Danielle C的个人专页

疫情下，要揾個地方同朋友傾計都難，search search 下又見到呢間鋪頭，又有Openrice booking discount 就試下咁啦~不過真心有驚喜~除左地方乾淨，服務良好~食物都好有質素當中更加有佢地自家設計菜式，我哋就試咗皮蛋豬肉卷同紫蘇豬肉卷，個人就覺得皮蛋豬肉卷比較好味粒帶子刺身真係有驚喜~只係叫一粒，師傅整到玫瑰花咁上枱，非常花心機今次所有飲品都買一送一，但high ball質素都OK不過……有一個問題係，嗰前菜原來係要收錢，係menu 喺有一行細字寫話唔要就要早出聲，不過，待應連茶一齊送上枱，其實……有幾多個人會係佢送上嚟之前已經睇到嗰行細細粒嘅字？…查看更多

疫情真係令到我無乜動力出外食飯…但上司約要見面食下午茶，就只好去啦~Greyhound 其中最出名係單骨雞亦，中環鋪都做得好好食，但呢間就…個人感覺比較乾同"鞋"口，可能係下午茶嘅關係…同埋，真係好少人…粟米餅同凍檸茶就保持水準~甚至乎食唔晒碟粟米餅，要pack 走，返到屋企再用microwave re-heat 都仲好juicy~杯檸茶就真係好fresh, 唔會死甜~所以，去唔到泰國，仲有Greyhound o既~…查看更多

肥姐小食店雖然成日排隊，但...佢地d滷味真係好新鮮(咁當然人多...自然貨去得快，咁自然一定貨新鮮...)怕咗排隊，通常會直接去買一份「樣樣有」就走，反正真係樣樣有，好足料，一定平過每串買~同埋，唔洗排隊~同幾個朋友一齊去，其實...一下就食完，因為，太新鮮好味~即使自己買番屋企，未食完放係雪櫃一兩日都仲好食過好多滷味鋪，佢o地會好細心會問定你即食定帶走~帶走就全部醬分開包，等你番屋企慢慢嘆~呢D服務，真係抵贊…查看更多

平時食D椰子味嘅雪糕，硬係覺得D味好假~唔係一味甜，就係好有扮椰子味嘅感覺，所以一直都好怕食椰子味雪糕，如果突然掛住椰子味，寧願真係飲個真嘅椰青，因為市面上好多椰子水都...又貴又難飲~但今次朋友話要去MoMA"朝聖"，同指明要食火龍果雪糕，但去到，見到有竹炭可可椰子味，就試埋啦，反正人一世物一世，乜都試下咁...食第一啖~居然好清爽~比起"招牌"(<一聽人講，唔係請指教)火龍果，我個人覺得竹炭可可椰子更好食~不過，價錢其實唔係好friendly...…查看更多

同朋友係北角做完嘢突然餓底上身，想食餐飽，又想食中餐，問下問下其他係呢頭返工嘅朋友，佢地就推介我地去呢度咁真心講，我唔係地頭蟲，一直誤會咗個位置，但好彩都揾到~去到朋友一見有水煮牛肉就話要食，我就要個上海粗炒餐，再每人加二十五蚊要小龍包同雞絲粉皮，再要多隻乳鴿大家share~order完之後，見到夾住我哋個兩枱真係叫到成枱都係，仲要份量唔少，我o地開始有d怕…懷疑自己係咪order太多…不過，個水煮牛真係好入味~而上海粗炒又唔會好油~最正係個雞絲粉皮，超爽口~小龍包都皮薄，真係要好小心夾~乳鴿就不過不失~因為份量多，結果都係要take away鋪頭大，乾淨企理，下次經過，我會再又嚟食…查看更多

台灣朋友曾經係法國藍帶學過廚，知道牛角包原材料好簡單，但過程其實好複習，又知我係牛角包lover, 所以一嚟香港就帶俾我，話有人已經肯努力去做，就不如俾💲買，省時省力~將軍澳東港城鋪其實都開咗一段一日，但任何時段都有人排隊，我以為熱潮始終會散，但結果，我都係要排一陣，為嘅…就係牛角包個份酥感…即使唔理佢個"說明書"話點樣第二日食，就咁食都仲好酥車軟，真係可以買定第二日做早餐~唯一美中不足係…好似永遠唔會有齊menu 嘅牛角包……查看更多

係觀塘lunch time 揾食，真係有D難道。有時已經覺得同中環差唔多價💲，真係嚇屎人。如果去工廠大廈食，等life都等屎人……每次如果得自己一個，又想食刺身，一田間魚兵衛真係一個好選擇。佢d一刺身幾新鮮(咁如果你要同日本比，無得比啦，唔好忘記你要俾機票住宿…)，係觀塘，有咁新鮮，又可以自由揀所有組合，男士怕唔夠飽可以要大嘅飯，女仔怕肥可以叫沙津代飯(去Pret 買個沙律餐都差唔多$)，彈性咁大，真係好正~如果食飯，又如果有甲羅燒，點一件，再點其他刺身，成碗飯真係好食到不得了，好鮮甜…查看更多

其實，係甘永泰買丸番屋企煮麵，打邊爐或燒嘢食最好~雖然一斤半斤對比一串廿蚊好似好貴，但真係物有所值。口感真係完全係手打丸，唔係d機器可以做到。嗰種彈牙口感同鮮味已經值啦~廿蚊一串幾粒，仲要油炸，真係不如俾多少少買半斤返屋企，呢間長洲真老字號，連水上人都買返屋企自己食。即炸即賣，都應該為咗滿足下遊客要即食嘅渴望…大魚蛋只係長洲一個gimmick同影相位，要食甘永泰，就唔好食大魚蛋啦~大魚蛋嘅出現，相信所有長洲人都覺得莫名奇妙……查看更多

其實係因為想見識下點係香港呢個寸金尺土嘅地方，點可做到釣魚先嚟，可惜，非常失望。不同時段打咗兩日電話先有人接。訂位嗰陣鋪頭講明只可以坐bar area, 已經同鋪頭講明無問題。點知去到，硬要我哋坐釣魚區旁邊嘅二人位，未坐已經見到濕咗，要要求d staff 先識抹。但之後我地都係不停俾d池水整濕，再要求去番bar area, 又無人理。結果我同朋友用唔夠一個鐘即走~費事自己谷氣。咁講番食物，嗰招牌卷真係滿到我地好意外，又鮮味，正。海膽天婦羅唔腥，外脆內軟，但因為擺盤令我地覺得好似好細咁。真心推介松葉蟹肉麵鼓甲羅燒，份量其實可以四個人分，一人一啖好滋味。雞皮…好乾，燒太久，有如柴皮…河豚魚乾，HKD 68...但以份量，質素同價$計，可能係全港最貴之一。最後一句係，想做到日本咁好服務，請多d staff 同俾下training d staff啦唔該，以為叫客用QR code 落單就搞掂一切？QR code 落單係好，但客都想睇下自己食緊d乜，而明明本實體menu 做得唔錯，做乜唔放係一本俾客自己睇？d酒貴到嚇死人，普通啤酒要HKD 78，叫人點飲？…查看更多

通宵工作兩晚之後，終於可以放工…朋友早前已經提及新都城開了一間不錯的拉麵連鎖店，不過有時要排隊…我就趁機係非繁忙時間去食，安慰下自己心靈…之不過，係下午茶時間，整間鋪都入座七八成，我真心感到意外！雖然點餐單有好多唔同喜好俾客人選擇，但我全部揀正常，因為自已第一次去呢間鋪頭，好想試左師傳們到底點做，始終每個師傳都有自己既一套！炙燒豚肉味玉拉麵一上，見到有一層油係度，個心有怕會唔會中伏，但一食，又無想表面中咁油同咸，非常惹味!舊厚切豬肉真係不得了，入口即溶~唔怪得下平日下午茶時間都入座七八成!不過題外話，其實係地鐵站B出口入商場就已經見到，我初時跟指示係A出口入，結果就行左冤枉路！…查看更多

仲記得2015年年頭，公司係觀塘開左支部，一星期要去觀塘幾次...但好幸運地，阿鴻小吃都係嗰陣係觀塘開店，我先有幸第一次食到傳說中嘅蔡瀾撈麵...嗰時我先知觀塘喺lunch time"揾食"真係可以同中環金鐘"有得fight"，好難揾位...然後同事介紹一齊叫阿鴻小吃外賣做午餐，而且午餐package可以改做粥，真係好體貼，因為，以一個女人嚟講，真係食唔晒成盒飯...自此以後，一有機會去觀塘我就會忍唔住去阿鴻小吃，但真心講，買外賣番屋企同家人分享會比係舖入面食更好，因為反正都係打冷，而且份量其實唔少，係屋企舒舒服服咁食仲開心。內部包外賣嘅位，乾淨整齊，食得安心。外賣紙去之前已經知要買乜，加上係四點幾客人唔多，所以五分鐘左右我要既外賣已經完成。好多雜誌推介要食芥末雞腳筋，但係我個人就比較鐘意食麻香雞腳筋！麻醬好清爽惹味，呢個真係一個好正既前菜或者做送酒小食都唔錯！鹵水墨魚片非常爽口又夠軟身，好過好多鋪頭好多，但價錢非常合理！反而阿鴻鴨舌就好似只有一個辣字，無乜特別......外賣單話有十條，但我好似有成十一二條，之但係…都係個句無乜特別蔡瀾撈麵...其實，用得上豬油，又點會唔好食？怕肥怕唔健康？只要你心情開朗，食乜都健康！…查看更多

無可否認，係香港生活，好多時晚飯都要靠外賣加料，因為返到屋企，街市已經收咗，又唔想去超市完又要再煮，外賣係一個好方便嘅選擇。之前朋友已經介紹過呢間嘅手撕雞，終於有機會買番屋企加料肉係嫩滑，之但係...好重味精味，可能本身嘅調味料已經唔少，所以...其實唔係好食得出雞味，但配白飯同自己煮碟菜，一家人簡簡單單平日食個"住家飯"都唔錯，反正，去連所快餐店都係差唔多菜式，但買呢一盒返屋企，反而仲平d~之不過，今時今日係香港，真係好難再食到雞嘅鮮味，再加上一分$一分貨，都唔可以要求太多…查看更多

好，我認，因為廣告好吸引，所以去買嚟食...但我又怕中伏，所以決定加大嗰餐，再另加hkd2.5買多包蜜糖燒烤粉做後備...Tabasco 粉就真心因為期望太高，所以帶來失望，個人覺得太酸，同薯條唔夾，但同Nachos一齊應該好好味所以我試下再返焗d薯條等佢乾身少少再試倒上Tabasco粉，係好味d，但...始終...爭d...唔識講...反而再焗下d薯條再倒蜜糖燒烤粉，真係好正，薯條脆，d粉又令佢好惹味，食到唔停得口…查看更多

今時今日係香港仲可以揾到22蚊10隻即場包嘅煎餃，真係好感動。要排隊都係應該，美食真係要俾d時間。鋪面一眼望晒，就係咁大。雖然鋪頭不停煎餃，但唔會覺得舖頭好多油煙同油積，仲要老闆娘大大方方對住大家包餃，非常可靠。買咗十隻煎餃，但又因為意外出現飯局，六點買，等到十一點先食。未入口前有擔心會唔會變得好油好軟，之但係，居然仲好爽脆，加上肉同菜分量配合得好好，即使相隔五個鐘先食都仲係好爽口，但又唔覺得油淋淋！…查看更多

屋企廚房休息一天，又咁啱係新都城做完d嘢，就決定喺商場揾啖食，醫飽嗰肚先返屋企。其實好少食米線，因為香港嘅米線舖已經多到唔知點分，就算最出名家族嗰兩間，我都分唔清邊間還邊間...入去米線陣係因為見到鋪頭好乾淨企理，又好似有位，所以抱住，試下唔會死嘅心態入去。坦白講，見到嗰餐牌，覺得有d貴，不過因為天氣熱，想食粉皮，又想試靑瓜豆漿，都係叫餐算。青瓜豆漿的確爽口，但就好似無左大豆嘅味...雞絲粉皮正正常常，會食得開心嗰隻。但嗰麻辣蕃茄肥牛魚腐薯粉就有d令人失望，因為，唔夠麻又唔夠辣......早知係咁...我去食碗魚蛋麵仲好......…查看更多