poly43092的个人专页

今朝早又一支公，去咗黃埔呢間酒樓飲茶。呢間酒樓係某影視紅星有份投資嘅，地方不算太大，環境都尚算清幽啦！價錢都相當大眾化， 早晨孖寶都係$30，有蝦腸揀， 喺呢個時候有咁嘅價錢，算係咁啦！另外特價點心款式都十分多。今日我冇食孖寶，點咗兩款特價點心，一個懷舊鴨腳扎，一個鮮蝦菜苗餃。魚肚滑雞扎大家就聽得多啦，但係呢度嘅鴨腳扎就加咗一片魚肚落去，當堂名貴咗，嗰塊魚肚真係有用上湯餵過，鴨腳又十分惹味，有八角落去個醬汁，但醬汁油 唔會太濃，有一件芋頭，有一塊豬肉、蝦肉、冬菇及少量肥肉攪製成肉餡，味道好好。呢個我十分推介。鮮蝦菜苗餃，餃皮都尚薄，不太煙靭，餡料用上白菜同鮮蝦，味道中規中矩。食兩碟嘢， 都$53蚊，性價比好高。…查看更多

上個星期去過重開早市嘅紅磡彩福，食過十分滿意，今日再encore。今日就叫咗一個$48嘅孖寶，我點咗燒賣同脆皮紫薯麻蓉流沙球，再叫多個鮑魚雞球大包。燒賣係一般嘅size，蝦肉瘦肉肥肉比例均勻，再加上少量冬菇粒，味道中規中矩，冬菇香味頗重。脆皮紫薯麻蓉流沙球，賣相一流，外脆，中層軟熟，中心香滑，真係做到流心嘅效果。外皮係用糯米粉加入紫薯搓成，顏色真係好吸引，但紫薯味就不太濃列，而內裏嘅麻蓉流沙餡，就真係好但麻蓉味，但又唔會太甜太膩。呢樣點心有齊三種口感，整體感覺唔錯，值得推介｡最後係encore嘅鮑魚雞球大包，今次嘅件頭比起上次略大，但今次蒸得個賣相就冇上次咁靚，飽皮比較濕笠， 口感一般，好在喊料繼續keep到水準。食咗三樣嘢，一條冷，$85埋單。…查看更多

等咗差不多3年，今日終於等到呢一間茶樓重開早市。小弟已經幫襯咗十幾年， 點解咁長情？全因為呢間茶樓員工服務有禮待客，地方間隔寬敞，枱與枱之間沒有擠迫感，禮堂又夠開揚光猛，環境又夠寧靜，係一個畀鍾意慢慢歎茶嘅人嘅好地方。呢度出品嘅點心係屬於中高質素以上，價錢都係中等，成正比丫。今次重開早市，提供咗三款孖寶畀大家揀，另特價點心紙都有十多款點心畀大家選擇，今日我選擇$38嗰款孖寶，揀咗炒米粉，同埋鵪鶉蛋燒賣，再單叫咗個$18鮑魚雞球大包。炒米粉係用咗銀絲米粉，配料有火腿、紅蘿蔔、西芹同埋生菜，米粉不硬不軟，足料，味道正常，炒得夠鑊氣，分量不算大碟，但以孖寶來講可以接受。鵪鶉蛋燒賣件頭頗大，鵪鶉蛋十分軟滑，燒賣肉質鬆軟，蝦肉爽口，呢個好味抵食。鮑魚雞球大包，件頭就細咗啲，但係就十分足料，飽皮十分鬆軟，餡料真係有一隻bb鮑魚，另外仲有幾粒雞肉，一角冬菇，一粒鵪鶉蛋，少量蝦肉及少量蘑菇片， 味道可以呀。食咗三樣嘢，全單埋數$74，價錢合理，最緊要係坐得舒服，食得開心。…查看更多