碗屋

趁晚市放寬立即同朋友約食晚飯，本身同朋友約咗食另一間，但朋友想試新野，所以揀中碗屋。加上大家都仲有消費券，係會想食得豪啲！

預先訂咗位，去到因為太多人，而且埋梗單，結果都唔能夠準時交檯，我哋都等咗陣。埋到檯即刻點野食，其他點餐職員，啲服務都係一流，好禮貌，而且見到你食完即收碟！加上食物上得都好快，而且係即整熱辣辣，尤其鐵板煮嘅食物，真係好食！

1

推介一下個鴨肝，本人唔太好肝類但呢個係入口即溶化，真心好食！

另外羊架又係無騷味，好正！

其他鐵板牛類都係好好味，而且師傅排得好靚仔，見到都想食多幾件！

最後甜品食雪糕，好滑，食咗幾球

至於刺身有少少失望，普通料，所以大家唔好浪費個胃去食刺身啦！要食就揀熱食啦！