Pauline T的个人专页

前陣子聽聞源記糖水重開， 我和老公滿心歡喜話要去”重拾舊歡“。我先生在西營盤長大， 從小便有光顧源記 （老店）。 到我地女兒出生後， 亦有帶著小娃娃去源記食糖水， 雞蛋糕等。 當年我覺得他們的糖水稍微甜了些， 但他們的蓮子確實是坊間少有的鬆化美味。👍🏻講返這間新店。 唉， 真系一肚氣！ 我地三個到達店鋪時， 見到店內有幾張”吉" 枱； 很自然地我地就入去打算坐低。 點知入左舖頭行唔夠幾步， 有位微黑面口的叔叔就叫我地出舖頭外面排隊等。 雖然唔明點解佢要我地甘做， 但都照做啦！ 出左去唔夠一分鐘， 佢就叫我地入舖喇。🤨此時， 我先生已經有d怒火 （拿， 源記真系佢童年回憶來架！）我地點左佢地鎮店推介的桑寄生蓮子（都話老舖蓮子好食嘛），合桃露和雞蛋糕。 等待時間不算長 （因為坐低後發現已走了一半枱的客人）。 到食品上桌後急不及待一試。。。哇！ 不得之了！差啊！🙈桑寄生煮成淡淡的五花茶的味道！ （我也是醉了）😫 蓮子， 由鬆化變左“碎” 。。。。🧐合桃露的口感極度似開粉 （多多！）我地三個靜靜地食完便離開了。 舖頭裡面的氣氛很冷 （是氣氛， 不是溫度）替老師傅們打好的招牌心痛。 究竟有多少人同我地一樣， 急趕而來， 失望而回呢。…查看更多

今天老公接放工， 去葵芳新都會廣場搵食。 大概七點半， 裡面的食肆全部要等位🙈。 行了一圈， 見到有間芽莊似乎唔爆， 姑且試下攞位。 果然姐姐話有枱， 我仲開心到以為執到😅， 即刻入座!我點了我至愛的燒牛肉撈檬。 期待享用美膳的一刻。 唔洗5分鐘碗檬就已經送到。 咁快! 果一刻， 我又以為執到啦.....殊不知。。。呢間芽莊的出品個presentation同我去過的其他分店都幾唔同； 比較潦草D🙄。 算， 我又唔系來欣賞art piece， D嘢好食便可。 但竟然。。。在D碎菜堆裡， 發現了一個生菜頭。當然， 菜頭唔系昆蟲， 亦冇話食肆唔可以俾菜頭客人食。 但我一碗撈檬$90, 另外加一， 即系要$99. 碗粉個portion同賣相已經比其他芽莊差， 你仲要俾菜頭呢D下欄嘢客人食？！🤔🙈果刻。。。我知點解佢仲有位了😂…查看更多

早前有位靚女介紹了位於正街的潮州人粉麵店。 今日去探店，果然不錯😄!點了🐷豬膶魚餃米和豬膶粉腸米；美中不足的是只有粉腸而沒有豬大腸。 豬膶大片薄切， 剛上菜時食的頭幾片香嫩幼滑， 唯餘下的因繼續泡在碗內熱湯中， 到尾時不禁稍為變得有咬口； 故此建議先把握時間，先食豬膶!湯底🍜方面，胡椒乃是亮點! 如要與元朗合隆相比， 個人認為系：🕺潮州人→鮮甜重胡椒🐉元朗合隆→胡椒激爽正是各有千秋， 滿足不同老饕😋! 另外， 店家自制的辣椒油🌶️真的很香很惹味， 而且不算太辣， 用來蘸豬雜食， 一流👍!…查看更多

今晚與多年冇見老友聚餐， 靚女💁竟然相約去到新田(咁遠)食飯； 佢話包我有驚喜。其實而家香港鐵路貫通曬， 去邊度食好嘢都咁方便。 我系金鐘坐35分鐘港鐵🚅就到上水火車站， 再駁架的士🚕幾分鐘就到達餐館。餐館環境好chill， 樓高三層， 仲有outdoor座位夠曬relax。 我地book左一樓VIP房， 可以盡興D😁聽靚女講呢度老闆對食材要求好高。 我地今晚食的新鮮荀殼魚系坐國泰機✈️來香港的! 另外天氣涼涼地， 食古法羊腩煲就最啱! 除左指定動作加生菜之外， 仲加左響鈴和額外的枝竹😋咸蛋黃鮮魷食到停唔到口， 豉椒鵝腸爽口配啤酒🍺一流。 酸菜魚和生炒骨都系水準之作👍壓軸出場的系煲仔飯🥘! 一試之下驚為天日😍， 大家都贊不絕口! 原來系米芝連 食肆“嚐囍” 監製🎉, 果然零舍唔同✨! 識食嘅， 梗系要食飯焦啦！😂老闆見我地食得開心， 仲請我地食薑汁糕和黃金糕添😋 前者薑味濃厚， 後者煙煙靭靭， 為這個熱鬧的晚上劃上完美的句號!😄😄p.s. waitress姐姐話琴晚方力申去左食飯! 哎呀， 點解唔約早一晚呢😝😝…查看更多

每個週末最期待的就是和家人一起出動搵美食😋 近排食得比較多的系自助餐和放題； 都系時候轉反食正常餐，緩一緩個胃了😅想起好耐冇去太平館， 咁不如就佢啦！ 事關我地一家每人都有一味太平必食菜😍 唷， 點餐冇難度!阿妹最愛瑞士汁炒河， 仲俾佢發現銅鑼灣店系多汁過尖沙咀店添🤣 大小🐍🐍一個點豬脾🐖， 一個點乳鴿🕊️。 豬脾d油香真系冇得彈， 唔系刻制住小🐍佢會一粒飯都唔剩! 乳鴿就一貫水平啦。 曾經我同事話太平館乳鴿好貴， 我強烈要求佢自己來食過先， 唔好攞街邊燒味檔同佢比。 我同媽咪就最愛招牌嘢瑞士雞翼🐔。 另外仲叫左星洲炒米。 哈！可能好多人都冇諗過去太平館叫星米食，但我必須告訴你呢個dish佢地師傅做得好好； 香味撲鼻， 多料多餸。 加幾滴瑞士汁再撈一下， 間直系神來之筆。最後唔少得的， 當然就系籃球🏀咁大個的梳乎里來開心share啦🎊又系食得滿足開心的一天…查看更多

我真心知錯了！ 第一次光顧的食店， 點解我咁疏忽， 唔睇咗Openrice的食評先呢！😖呢間餃子鋪剛開的時候， 門口成日見人排隊。 因為我成日都去太古城， 所以就等過一排少D人先去。 琴日友人話想食餃， 我就提議去呢間了。入左大概1：45pm， 星期一唔多人。坐底即叫左三款餃子。 一路傾八卦計， 20分鐘後上一碟餃， 我地先驚覺過左咁耐。 第二碟系大約10 分鐘後再來。 由於實在太慢， 第一碟餃已經消化緊， 我地又即刻叫左第四款餃。第二碟當然又好快俾我地KO左。 又等左一陣， 向阿姐求救。 阿姐同其他員工交頭接耳左一陣， 就攞左我地叫的第四款餃出來。Well， 係咪好奇怪冇左第三碟呢？ 系喇， 冇錯喇， 阿姐話冇order😭😭 此時已經個幾種頭了。。。。但我個friend好人 (又或者未飽), 咁就叫阿姐快D落單快D煮。。。到我地離開店鋪之時， 已經過左個半鐘。 個半鐘系咩概念？ 已經可以去食日式任食火鍋喇!除左慢， 味道亦唔值得我再花金錢和時間再去光顧。 佢好彩可以喺太古城開舖，我地先會落搭! 味道根本就唔入流。仲有， 一碟餃子得幾隻，佢都可以煮爛一隻。 你收咁嘅價錢， 係咪唔應該畀啲煮爛咗嘅餃客人食呢？隻餃開曬口，冇曬味! 但都系要畀錢架噃😓總之， 記住記住， 去新食店前真系要看食評呀!!! 呢間嘢D負評咁多我仲死蠢去幫襯😭😭😭…查看更多

之前在觀塘的The Stadium食過lunch， 當時感覺 “哇， 觀塘都有咁正sports bar!”。 氣氛好， 食物水準高。 但我又懶得為左個burger特登走去觀塘。原來此餐廳在銅鑼灣都開左分店， 仲開左成年添! 今日上去lunch， 味道依然好正! 呢間餐廳真係好layback， 食下玩下掟下鏢。。。holiday mood滿滿的啊！4月份佢地set lunch做緊75折，優惠到月底呢😊…查看更多

昨晚在閨蜜家裡三個八婆girls‘ talk到半夜， 清左幾支紅酒🍷， 今朝瞓醒都差不多11點半了😜 梳洗完畢， 決定妝都唔化，浩浩蕩盪出街食個早lunch。三個人要左個大沙律🥗， 再點了兩個pasta， 一客pizza。 Lasagne 係冇得投訴的😋, 味道和份量都剛好。Pizza🍕係我喜歡的薄底， 好crispy，份量唔heavy。 滿足左個嘴之餘又唔擔心得失個胃😅開開心心咁start個weekend， 正😘…查看更多

今日和閨蜜再闖小玲瓏。 唔知係咪銅鑼灣競爭大，2：15pm就已經有下午茶， 咁就益左我地食平D啦閨蜜選擇車仔麵餐，而我就叫了一份吉列豬排🐷稻庭湯烏冬， 加$12飲杯紅棗桂圓玫瑰花茶。 特飲先到，個杯裡面好多桂圓，紅棗同玫瑰花； 飲得出真係煲的而唔系即沖飲料， 堅!份餐一到， 一睇， 嘩! 不得之了， 塊豬排有成腳掌咁大塊， 炸到卜卜脆! 😋 稻庭烏冬堅系日本餐廳食果隻， 滑雪雪配埋我至like的雞湯， 冇得輸呀😁埋單時姐姐話有得”cup”印仔， 儲夠10個就可以當$50用， 超荀! 👏👏…查看更多

每日都煩lunch食咩好， 咁同事話不如食車仔麵吖! 最近公司的就系蘭桂坊車仔麵。 我話經過數次都勾唔起我的興趣， 不過當陪她們啦。去到都幾快有位。 點左個三餸米， 分別系牛腩， 豬軟骨和響鈴。 一上來， 哇！ 好似食剩嘅咁😣 (張照片系碗嘢剛上枱時影， 完全冇掂過) 同事叫凍檸茶來左熱嘅。 個侍應姐姐仲面黑黑，單手lap走杯嘢， 唔好意思都冇句。咁樣情況， 如果食物好味都話算啦。。。sorry， 出品味道唔需要比面。 我當場就同同事講以後唔來。食唔飽， 當日仲要隊下午茶添呀！😤…查看更多

同阿妹在金百利食完韓烤， 好奇走上7/F看看越南餐廳裝完修未。發現原來已經轉左名， 連餐種都轉埋！ 😯門口貼住試業中， 望入去都有D人。 心想橫掂上到來叫兩個淨餸食下，試下佢底。 之後叫左蘿蔔和雞翼尖。蘿蔔清甜冇渣非常得手👏👏 雞尖味道好熟， 阿妹話似B仔涼粉果D。 我話好似仲惹味喔！ 如果叫埋啤酒🍺就冇得頂喇!😉😉今次冇叫麵， 下次必定再來。 樓面靚姐姐話佢地好多手工餸， 咁就要試下喇。…查看更多

今天上午在銅鑼灣區開會， 午飯時間同事問我想吃什麼。 我說我剛剛感冒完胃口還是一般般。 她提議不如清淡點吃碗粉吧。 我也覺得good idea。走到崇光附近看到很多招牌， 其中一間號稱食材由越南飛來的我便說去試試吧。餐廳在7樓， 不是燈光火著的那種茶記格局。 進去後雖然頗多客人但覺得比較安靜。我點了碗生牛河。 見隔離枱有滴啡便心思思想試下。牛河湯低同其他越南餐廳稍有不同。 味道不時那種很猛牛肉精華的衝擊。 反而我欣賞它的低調優雅， 剛剛好把生牛肉和河粉櫬托起來。 我不自覺喝起湯來。 同事還笑我是否不夠飽。之後品嚐我第一次試的滴啡。 本來沒什麼期待 (原本是貪圖這咖啡杯有拍照價值嘛！). 喝過後竟然覺得口裡有點回甘。 意外收穫! 單點價錢要$30， 但跟餐只是加$20， 值得一試。下次再來時， 要試試其他菜色。 我見到其他客人都叫了很多小食。 畢竟越南菜裡小食是最為令人追捧的。 希望不會令我失望啦！…查看更多

週末時身體有點不適， 混身感到很重。 心想星期一要吃頓正宗印度咖哩， 讓多種香料來調整一下身體，兼醒醒神! 首選是在蘭桂坊的一家小印度餐館， 我十多年前在中環工作時常常到此午膳。 當年這餐廳外觀簡樸， 環境寧靜。食物質數不俗， 午餐價錢亦很友善。 如今再在中環上班已數月， 想起吃咖哩，當然要去Maharani Mess啦！今天我簡單點了個雞的set lunch。 同事點了羊， 並加了一個Mango Lassi。 我有點咳， 就忍痛不點Lassi了。 另外再加一份我喜歡的palek paneer (菠菜芝士)。味道沒有驚喜， 就是那種你平時會去用膳的館子那種感覺： 沒驚喜， 沒挫敗， 穩穩定定， 該什麼味就什麼味。。。如要批評， 竟然是naan可以再稍加進步。 餐後再order 了masala tea。 喝完便後悔了！ 今天喝了， 明天必然又心思思。。。masala tea 的香味總是會令人念念不忘的。結帳之後， 老闆Zaheer送客至門外。 他說他依然認得我(!) 我說今天餐廳頗為清淨， 他說大廈的大門口裝修中， 頗為影響客人進來意欲。我說這樣影響生意得想想辦法啊! Zaheer只是笑笑， 輕搖一搖頭。 這麼多年Zaheer依然保持著一貫的溫文和笑容。 就像， 他的午餐？ 還是，像他的masala tea .... 令人念念不忘？…查看更多