐵板燒，眾多鐵板燒餐廳之中，虎鐵係心水之一虎鐵位於銅鑼灣鬧市，地點非常方便👍🏻，店內裝修走日式風格，感覺好warm🥰 因為一早訂定枱，所以安排左坐bar枱.我地揀左 - 御二人樣沙律 🥗 - 沙律有柚子醋，加埋蟹肉，好fresh.海膽黑松露溏心蛋 - 冇咩特別驚喜當晚被北寄貝無貨，所以改左煙燻帆立貝。帆立貝好香，煙到半熟。但配個紅酒啫喱，感覺有d怪怪咁😅活鮑魚配蟹肉海苔醬 - 鮑魚燒到岩岩好，一d都唔靭，配埋個蟹肉海苔醬，超好食呀😋活龍蝦配海膽醬 - 龍蝦爽甜，海膽醬鮮甜，又係超好食😋日本A5和牛配香煎野菜 - 和牛食到有少少🤏渣。相對鮑魚同龍蝦，呢碟比較失色。汁物 - 海鮮湯，好鮮甜三文魚籽海膽炒飯 - 炒飯粒粒分明，再配勁多海膽同三文魚籽，好奢華呀🤩梳乎厘配柚子雪糕 - 即製梳乎厘熱辣辣，配柚子雪糕同紅豆醬，so prefect 😌…查看更多

今日突發拍拖更，梗係同老爺搵間餐廳撐下枱腳。Plato Cafe & Bistro 一直都想試，今日有時間，當然要去會一會先。雖然地點係油麻地，但入口係彌敦道唔難搵。Book左7點，準時上到餐廳，都見到已經坐滿7成人。餐牌有一人餐同二人餐。我地揀左二人餐。頭盤揀左英式炸魷魚圈🦑 ， Pasta揀左龍蝦汁大蝦🍤露筍意大利飯， Main course呢⋯⋯我地係牛魔王，當然揀牛扒🥩，老爺唔鍾意食太生，揀左medium well. 首先黎左人是日餐湯....磨菇忌廉湯湯唔錯，但片蒜蓉包就比較硬同唔熱。頭盤黎啦！有6件，但個脆漿比較厚，同埋都係唔夠熱。意大利飯無煮過淋，龍蝦汁岩岩，而且蝦好新鮮輪到main course...牛扒無over cook 👍🏻 side dish同沙律菜都好食。最驚喜係個甜品，玉桂係暖笠笠，同雪米糍一齊食，好好食呀！如果用現金埋單，有88折。信用卡就9折。大家留意😊…查看更多

每個星期六同二少游水後都要搵地方食晏，開飯主義個心水餐廳之一。我自己好少食咖哩，但經過幾枱都見到人叫，我就試下, 叫左泰式咖哩吉烈豬扒飯🥘一上枱...嘩....塊豬扒好大塊，完全睇唔到飯😊。餐廳好細心，見我有小朋友，所以咖哩汁分開上👍🏻要搬開塊豬扒先見到飯正當以為塊豬扒好薄，點知又唔係喎👍🏻食落唔乾，而且好juicy 😍開飯主義個泰式咖哩係黃咖哩，好香，有少少辣，送飯一流😋埋單$50夠一大一細食，真係超值👍🏻…查看更多

搬上7樓黎後，第一次幫襯。新鋪比舊鋪闊落，環境光猛，而且仲係open kitchen, 一邊食野，一邊睇住廚師們煮野，食落特別好味。今次叫左個一人餐，另外散叫左兒童餐，芝士肉醬千層麵，煙三文魚鮮果沙律，法式紅酒燴牛尾闊條麵。一人餐包左餐湯，沙律，主菜同餐飲。餐湯係南瓜蟹肉湯，每匙都食到蟹肉...yummy 主菜就叫左炸魚薯條，脆漿唔厚，新鮮炸起，好食兒童餐👦🏻我家二少每次必叫，兒童餐有兩款，今次二少想食肉醬意粉，所以揀左A款。兒童餐分量一d都唔少，而且仲有杯橙汁。小朋友絕對夠食，二少話樣樣都好味道。芝士千層肉醬麵🍝呢個係我家大少必食。一層肉醬，一層麵，最後加上芝士，肉醬夠多，而且無焗到乾爭爭，佢話好食到定唔到口。煙三文魚鮮果沙律🥗呢個又係必食，最鍾意係用新鮮生果👍🏻，唔係罐頭雜果。法式紅酒燴牛尾闊麵呢間係期間限定manual 入面，牛尾入晒味，夠淋，個汁撈埋闊條麵，好好食。…查看更多

一年容易又中秋節，又係經理請食晏嘅時候。今次揀左係公司附近嘅西餐廳🍴- 登堂。登堂位於係觀塘新食力地標 The Wave 2樓全層。電梯上到2樓就見到個靚靚reception 😍餐廳入面好寬敞，每張枱之間都有距離。👍🏻Set Lunch 有沙律，豬，牛，羊，雞，海鮮，選擇多完化。Set lunch 有餐湯🥣同麵包🥯。麵包外脆內軟，芝麻面好香口。餐湯係粟米薯仔湯，入面有薯仔粒粒。我order左輕煎北海道帶子，帕馬臣芝士🧀忌廉汁自家製手造寬條麵🍝一上枱已經好吸晴🤩登堂嘅寬條麵係蛋麵，麵質滑同彈牙👍🏻帶子有成個$5咁大，冇因爲係set lunch而將價就貨👍🏻 。煎大約一成熟，保持刺身嘅嫩滑，味道亦好鮮甜😋😋忌廉汁加上帕馬臣芝士同Pama ham粒，又香又滑。Pama ham獨有嘅咸香味，會令人食完一啖再一啖🤤餐飲order左ice americano。登堂好貼心， 凍咖啡嘅冰係用返咖啡做，唔會因爲冰融左，而令到咖啡淡味。呢個要一讚👍🏻👍🏻👍🏻…查看更多

放工後去銅鑼灣搵朋友攞野，講開想食車仔麵，佢就推介我去登龍街新記。7點幾去到，鋪頭入面坐滿八成人，感覺良好👍🏻坐底後快快手揀餸，今次揀左米粉，豬腸，牛肚，牛筋，墨魚卷，腩汁少辣。豬腸👍🏻洗得乾淨，滷得入味😋牛筋👍🏻本人鍾意食淋質地牛筋，呢間全部岩我口味，夠淋夠味。冇得輸😋😋牛肚👍🏻係牛草肚，見到都覺得夠味。食落真係正，下次要叫兩份😋😋墨魚卷👌🏻都好食，但可以切厚少少就更好。而個辣湯都正，夠香。朋友果然冇介紹錯，新記車仔麵平靚正💕…查看更多

老闆請食下午茶☕️，當然要order大家最鍾意嘅炸雞脾🍗，同加錢轉飲楊之甘露冰🍧。大家樂姐姐好好人，見我地大手order, 立即叫廚房比岩岩炸好嘅雞脾我地🥰。返到公司打開外賣盒，香味立即充滿pantry🤤。一咬落去，雞脾外脆內軟，肉質嫩滑，非常juice😋，唔會炸到乾爭爭，每次食都保持同一水準。楊之甘露冰唔太甜同好足料，有芒果粒🥭同西柚粒🍊。一口雞脾一啖楊之甘露冰，立即爲下午叉足電👍🏻…查看更多