CyrusKm的个人专页

放工後與友人到了灣仔想要去放鬆一下，而且聽說蘭杜街有很多餐廳就去逛一逛，看見這家小型的法國餐廳挺有特色的，就進去了吃晚飯。餐廳環境小小的，掛了不少法國畫作，坐位也很舒適。餐廳的經理十分友善，主動為我們介紹菜式，而且講解了每道菜的特色跟煮法。我們就聽他的，starter點了吞拿魚牛油果他他 。新鮮的吞拿魚伴上了嫩滑的牛油果，不要以為很單調，因為它配有日式和風醬汁，令整體味道更升了一個層次，鹹鹹酸酸的，特別開胃又健康。另外，到法國餐聽必點蕎麥薄餅Galette，是法國的特色菜，我們就選了香煎帶子蕎麥薄餅。味道跟Pizza有點像，但餅底就有淡淡的蕎麥味，上面就配有香濃的白酒忌廉煮野菌和煙肉，和帶子也是煎得很香口。法國空運黑青口這個是餐廳經理另一強烈推介，因為青口係法國空運到港，每日限量發售的。經理介紹我們一定要先吃薯條,而且必需沾它的大蒜蛋黃醬。這個醬果然是畫龍點睛，香脆嘅薯條一條一條在我口中緊接，不能停下來。而青口味道鮮甜，即時中和薯條的油膩，絕對是Perfect match！另外，亦點了烤雞蒜香鯷魚橄欖意粉。雞肉嫩滑，外皮脆脆。意粉則用了特色地中海風味醬汁配蕃茄蒜香，味道十分可口。最後叫了個士多啤梨提拉米蘇 ，平時很少地方會有士多啤梨味的Tiramisu，所以經理說這甜品係餐廳嘅特色之一，用了獨特意大利杏仁條，而且烈酒味好強烈，喜歡杏人及士多啤梨的，可以一試。飲品方面，餐廳提供唔同類型嘅餐飲，亦有好不同組合的新鮮即搾生果汁，我就選了一杯牛油果加蘋果和青瓜搾成的果汁 ，吃得可口，飲得健康。…查看更多

係呢個肺炎疫情下， 好耐都冇出去食飯。 老婆想食日本野，但又唔想去啲連鎖店， 上網搵到呢間食評唔錯嘅小店， 所以就去試下。由於得兩個人， 食唔到好多野，我地就叫左幾款野試下。叫左幾款壽司， 有油甘魚， 帶子， 赤背同三文魚子。三文魚係一般醬油醃製， 但冇過火， 冇死咸，而且食落冇腥味。油甘魚有魚甜味， 食左柔軟冇雪味， 比起之前係yoho 咁間壽司鋪食好得多了。軟殼蟹手捲上到枱仲係微暖， 軟殼蟹好脆身而且份量唔少，好抵食。芝麻雞翼：炸得好乾身脆口， 但如果個味道可以濃啲，咁就更加好啦。燒三文魚頭： 呢個真係勁驚喜,因為佢唔只得一個三文魚頭，仲有魚鰭 同一舊三文魚肉，68蚊呢個價錢真係冇得頂！串燒五品： 有冬菇，雞翼，免治雞棒，煙肉車厘茄同埋帶子。 老婆就好鍾意個煙肉車厘茄喇， 貪佢個煙肉燒到小小燶先至好食。而我呢就鍾意個帶子， 就算佢搽咗啲醬我都食到佢嘅少少鮮甜味。呢個價錢同普通連鎖壽司店食嘅可能差唔多，但係佢壽司嘅級數我覺得係好過一啲連鎖店。如果下次想食壽司， 我地會再考慮黎呢到。…查看更多

最近感到微微秋意，很需要一點提神食物，辣嘢係一個唔錯嘅選擇。於是帶了老婆去到銅鑼灣美食地標之一金百利商場，尋辣去。來到麻辣派對，餐廳裝潢滿有歌德式風格，Cool Cool的黑色設計，意想不對麻辣食店可以如此不一樣，充滿驚喜。更驚喜的是看過餐牌也覺得收費相當合宜。毫無懸念，決定一試。手拍青瓜涼拌中青瓜是最清新的選擇，醋味中帶點蒜香外加爽脆的感覺，加上微微麻辣，更為惹味，吃熱食前先醒醒胃。紅油火雞腎環顧四周平均每兩枱就有一枱叫的小吃。我們當然入鄉隨俗叫埋一份﹗這裡嘅火雞腎厚度剛剛好，薄切可以更加吸收辣汁加上好爽口，是一道吃不停口的小吃，佐酒一流，可惜是晚揸車沒有叫酒。麻辣小麵吃完一輪涼拌菜再吃一碗熱辣辣嘅湯麵，有種說不出的舒暢﹗麻辣小麵是一道重慶人最愛的小吃，這碗吃起來真是鹹香夠味。自選香辣味鍋來到的時候真的嚇了一跳﹗份量好巨型呀﹗原以為只是鋪了滿滿的辣椒香料，誰不知配料原來佈滿在辣椒之下，吃過沒完沒了﹗原以為吃完，原來還有，真的充滿驚喜。我們選擇了五款配菜，包括蓮藕、水魷、雞脆骨、香乾豆腐及土豆，選擇了小辣，可能平時比較少吃辣，小辣的辣度都不容忽視，吃到冒了一頭汗，每樣配料都恰如其分，和麻辣都好配襯，值得一試﹗最後店員還送上一杯桂花冰粉，桂花香甜配上涼涼冰粉，正好一解麻辣之感，劃上完美句號，過了一個滿足口慾之福的一晚。…查看更多

今日同老婆行去元朗, 不小心轉入內街見到一個非常搶眼的大招牌 "老闆火鍋冰室" 門外看看很懷舊的裝修, 再望望問口個餐牌 只係$198 一位的粥底火鍋, 仲有7 款海鮮, 當然要試試啦。店內我裝修絕對係打卡熱點, 牆身好多香港舊電影海報, 播住上一代的經典金曲, 感覺幾過癮。調味料不花巧, 簡簡單單四款, 其中XO 醬係老闆推介, 真係好香好足料。一入職員就親切介紹海鮮火鍋選料, 蟹同沙白係老闆已經為我地預備好, 再揀多5 款海鮮就係第一部分。 海蝦,鮑魚,大魷魚,貴妃蚌,蟶子。蟹上枱時時肉仲跳動緊, 絕對新鮮!沙白每一粒肉都肥嘟嘟, 沒有沙, 一打開口就夾上黎, 鮮甜到不得了。另外蟶子也很出色, 厚肉而且彈牙鮮甜。枱邊有計時器同指示, 每樣海鮮都計準時間沒有過火。海鮮真係一食便知龍與鳳。第二部分自選八款火鍋配料- 喜好牛的要試試極上牛柳粒同肥牛, 牛味重, 唔知係咪因為米水粥底所以入口食落去嘅牛都有一份細滑感,又唔會好韌, 可惜唔係任食只能淺嘗。另外墨魚丸係自家製, 又真係好有口感, 彈牙, 食到粒粒墨魚肉咖。其他飽肚配料都不錯, 本人就覺得丸類較出色, 另外一款薑汁皮蛋貢丸都不錯。食到咁上下,職員會加埋南瓜粒同芋頭粒煲一陣, 煮埋其他配料同蔬菜已經好飽喇.... 最後加埋個粥膽 調味料的菜脯蔥粒等滾一下, 就成了超級鮮味的海鮮粥。 說真點.... 完全是精華, 味道好濃郁, 好好食, 咁多海鮮再加配料, 飽到連飲品都飲唔曬。老闆話水果茶係二人份量的, 豪華版水果茶, 必點!…查看更多

今日老婆很累，想偷懶一天不煮晚餐，所以帶了她來到荃灣區最出名嘅美食大廈。有齊各式各樣嘅餐廳可以選擇。間間都是出名的長龍店，今次先選擇一鍋堂，一個價錢任食任飲，餐廳裝潢整潔舒適，落單更可以用手機落單，方便快捷，還可以避免員工落錯落漏單嘅情況發生，值得一讚。飲品、醬料、蔬菜及雪糕都在自助枱自行提取，飲品中比較特別的有蝶豆花茶及洛神花茶，我不嗜甜就只飲了碧螺春綠茶。藥膳湯看到介紹益氣補血健脾暖胃，忍不住要叫來試試，雖然吃火鍋但都希望健康一點。美國肩胛肉眼難得放題都可以吃到水準之作，脂肪平均肉質軟滑，還要之後叫了數碟水準都沒有下降。蟶子仔平日很少在放題可以吃到的蟶子仔，淥到剛剛好放入口，加上少少醬料，更能突出蟶子仔的鮮味。生猛海蝦食海鮮最緊要食材新鮮，這裡的海蝦合格有餘，肉質結實鮮味十足。白鱔片白鱔片切得好厚肉，魚味甘香肉嫩爽口，值得一試。是日海鮮-蜆店員推介是今期是日海鮮，所以一定要試試。雖然蜆肉細粒，但肉甜無沙，可以叫多幾碟吃!最後我們還出去拿了蜜瓜雪糕，味道清新可口，解解火鍋膩感一流!…查看更多

聽說棉登徑有間專食丼飯的店, 我就很愛吃日本餐,所以特意來試一下。店內似日本居酒屋設計, 主餐牌均是丼飯和小吃。我本人愛吃 吞拿魚, 一打開餐牌就見到"火炙辣味吞拿魚丼" , 仲要係辣味的, 即時決定就這個吧。本是麵豉湯但可以加錢轉魚湯,這個是立魚魚湯, 有魚的鮮甜味, 開一開胃先。試一口 火炙吞拿魚, 魚味不太濃但有少許火炙香味, 無根, 入口都溶溶地。另外個辣味吞拿魚蓉溝埋隻鵪鶉蛋好好味 唔會腥, 黏口。我另外一條條辣味絲溝埋特製醋飯很惹味, 個飯應該是溝了一點醬油而且加了很多芝麻, 很香口。最特別係加了一粒粒的梅子味啫哩, 開頭看上去有擔心,。但一食落口就愛上, 酸酸甜甜, 一入口就會溶化, 溝埋飯真係好特別。加了一個小吃-味淋魚乾, 燒得很香但沒有過火, 咬口軟軟的。這家的丼飯是幾特別的, 普通的吞拿魚丼飯, 但內裡有啫喱,辣味絲,魚蓉加鵪鶉蛋, 成個丼變得好豐富而且有滿足感, 可以食到飽飽的。…查看更多

又同老婆拍拖食飯!今晚特意帶佢來中環店試一試! 走入這間充滿古式古香的火鍋店, 經店員安排坐在4 人枱,全店裝潢就好像走進電視城既古裝街,掛滿紅紅燈籠,很有氣氛!店員首先送上醬料盤讓我地自選醬料,選擇很多,基本醬料都齊全,令我食完又添既有古法XO醬,足料加上香味撲鼻,每一口都有滿滿的金華火腿, 用來配襯任何食物都可以令食物味道昇華!叫了祖傳秘製麻辣拼一品酸菜白肉湯底($160)!麻辣是每次必點之湯底! 湯底充滿各種麻辣配料既香味,已包括凍豆腐及鴨血! 凍豆腐及鴨血份量都好多,還可以再加添, 十分抵食! 另外酸菜白肉湯中的酸菜帶甜,, 五花肉帶有少少肥,屬於越食越想食之類別,單係兩個湯底既料頭已經可以食到好飽肚!鮮蝦雲吞拼巧手韭菜餃($62): 兩樣都係自家製, 急凍餃子一定比唔上自家製, 原因係呢到隻隻都身型飽滿, 皮薄料足! 鮮蝦雲吞內既蝦肉爽口新鮮,啖啖蝦肉! 韭菜餃既菜同肉比例適中, 吃得過癮!極品安格斯肥牛小份($165): 唔食得都睇得,擺盤有心思,牛味濃郁, 雪花紋很細緻,仲要夠淋!腐竹拼枝竹($49): 不過不失之配料,用黎吸湯汁食用,係唔錯既選擇!五色丸拼盆($99): 海瑞香菇貢丸,海味花枝丸,蟹籽手打蝦丸, 流心咸蛋黃豬肉丸&手打雙重芝心丸,五款都係店家自製,淨係睇個名都知道特別,口味, 比較突出係海瑞香菇貢丸 完完全全同響台灣食既味道係一模一樣!新鮮柴淮山($59): 很少店家會提供柴淮山,難得遇到當然要一試, 據聞比起白色淮山更健康,入口爽甜!埋單後店家還會敬送甜點! 腐竹糖水沙冰都係第一次試,由熱辣辣既糖水轉成沙冰, 係難以想像般解渴同清新, 絕對可以減少火鍋後熱氣既感覺!…查看更多

早幾日同老婆去完尖沙咀韓國街但無食韓菜硬係走身唔聚財咁, 所以今日帶老婆黎呢間由細食到大既老字號韓國餐廳無諗過星期三夜晚八點餐廳都係人潮湧湧, 老字號果然係老字號, 等了一陣才有座位安排俾我地, 傳統韓式裝潢,座位闊落, 可以舒舒服服咁吃其實兩個人吃韓菜好易眼闊肚窄, 因為碟碟都好大碟, 我地好忍得手, 因為知道店家次次都會提供八小碟涼菜, 所以只叫兩樣野 先來八小碟好壯觀! 另外還有一碗新鮮醃制泡菜及一碟紫菜, 呢兩樣拌飯或者配肉都係上上之選!八小碟同一般韓式餐廳提供既雖然大同小異, 唔逐一講, 不過重點推介其中一兩款涼菜, 第一樣係黑豆拼花生, 醬煮黑豆響韓國係常見小菜, 甘甘甜甜令人停不了口, 另一樣係自家新鮮醃制泡菜, 呢個係即刻整, 酸味較淡口感特別清脆, 辣度可能遷就香港人既關係, 屬於點到即止level, 空口食爽口, 配肉吃可減油膩感!1.調味烤牛肋骨$210: 店員好細心, 即時幫我地剪開一件件, 方便燒同食. 同牛扒比較，牛肋骨多了牛油既香氣同埋滑嫩, 經過燒烤處理, 將多餘既油脂逼出來, 陣陣焦香用紫菜同泡菜搭配吃, 味道無咁單調2.白切豬肉包心菜$338: 呢碟上枱時我差D嘩一聲叫出來, 好!大!堆!頭!呀! 有生菜, 醃菜, 豬肉排得美美整整齊齊, 另外有一碟大醬同沾肉吃既醬汁, 忍唔住即刻包一件來吃, 肉同膏層次分明, 入口溶化軟嫩, 加上拌菜解膩, 原以為會吃剩既豬肉, 都俾我同老婆消滅晒最後店員送上甜品, 我揀左雪糕, 老婆要了一杯紅棗茶, 老婆好欣賞杯茶, 雖然而家夏天但食完咁多涼菜, 有杯紅棗茶舒緩返個胃係好事, 仲要甜度適中紅棗味突出. 作為結尾, 可算完美至極!…查看更多

又到星期一拍拖日,今日同老婆去尖沙咀金巴利街搵食, 原本打算求其搵間韓國野食, 點知見到一間日式裝潢既店, 就好像日本橫街內的居酒屋一樣, 忍不住就入了去試一試!店內有兩列吧台, 一面響牆一面向師傅枱, 中間有幾張枱, 店員安排我們坐了近門口的位置, 不用對住燒烤爐位, 比較涼快!串燒應該要配清酒先對板, 可惜今天揸車, 咁就唯有以茶代酒, 亦無損吃串燒既雅興!我同老婆各自選擇了一系列既串燒, 可以各有各叫自己喜愛的又唔怕吃唔晒浪費食物, 這就是吃串燒的好處!店員先放下一個長碟配漬物同檸檬, 長碟用來放每次燒好的食物, 加少少檸檬汁可以更加惹味, 漬物用醬油醃製, 好開胃, 屬於吃唔停口既前菜. 重點講下我吃過既食物如下:1.萵荀沙律$68: 清爽咬口再配上濃濃芝麻香既沙律汁, 好適合而家熱辣辣既天氣2.汁燒銀鱈魚$138: 西京風味, 香滑肉嫩, 我無野要補充3.明太子飯糰$48: 同平時吃既飯糰有所不同, 明太子包圍了整舊飯糰再燒,咸香脆口4.雞皮$38: 全晚最推介呢個, 脆口過薯片, 不油膩, 同響日本買既雞皮手信好似, 但新鮮燒既自然要再加分5.雞肉棒$48: 細膩、扎實、鮮嫩爽口既雞肉再加生雞蛋配襯, 沒有不叫的理由6.安格斯牛小排$66: 唔需要過度調味, 牛小排最好既滋味就係本身既味道, 放一粒入口後瞬間油香肉汁爆發! 停不了吃完一粒又一粒7.菠蘿$28: 每次吃完串燒必叫作為結尾, 汁多肉甜, 盡解串燒熱氣說說笑笑輕輕鬆鬆過了愉快的一晚, 當下次又想吃左當去左日本時, 又可以回來這裡回味一下!…查看更多

去日本成日都會食燒海鮮，但係香港呢就好少食啦。上網搵過呢一間 評級都幾好，於是就同老婆黎試下。汁煮燒喜之次， 第一次食用汁煮嘅喜之次， 雖然喜之次個樣就比較核突，但係真係好好味㗎 ，煮完出嚟啲肉仲係好彈牙好有魚味 而個醬汁亦都唔會搶走魚嘅鮮味。帆立貝， 佢用咗兩個方法呢燒，一個係用清酒，一個係牛油。清酒食落去就會清爽啲甜啲， 而牛油呢個味道濃郁啲，我個人就喜歡牛油多啲啦。黃貝， 爽甜彈牙，但對比起帆立貝， 由於帆立貝比較厚身，食落去啖啖肉，我個人覺得食帆立貝嘅口感會比較滿足啲。壽司8件， 有海膽，三文魚籽，油甘魚，赤身，牡丹蝦 同大帆立貝等等新鮮嘅壽司， 淨係望個樣就知好味啦。甜品我叫咗椰子雪糕，椰子雪糕椰子味好出而且唔會太甜，一直食落去都唔會有利嘅感覺， 亦都唔會話食到後面椰子味越嚟越淡 係一個可以keep 住食到尾嘅雪糕。最後我想講見到佢做緊個promo係98蚊任飲清酒，我問過個侍應佢話係日至四先會早，有五款清酒可以任揀，但我嗰日就冇試啦，呢個offer都幾吸引，下次嚟嘅話我都會試下。…查看更多

本身諗住入去女人街搵啲小鋪食，點知間間都多人又細, 行吓行吓竟然有一橦好似新裝修過的商業大廈咁，其中一層係養心殿。小店太多人排隊反而養心殿有位所以就直接上養生殿打邊爐。呢度嘅地方好大感覺寬敞, 二人枱都可以夠放食物喺枱面, 無壓迫感。湯底叫左個出名嘅美人鍋同麻辣湯底。美人鍋入面有烏雞桃膠杞子 等材料， 個湯好清甜， 老婆仲係咁食啲桃膠， 話養顏喎， 哈哈。個麻辣湯底就叫左少辣， 因為我唔係好食得辣。 佢個湯入面有好多鴨血，另外佢仲會跟送陣一兜鴨血畀你加落去。 個鴨血好好食， 就算忍住辣我都食左幾舊。手切肥牛， 脂肪唔多， 油花分佈得均衡，而且幾有肉味。 黑松露蝦丸， 松露味好想，好彈牙， 趙多幾下個蝦味會出黎。炸午餐肉， 老婆推介要點，又真係幾好食喎， 外皮炸到脆口， 又係厚切， 咁就食唔使落湯都好正， 不過呢。。好濟。雜錦蔬菜盤， 本來想食A菜， 可惜冇貨，咁就叫左個蔬菜盤， 樣樣，全部都好清甜。黑糖烏梅汁， 呢個好低， 因為只要你like 左佢地個Facebook 就會送架啦，大家千祈唔好錯過。養心啲嘅食物質數真係唔錯， 而且旺角呢間環境都好， 唔會太嘈， 幾適合幾個人黎邊食邊傾計。…查看更多

本身我就很鐘意食火鍋, 由其是而家實在太多平價又任食的火鍋, 好處是由飲品,前菜, 熟食到甜品一龍, 多選擇, 任選任食。今日就黎左船長日意法餐廳, 以前一直都係西餐廳, 轉營做火鍋真係第一次試。場內全卡位安排, 坐得非常舒適, 空間感好高。首先一進店基本上已經望到熟食 同火鍋料的,餓底嘅我當然急不及待攞下D 豉椒炒蜆,椒鹽蝦食住等火鍋啦。仲有雞翼, 炸物, 蒸魚等熟食, 其實都彼吸引。$178上級美國肥牛餐 再加$38 配花膠雞湯底。湯底夠味,但始終不是老火燉湯般濃郁所以不算太張口, 不過用作火鍋湯底是足夠有餘的。有牛肉雞肉同豚肉跟隨, 其他配料就自取。牛肉色澤同肉質都不錯, 咬落都鬆化。欣賞佢將炸物 以爐同燈保持脆感, 魚皮 同嚮玲變得相當吸引。最驚喜就是 一般牛肉火鍋形式放題很少會見到海鮮, 仲要有咁多款 不斷補充。蝦,蠔,蜆,脆鯇腩,青口都有....脆鯇腩 都夠曬爽口彈牙。 最好食就係呢蚌... 一粒沙都冇, 又爽口又鮮甜。最後食埋生果 , 食支雪條都已經飽到頂點, 滿足度好高而且埋單都只係$200 位。 這間船長絕對值得我再來。…查看更多

心掛掛又想食雞煲,之前試過銅鑼灣分店,今次帶老婆黎試長沙灣, 去到個場已經半滿,職員安排了卡位俾我地,另外值得一讚的是一點雞煲味都無,抽風做得好好!揀左一個火焰麻辣雞煲小辣,半份生菜,手打五寶拼盤同埋小份特級雪花肥牛. 另外點了汽水, 食辣煲, 飲汽水止辣是必須的!先上火焰麻辣雞煲,個煲滾左一陣之後,侍應會用火槍點著,之後再落麻辣料炒,炒果時好香酒味,麻辣都幾出,之後再滾左一陣就食得,佢個麻辣無四川咁麻咁濃,可能落左好多洋蔥.個湯甜甜地幾惹味, 不過小辣都辣辣地, 唔食辣既要留意一下, 雞既份量大約半隻, 好多肉亦好入味又夠淋, 應該預先醃製過, 因為都有少少辣, 就唔敢再加辣湯, 加左清湯就打邊爐了, 原先以為吃了雞煲會飽飽地所以不敢叫咁太多配料, 點知黎到都份量都好大碟, 丸類的SIZE好像平時吃點心的山竹牛肉般大粒, 丸類全部都是手打, 豬肉丸好足料, 調味適中, 有吃肉餅的風味, 牛丸同蝦丸正常水準, 墨丸同鯪魚丸用料豐富, 彈牙好食! 雪花肥牛質素喜出望外,份量好足夠,同埋湯底好濃郁,難怪店家不用安排醬料給客人! 這個價錢能夠提供到這個質素,米走雞是我不二之選!…查看更多

中菜雖然成日食，但私房菜就比較少機會食。經朋友介紹，來到官塘工業大厦，離地鐵站只需步行約兩分鐘，非常方便。門口位置設置了一個小型水耕蔬菜，種的菜會用作食材，健康之餘亦做到自給自足，這點我十分欣賞。榮哥私房菜一般都要預先訂座，餐廳很有心思地印製了有你名字的專屬餐牌，列出每道菜式，好像為你度身訂造似的，感到十分貼心。小菜方面，用了水耕菜整的芝麻醬有機沙律，自己種的菜不但沒有濃藥，味道仲特別鮮嫩，非常爽脆。茶纁流心蛋伴黑魚子醬配厚切茄子這個菜式十分特別，只用小碟盛著，以醬汁襯底，而茄子很厚，外皮炸得脆脆的，但茄子肉質仍然嫩滑多汁，茄子上旁更有半隻流心蛋配有黑魚子醬，令極個貌相更精緻，亦看得出廚師的用心。套餐包了一人一盅燉湯，分別是原盅燉川貝陳皮海底椰鱷魚肉及哈密瓜螺頭黑毛豬豚肉湯。兩盅湯都十分足料，飲完好滋潤。蝦球水芙蓉又一精緻的作品，底層其實就是蛋白，浸在上湯裡面，蛋白蒸得好滑，與水芙蓉名字十分貼切。士多啤梨豚肉配草莓豚肉好諗身亦帶點香口，加上士多啤梨汁，味道好開胃，另外亦有米通襯底，食落不會太油膩，好岩小朋友食。香煎北海道帶子海中寶又一心思作品，用了帶子做底部，中間釀了蝦肉，而外皮側鋪了小小咸蛋黃，香甜之餘，亦十分可口。河香蒜蓉海斑片原籠蒸紅白米飯海斑片雖然唔多, 但夠精巧，肉質鮮甜，令唔中意食紅米飯的我，因魚汁及蒜香的味都完全食曬。…查看更多

茶聊是身邊有朋友曾經去過並向我大力推介的一家餐廳。餐牌上有單點或者是午市套餐，我點了一個帆立貝龍蝦汁意粉，原先以為這類型的網紅餐廳分量應該會比較細但是份量非常充足，而且味道亦很不錯，意粉不會出現煮得太久變軟，大大一顆的帆立貝令人非常滿足同時有足夠的龍蝦汁配上意粉。朋友點了辣雞腿鵝肝漢堡，單看着食物名都已經覺得非常邪惡，由於本人非常喜歡吃鵝肝的關係，真的很喜歡這個漢堡包。不要以為鵝肝會搶掉辣雞腿風頭，辣雞腿帶有微微辣味，外面是一層乾爽香脆的麵包糠入面是肉嫩多汁的雞腿，兩樣加起來簡直是雙重享受。而且他們的薯條是真，薯條。我們還加配了兩杯台式飲品，一杯是非常吸睛的骯髒杯，其實是黑糖鮮奶珍珠上面滿佈可可粉，營造一個非常骯髒的外型。黑糖珍珠口感軟糯烹調得剛剛好，而鮮奶方面選擇了明治鮮奶是信心保證。另外一杯是黑糖奶凍珍珠鮮奶，鮮奶內加了滑溜的布丁完美融入鮮奶。到我吃完之後，就知道為什麼朋友會向我介紹，因為我都想大力向你們推介一下。首先茶聊的環境非常舒適如果想好好的吃一頓飯茶聊是一個非常理想的選擇，食物的賣相非常吸引眼球而且食物的味道亦不會令你失望。…查看更多