Fat Kids的个人专页

一間出色嘅火鍋店就算位置唔太方便都總會有好多客人慕名而啾，好嘢當然要返食，暫時嚟講食過咁多間火鍋店，呢間真心性價比高又老實。大概七點嚟到舖頭都差唔多坐滿人，上次食過無蝦有蟹鍋非常有驚喜，所以今次就試海鮮濃湯黃金甲鍋 (需提早預訂）。海鮮濃湯黃金甲材料有粟米、南瓜、大量蜆同大肉蟹等等，湯鍋滾起後店員不停提醒我哋記得飲多幾碗湯，果然無介紹錯湯底真鮮甜有蟹味，我同朋友都不約而同飲咗兩至三碗先開始食，蟹鉗大大隻非常鮮甜。第一次叫呢款手打魚麵都幾有驚喜，放落個鍋煮耐咗都唔會斷開，魚味突出口感彈牙，口感有啲似切絲嘅炸魚片。上枱時嚇咗一跳第一次見咁大粒雲吞，食落先知原來裏面有成隻蝦喺度，果然貨真價實。松露豬肉丸用豬肉剁碎加入黑松露搓成，每碟有八大粒，食落有咬口之餘帶淡淡松露香氣，口感層次豐富。本身諗住食手切肥牛，不過侍應介紹啱啱有吊龍，所以就轉咗食呢款吊龍，吊龍肉味濃郁有嚼口，難怪咁多人鍾意食。雖然係雙拼但係份量都唔少，鮮滑牛拼鮮魚片兩款都好正，魚片晶瑩透亮少少骨都無啱晒我呢啲懶人，新鮮滑牛肉質鮮嫩，無論煮餸、燒烤、打邊爐都一樣咁正。…查看更多

自己平時都會去開唔同嘅地方打邊爐，不過大滾友呢間就未食過，今次嚟開大埔搵朋友就順便同佢一齊去試吓。餐廳裝修好有心思，用咗富有中國色彩嘅擺設同餐具，由其係門口將龍椅打卡影相真係一流，餐用QR Code 落單非常方便快捷，而且每款食物都有相。花膠雞湯鍋 ($328 / 半隻) : 花膠大大塊好厚肉，口感彈牙有嚼勁，而且雞件餐廳會預先幫你煮到七成熟，自己再淥大約五至六分鐘就食得。大滾友牛肉拼盤 ($428 / 細) : 呢個牛肉拼盤好好，一次過試齊七款不同嘅部位，有牛舌、牛𦟌、牛粒、牛黃喉、雪花肥牛等等。伊比利亞橡果豬 ($228) : 非常有仙氣嘅擺盤，豚片肥瘦均勻，入口油香滿溢 ; 大滾友雜菜拼盤亦非常豐富，有蕃茄、萵筍，蓮藕、粟米、金菇、娃娃菜、油麥菜等等，份量又多又新鮮，而且洗得好乾淨，另外仲叫咗手打鵝肝墨汁墨魚丸同黑松露蟹肉餃，兩款餃同丸都幾正。驚打邊爐熱氣可以叫返一瓶餐廳自家製嘅竹蔗茅根潤潤喉嚨，味道唔太甜適合男女老幼。最後食埋火焰豆腐花就離開，非常滿足的一餐。…查看更多

放假同朋友去行 Airside 行街，行到咁上下就比呢間餐廳吸引咗，餐廳環境好靚好高級，仲有大玻璃窗邊位非常適合打卡。餐廳嘅點心好多都好有特色。三菇六耳餃 ($58) : 用咗唔同嘅菇類加木耳做餡，外觀肥嘟嘟好可愛，內裏超多餡之餘仲加入埋金箔，成個感覺當堂高級咗。鵝肝流心脆球 ($108) : 外觀同三菇六耳餃差唔多，口感有啲似鹹水角，外皮鬆脆內裏煙韌，而且仲有超多鵝肝醬餡，鵝肝發燒友必試。鮮干貝灌湯生死戀 ($98) : 本身得朋友叫呢款港女湯餃，但係見到實物之後自己忍唔住都叫返個 😍 干貝超級大粒，餡料又豐富，加入熱辣辣嘅湯之後超級滋味食完返唔到轉頭。皇帝蟹脆米泡飯 ($208) : 起初以為都係兩碗咁上下但實物份量超多 ，有蟹肉、肉碎、芫荽、翠玉瓜等等，粥底味道非常鮮甜，鍾意有咬感嘅人可以落埋脆米一齊食。石獅黑麻糕 ($68) : 芝麻味濃郁甜度適中，賣相非常討好嘅甜品。…查看更多

最近燒肉癮發作所以就約咗朋友去開餐，好想食啲高質靚牛所以叫咗日本薩摩和牛放題。落咗單冇耐侍應好快就送上和牛拼盤，其餘食物就要用 QR Code 落單，另外仲有啲熟食同火鍋材料放咗喺出面自助吧枱，飲品亦有啤酒提供。日本薩摩和牛真係無輸，啲雪花紋已經話我知有幾正，入口即溶牛味濃郁。海鮮有墨魚仔、多春魚、虎蝦、牛油帆立貝等等，質素都唔錯。吉列炸蝦同炸墨魚餅呢兩款炸物超好食，炸物上枱時熱辣辣又脆口，同朋友都一致讚好。雪糕櫃以明治雪糕為主打。…查看更多

近排天氣有啲凍，除咗打邊爐同食煲仔飯之外，鐵板燒都係一個唔錯嘅選擇，加上朋友係鐵板燒愛好者，所以帶咗我去試一間係佐敦新開無耐嘅鐵板燒。因為無訂枱所以當晚吧枱位置滿咗，餐廳私隱度非常高，而且仲隔晒外面嘅嘈音，可以舒舒服服咁食飯，我地叫咗入門廚師發辦套餐 (五道菜)，再叫咗有買一送一優惠嘅麒麟啤酒。雖然係沙律但係都唔馬虎，估唔到有魚子醬食。海鮮揀咗元貝同帶子另外再加咗隻特大虎蝦，元貝同帶子非常新鮮啖啖肉。鐵板肉類有豬牛雞選擇，我揀咗五成熟牛，肉質鬆軟牛味濃，可以配搭芥末，蒜片，海鹽三種不同嘅食法。炒飯粒粒分明有咬口，而且炒得非常均勻每粒飯都沾滿醬汁，加上又幾多配料，呢個炒飯都幾出色。最後以透心涼嘅紫薯雪糕作為總結。…查看更多

最近朋友搵咗一間好精緻嘅西餐廳同我慶祝生日，雖然餐廳離屋企有啲遠，但係食完呢餐真係不枉此行，因為實在太滿足喇。餐廳係太和站附近，喺火車站大約行五至十分鐘就到，門口有好大個英文字母所以比較易揾。法式龍蝦沙律 ($288) : 擺盤好精美猶如一件藝術品，用料相當豐富，有龍蝦、芒果、青瓜、藜麥同其他蔬菜，龍蝦肉份量多，蔬菜清爽可口。時令海膽刺身多士 ($358 / 6 件) : 海膽份量好多，味道甘甜濃郁，加埋金箔係上面更顯矜貴。季節時令生蠔 ($338 / 6 隻) : 生蠔超級肥美，洗得乾淨之餘又無半點腥味。法式香料烤龍蝦海鮮薏米飯 ($418) : 龍蝦同帶子微微煎至金黃色，加上薏米飯沾滿了醬汁，超級好味。…查看更多

自己一向都好鍾意食燒肉，成日都會幫襯唔同嘅餐廳，今次就嚟咗呢間和牛燒肉一郎，以我所知佢都喺香港都開咗好一段時間，相信質素應該唔會太差。今日book咗位準時到，叫咗 E Course 和牛餐。揀好餐無耐侍應就送上黑毛和牛六款盛合同海鮮三款盛合，和牛盛合幾精神，之後再返叫嗰啲亦唔錯。海鮮選擇雖然唔多但每款都高質，蝦大隻之剩口感彈牙，帶子更加無得輸，另外仲有啲韓國小菜提供。最後食埋兩杯喺出面比較少食到嘅雪糕。…查看更多

講開居酒屋呢間真心正，所以今日帶咗朋友仔黎食。刺身五盛($280) : 上次食過都唔錯，所以今次就再繼續，同上次食一樣保持住水準，每款刺身都肉厚鮮甜。溫泉蛋天婦羅 ($70) : 賣相都唔錯，每款食物沾上薄炸漿，炸至金黃色，入口酥脆而不油膩，作為伴酒小食一流。帶子磯燒 ($136)，味噌甲羅燒(136) : 兩款海鮮都唔錯，定價又合理，而最重要係有人幫你燒埋，估唔到平嘢都有五星級服務。竹壽司盛合(壽司十貫/ $268) : 雖然話十件，但其實重有青瓜絲小卷係隔離，所以都一定夠飽，每件壽司都油香滿溢嘅口感，超級滿足。…查看更多

最近同朋友嚟咗新蒲崗陳儀興打邊爐，朋友話訂咗海鮮煲 😍 見到餐廳除咗有基本打邊爐嗰啲鍋底外，另外仲有好多噱頭鍋底提供 😍未食得之前叫咗個小食過口癮，蜆芥鯪魚球炸得幾香口。今次朋友訂咗無蝦有蟹鍋，每隻蟹都幾大隻，而且仲有四隻添，而且海鮮鍋仲有鮑魚同蜆，其實性價比都幾高。黑松露丸平時出邊都有食，但係呢度呢個真係超級正，味道好鬼濃郁，鵝腸亦都抵讚，超級肥美之餘洗得幾乾淨，另外仲叫咗竹笙、芫荽、炸響鈴、羊片、脆鯇魚片、蟹子墨魚滑等等。餐廳自家出品圓肉紅棗薏米水相當足料，成晚飲咗好幾支，最後仲買咗幾枝返屋企慢慢嘆。…查看更多

今日朋友係尖沙咀放工之後就約我食飯，大家都好耐冇見，商量咗一陣之後決定食日本嘢，因為大家都好鍾意。自己覺得呢個刺身盛 CP值幾高，三百唔洗就已經食到海膽，而且其他刺身亦非常肥美同新鮮。荔枝玉露茶 (左)，冰菠蘿燒酎 (右)，自己叫咗冰菠蘿燒酎，雖然有酒但一啲都唔濃烈，菠蘿條超級鮮甜，非常適合唔太飲得酒嘅女仕。炸雞肉質嫩滑又多汁，覺得熱氣嘅話伴碟仲有青瓜，蕃茄解膩，而且價錢亦唔算貴，作為小食一流。蟹味噌甲羅燒 ($68) : 雖然全場都坐滿客人，但侍應都會好有耐性咁幫你燒埋，哪怕係價錢平嘅菜，服務質素估唔到咁好，甲羅燒味道非常濃郁，下次再去要試埋個黑松露甲羅燒味道應該會更正。海鮮方面叫左幾款，分別有海膽帆立貝燒、鮑魚殼燒、大蝦鬼殼磯燒，每款海鮮都超高質，不論係新鮮程度同口感。最後食埋個份量都幾多嘅海鮮炒飯，非常滿足咁埋單。…查看更多

鍾意食自助餐嘅我，成日都會留意各區酒店嘅自助餐，最近係網上見到沙田麗豪酒店唔錯，所以今日就去咗試試。餐廳係酒店嘅三樓地方都幾大，而且仲有好多可愛嘅公仔佈置，攞嚟做小朋友慶祝場地都幾好，而且喺正游泳池隔離，景觀都算唔錯。食物種類方面非常多元化，呢家做緊澳門美食主題，所以仲可以品嚐到馬六甲咖喱同葡國雞添，而且當然仲唔少得澳門出名嘅安德魯葡撻啦。海鮮雖然少咗龍蝦同生蠔，但係其他海鮮都好正，刺身亦好肥美。…查看更多

最近約咗幾個好耐冇見嘅中學同學食晚飯，我哋三個都好鍾意食韓國菜，但唔想食燒肉因為會成身油煙味，所以就揀咗 Outdark。愛情鎖牆就好似係 Outdark 嘅象徵，無論係影相打卡定係做間隔擺設都一流。炸蝦飯卷 ($88) : 炸蝦卷超脆口，而且配料份量都幾多，一啲都唔孤寒。海鮮煎餅 ($138) : 性價比超級高嘅海鮮煎餅，暫時無一間韓國餐廳可以無匹敵，無論係海鮮定係蔬菜都勁多。香蒜蜜糖炸雞 (半份 $138) : 有五款味道選擇，半份其實都好大兜，有炸雞、炸薯條、炸薯格，非常適合大班人聚會菜式。海鮮炒年糕 ($328) : 主角終於出場，賣相非常吸引見到都流晒口水，海鮮底下就係炒年糕同非常惹味嘅醬汁，而旁邊就係超正嘅芝士粟米同其他配料。…查看更多

今日同朋友喺旺角行完街，有啲想食韓國嘢但係又唔想食韓燒，所以就揀咗 Outdark，加上又好耐冇食。餐牌同以前差唔多，款式冇乜大變化，今次叫咗海鮮炒年糕同燜豬腳。燜豬腳 (M Size $288) : 睇完個份量覺得價錢相當合理，豬腳有豐富嘅骨膠原 😍 加上已經調味，所以就咁食就得，如果想口感層次豐富啲，可以配埋生菜、青椒、紅椒、蒜頭等配料。海鮮炒年糕 ($328) : 咁多款裏面自己最愛呢款，因為呢度個炸魷魚圈真係好正，加上本身呢款帶少許辣，所以食落更加滋味。見到有唔同生果味嘅啤酒，所以就叫咗其中兩款，兩款味道都唔錯，不過自己比較鍾意莓味。…查看更多

最近同朋友慶祝生日，朋友係一個牛魔王，所以就同佢嚟咗呢間勁高質嘅燒肉店慶祝，好彩之前預咗位，所以唔使點樣等就已經可以入場。晚市提供幾款放題，包括有特上放題 ($698)，嚴選放題 ($898)同極上放題 ($998)，有得揀當然梗係揀最高級嗰隻。落咗單冇耐，好快就送上櫻花牛拼盤，拼盤相當震撼，好多部位都食到，而且仲可以任叫添，滿足晒鍾意食牛嘅朋友。除咗黃牛高質其他食物亦相當唔錯。最後食埋幾款雪糕，非常滿足咁離開 🥰…查看更多

今日去左朋友屋企個會所打保齡球，打完保齡球就行去大角咀食飯，朋友帶咗我食呢間新開嘅越南餐廳，佢話近排都成日幫襯，話味道唔錯之餘價錢又合理。餐廳環境都幾乾淨，而且好寬躺，一啲都唔侷促。秘製咖喱牛腩 : 朋友叫咗呢個，佢比咗啲我試，咖喱分別有印度洋葸 / 越式椰汁咖喱選擇，辣度就有 1 至 5 級選擇，朋友揀咗 1 級辣度。咖喱味相當濃郁，牛腩炆得幾軟腍，而且份量測亦幾多，朋友唔想食飯所以揀咗薄餅。馬來濃湯蝦麵 : 自己就叫咗呢個熱賣推介，麵可以選擇摻摻。湯底勁鮮甜，材料有豆卜、炸魚片、腩片同主角大蝦 🦐 大蝦非常彈牙爽口，麵嘅份量亦非常多。…查看更多