唔記得咗影低店舖內展示個樣，比較唔到，但我只可以話極度差！本來店舖個樣好靚，得到嘅時候個樣勁核突！
我想買外賣，但佢哋個盒根本就唔fit 尺寸！咁扁晒個蛋糕！而且啲cream都好難食，成舊嘢完全唔關紅絲絨蛋糕事，其實根本就係劣質嘅士多啤梨慕絲蛋糕⋯
而且店員服務態度都好一般，黑口黑面，我都係幫襯啫，佢當時下午茶時段又冇乜嘢做，有需要對人黑面咩？
蛋糕我一得到，用10秒拎去停車場上車食，咁就已經爛晒，士多啤梨另上⋯乜料=_=
最後就係唔知點解本身已經係嗌外賣，我又唔係堂食，乜而家外賣都要加兩蚊嘅咩？古怪！
最後個蛋糕我哋兩個人都食唔晒，因為實在太難食！！！實在太難食喇，垃圾桶見！
真係第一次寫咁長，佢話俾人知蛋糕係可以
咁難食！
