巨一麵堂 (已結業)

佐敦附近睇中醫，睇完心情唔多好，又要戒口，所以決定要食d 開心野。巨一我經過過好多次，望過menu，無犯戒口嘅情況下，就叫左鹽味玉子拉麵。估唔到仲有幾粒叉燒，雖然佢喺menu 被歸類為清淡系列，但其實夠晒濃郁，但唔會覺得肥膩，所以我好鍾意個湯底。麵就正正常常，唔錯，玉子就超有驚喜，為左食流心，我影完相就即刻啜左個心來食，避免太熱熟晒，個心出奇地有味，可能係我食過最好味嘅流心蛋。而叉燒粒都幾好，唔會話好老。日本人做侍應，好有禮物，裝修都有俾心機。不過我都只係hea 影左一張。