oimanso的个人专页

Lunch time menu 都幾ok滿意多選擇啦叫左個番茄忌廉芝士肉丸意粉，都幾大份，加埋餐湯同蒜蓉包，真係勁飽。面頭啲芝士都幾多，如果中意食芝士不仿叫多芝😍😍😍😍😍😍肉丸個樣雖然似中式貢丸，但佢食落堅係西式肉丸味咖🤣🤣 肉味ok啦，唔太濃，但佢無蘇味。我麻麻地飲湯所以比左同事飲，只係食個面包，蒜味幾香，略嫌牛油味唔夠，我外賣返到公司食都仲脆脆地，如果想脆啲，放入焗爐焗一陣會天完美啊。 …查看更多

呢間野絕對係我同班frd子嘅食堂，今次我地就9個人殺去食啦。 叫左12道菜： 1. 生菜包 （唔記得影）- 菜一如既往好fresh，肉少辣好香口2. 燒牛肉 - 半生熟燒牛肉，加埋濃味嘅汁，食到停唔到口3. 燒豬頸肉，香口Juicy 唔會太乾4. 蝦餅魚餅 - 熱氣野配啤酒最正呀5. 咖哩雞 我覺得油左啲啲6. 蒜蓉包 - 夠脆，唔硬，蒜香味八分7. 泰式鳳爪 - 最鍾意佢啲洋蔥香菜8. 炒金邊粉 - 炒得夠乾身，味帶少少甜，成晚最搶手9. 獅恰 - 試過就好了，唔鍾意血淋淋嘅感覺10. 炒飯 - 加左香葉，令炒飯更香11. 生蝦 x2 - 唔駛講！新鮮好食，一秒清哂呀12. 冬蔭功湯 - 酸辣適中…查看更多

而家係尖沙咀有刺身有蠔食嘅buffet，平平地仲有交易？真係難以至信，但今日的確親身體會過、品嚐過用買二送一作招徠，仲有成人八折優惠，咁大嘅offer..竟然唔伏！但一分錢一分貨，但以呢個優惠價黎講已經係性價比高。餐牌中超過60款美食，並唔係虛張聲勢生蠔、長蟹腳、三文魚刺身都有供應有多種水果可以飯後食、做沙律，甚至朱古力噴泉都有而熟食反而最出色，金菇扒西蘭花、瑞士牛片、海南雞等等最後食埋個人手製pancake同Dreyer’s 雪糕就心滿意足！P.S. 食到結尾，甜品都差唔多被搶購一空，想試勻多款甜品嘅就要早小小啦…查看更多

近年觀塘改建，所以都甚少到市內留連，不過久不久都會掛住臻味碗豬扒米線，所以今晚又特意走來晚餐。一個人，搵位無難度啦！食左咁多次酸辣豬扒米線，今日想加埋蠔仔試下先！唔洗等好耐，好快就有得食喇✌🏼酸辣味道不變，依然咁惹味，每次都好有衝動飲晒啲湯 ; 豬扒更係皇牌，薄薄地一塊豬扒，炸到勁香脆，浸完湯仲好食！唔少得嘅緊係蠔仔，size黎講都好大粒又飽滿，仲好鮮味！原來係每日新鮮去街市入貨，唔係雪藏貨色...👍🏼食完我都覺得自己好飽滿🤪…查看更多

食晚飯前行到好攰好攰又見肚餓，見佢裝修幾靚，一於入去坐下兼ORDER D小食填肚。我同表姐一心想HEA下，所以只係叫左野食，係臨走先知原來呢度出名手工啤 @@  下次真係要正正經經試下Beer...薯條伴黑松露醬 - 啲薯條炸得好脆，係法式個種口味，幼幼嘅薯條夠乾食，唔會食到一口油。醬就只有淡淡嘅黑松露味，比較少分量，我地食到大半已經所剩無幾，但番茄醬就未郁過，希望下次醬會多一啲啦。雞翼配藍芝士腐乳醬 - 個雞翼本身辣辣地又好入味，加埋藍芝士腐乳醬食有提升味道嘅作用。其實食剩啲醬我用左黎點薯條，都幾好味咖!…查看更多

游完國慶早水好肚餓，剛好岩經過細細個長大的地方牛池灣村，就很想吃車仔麵~ Yummy Yummy!我選擇了最愛的伊麵作底，餸菜選了冬菇、炸支竹及通菜。 冬菇不是用很大那種花菇，但尚算入咪。炸支竹吸收了湯的精華，非常入味。個人不喜歡大軟身的伊麵，因此要求硬一點，如果喜較軟身的朋友，建議和東主講聲，多煮一點時間。平時食車仔麵，我都一定叫蔬菜，十分欣賞此家的菜分量十分足夠。抵呀!!本想飲無糖豆漿但這邊都是已調好，一支支的甜豆漿。豆漿豆味還好，真的不太甜!!非常好。…查看更多

3個人忽然想食小炒，去老蘭飲野前就係附近搵左呢間，好好彩只係等左大概15分鐘到就有位，都見有幾多遊客用餐。最愛嘅椒鹽九肚魚炸得好好，香脆之餘亦唔會太多炸，送酒岩岩好。另叫左蒜蓉西蘭花，炒得爽脆既唔多油。秋風都係岩岩起，就好想食羊腩煲啦。🤣 支竹濕都唔夠淋，但尚算入咪。羊肉雖然唔夠多，瘦瘦地，幾岩減肥嘅我。如果怕食肥嘅朋友會好喜歡。插曲係，食完先發現原來呢度出名食煲仔飯，難怪每一臺都有啦！唔得，等再凍啲一定要再黎試下呀。…查看更多

老香港風味買少見少，佐敦的「佳佳甜品」正正具有舊風味之外，價格亦是吸引之處。較早前舊舖搬新舖時，價錢都依然維持$18碗，但今日親臨光顧已經加至$20一碗，更有新派甜品- 楊枝甘露盛惠$32，不過已一早沽清。我們被安排到樓上雅座，二樓環境寬敞，以實木做枱櫈、階磚牆身，風格懷舊。糖水款式其實不算多，但款款都是簡單傳統中式糖水，例如這用中式藍白色瓦碗裝著的蛋花馬蹄西米露，食得出馬蹄清甜、蛋花軟滑、味道正宗，市面難得少有。難怪時時刻刻總有隊龍在門外。…查看更多

表弟話開學前請我食個靚Lunch 😋😋 難得德福新開左outback 梗係要試試啦。我叫左一份香芒燒雞肉沙津lunch set， 沙津個汁好清新，酸酸甜甜咁好開胃，菜幾新鮮，燒雞肉亦幾嫩滑。芝士怪表弟叫左一份燒雞肉芝士夾餅lunch set，夾餅啲芝士真係好多而且好香芝士味，熱食正到不得了。Lunch set 有配埋黑糖包，迷你沙津同野飲。黑糖包係all time favourite 。🤗另外叫左個牛油果蟹餅，軟軟嘅牛油果配埋蟹肉，放係炸好嘅粟米片上，口感特別。…查看更多

個日行旺角忽然想食辣嘅面食，咁岩係女人街小巷見到呢間野就一於試下。我同朋友本身好食得辣，食麵都會叫中辣，聽到係湖南菜就十分興奮，準備要開花。我點嘅柳州螺絲粉，因為本身唔中意筍味所以走左酸辣筍。第一次食螺螄粉，個樣似米線但口感比較QQ，如果中意食薯粉嘅朋友應該會中意。不過就完全唔夠辣，所以呢點有dd失望。宜賓燃麵個麵會比較硬dd，乾撈都唔夠辣而且偏咸，而且柳州螺絲粉配菜多d，我會推介湯類別多d。不過還是推介比食BB辣嘅朋友，好辣者可能要失望啦。…查看更多

上星期日同朋有慶生，滿心歡喜咁黎花月庭食buffet lunch! 點知期望越大，失望越大。本身因爲佢lunch buffet 有蠔，所以吸引到我地去。點知，蠔被沖洗到無海水味之餘，鮮味都無哂。好！比多次機會佢，再排多一輪.....點知食到隻臭嘅蠔，吐都吐唔切！漱左口幾次仲有陣味！So Terrible！魚生都係無味。我諗最好就係啲雪糕🍦而甜品種類係多，但味道麻麻。朋友就話啲湯好飲，但自己無試。下次唔會再黎咖啦！…查看更多