TC530的个人专页

好開心朋友過嚟屯門同我食飯，我哋去咗屯門市中心新開呢間pizza maru ，食物質素唔錯，適合大班人去食飯，朋友見面食飯😋📌青醬蒜蝦意粉$93超喜歡佢哋嘅意粉醬汁超多，相當掛汁，佢哋青醬口味濃郁，配合蒜蓉蝦，相當好吃🤩📌蜆肉紫菜奶油意大利飯$98很推薦這個意大利飯，蜆肉和紫菜完全突出了韓國特色，很多蜆肉，相當足料，紫菜和奶油意大利飯亦相當match😋📌奉送限定冰茶冰茶冰爽清涼，有些水果口味，生津解渴😋📌田園沙律加$15 跟午餐配搭的沙律，只需要加$15 ，相當實惠，沙律菜亦相當新鮮📌蒜香雞pizza $138/10'' 超喜歡呢個蒜香雞pizza，蒜香醬汁相當新穎，雞肉嫩滑，配搭這個Pizza很好吃📌芝士秘製炸雞$118/6件這個雞是即叫即炸，相當高質，外皮相當酥脆，肉質相當細嫩，配搭甜甜哋的芝士粉，好正！😋…查看更多

早幾日收工同同事去搵嘢食，去咗屯門gogo mall食呢間韓米，食物質素唔錯， CP值高！😋📌豬肉紫菜卷$48中間係韓式辣炒豬肉，相當濃味，喜歡食辣嘅朋友可以點這個，有驚喜😋🌶️📌五花腩紫菜卷$58第一次食五花腩嘅紫菜卷，配搭了五花腩相當有口感，入面的五花腩都好入味，質素唔錯，值得一吃😋📌韓式炒粉絲$48最後叫咗呢個韓式炒粉絲，質素可以，好足料，好多豬肉同埋木耳，上面仲有好多雞蛋絲！調味上我覺得有新意，有啲黑椒，少少輕微辣辣地，幾好味喎😋…查看更多

今日喺公司附近搵食，搵到呢間餐廳，夠大間，舒服好坐！平時返工過嚟lunch都真係好舒壓，價錢公道實惠超足料，口味正宗！📌香葉辣肉碎煎蛋飯 $66 每次食泰式必點！香蔥羅勒令肉碎好香，味道香濃，當中配合角豆，辣椒等，有口感，相當好味，白飯殺手，配飯一流！📌泰式鹹豬肉檬粉 $65 另加魚餅先$10有多款湯底選擇，我揀咗喇沙湯底，好濃郁，檬粉亦都好吸湯，好好味！重點係啲餸，好高質素，泰式鹹豬肉肥瘦平均，超級高質！魚餅都很可以，值得一食！📌跟餐龍眼冰$8想不到跟餐符龍眼冰都可以咁高質！龍眼味道相當濃郁，而且裏面都有好多粒龍眼！📌加蝦餅$20跟餐小食有兩件，即叫即炸，相當趣口，滿滿蝦肉，好滿足！📌加招牌串燒，$22跟餐加購，一份有2串，一雞一豬，可以試晒兩款口味，配搭埋佢啲沙嗲醬汁，超級正！…查看更多

上星期同朋友去咗銅鑼灣世貿中心的牛陣HANARE📣🎌，主打日式高質路線，裝修格局都好靚！佢哋推出咗和牛壽喜燒任食套餐，質素超高，輕易回本！不論前菜、炸物、和牛，定係甜品，都相當高質！😋❤️👍🏻鹿兒島縣產黑毛和牛壽喜燒套餐$489🤍前菜📌刺身方面，會先送上三文魚🐟，吞拿魚和帶子，相當新鮮厚肉！之後還可以繼續追加油甘魚🐠和甜蝦🦐！📌小缽料理：龍蝦沙律🦞，啖啖龍蝦肉，鮮甜美味；蟹膏豆腐🦀，相當有特色的豆腐，嫩滑豆腐中帶有蟹膏的鮮味；檸檬汁漬海蜇相，酸酸咪咪，爽脆可口，相當開胃！📌薄衣天婦羅🍤：炸衣相當薄脆可口，有南瓜，白身魚，炸蝦和冬菇🍄🤍主菜📌重頭戲當然係佢哋嘅和牛🐮🐮！店員一開始會為我哋製作壽喜燒，過程中散發出誘人的香氣，真係好似置身喺日本咁🇯🇵🎌和牛肉質細膩柔軟，咬上去感覺極為嫩滑，每一片和牛肉都充滿了天然的油脂🤤🤤和牛配合佢哋嘅日本蛋，融化口中👍🏻👍🏻蛋黃係橙色架！🍳🤍副菜📌野菜盛合，相當豐富，好多種類😍我就最鍾意用大蔥+芋絲+豆腐的配搭，完全就好似置身喺日本咁食法！😋😋📌極濃雞蛋都可以無限添加🥚🥚🥚🤍甜品日式蕨餅煙煙韌韌，日本卷蛋蛋糕，配搭紅豆，令人相當滿足，仲可以叫到杯香草雪糕配搭添！完美作結❤️…查看更多

見呢間店好似有啲歷史，但又冇人幫襯，拍蚊咁樣，好奇之下就買來試吓咩味。腸粉$10:價錢中規中矩，不過質素極度劣質！腸粉主要係食醬汁，同埋睇吓啲腸粉夠唔夠滑。呢間腸粉唔會太粉，但都唔太滑，腸粉唔剪開，有啲冇斷開就好長，會容易彈晒啲汁攞件衫！醬汁味道最恐怖，究竟係過期定係放得太耐？有好大陣街市豬肉檔嗰陣豬腥味，豬餿味咁，我食到少少想反胃⋯我係真心，冇作大⋯我哋推測，佢哋嘅麻醬上面勁多油，店主係咪去街市問人哋攞唔要嘅豬肥膏用？定係附近燒味店拎咗人哋燒味滴落嚟嗰啲油用？係一陣豬腥臭味⋯⋯燒賣$10:份量中規中矩，5粒，真係好普通嗰種燒賣，唔算好食，但唔係難食。腸粉真係我哋幾個人都食唔到⋯…查看更多

🌊南瀛水產🌊打卡一流👍🏻環境好靚朋友約去尖沙咀，又話想食日本嘢，就揀咗呢間浜燒店，因為呢間乜都好食👍🏻👍🏻👍🏻👍🏻📌蟹味噌甲羅燒$68 🦀嚟到呢度一定要叫呢個甲羅燒！平靚正！！！蟹味極濃郁，中間粒粒蟹子口感😋📌雲丹蟹肉卷$228 😋😋😋😋每次嚟都係必定要點嘅，因為真係好足料，海膽多到爆，重點係好濃郁！📌軟殼蟹沙律$98🦀呢間的軟殼蟹相當厚肉，脆卜卜，好大隻，而且沙律蔬菜都好清新，互相平衡👍🏻😋📌銀雪魚西京燒$188🐟質素很好，魚肉相當嫩滑，味道濃郁好吃😋📌海鮮天婦羅$228真材實料，每一件都係海鮮，有帆立貝天婦羅，鯛魚天婦羅，大蝦天婦羅，仲有鮑魚天婦羅😋🍤麵衣相當輕盈，海鮮鮮味十足🌊🌊大推！📌壽司盛$328有九款壽司，一班朋友去叫都相當適合，總有人啱食😋👍🏻我自己最喜歡甜蝦壽司，相當驚喜，甜蝦超級大隻，厚肉，鮮甜，好有口感！📌梳打$58叫咗巨峰梳打同埋白桃梳打，兩杯都好飲呀，白桃梳打仲有好多桃肉喺下面🍑🍑…查看更多

同朋友出去諗唔到食咩就會揀火鍋放題，今次去咗但馬屋，因為不嬲都知佢哋地方舒服，食物質素好❤️😋！而且佢哋最近仲出咗蕃茄壽喜燒，所以一定要試吓🍅！📌午市-北海道夢之大地豚肉放題套餐$239呢個套餐係配搭他們夏日限定的夏祭蕃茄壽喜燒鍋🍅🍅野菜配搭相當吸晴，健康好味；蕃茄湯底相當優秀🍅🍅，濃郁，蕃茄鮮甜，而且抗氧化👍🏻👍🏻👍🏻肉類方面，牛肉都係任食的🐮👍🏻，牛肉就如一貫的高水準🙏🏻👍🏻，不過今次呢個套餐嘅豚肉都相當優秀，豚肉味香濃，脂香油香，配搭蕃茄湯優秀！🐷🐷最後就是無限的Häagen-Dazs雪糕，輕易回本！🍦🍦🍦…查看更多

「長文，慎睇，我真係第一次為咗麵包寫咁長嘅嘢，因為太難食太失望太少餡，仲要收咁貴」見到OpenRice出咗啲文章講呢篇嘢，咁就特登去試吓啦，點知真係失望到爆！由於唔想影響品質嘅關係，我哋係買完立即3分鐘之內喺車入面食！但都係極差！！！我買咗9個包，二百幾蚊，平均$2 x-$30/個包，暫時食咗4個都係難食嘅，另外5個咬咗一啖都覺得差！簡直係浪費我個胃！1. 首先係啲奶凍包布甸包類別， 20幾蚊一個，的確難食，首先一個係布甸包，好恐怖，上面燶晒，我食入口每一啖都係苦澀味，好燶嘅感覺，完全唔係焦香味，係燶晒，唔好同我講係焦香味⋯正常個腦有思想都知道唔係⋯⋯🤢🤢🤢🤢難食到四個人都食唔晒，剩返掉咗佢！2. 唔知係咪奶凍包，總之有個奶字嘅凍包，但我好肯定冇奶香味，食入口都唔知食緊乜，淨係知道好滯，極甜，好難食，只係一劈好甜嘅嘢，完全冇奶香味，唔知乜嚟，我哋食完之後都O嘴⋯⋯🤮🤮🤮🤮四個人都食唔晒，剩返都唔想食，掉咗佢！3. 黑松露奶酪bagel（類似咁嘅名稱），裏面啲餡少到等同沒有⋯一邊咬，一邊失望⋯⋯咬開第一啖，白麵包嚟嘅⋯又唔係bagel嘅口感，又冇麵包嘅香味，究竟似乜呢？第二啖⋯終於都有餡料嘅位置，不過少到咁，我嚇親，因此決定打開成個包，原來真係冇餡料嘅⋯⋯⋯唉，咁就咪鬼話自己係好多餡嘅包啦⋯仲收呢個價錢⋯唉⋯😫😫😫😫4. 綠茶紅豆麻糬肉鬆包（類似咁嘅名稱啦）$27半個，呢個算係最平最抵食嗰個啦。不過綠茶味假到爆炸，就係烘焙店最假嗰種綠茶，啲綠色出奇地超級綠，極之唔天然！紅豆唔算多，不過肉鬆就多到爆，好乾好乾，食每一啖都好似會哽親嘅感覺⋯⋯我同幾位朋友真心唔鍾意😭😭☹️☹️☹️總括而言：雷聲大雨點小，講到幾多餡料，其實只係價錢貴，實際難食⋯咁少餡料嘅包都可以攞出嚟賣到20幾蚊一個，都唔知點講好⋯ Bagle根本個口感錯晒，同隔籬街$5個嗰啲麵包冇分別，我甚至夠膽講$5嗰啲仲好食⋯⋯🥺🥺🥺😰😰😭😭😭（剛剛請另一位朋友再食，佢話好難食，絕對唔係bagel，食落覺得麵粉渣，唔香，口感鬆散，粉散感！）如果收得呢個價錢咁貴，我地同行4人就夠膽評分係地獄級難食！啲冇主見嘅人，或者呃like嘅人，可能影完張相會夾硬話好食既😌都唔明點解香港人近排就係睇IG睇文章就會去課金食啲咁難食嘅嘢⋯我自己都衰咗喺呢樣嘢手上⋯⋯今次當買咗個教訓，以後唔好再嚟呢間咁嘅嘢⋯⋯⋯其實講真，點解香港唔可以做到好似日本咁呢？收得貴嘅價錢就做返啲好嘢出來。得個樣，打開全部係垃圾（我哋幾個個人認為），點得㗎⋯⋯究竟而家香港人係咪人哋塞咩入去個口都要接受話係好嘢先？可能有人會話其他包好食，但我今日買咗九個，全部都係伏嘅⋯⋯唔通係今日我抽中咗呢九個都係難食？機率咁高？定係質素唔平均？咁啱我哋幾個抽到都係咁難食？一味唱好，其實就係差差差！…查看更多

同朋友去左旺角打邊爐🍲，今次去左鍋霸，叫左prime grade 牛肩胛套餐$308，質素都相當好，環境超正，張枱好大！CP值高😋！之前都食過佢哋佐敦分店，好開心，而家佢哋喺旺角都開咗間！Shake shake 鹹蛋黃魚皮 - 勁正，一定要叫！鹹蛋黃相當濃郁，魚皮好脆，即叫即炸，熱辣辣😍🐟好香！而且仲可以自己加入不同的Shake shake 粉😋😋，有幾種口味！湯底- 藥膳養生花膠雞涮涮鍋，好足料，好香濃，花膠夠多夠厚，煮多一陣先食更好，更軟！😋肉類 - 有豬、雞、牛🐮等，我地主力係食牛，覺得質素好好，肉味香濃！🐮🐮🐮海鮮- 有魚幾款🐠🐟，蝦，帶子🐚等，而啲蝦真係驚喜！好大隻！而且好爽脆！必食！🦐甜品- 款式都可以，有Movenpick，Häagen-Dazs，Dreyers等雪糕而且有好多口味🍦🍨抵食！…查看更多

揸車經過見到呢間外賣餐廳門口好多韓式飯卷，立即叫老公停低，買返2盒試吓！蝦卷，我問店員炸蝦個皮會唔會好林，店員都好誠實話會有少少，不過隻蝦都好爽脆！聽落又好似OK，所以買來試吓，的確唔錯，啲炸粉雖然冧咗，不過隻蝦都好爽脆，整體好食！泡菜雞卷，做得唔錯，泡菜幾好食，啲雞肉竟然係炸雞，配搭得幾好，至少喺某間連鎖店冇咁做過，所以呢個配搭算係幾新穎。配咗兩個沙律醬，都幾好食，如果有多啲其他醬汁會更好，例如韓式辣醬。兩盒加埋$113 ，唔算好平，不過都好大嚿，尖沙咀地帶都算抵食！…查看更多

正！屯門高質流水蝦呀😍！放假得閒約咗朋友嚟食呢間，位置相當方便，由地鐵站行去都只係5分鐘左右，食物相當驚喜，好味！海鮮：除咗任食游水大頭蝦，仲有超多其他海鮮選擇，例如鮑魚，扇貝，蠔🦪等等！而且仲有原條大䱽魚，同埋好鮮甜嘅貴妃蚌🐚🤤肉類：除咗海鮮仲有好多唔同串燒，最鍾意佢哋嘅豬仔髀，喺出面買都好貴㗎嘛，喺度可以任食，而且肉質都唔錯， Juicy😝🤤! 串燒方面有唔同肉類，丸類，蔬菜🥬！凍櫃：超級驚喜，有好多醉品🐓，例如醉雞翼，而且仲有泰式大頭蝦冷盤，超級高質! 😻😻甜品飲品：而且呢度仲有大量雪糕，起碼有10款；甜品都有好多唔同選擇；飲品無限任飲🍻…查看更多

依家先選壽司每一間分店我都食過咁滯，其實間間都差唔多，少少似超級市場壽司嘅好食少少版本，價錢上埋單五百幾蚊，唔知有冇記錯，我覺得山頂呢間好似比較貴少少？係咪我錯覺呢？今次帶咗個龍蝦壽司，覺得唔錯， $50.1件，值得一試；另外呢度嘅吞拿魚真係好食過其他平價壽司好多， $25兩件，好抵食，好食過爭x和壽x郎好多！雪糕都好濃烈牛乳味！另外值得一讚係佢哋嘅店員好有禮貌，尤其是個阿姐，入門嘅時候會提醒我哋入座要小心梯級！唯一覺得真係要劣評就係佢嘅箱壓壽司，根本就壓唔實，而且好細件！同埋啲綠茶根本就冇綠茶味，唔知似乜！另外我都好好奇，本身點嗰六件三文魚壽司就見到有啲分別的，不過上菜嘅時候又覺得睇唔出有咩分別🤣…查看更多

經過見到佢擺咗個蛋糕出嚟寫住紅絲絨，咁就買來食啦，點知真係俾佢搵笨，完全唔係紅絲絨，係士多啤梨蛋糕，咁都算啦，而且佢個士多啤梨蛋糕都做得好差下！唔記得咗影低店舖內展示個樣，比較唔到，但我只可以話極度差！本來店舖個樣好靚，得到嘅時候個樣勁核突！我想買外賣，但佢哋個盒根本就唔fit 尺寸！咁扁晒個蛋糕！而且啲cream都好難食，成舊嘢完全唔關紅絲絨蛋糕事，其實根本就係劣質嘅士多啤梨慕絲蛋糕⋯而且店員服務態度都好一般，黑口黑面，我都係幫襯啫，佢當時下午茶時段又冇乜嘢做，有需要對人黑面咩？蛋糕我一得到，用10秒拎去停車場上車食，咁就已經爛晒，士多啤梨另上⋯乜料=_=最後就係唔知點解本身已經係嗌外賣，我又唔係堂食，乜而家外賣都要加兩蚊嘅咩？古怪！最後個蛋糕我哋兩個人都食唔晒，因為實在太難食！！！實在太難食喇，垃圾桶見！真係第一次寫咁長，佢話俾人知蛋糕係可以咁難食！…查看更多

朋友話想打邊爐，同佢去咗牛大人😋，一如以往咁高質❤️！湯底：今次叫咗期間限定嘅剝皮辣椒雞鍋，湯底其實唔辣，不過有好香嘅剝皮辣椒香味👍🏻，而且雞肉都幾嫩滑😋！肉類：每一次我都會叫牛肩胛，因為覺得唔會太肥膩，肉質細嫩🥩；另外都鍾意叫牛頸脊，最重要係一啲都唔肥，同時肉味亦相當香濃，食多幾碟都唔怕肥🥩！好正！除咗牛肉之外，其實都仲有好多食物，例如海鮮🦐，雞肉🐔，手打海鮮漿等。熟食：最鍾意係滷牛肉飯，平時都係食肥豬肉版本，係牛大人先有滷牛肉，味道相當濃郁！😋自助區：超多款式的蔬菜，最推薦佢哋嘅冬菇，相當厚肉，預先已經炆好左咁！好食😋！…查看更多

🎊🎉屯門Délifrance 開咗啦！！而家Délifrance嘅環境進步咗好多，食物質素都好好😱😋！真係令人好驚喜😍！開張咗個零月，我都忍唔住嚟咗幾次！今次同朋友嚟咗食下午茶，好抵，叫左以下食物：📌烘車打芝士煙肉小班里尼包. 炒蛋. 迷你雜菜湯螺絲粉$49麵包鬆軟，炒蛋嫩滑，迷你雜菜湯螺絲粉的湯底是蕃茄湯，帶有意式香草風味，螺絲粉軟硬適中，健康好吃。📌烤雞有機鮮蘑菇野菌汁意粉🍝🍄🐓$58 外觀非常誘人，烤雞肉塊鮮嫩多汁，鮮蘑菇野菌汁的香氣十分濃郁，搭配著烤雞肉塊和意粉，每一口都能品嚐到不同的層次和風味😋📌Bistro 田園沙律+15蔬菜相當新鮮，色彩鮮艷，新鮮爽脆，最欣賞佢哋又加埋羽衣甘藍！相當高成本架🤩！📌烤新西蘭草飼牛柳有機鮮蘑菇藜麥飯$98牛肉都令我哋相當驚艷！！肉質鮮嫩，肉味超級濃郁，簡直係超越呢個價錢嘅質素😱👍🏻！！藜麥飯和鮮蘑菇的口感也非常出色！📌迷你法式海鮮湯+$28用料相當豐富，有蜆，青口，大蝦，魷魚等海鮮，各種海鮮和蔬菜也融合在一起，味道非常鮮美！📌熱莫加牛奶咖啡☕️🍫+12朱古力與咖啡香醇濃郁，咖啡甘香，配合朱古力的香甜，互相平衡😋☕️📌錫蘭滋味+10🥛🍵奶茶的口感非常濃郁，茶葉香氣四溢，茶味和奶味道中完美融合，奶茶的甜度恰到好處，不會太甜，也不會太淡，喝起來非常舒適😋👍🏻…查看更多