ZeetaCheng的个人专页

時代廣場依排做緊半價優惠券，見有優惠券決定去試吓一路都好想試嘅抹茶園，心大心細諗咗好耐最後決定照一個抹茶啫喱杯同埋一杯焙茶拿鐵。.抹茶啫喱杯一拎上手急不及待要試吓，抹茶味真係好香濃，而且好幼滑，雪糕下面有啲粟米片，粟米片嘅下面就係抹茶啫喱Q彈Q彈好香綠茶味，正！可惜性價比唔太高，因為細細杯已經索價$70，唔係有半價coupon一定唔會去買黎食。另外仲叫咗一杯焙茶拿鐵，焙茶味係好香但如果要比$40買一杯應該不了。…查看更多

只能說依間餐廳真係嘢食質素很不錯但服務態度有待改進進店時間大概是3:30 店內客人唔算太多只有三枱 安排坐位之後自行到收銀處落單男店員嘅態度極惡劣 落完一個餐等佢俾反應 佢竟然講「繼續講」態度極差完全冇尾音多謝都冇句。可能佢哋要落場食飯但我覺得唔應該用依種態度對客人囉講返食物質素係不差叫咗一個芝士排包 蜆肉蝴蝶粉 一份全日早餐 芝士排包鹹鹹甜甜做到拉芝嘅效果 蜆肉蝴蝶粉超多蜆 蜆肉好似多過蝴蝶粉啲醬汁辣辣地好惹味最後全日早餐要咗牛扒另外仲有芝士大啡菇 佢塊薯餅炸得好香脆 係好味嘅…查看更多

食完飯行銅鑼灣見到gram仲未關門，心思思想食個甜品黎完結今日，一入到去就見到menu有期間限定既甜品，就食佢啦!!! 紫芋火山梳乎厘班戟一上枱係咁既， 職員會細心介紹如何做到爆發效果。拉起膠片嗰一刻實在太治癒了，紫色嘅忌廉芝士醬 爆發出嚟。 梳乎厘班戟並沒有太多空氣感，口感 紮實，我個人幾喜歡。班戟與班戟中間有一層厚厚的紫芋溶， 面頭紫色既火山漿係 忌廉芝士味同紫芋溶加班戟夾埋一齊食會做到鹹甜鹹甜嘅效果，感覺好特別好令人一口接一口。…查看更多

今日同班姊妹chitchat完想搵個地方繼續下場，唔飲酒就緊係去食甜品啦，行過isquare見到呢間haagen dazs有場食坐，又唔洗限時限刻比人趕走，一於食個雪糕先! 4個女仔諗左好耐最後叫左一個甜品盒。甜品盒自選8球迷你雪糕，份量足夠4人享用，我地簡左新出既焙茶，咖啡朱古力，比利時朱古力，焦糖脆餅，藍莓，仲夏野莓，夏威夷果仁，青檸雪芭。隨盒有包埋中間既窩夫脆筒，入面有黏滿糖漿既奇異果，桃同士多啤梨，4個人食都超滿足!!…查看更多

星期六懶懶閒冇咩做，決定去試下lifetastic嘅名品西瓜蛋糕， 不得不說果然是打卡熱點，星期六 四點去到座無虛席，原本被安排坐喺窗邊高櫈位，但其實唔係坐得太舒服，同一位靚靚店員姐姐講，佢即刻話冇問題最緊要坐得舒服，服務100分，勁有禮貌。西瓜蛋糕果然是鎮店名品，蛋糕甜而不膩面頭嘅玫瑰花提升咗整個蛋糕嘅香氣，面層士多啤梨唔酸，忌廉同濕潤嘅蛋糕加上西瓜嘅清爽，配合得恰到好處， 自己食曬一個完全冇罪惡感。牛油果奶昔牛油果奶昔感覺真材實料無添加，好似食緊原個牛油果咁， 如果喜愛甜味嘅感覺嘅朋友應該唔太喜歡， 我自己感覺很好，好健康咁。…查看更多

好耐之前已經想黎via tokyo試下佢既抹茶雪糕，不過次次晚飯過後黎到一定大排長龍，今日決定一放工即刻去!! 果然7點左右堂食係完全無人嫁，睇左一陣menu十五十六唔知簡咩好，比我發現有個3色雪糕，就決定要佢!三色雪糕窩夫三種味道分別為牛奶，抹茶同伯爵茶。牛奶味白濃幼滑，溶既速度唔算快。抹茶果然是鎮店之寶，香濃帶微甘又唔會好甜，真係oishi!!!相比之下，伯爵茶味亦算香濃，但由於太甜既關係有點失色。另外雪糕上面仲有一堆紅豆，三粒白玉，一粒栗子，食到有d膩既時候食返粒白玉中和下，又可以再挑戰一個人ko佢!!…查看更多

:) 鐵觀音芋圓冰沙難得今日放假，終於嚟到期待已久想去咗幾次但都去唔成嘅天仁茗茶淘大分店。今日天氣32度，去到門口見到menu有冰沙，立即眼前一亮，其中menu有鐵觀音冰沙，感覺較為特別，就決定一試。等咗大約十五分鐘先有，出到嚟外觀非常吸引，叫得做冰沙，已經知道佢唔會係綿綿冰嘅感覺。一食入口感覺很不錯，鐵觀音嘅味道淡淡的但仍然能夠食到鐵觀音嘅味道，冰沙不會太甜， 見到圖入面有三款不同嘅芋圓，仙草，仲有兩粒湯圓。湯圓比較硬身一粒芝麻一粒花生，味道正常，不過不失。 芋圓煙韌但唔係好食得出三款有咩分別仙草亦是不過不失。總括而言38蚊嘅價錢性價比合理， 可以一試。…查看更多

:)白桃巴戈利亞為左慶祝8月最尾的一天， 決定買個甜品慰勞下自己公司附近有呢間la famille， 一直都好想試下呢個靚靚嘅果凍甜品，就決定係你啦!係甜品櫃前面考慮咗好耐，最後決定要呢個白桃巴哥利亞， 返到公司急不及待開嚟食。咦! 一啲都唔甜嘅!!!!!!因為我本身唔太鍾意太甜既甜品， 呢個果凍啱哂我!!淡淡嘅花香味， 微甜嘅白桃果肉， 餅底是少許酸酸甜甜的芝士蛋糕， 果凍入面仲有食用花，美美的， 食完完全沒有罪惡感 正!…查看更多

友人話好想食韓國菜決定試下 呢排好流行嘅鳳雛燉雞:) 鳳雛燉雞嚟得呢度當然要試下佢嘅招牌菜燉雞可惜今日太遲到有滑雞已經賣曬只好選擇無骨雞 即是雞扒一上枱好大兜 一邊有雞扒蘿蔔薯仔冬粉洋蔥冬菇 份量充足急不及待試一口雞 好失望呀啲雞扒鞋到不得了好似煮咗好耐咁 又乾又鞋 沒有彈性可言唯有試試其他配料 冬粉同薯仔超入味 蘿蔔同洋蔥燉得好淋好好味 下次一定要嚟試下佢嘅有骨雞雞蛋卷諗住叫雞蛋捲實冇死啦 嘩一擺上枱咁乾身嘅食落後鞋到不得了 勁乾沒有彈性可言好似叮完再翻叮咁 但又唔夠熱 呢條野想點 仲要賣88蚊 😑 可以唔洗再食…查看更多

嘗試訂座3次都未能成功，所以今次早近2星期訂位，終於成功!!工廈深深處，鋪頭細細，高朋滿座。冬陰公食泰國菜必點，湯料有3大隻大頭蝦，蝦頭好多蝦膏，小蕃茄，秀珍菇分量很充足，略嫌湯不夠熱，只屬暖。大蝦炒金邊粉金邊粉炒得唔油膩，微辣甜甜地，好惹味，有5隻蝦球，推介!黃咖喱牛腩咖喱唔辣，想吃火辣的應該要失望了。牛腩出奇地唸，用一支叉已可以輕易將牛腩一分為二，咖喱入面既薯仔同洋蔥份量很多，不過略嫌唔夠熱。:(薄餅+蒜蓉包叫得咖喱當然唔可以浪費咖喱汁，所以叫左份薄餅同蒜蓉包，可惜薄餅竟然係焗酥皮，厚脹難吸收咖喱汁，好容易粉碎。蒜蓉包唔點咖喱就咁食已經好咸，食落覺得蒜蓉本身加入鼓油既，咸到不想喇第二塊。總捨而言食物質素唔錯，但略嫌唔夠熱。環境方面店舖光猛，員工友善，但由於店舖較細，有食客講野大聲回音大，就比較嘈了。…查看更多

返工每天都會經過後街牛扒 卻從未想過入去用餐 本來當天打算去食風雲丸 點知多人到要撤退 就到附近既後街牛扒試一試入到店內裝修同外面相比差好遠 感覺很休閒很有風格既裝潢友人不食牛肉 所以未能試牛扒質素如何豬鞍 （唔記得全名）落單時店員問我地要幾成熟時真係嚇一嚇 豬可以唔熟嫁咩 店員解釋返非大陸豬 推薦9成熟最好食上枱一切開 內裏呈粉紅色 食落唔會好韌 豬肉好香嫩 伴碟都非常有質素 洋蔥烤得十分香口 菠蘿十分juicy炸雞芝士火鍋呢個芝士火鍋不得了 芝士不是拉芝 但芝味勁重勁香略嫌炸雞太少 食曬啲炸雞但仲有好多芝士喺度 唔想浪費 所以又叫多個洋蔥圈黎點芝士汁洋蔥圈一上枱 嘩 咁靚既 呢隻洋蔥圈並唔似一般連鎖店嘅洋蔥圈咁又油又淋 非常高質 炸皮表層超級鬆脆 入面既洋蔥食得出係新鮮洋蔥 不是雪藏貨 忍唔住一口接一口另外飲品點左凍檸茶 只係普通凍檸茶 但20蚊可以有refill我覺得唔應該有要求 我飲左3杯😂😂…查看更多

想去高興好耐 終於約到人去原本打算訂位可以full booking唯有walk in啦搵左一陣先搵到入口好彩7點半到只要等一張 黎之前已經諗好要食咩 當然即叫啦:)美國頂級肉眼牛扒 朋友要5成熟 剛剛好 不過肥膏較多 好肥膩 有4份1無食意式蕃茄帶子燴意大利粉份量超多 感覺不只2人份😂 3粒大大粒既帶子 抵食!:)黑松露薯條薯條雖然較乾身 但有黑松露醬補救 可以接受 份量多亦有跟茄汁 不過無人用😂黑松露雜菌意大利粉好香黑松露味 又夠汁 好creamy 有大量雜菌 好滿足!肉桂蘋果pancake最後一定要叫呢度既pancake 諗左好耐食檸檬定蘋果肉桂 最後為左個雪糕 決定食呢個好香肉桂味 蘋果肉都好多絕不手軟 pancake係厚實款 我個人幾鐘意 一定要留肚食呢個題外話呢度既店員好好 知道我地叫牛扒又叫黑松露薯條 有提醒我地牛扒都有薯條 問雖唔雖要改其他野食 very nice! 抵讚!…查看更多

已經第二次食熊本燒肉第一次食無加38蚊任食和牛今次決定食盡佢 38蚊咁抵 唔係唔加掛!!店員好人 安排卡位 位置非常闊絡 仲等齊人先開始計時120分鐘一開始先奉上😋海鮮拼盤 完全美美的 係個貝有沙 飽魚好鮮甜其他都好好味 店員見我地笨手笨腳仲主動幫忙燒😋和牛拼盤 超靚 佢由深色到淺色咁排 影相一流唔單止影相一流 味道都一流 最鐘意最遠果隻 油脂在口中溶化 明知肥都要內多幾件😋普通既牛肉對比下明顯無和牛咁靚 但都好味再來一碟~~~~~店員好主動幫手換燒板同清垃圾 但有小插曲 我地幾個share食個蟹蓋所以將個蟹蓋放左係枱面 個店員以為我地唔要好心幫我地放左入枱面上個垃圾桶😂😂😂其實我地未食完嫁😭😭😭仲有好多膏係入面 不過唔怪佢地 無心既朋友誤點1既結果 全部黎一舊😂😂😂…查看更多

為慶祝朋友生日去訂左係mini friday食餐好呢間mini friday好有興 隔離係食雞煲 好睇被安排坐既位置無雞煲味😂😂前菜點了:海鮮拼盤😋 set dinner加點的 感覺很新鮮帶子蟹膏杯😓 本身很期待 外觀美美的 食落有d腥臭炸烏賊丸😋炸芝士😋招牌威寧頓牛柳😋 好香好趣 牛柳不是全熟 個人覺得必食龍蝦牛柳set dinner😋龍蝦無食到 因為主角話要獨食😂😂 主角表示好好味黑松露意大利飯😋 好香!!很出色!!因為為無買蛋糕 點了個蜜桃雪芭加支蠟燭 扮生日蛋糕 好彩無買蛋糕 因為食到好飽了食左2點幾個鐘 都無人趕走 作為慶祝生日既地方 簡直一流 傾計影相無人阻止…查看更多

訂座12點30 有6折優惠餐廳位置與地鐵站有點距離但12點半去到餐廳發現已經full左8成 好好生意!!相比下人手較為不足但服務仍很不錯我點招牌臭臭鍋個臭豆腐好好食 正!同行朋友點沙茶鍋可惜黎錯左味噌鍋因為趕時間就無換照食左下次晚市去再試其他鍋先…查看更多