Tipsy Tap

食晚飯前行到好攰好攰又見肚餓，見佢裝修幾靚，一於入去坐下兼ORDER D小食填肚。

我同表姐一心想HEA下，所以只係叫左野食，係臨走先知原來呢度出名手工啤 @@  下次真係要正正經經試下Beer...

薯條伴黑松露醬 - 啲薯條炸得好脆，係法式個種口味，幼幼嘅薯條夠乾食，唔會食到一口油。醬就只有淡淡嘅黑松露味，比較少分量，我地食到大半已經所剩無幾，但番茄醬就未郁過，希望下次醬會多一啲啦。

雞翼配藍芝士腐乳醬 - 個雞翼本身辣辣地又好入味，加埋藍芝士腐乳醬食有提升味道嘅作用。其實食剩啲醬我用左黎點薯條，都幾好味咖!