不孤獨的美食家的个人专页

終於入冬約得齊腳打邊爐啦！觀塘返正朋友識食帶路話而家觀塘有好多靚食肆，佢介紹間叫米走雞Live(勁搞笑個名), 話食過辣雞煲好得！點知去到餐廳，其中一個朋友仔話病左唔食得雞喎死啦，去食主打雞煲既地方唔食雞點算呀:(諗住反正都一場黎到，咪照試下其他湯底照打邊爐，點知錯有錯著，揀左個蕃茄粟米湯底，原來係勁足料鮮甜有齊薯仔蕃茄粟米芹菜，煲極都仲好夠味，絕無欺場！食物我地點左五香駝鳥肉同五香鮮牛肉駝鳥肉夠淋身，而鮮牛肉個味係調得岩岩好另外仲點左鮮製四拼餃同埋最愛的鱔片凍豆腐呢就貪心點左大份，點知送到黎超大份囉，差d 食唔晒呀鮮炸響鈴呢，係非常推薦！ 因為佢好夠脆口，我怕肥都食左兩舊，盒裝質素係無得比除左肉我地都叫左唔少菜架有雜菌啦，娃娃菜啦，油麥菜啦，最好食係翡翠苗，大家都搶食晒，都唔記得影相食咁多熱氣野，我就中意飲鮮製既竹蔗茅根呢個一樣係真材實料，係好飲！點得過！成餐飯我地食到勁飽，閒日可以慢慢坐，我地傾到10點幾先走，侍應仲成日幫我地換碟，好好服務係喎，呢到叫米走雞Live, 原來真係有人現場唱歌架:)個女仔把聲仲非常似楊千嬅呢！…查看更多

早幾日喺尖沙嘴中伏，今日就要喺尖沙嘴企返起身。其實雞記食過唔止一次，會返轉頭得一個原因，就係因為好食。你以為一碗粉好易煮咩？偏偏好多鋪頭都做唔好基本野。雞記牛腩河湯底夠味，但又唔好太咸，牛腩夠淋，河粉口感恰到好處，最驚喜係蘿蔔嘅味道，明明好似係配菜，但搶鏡程度比得上主角。成碗麵嘅配搭就剛剛好，食過返尋味。食野真係唔洗搞到太複雜，價錢合理，味道好，你搞d 太怪嘅野，menu 睇落好特別，但煮出來唔合格，食客又點會回頭呢。…查看更多

其實見佢門口d 餐牌有咁多奇怪野，咩雞鮑翅撈飯就已經有d 戒心，只係奈何附都好似無一間普普通通嘅麵店就求其焗食，點知真係中伏...一碗牛腩河，湯底無味，辣椒油無味，牛腩無味，河粉質地正常，唯一讚係牛筋個膠質口感幾正之外，真係都幾唔得下。最大問題係咩？係佢遊客價$45,係$45呀！！！貴到呢，又貴又唔好食，貼錢買難受...其實作為一個最普通嘅食客，我只係想要好食嘅食物，其他都可以包容，可惜佢就係做唔好最根本嘅野...…查看更多

佐敦附近睇中醫，睇完心情唔多好，又要戒口，所以決定要食d 開心野。巨一我經過過好多次，望過menu，無犯戒口嘅情況下，就叫左鹽味玉子拉麵。估唔到仲有幾粒叉燒，雖然佢喺menu 被歸類為清淡系列，但其實夠晒濃郁，但唔會覺得肥膩，所以我好鍾意個湯底。麵就正正常常，唔錯，玉子就超有驚喜，為左食流心，我影完相就即刻啜左個心來食，避免太熱熟晒，個心出奇地有味，可能係我食過最好味嘅流心蛋。而叉燒粒都幾好，唔會話好老。日本人做侍應，好有禮物，裝修都有俾心機。不過我都只係hea 影左一張。…查看更多

舌尖上的中國，聽人講左好多次，終於去左試，三個人，唔洗$900，仲食剩左少少，打包埋。其實如果無諗住fb 呃like，無理由叫九宮格，因為9格都一樣味，反而叫任何一款鴛鴦，都可以試多種味，仲比較適合食蔬菜。無刻意同佢講調整辣度，但食開辣嘅我，除左凍豆腐之外都無覺得特別辣，當然係因為佢因應香港人口味，調整左，絕對唔會同重慶一樣辣。佢個湯係好香好辣好惹味，食極都可以放落口，但調轉頭講，食完係問返我佢係咩味，其實係答唔出，可能lee d 就係麻辣火鍋嘅魅力。食材真係好抵讚，雖然每樣唔都平，但真係新鮮靚料。三人食，仲可以嗌半份，咁就可以試多幾款。個人首堆牛系列，毛肚，嫩牛肉，牛丸都好好食。凍豆腐同寬粉當然要叫來吸湯啦。黃喉不愧鎮店之寶之一，好爽口。其他丸都好彈牙，叫四寶丸就可以試晒。枱面明明有豉油，但個店員走埋你問我地係咪第一次食，話正宗係落油...你擺得落來就預左人用架啦...總之個人口味，食得開心就好。火鍋前有冰糖紅棗雪耳俾客人保護個胃？like 埋fb 仲送杯羅漢果茶。…查看更多

每年夏天都會去一兩次西貢，去下船河，行下山，玩下水。一班人玩完一日當然要醫肚，十人上下喺西貢食咩好，海鮮當然係好選擇。好多人都會近近地揀碼頭果d 名店，但我只會去天后廟附近嘅永和，平靚正已經係最好嘅原因。一坐低，識途老馬一定係叫佢俾套餐餐牌，咩都包晒，如果係星期一至四，汽水加一都包埋。不過可能係父親節前後，其實價錢我都覺得貴過平時，不過一樣好抵。我地一行十人，叫左個八人餐，另外叫佢按人頭加返人頭數嘅海鮮，最後都係290 一位，但真係堅食左好多款海鮮，好味又飽肚。白灼蝦其實評價海鮮就最無謂，你新鮮就自然好食，好似蝦咁，夠新鮮，唔係死蝦 自然就甜，就爽口。酥炸蠔炸功一流，真係做到好酥脆嘅口感，就算我唔食蠔都試左幾啖，都有肉，唉雖然個心都係我最唔鍾意果種一patpat...燒鵝半隻名物，有時唔留會無得食，係燒得好好，d 油脂好豐富，好濃郁，但始終唔可以食太多，否則會膩，半隻十人分又好似啱啱好。煎飽魚彈牙嘅，但lee 種咁濃味嘅整法好似有d 浪費，可能因為乾身左，又令到食落無咁鮮甜。芝龍蝦伊麵每人有半隻細龍，細龍好處係，唔洗爭食個身，每人半隻，啖啖肉。其實個人唔太好芝士，龍蝦應該係配上湯嘅！！！早知問下佢有無得轉。蒸魚個魚係合格有餘嘅，但基於我唔係特別鍾意食魚。除非真係好好食，否則都難以留下深刻印象。脆豆腐趁熱食，絕對係一流嘅小食，每人幾粒，好快就ko 佢。菜大魚大肉都總要有個菜，洗下大家嘅罪孽，所以次次個菜都實清碟。飯後橙+甜品糕點橙就係橙囉，糕點都算有誠意，紅棗糕好味道。黑糖糕我個人就麻麻。…查看更多

中環老店全盛時期都食過幾次，每次都用晒成個lunch time，先叫左趕頭趕命咁食到，不過個味道又真係幾難忘。銅鑼灣店開左咁耐，終於第一次去食，都係食最愛嘅赤王。最鍾意lee d 有辣肉嘅辣拉麵，感覺特別惹味。濃淡軟硬多少都可以自己揀，看圖識字就唔講太多。湯底一樣好香濃，但無以前中環咁膩，可能有d 人會覺得唔夠濃郁，但我又覺得啱啱好，正。加雙重辣對我lee d 食開辣嘅人來講，好適合，唔會無味，但又唔覺得生活。招牌任夾嘅配料都仲係好正，雖然唔夠中環老店咁濃，但好似乾淨d.…查看更多

寶寶唔喺香港，我就可以一個人去食許留山喇！！！因為佢唔鍾意食，lee 間基本上無香港人唔識，而大家仲可能好奇怪點解咁多台灣/韓國遊客咁鬼鍾意食。無錯，佢俾起當年全盛時期確係差左，仲差左幾多下，特別係佢d 奇怪野，佢試過整燉雪梨，夠膽死俾你見到佢放落微波爐叮...但我又調轉頭問一句，香港有邊間整芒果野好食過佢？所以識食，可以繼續食，但一定會做會員，多芒小丸子，做左會員之後只係$28，雪糕/碎浮冰/鮮芒果/糯米小丸子嘅完美結合，凍冰冰，好味道，正。唯一伏位係間中d 小丸子會唔熟，硬嘅...…查看更多

寶寶同朋友外遊，留守兒童當然要搵d comfort food 食下。做完運動就落左銅鑼灣糖街榮記，細細個時佢仲係後巷大排檔已經食開，多年來水準依舊。港式粉麵我個人會分佢係濁湯/清湯，濁湯來講，我覺得榮記係香港最好食，無之一。晚市去得榮記就預左要排陣隊，但佢勝在返枱快，唔會等好耐，如果未齊人，勸你講清楚，無謂俾人話。入到去，唔好預坐得好舒服，但你要協助，搵張櫈擺下野，店員幫到都會幫。但你叫佢地前唔該諗清楚自己要咩，lee 到節奏好快，慢d 你都可能要受少少氣，怕你唔慣。餸菜粉麵基本自由配搭，佢好食基本上係因為佢果個化一切為神奇嘅湯底，牛腩汁來的，所以唔食牛嘅你不如唔好來。我個人最推薦冬天先有嘅西洋菜，原因係吸湯，仲有所有吸湯嘅餸，河粉都係好正，牛丸彈牙。雞翼尖雖然我好少叫，但確係鎮店之寶。整亂左先記得影...如果話某米線店d 呀姐廣東話唔正係特式，咁旅遊區名店來講，榮記店員講歪d 嘅廣東話就當係普通話都係一絕。銅鑼灣仲有另一間榮記，我唔知佢地有咩關係，但味道係兩回事，切記！…查看更多

朋友做佐敦中電，佢介紹話公司對面有間隱世食店，平靚正之餘，仲用好多靚食材，特別係海鮮。佢講到咁好，就一於約埋班fd 接佢放工食飯。一入店已經見到個大魚缸，全部海鮮都游緊水，老問娘話佢地每日來貨唔多，因為要確保新鮮，試過之後佢又真係無吹水。鋪頭有優惠叫孖寶，有唔同組合俾大家選擇，一睇就知係平左，所以點都應該叫一份。我地揀左白灼蝦+扇貝D 蝦真係一流！！！好新鮮，d 肉又結實又爽，絕對唔係死蝦果用霉味可以比較。由於又鮮又甜，點埋辣椒豉油就已經一流。扇貝都好大塊下，又係新鮮彈牙，配埋d 甜嘅蒜粒，一樣好味。魚子醬焗桶蠔其實我唔食蠔嘅...但今次lee 種我又ok 喎，佢個飛魚子醬微酸帶甜，蓋左我唔鍾意嘅果種蠔腥味，口感到好，唔會好淋patpat. 仲有成5件！抵食。薑蔥飽魚主角！！！$65 一隻，我地都係每人一隻咋，連鐵鍋上，好惹味，爆得又夠香，鮑魚又係一食就知新鮮，夠晒彈，又唔會太硬。奄仔蟹糯米飯蟹我地都叫左兩隻，每人分到一邊，$330，蟹肉唔錯，又有膏，但重點梗係一齊蒸嘅糯米飯，吸晒d 蟹嘅精華，又香又甜，而且係蒸，所以d 飯唔會好硬身，唔怕銀胃。菜膽雞半隻橫豎叫個菜都要成舊水，不如加多幾十食埋半隻雞。好濃嘅上湯底。半隻雞都唔會話好細份。四個人，叫左咁多海鮮，最重要係d 海鮮真係新鮮，佢仲每人送左個布丁做甜品，計埋加一先$1237，真係唔錯，值！！！…查看更多

一班fd 吹水打邊爐，其實真係想吹水多過食飯。任食邊爐食唔少，但今次呢個雞煲任加，海鮮任何，仲不限時任食真係正喎。雞煲好夠味，唔會得個咸字食到一半加尤魚入去一齊炒，夠晒野味，呢個雞煲我地返叫左多一次每位坐底一黎就送一舊鮑魚一個扇貝 真係幾有誠意！值得一賺係d 侍應哥哥忙中都幾好服務，我地成日叫人上呢個攞個個，都一一幫到手無黑面喎食完雞煲我地揀左個蟹湯底我黎食呢間呢，因為首先係睇中左佢既勁大海鮮拼盤食家朋友係讚d 蝦，唔係死蝦，而d 蛤係仲新鮮架返叫黎左勁大盤囉其他食物呢佢都係一開始上左一set 先，再想食邊樣就再叫再添咁。手切牛肉都係另一樣 幾好食架唔係差牛肉。。。。成晚我地由7點食到12點幾，吹水飲酒勁盡興（酒係可以外面買入黎酒牌問題，汽水包左）位位埋單$317, 正…查看更多

中環打工仔，lunch 最緊要快靚正平。有同事講開話美心出左隻新飯，就即刻想去試下。五香肉丁叉燒飯+豆腐，仲搭多幾條菜，$40來講算係幾足料，雖然你五香肉丁開一罐喺屋企可以食死你，不過lee 個飯配搭晒所有野都尚算幾好味。但就無大家最鍾意嘅燒味汁，但向好嘅方向諗，就係無咁肥，想扮晒食得健康少少可以考慮下。個人認為最大優點真係佢嘅創意，肯將唔同嘅食材放埋一齊，得閒換下餐牌，算係慰藉下打工仔嘅心靈!!!!…查看更多

宣傳手法其實真係好重要，起碼會吸引到你試第一次。好難食牛肉麵個名就係有lee 種威力。不過再有gimmick，都係味道最重要。好難食嘅牛肉麵lee 到就無，普普通通嘅就有。食嘅係有推介嘅勾魂奪魄麵，即係牛脷。但平野食材始終好難係好好，雖然大塊，但味道好普通，咬感都普通，好彩有d黑椒調下味。湯底都係普通，雖然顏色深，但唔夠濃郁...麵質又係無驚喜...簡單d，唔貴，求其食d 野，可以一試。like 埋facebook page 仲送多隻滷蛋，唔好蝕。…查看更多

星期六興之所致去High tea$598 兩位，酒店大廳環境非常舒適，仲有豎琴伴奏，最岩朋友靜靜地傾下計咬下耳仔我首先試下個咸點先，左下角係類似青豆餡我最怕 紅色係三文魚餡，好味好多，而個皮係蕃茄做既，係幾特別既咸點，唔會只有三文治咁悶嘛。甜品仲有士多啤梨主打既cake 同mousse甜點呢，macaroon 餅插住既，原來係綠色既砂糖，好甜呀 哈哈朋友仔好鐘意high tea 但我食到最尾就覺得有d 太漏啦，我都係岩食d 煎炸野多d 食到中途呢就上scone有士多啤梨醬，cream 同 梅醬選擇我最欣賞就係佢既靚茶壺，我揀既口味係white tea, 甜甜地，又幾岩襯甜品喎。靜靜地，傾足3小時，坐係梳化嘆住茶，咁又過一日lu…查看更多

晚餐朋友聚會，估唔到星期五晚約係中環都係人頭湧湧喎。今次食唐宮小聚，我地既主打係。雞。朋友話醉雞好食，要點一份。有人提出係鞋，又人又覺得夠滑喎，我覺得係合格既！豬手又係另一推介。呢個豬手我覺得好好味，個軟骨部分又可以成個食晒，加埋淡淡莞茜味，係好食既！其他我地點左兩set 套餐，係$109 3個餸，幾抵食架。雞～～全部都係雞～～有口水雞 有蔥油樹雞涼菜類我就最喜歡，最鐘意食雲耳！咁多個餸之中，我覺得最有水準就係$25隻既乳鴿！新鮮熱辣夠晒脆皮其他仲點左唔少菜式，有辣有唔辣難得係成間餐廳無人趕人快d 食快d 走，又不停添茶添水，埋單每人唔洗$200, 抵食啦…查看更多