霸嗎拉麵 (已結業)

通宵工作兩晚之後，終於可以放工…朋友早前已經提及新都城開了一間不錯的拉麵連鎖店，不過有時要排隊…我就趁機係非繁忙時間去食，安慰下自己心靈…之不過，係下午茶時間，整間鋪都入座七八成，我真心感到意外！雖然點餐單有好多唔同喜好俾客人選擇，但我全部揀正常，因為自已第一次去呢間鋪頭，好想試左師傳們到底點做，始終每個師傳都有自己既一套！炙燒豚肉味玉拉麵一上，見到有一層油係度，個心有怕會唔會中伏，但一食，又無想表面中咁油同咸，非常惹味!舊厚切豬肉真係不得了，入口即溶~唔怪得下平日下午茶時間都入座七八成!不過題外話，其實係地鐵站B出口入商場就已經見到，我初時跟指示係A出口入，結果就行左冤枉路！