越旺美食

今日去左朋友屋企個會所打保齡球，打完保齡球就行去大角咀食飯，朋友帶咗我食呢間新開嘅越南餐廳，佢話近排都成日幫襯，話味道唔錯之餘價錢又合理。

餐廳環境都幾乾淨，而且好寬躺，一啲都唔侷促。

秘製咖喱牛腩 : 朋友叫咗呢個，佢比咗啲我試，咖喱分別有印度洋葸 / 越式椰汁咖喱選擇，辣度就有 1 至 5 級選擇，朋友揀咗 1 級辣度。咖喱味相當濃郁，牛腩炆得幾軟腍，而且份量測亦幾多，朋友唔想食飯所以揀咗薄餅。

馬來濃湯蝦麵 : 自己就叫咗呢個熱賣推介，麵可以選擇摻摻。湯底勁鮮甜，材料有豆卜、炸魚片、腩片同主角大蝦 🦐 大蝦非常彈牙爽口，麵嘅份量亦非常多。