misschowchow的个人专页

同朋友第二次嚟食，因為啲質素係唔錯！ bk咗位其都要等陣先入到去，不過因為晏嘅關係真係唔會個半鐘就趕你走！前菜，可以無限添加，食多咗肉可以食番前菜中和下係唔錯！嚟食燒肉當然唔少得食牛啦，呢個拼盤最好食係牛脷佢，出面一般都係好韌，呢個係好易咬開！仲有牛小排唔點醬都覺得個牛味好出炸雞，上次都有點，好食所以要encore最後因為我哋坐嘅位置，其實好舒服闊落，可惜個爐火太弱，去到後期換咗中間塊板，先可以食多轉蛋…希望下次留意番！…查看更多

又想食煲又想食烤魚真係要嚟呢間，同幾個朋友一早訂檯，全部人準時到齊，所以準時入席食午餐！因為有四人各點了一個雞煲同烤魚，另外再叫其他邊爐料！不得不提烤魚係好食，果然食物如其名，如果有飯真係撈汁就正啦；雞煲就普通水準，但食得過，份量足，四人食都好足夠！額外加的料都係正常火鍋料，無特別推介！因為烤魚個汁已經頂瓜瓜!小食喜出望外，炸魷魚鬚必點呀飲品反而無驚喜，份量唔多而且係普通料加梳打水，不過叫一杯就好了，之後飲水絕對可以…查看更多

趁晚市放寬立即同朋友約食晚飯，本身同朋友約咗食另一間，但朋友想試新野，所以揀中碗屋。加上大家都仲有消費券，係會想食得豪啲！預先訂咗位，去到因為太多人，而且埋梗單，結果都唔能夠準時交檯，我哋都等咗陣。埋到檯即刻點野食，其他點餐職員，啲服務都係一流，好禮貌，而且見到你食完即收碟！加上食物上得都好快，而且係即整熱辣辣，尤其鐵板煮嘅食物，真係好食！推介一下個鴨肝，本人唔太好肝類但呢個係入口即溶化，真心好食！另外羊架又係無騷味，好正！其他鐵板牛類都係好好味，而且師傅排得好靚仔，見到都想食多幾件！最後甜品食雪糕，好滑，食咗幾球至於刺身有少少失望，普通料，所以大家唔好浪費個胃去食刺身啦！要食就揀熱食啦！…查看更多

是日同幾個朋友行街行到兩點幾，搞到好晏…行到去荃廣都唔諗太多，即刻上開飯啦搵食。雖然知出名多打手，不過點都差極有個譜。坐低都多野揀，不過要留肚食晚飯所以叫個煙三文魚全日早餐..呢個餐應該點都保本唔會難食，果然係意料之內⋯唔差，食得過。其實好想試佢啲扒，賣相吸引..朋友點咗扒餐都話正，下次再試餐飲包咗飲品，結果揀咗杯果汁茶，完全係茶味濃版fruit punch,唔太甜都可以..但本人下次都係揀番檸茶..…查看更多

是晚食完飯同友人食甜品傾下偈，於是搵左間都幾出名的店坐下呢間出名自家做的果醬，我地揀左個鬆餅share,佢配左一個醬個賣相好靚，個鬆餅真係好好味，食左都唔會話覺得頂胃～至於個醬，叫個侍應推介左，都唔錯，唔會話好甜至於我地叫既茶原來佢都係果醬底，反而相對偏甜，可能我預期既茶會有少少苦味，佢好似成杯果汁咁不過呢度環境都舒服，服務都ok nice，如果呢個時間黎飲杯野吹下水真係唔錯的選擇隔離有人食晚餐感覺上好似幾正咁，搵次會再黎試…查看更多

朋友話呢邊9點有任食，佢話平時散叫都差不多價錢，所以我地就等9點:)個姐姐叫我地拎定張飛，之後先上去叫位估唔到真係勁多人好彩佢多位唔係又入唔到了終於入場，即刻乜牛都點，務求唔好蝕不過最搞笑係我地其實食左乜野牛都唔知，除左牛柳粒分到..幾隻味都差不多唔覺有太大分別..其中一款個肉質係比較淋，好正如果再揀建議食原味，因為肉靚係唔需要調味的我地仲叫左雞翼同豬...反而相對失色，因為真係無乜味沙律可一試，清下肥利都需要架服務質素唔錯，出餐收碟都快，d人仲好有禮貌，要贊揚一下…查看更多

三五知己又黎小聚事先要book好左檯，友人試過不錯所以黎食下野可能係周末，呢度竟然唔爆，仲安排了窗口位，好適合吹水飲野女仔唔叫太多，先黎個pizza,好香黑松露味，同埋芝士份量夠多，yummy再黎一個牛油果沙律配柚子醬，好清新好好味，而且味道唔會太甜，女孩子健康餐一流再叫埋個ribs, 味道係正常，不過以價格同份量黎食算係咁，推介再叫最唔抵既一個竟然係主菜，青咖哩魚飯，全部mini size, 女士可能剛好，男士食兩份都可能唔夠，佢個價錢仲要係過二百..唔係share真係咪試..:(…查看更多

是晚同朋友過黎荃灣食飯，求其係比較多食店地方揀了間食台灣麵由於有幾個人，可以每人一個餐再叫小食我叫了個鹽酥雞配豬骨湯麵，個湯底好好味，無味精可以飲多幾啖，至於個雞略嫌炸得燶左，不過個調味做得唔錯！朋友試個番茄湯麵，個醬香骨好淋，好入味，個湯底朋友直頭飲晒，證明佢真係好好飲另外再叫左個番薯條，非常好味，剛剛炸起熱辣辣，只係調味粉唔夠均勻...但無味粉都已經夠味了飲品要了珍珠奶茶，好香茶味，感覺唔似用茶粉開..唔通真係自己煲茶？下次經過真係可以外賣一杯走呀…查看更多

不限時任食，未齊人已經即刻點野壽司刺身一定唔使講啦，無雪味已經好好絕對唔會期望佢係特別新鮮好食呢度相對係好好了叫了三文魚，蝦，赤貝，劍魚，八爪魚到熱食，非常好味，因為睇得出佢係即做，全部都係熱辣辣，唔馬虎！唔知點解咁多野畀人掃晒，我只食左一件:(特別推介牛舌，鐵板牛柳粒，個味真心得，雖然唔係鐵板上但都好熱，加上兩款牛都唔會煮到過熟，好淋身，對我地牙齒唔係咁用到力既人黎講非常牛舌係絕對要encore可惜佢最唔好係無得任飲:(:(呢間食第二次仍然保持水準，唔知中環分店係咪一樣都係咁高質呢？…查看更多

有日同朋友講開食飯, 心血來潮同朋友講話我其實無食過韓式雞，無咩意見我就上openrice睇下，最後決定約埋放工去食Dodam Chicken！因為閒日而且已經係8點, 入座應該得一半左右先講座位非常闊落, 二人坐四人卡位, 檯同檯隔左一段距離, 唔會太逼。我地落單一共點左2樣野，上菜速度正常，5~10分鐘左右就已經到!首先食的是【招牌甜辣芝士無骨烤雞】，份量大,  肯定唔係二人份量..唔知係咪有芝士關係, 就咁聞已經勁香！可惜係我地大家都食辣, 再加埋芝士, 真係覺得佢完全唔辣..可能兩個人食關係, 有d膩！另外再叫左個卡邦尼年糕..原本係以為得肉, 所以無諗過有年糕係裡面, 點多個年糕就變左食唔晒..而且個年糕..真係湯浸.//同平時果d係唔同的...不過唔好以為佢無味...其實又係好膩...由於閒日都無人再等位, 我地就坐到佢收場為至..唔錯...有機會人多再黎試下其他野…查看更多

遅來的食評! 之前睇到有facebook介紹, 既然大家都係比較好打邊爐, 咁就唔使諗,節日就打邊爐聚聚!其實我地人多時間又太趕, 我就直接係佢官方facebook 訂檯, 果時已經好好禮貌, 有問必答, 超好服務!:)當晚去到食野, 佢有餐前小食, 最愛白雲鳳爪, 真係泰式風味!另外佢個薯條因為係剛炸起, 仲要係粗果隻又係好好味!其他野仲有甜品呀, 春卷等, 正常小食都好多選擇, 但我地係主力打邊爐, 所以都唔敢食太多小食!重點來了, 我地叫左個冬陰公+椰子雞湯..先講下個湯..兩個湯都偏淡..前者會好少少, 因為佢越煮越入味..其他火鍋料, 同港式/日式火鍋都係一樣, 不過佢有埋金邊粉好正, 可以索下d湯, 好味!飲品係任拎o既, 特飲就要畀錢, 不過我地都覺得夠飲所以無特別試特飲了…查看更多

呢篇野同食完全無關，只係想講咁做生意聽執。希望openrice會登出黎，等佢地見到即刻改善！😡😡😡😡😡😡😡😡話說我同成班朋友食飯果晚前一星期就book定檯，即使果日係平日，都唔搏，因為人 多（都係8個）都唔book檯食飯就自己抵死！已經預先用openrice book檯，提早左5分鐘去拎位，佢話要等多陣，唔緊要，反正人未到齊～夠鐘再問佢，其實都未有位...話要再等多陣，終於等到佢話畀兩張卡位4人檯我！無野呀，我book 8個人8點鐘，你分兩張檯背對背坐，我唔使揀你啦。佢話要一齊坐就再等，我問佢等幾耐，佢話唔知要等人地果檯走..咁我想問咩叫book檯呢？根本一開始就無留到位，預左walkin有人就畀人地，班fd嬲嬲地即刻上黎搵下有無其他餐廳，好彩有即刻過去！最頂癮佢仲好意思過左半小時打俾我話有位，其實真係覺得個客會等咩？（同埋我已講左話唔等cancel 啦)如果我walkin真係心甘情願等，但問題係我已訂檯你要我等仲要唔知時間囉..未試過食唔到飯要打咁多字去數人…查看更多

是晚約了有小孩的朋友聚餐，所以專登揀一間合乎小朋友玩既餐廳其實都睇左幾間，唔係貴就服務麻麻，荃灣心想都就腳，而且係商場內，所以就揀呢間熊小館先講食品，大家都各自叫了dinner set, 而我叫了扒餐，感覺上好似好吸引，塊扒熱...但塊鐵板就唔熱..好過....不過食物質素同價錢成正比，唔可以太高要求！之後都有叫下小食，但份量真係少得可憐，同埋都係正常野無特別～男士一個扒餐無可能足夠。建議叫pasta類，好大碟，價錢又抵d至於服務都可以接受啦，可能我地都夜，無咩人..可惜係太早收舖想傾耐d都唔得囉:(小朋友..真係只合適三四歲，佢得一個門口角落頭係有圖書咁，得幾張椅子，唔好預想可以有幾個小朋友一齊玩啦！如果好似我地呢班一個半個，就可以同佢講下小故事，都幾開心呀…查看更多

話說星期六晚，一亞太好多食店都一定爆棚，但估估唔到呢個場一半人都無朋友試過另一間好食，所以今次試Kt呢間因為都係女仔食野吹水。所以叫得唔多唔少得呢個主打，炸出黎熱辣辣，唔會太油又唔燶，食多幾條都唔覺熱氣再黎呢個沙律，其實份量有d少咁啦，味道應該呢堆菜都唔會差得去邊..新鮮就至緊要仲有最後一個意粉，其實份量都係細，不過味道真係非常濃郁整體味道中上，呢個地方真係最好係食住炸魚薯條飲啤酒吹水，坐得舒服人又唔多..但最好早少少，因為佢好早就last order…查看更多

終於都試到個巨型海鮮盤啦睇個賣相真係好吸引食落d料都好新鮮，佢加湯果時隻蝦仲係度跳跳下，好驚彈出黎佢個餐仲有跟5款自選配料都，原本以為會唔夠食點知食唔晒，唯有話女仔細食啦提一提佢個湯底，好好味，雖然唔太辣，但因為咁我地食佢送既麵果時我地真係連湯飲加上佢唔係好hea加水係加湯，所以個鍋keep住係濃味，湯底真係有水準原本只有個半鐘，但個場太新我地可以任坐，食飯吹水唔捨得走呀，雖然一d都唔平，但下次一定要再黎食！…查看更多