Derek.8621的个人专页

呢幾日天氣都仲係有啲凍，最合適就係打邊爐。旺角搵食一向都係最佳選擇。餐廳位處於何文田地段，算係比較寧靜，係旺角東站行過去10分鐘就到。湯底我地點咗一客「鮮椰子紅棗滋補清遠雞鍋(半隻）」。椰子湯底好清甜，配料好足，建議係湯底滾咗之後，飲返一兩碗補下身，先至開始落料打邊爐。雞件分開上，肉質非常鮮嫩，半份係兩個人嘅分量。餐廳主打牛套餐，一個價錢食到幾款嘅選擇，最岩選擇困難症嘅我地。我地揀咗「套餐E」，有「美國封門柳」、「安格斯牛肩胛」、「高級牛板腱」。隻牛真係嚇一跳，驚喜十足！未食已經夠晒驚喜！一定要打卡影相！餐廳職員仲好有心思咁介紹邊一種牛特別有牛味，邊一種牛特別嫩口，由邊種牛食起最享受，真係好專業！「手工炸跳舞響鈴」係師傅即炸嘅，唔係講笑，上碟時仲熱辣辣，非常脆口，新鮮即製永遠最好食，浸一浸湯底三秒鐘拎上黎就食得。「手工黑松露墨魚丸」、「手打四寶丸」師傅好有心機，手工打造墨魚丸，粒粒爽口彈牙有咬口，最得我歡心！「稻庭烏冬」非常嫩滑，打邊爐就最入味！餐廳性價比十分高，又坐得舒服，下次會再來！…查看更多

上次食過 NINETYs 係星光行嘅分店，覺得幾好食，今次一於再度幫襯，來到尖沙咀K11的分店。K11分店沒有星光行分店嘅無敵海景，但室內裝修更雅緻，樓底更高更Grand，燈光布置更有情調，拍拖聚會傾計一流！BOSTON LOBSTER BARLEY RISOTTO波士頓龍蝦大大隻，廚師十分有心預先剪開龍蝦鉗，輕易就嘆到大大啖嘅龍蝦肉！肉質鮮美多汁，爽口彈牙，十分滿足！意大利飯粒粒可口，咬口十足，同龍蝦嘅味道十分夾。BRAISED AUSTRALIAN WAYGU BEEF CHEEKW/ DRUNKEN BEEF GRAVY澳洲和牛肉頰紅燒帶醉牛肉肉汁，肉質非常鮮嫩多汁，入口即融嘅感覺難以忘懷。仲有黑松露醬調味嘅薯蓉墊底，十分飽肚滿足！整體黎講，食物同環境都十分出色，會再黎！…查看更多

近排工作忙碌，好耐都無同女朋友出街食飯，一於今晚食好啲，來到美食林立的山林道「Deep Sea Oyster & Steak」。開宗明義，餐廳主打靚生蠔同埋靚牛扒。餐廳燈光佈置真係好有情調，加分不少，而且空間感十足，坐得超舒服。我地今晚叫咗個「深海商務套餐」，十分豐富！是日餐湯 2碗，今晚餐湯係三文魚南瓜湯，魚味十足。什菜沙律 2人份，沙律菜十分新鮮爽口，再加埋酸汁同車厘茄，十分開胃。新鮮靚生蠔 4隻，店員介紹由美國珍珠蠔開始食起，大大隻十分肥美，仲有些少海水嘅味道！日本生蠔係室津蠔，已經調好味道，入口即可品嚐。迷你刺身拼艦，份量其實一啲都唔迷你，有象拔蚌、帶子、海蝦、三文魚，件件都新鮮肥美厚肉！煎脆皮鵝肝1件，多士烘得香脆可口，配鵝肝真係奢侈嘅享受。主菜係澳洲草飼羊架，食得出羊肉十分肥美，鮮嫩多汁，而且廚師功架了得，食落一啲都唔蘇，很滿足！深海海鮮拉麵，其實已經食到好飽，就由拉麵作結。拉麵配料一樣十足，有大蝦、蟹柳等等。我地額外仲叫咗一客牛油煎大蝦，十分惹味！送無酒精飲品 2個 柚子蜜梳打錫蘭檸檬茶絕對推薦俾其他想靜靜地享受美食嘅你地。…查看更多

今日放工，約咗女朋友去旺角開餐，咁耐無出街食飯，女朋友指明要食餐好嘅，一於黎到呢間棉花糖A5和牛壽喜燒專門店。餐廳位於新落房的商業大廈，裝修有格調，燈光設計效果非常舒服。一坐低，先點兩杯野飲，我點了一杯青檸菠蘿熱情果Gin酒，味道調和得剛剛好，女朋友唔飲酒的關係，點了一杯蜜桃味水果飲料，非常清新。之後我地點了些少小食，有蕃薯、牛舌、牛像和豬肉串燒，串燒係炭爐上，食物香噴噴，很貼心，唔怕食物冷掉。仲點了兩個燒飯糰，十分好味。重頭戲當然係餐廳嘅招牌菜，侍應會將大大個棉花糖放入爐中，再幫我地煮A5和牛，大大塊，入口即融，好味道，要好好品嚐。最後係壽喜燒打邊爐，食物質素非常好，直頭啲湯汁全部都飲晒。推薦俾唔趕時間，想慢慢享受美食嘅人。…查看更多

隱世美食今晚原本諗住食荔枝角/長沙灣附近一間平價壽司店嘅，但計劃趕不上變化，實在太多人排隊，真係唔知幾時先有得食。為咗唔好餓親女朋友，即刻上 Openrice 睇下附近有咩好食，最後揀咗呢間田園風格嘅小店。風乾巴馬火腿伴蜜瓜前菜，睇得出廚師擺盤好有心機，好似藝術品咁靚！蜜瓜好甜好新鮮，火腿咸咸地，兩者真係好夾，仲有啲沙律菜伴碟，夠晒清新醒神。炸薯條配黑松露小食，薯條炸得金黃香脆可口，黑松露香噴噴，適合一邊傾計一邊慢慢嘆。燒法式香草羊架有三件咁多！好大碟，實夠飽！肉質鮮嫩多汁，唔會太蘇，值得一試，仲有薯蓉伴碟，好精緻。燒汁係餐廳廚師自己調製嘅，帶出肉嘅鮮味。燒美國安格斯封門牛柳靚嘅牛肉，當然要 medium rare 上碟啦，肉質好鮮嫩多汁，啖啖肉，好滿足。焙茶牛奶味道夠晒濃郁，非常好飲抹茶牛奶抹茶味濃，奶味香Tiramisu甜品賣相十分精緻，唔會太漏，識合愛吃嘅女生餐廳面積唔大，但空間感十足，適合慢慢享受美食，播放的音樂好柔和，令人放鬆心情，擺設都好有田園風格，值得一試！…查看更多

返工咁辛苦，收工一定要好好獎勵一下自己！今晚一於同女朋友黎到海港城呢間「Lady Nara」食餐好嘅！主菜點咗半隻「香茅烤雞」，兩個人份量剛剛好！店員話要預返啲時間等候，因為係即烤嘅。上菜嘅時候就非常有驚喜喇！個外皮烤得十分香脆可口，雞肉亦都非常嫩滑，啖啖肉！果然新鮮即整永遠係最好食嘅！個配醬酸酸地亦都將口感提升咗層次，非常之夾。睇見OpenRice食評好多人都推介，當然要試吓呢個「蟹肉長通粉」。長通粉煮得啱啱好，好夠晒彈牙有口感。蟹肉同蟹籽都好夠鮮味！芝士作為配料真係豐富了口感。「泰式奶茶」忠實還原泰國奶茶嘅獨特口感同味道，冇得去旅行唯有飲番杯泰奶當係去咗泰國啦！「草莓乳酪特飲」酸酸甜甜的味道，非常之清新可口，令人感覺很年輕！甜品我地揀咗「泰式奶茶意大利芝士餅」。呢個 Tiramisu 真係不得了，泰奶係分開上嘅，可以一路食一路倒奶，記得倒奶的時候一定要打卡！蛋糕係泰式奶茶味道，真係非常之好食，口感香滑，味道十分濃郁，好邪惡！用餐環境亦係餐廳嘅一大賣點，餐廳佈置得好田園優雅，舒舒服服坐下傾下計真係好享受。…查看更多

好耐無去過旺角行街。今晚同女朋友拍完拖，女朋友話晚餐想食日本菜，一於黎到西洋菜南街嘅呢間「大山日本料理」。餐廳嘅裝修真係充滿日式居酒屋嘅風格，好有日本風味。餐牌有好多圖片睇，算係幾貼心。我地叫咗一個「堂煮A5和牛壽喜燒（2人前）」。賣點係有250g嘅A5黑毛和牛，肉質真係好鮮嫩，淥兩下就熟，牛肉味好重，好好味！配菜係野菜豆腐，真係好清甜可口。另外再追加一客「手打烏冬」。好爽口、好彈牙，夠晒口感！配壽喜燒真係好入味，「清酒牛油煮蜆」份量超多！湯汁鮮甜，蜆肉肥美，幾好咬口。「明太子雞翼」炸到脆卜卜又好香，明太子個味都幾出，愈食愈滋味。食咗咁多野，埋單唔洗$600，性價比實在很高！…查看更多

今晚一支公行完荃灣西，肚仔餓了，唔想幫襯大商場連鎖食肆咁悶？大壩街有好多選擇，一於試下呢間「HIKARI」。餐廳走文藝青年Cafe路線，有上下兩層，空間感十足。而且室內設計好有心思，簡潔得黎帶一點木系森林嘅感覺，令人放鬆心情。主菜我選了「香煎帶子黑松露意大利飯」。黑松露獨有嘅香味真係令人如痴如醉，未擺落口，已經先享受香味。伴碟非常精美，未食已經加咗唔少分。帶子好大粒！而且煎得剛剛好，唔會太熟，咬落去口感好豐富，鮮嫩多汁。意大利飯煮得夠林，又多汁，夠晒 Creamy, 幾好味。三重芝士薯條車打芝士、水牛芝士、巴馬臣芝士薯條混合左三種芝士作為配料，炸得金黃色，香脆可口，作為小食實在一流。加十蚊仲可以升級做黑松露蛋黃醬添！香月園焙茶鮮奶茶味好濃郁，清新怡人。今晚都幾享受，會再黎。…查看更多

今日約左個好耐無見嘅朋友食飯，佢book左黑門水產，話之前食過好好味，帶我去試吓。好彩我地有book位，即使今日係平日夜晚，餐廳基本上已經坐滿人。餐牌上面有好多選擇，我地叫左好多野share食，好滿足。黑門令蟹味噌甲羅燒，配上梳打餅，蟹膏一啲都唔少，而且味道濃郁。醬油蒜燒帆立貝，鮮味十足，蒜同海鮮絕對係一個好好嘅matching。赤鬼海老天反卷，蝦十分爽口彈牙，配上醬汁辣辣地，口感幾特別。黑門令龍蝦湯煮海鮮，唔好睇佢細細碟，原來都幾足料，有蝦、魷魚、田螺等等。黑門令大漁魚子醬脆脆包，呢件包羅萬有，食落好滿足。三文魚刺身&深海池魚薄切刺身，睇顏色就知道刺身好新鮮，正。黑酢醫蟹肉蟹籽薯仔沙律，每啖食落都有蟹肉同蟹籽，沙律菜亦都好fresh。朋友飲Suntory原味，我飲特飲「愛琴海」。成餐所有野食都好滿意，CP值高，絕對係同朋友仔去食餐好嘅好地方，下次可以再黎試下其他野。…查看更多

今日同朋友出去尖沙咀買嘢，順便食飯吹吹水。見到呢間新開嘅拉麵店裝潢幾靚，一於一試一解思鄉病。我揀左神山豚角沾汁麵，豚角好厚身，肥瘦適中，幾有咬口。個麵本身已經包左隻溏心蛋，生熟程度拿捏得好好。沾汁豬骨味濃厚，亦都夠熱。餐廳自家特製坑紋麵 ，每條麵都掛到汁，食落好滿足。朋友揀左黑神山豚角拉麵，我試左啖湯底，黑蒜味都算幾出，都唔錯，配料同上面個沾麵一樣。我哋另外叫左兩個小食share食。神山湯餃子，呢個幾特別，佢係煎餃放係湯入面食，第一次試呢種食法。神山炸雞，雞件炸得10分香脆，而且係啱啱炸起，食落熱辣辣兼啖啖肉。值得一讚嘅係配菜嘅沙律都唔錯。蘋果焙茶&白桃焙茶，茶香味濃，配拉麵都係一個唔錯嘅選擇。餐廳無論嘢食定嘢飲都唔錯，價錢合理，下次可以再嚟試其他嘢食。…查看更多

每次經過都見到好多人等緊，今次終於的起心肝拎飛等，一嚐人氣炸雞pizza店Pizza Maru。餐牌上面有多款Pizza選擇，真係睇到花多眼亂，不過作為芝士控，決定揀番個芝加哥薄餅。韓國烤肉芝加哥，上枱已經賣相10分吸引，香氣撲鼻。上面鋪滿牛小排同辣肉腸一拉起件Pizza，即刻望到爆滿芝士ge pizza 邊，未食都已經好滿足。Pizza烘得啱啱好，食落10分香脆，加埋濃厚嘅芝士同蕃茄味，真係食到唔停口，食落又唔會好滯，好快就俾我哋兩個人K.O.晒成個Pizza。我哋另外叫咗半份炸雞，蜂蜜牛油秘製炸雞炸雞炸得鬆脆，唔會食落剩係得層皮，啖啖肉，食落香甜。最重要係上枱嘅時候份炸雞熱辣辣，值得加分。食炸雞Pizza唔叫返杯凍飲硬係差緊啲，朋友揀咗杯Lychee Mojito ，我就揀咗杯濟州橙汁。Overall 餐廳無論嘢食嘢飲質素都係一流，雖然等候時間長咗少少，但係都好值得，下次有機會叫多兩個朋友仔一齊嚟食，可以再share多啲唔同嘅嘢食。…查看更多

放寬晚市堂食禁令，簡直就係我呢種唔識煮飯的人的福音！今晚約咗好朋友到尖沙咀食好野，鬆一鬆！今晚來到尖沙咀的「牛魔」，餐廳職員都做足防疫同清潔，甚是安心。前菜係中華沙律、韓國泡菜同埋芽菜，夠晒開胃醒神。美國Prime醬油牛肋骨牛肋骨用特製的醬汁調較過味道，燒廿秒左右就食得。厚切夠晒口感，幾好咬口，肉質好幼嫩，味道好濃郁，個味都幾出。全天然豚肉五花楠（厚切）首先用猛火燒廿秒，鎖住肉汁，再擺埋爐的一邊燒多一陣。溶溶地的脂肪令到豬肉的口感增添不少，包生菜可以中和一下，愈食愈滋味。香蔥牛舌（薄切）燒十秒左右已經食得，配搭酸汁，入口即溶，有驚喜。櫻花蝦粟米餃子餃子煎得金黃色，非常香口，外脆內熱，配搭櫻花蝦賣相夠精緻，睇得又食得，都幾得意。日式炒烏冬驚唔夠飽，仲點了一客主食。烏冬好夠鑊氣，熱辣辣，份量亦都非常多巨峰梳打特飲柚子蜂蜜茶食咗咁多靚野，又舒舒服服坐咗一晚，今餐埋單都係七百蚊，值得再試。…查看更多

餐廳以旅行為主題，洋溢着文藝氣息。餐牌仲要係以雜誌的形式呈現，好有美感。餐具係黃銅色，好靚，賞心悅目。黑椒香蒜煙鴨胸意大利粉$88意粉配搭香蒜，一上菜已經聞到香噴噴，食落口第一啖就食到黑椒嘅辣，開胃醒神。意粉好爽口彈牙。小食拼盤$138拼盤包括：坎伯蘭腸，煙辣腸，雞翼，八爪魚丸，春卷，薯角。新鮮即炸，炸到脆卜卜又好香，熱辣辣，賣相非常之精緻。抹茶可可朱古力$48選用意大利朱古力，搭配牛奶和忌廉，口感濃郁，比平時的朱古力飲料較為濃厚，可可香氣充滿口腔。環境都幾舒服，感覺有私人空間，唔會太迫，最適合同朋友傾計。食咗咁多野，晚餐埋單都係三百蚊，如果行開屯門市廣場，一時三刻諗唔到食乜，我覺得可以一試。…查看更多

朋友話想食泰國菜，就揀咗呢間餐廳。地點就係奧運地鐵站附近，十分方便。餐廳做緊優惠，加一蚊雞有一款「黃咖哩雞」。一放低就已經聞到好香的咖喱味。煮得好入味，雞肉索晒啲咖哩味！當然要叫多份薄餅啦！我地叫咗一碟「泰皇咖喱炒大蝦」，總共有兩隻，一人一隻剛剛好。creamy得黎又唔膩，啖啖蝦肉，食落十分滋味！主菜我地揀咗「蛋網海鮮金邊粉」。賣相好靚，好有心思！海鮮十分足料，有魚肉、蝦肉、魷魚，份量亦都非常多！飲品方面，我叫咗一杯「熱泰式奶茶」，泰國原味道，好開心係香港都飲到正宗泰奶。朋友點了一個「特選椰青」，真係原個椰青上！朋友表示椰青夠晒解渴，清新怡人。餐廳裝修簡潔，一啲都唔花巧，坐得幾舒服。兩個人食咗四百蚊左右，晚餐來說唔算貴。很滿意，下次要再來…查看更多

大角咀舊樓重建之後，有很多新式商場同食肆進駐，越來越有蘇豪區的味道。今日放工之後，約咗朋友係呢區嘅特色小店「慶記」食晚餐。搬遷以前的名稱叫慶麵，細鋪搬大鋪，值得期待。一坐低，店員就奉上中國茶，感受到小店的熱情。我點了一客「巴東牛肋條慶麵」，湯底可以揀辣度。辣、小辣、大辣，我揀咗小辣。牛肉煮得夠晒淋，好入味，香噴噴，而且辣辣地，真係食指大動，刺激食慾。麵條好彈牙，有口感，食到雪雪聲。仲有好多配菜，例如豆卜、蘿蔔，好飽肚。朋友點了一客「香酥排骨拼滷肉慶麵」，豬扒炸得金黃色，香氣撲鼻，大大塊好有咬口。麵底配上台式滷肉，口感真係好有層次。我地仲點了兩客小食開心Share。「紅油抄手」係六粒嘅菜肉雲吞，大大粒好足料夠晒誠意，配上辣油，夠晒正宗夠晒滋味。「小籠包四隻」，上菜嘅時候仲感受到蒸籠嘅熱力。小籠包皮薄多汁，外皮唔易穿，水準之上，有驚喜。飲品都有幾多選擇，我地揀咗「凍豆漿」同埋「忌廉」。餐廳坐得幾舒服，上菜又快，今餐幾滿意。…查看更多