YY_Cola的个人专页

平日每次經過都見好多人排隊，終於有機會一食!好好彩星期六係無訂位的情況下，咁岩去到有位，同屋企人一齊黎食~雖然距離地鐵有一段路，但唔難搵!餐廳不大，但裝潢走簡約北歐風格，整體感覺比人好舒服~我地3個人叫左兩個主食一個甜品，每樣都好有水準同有驚喜。"江蘇蟹黃天使面"  $218天使麵上全部都係蟹黃，滿滿的蟹黃香味，超爆足料~真係啖啖入口都係鮮甜蟹黃，加上幼細爽口嘅天使麵，超滿足!唯一係覺得麵少左d，因為蟹黃實在太多，麵卻少，變左最後食完麵仲有好多蟹黃剩~"鵝肝鮮檸檬醬貓耳朵粉"  $248呢個估唔到咁出色，鵝肝唔會太膩，貓耳朵粉好Q好有咬口，而且食嘅時候有酸酸地的檸檬味，成個感覺好清新好fresh!"蒜香雞翼"  $20/2件叫主食時可以加配的小食，淡淡的蒜香味不會太濃，雞翼炸到外層非常酥脆，非常惹味可口!"朱古力心太軟配開心果意式手工雪糕" $88呢個甜品真係極力推薦，無論擺盤同味道都絕頂，視覺同味覺都超絕對滿足到大家!心太軟一切開流心效果非常好，配上超濃郁開心果味雪糕，真係勁好味，係食到停唔到口~如果唔怕肥的話，真係建議一個人食haha"藍水母" $68呢杯飲品打卡一流，澵層效果做得好好，但其實佢係一杯咖啡!飲落咖啡味不會過重，比較清新，怕咖啡太苦澀的話，呢杯可以值得一試~"菠蘿青檸紅茶" $48菠蘿香甜，紅茶加上清新香檸，仲有果肉可以食，非常適合夏天飲~…查看更多

之前黎過呢間餐廳天台飲野覺得不錯，今次帶屋企人黎慶祝生日~第一次坐室內座位，亦於訂座時講明是慶祝生日，所以一黎到就見到已經佈置好曬座位，啱曬打卡慶祝!室內座位幾特別，半圓台形，入坐起初覺得怪，但坐落係舒服，而且好方便影相。環境佈置相當吸晴，有一個輕氣球花花打卡位，可以自由影相。食物同飲品方便有好多選擇，真係花多眼亂*香烤加拿大豬鞍配伯爵茶汁*非常厚實，肉嫩多汁，完全唔會油膩，非常juice又入味，呢個我真係大推!上次係天台都食過，今次食第二次都無失準~*煙燻西班牙八爪魚配墨魚汁意大利麵 *勁大條八爪魚腳 ，八爪魚腳唔會韌，非常有口感，係意大利面少左D，但整體都好好味!*北海道仙鳳趾同長崎五島列島*如果鐘意生蠔的話，呢度都好岩大家~特別揀了最清及最濃的兩種口味，食落味道會感覺特出點!兩款都肉身肥厚，不過北海道的海水味適中，金屬味無咁重，相反長島的入口濃濃的海水味，但兩款食落都好Creamy，唔錯!*香煎澳洲和牛伴鵝肝醬*呢個真係幾有驚喜，medium和牛好粉嫩， 肉味濃郁入口食到焦香味，加上入口即溶的鵝肝醬，連唔多食牛的我都忍唔住食左兩舊!特別要講飲品方面，酒鬼們有好地方去啦，雖然唔記得影相，但鐘意飲Gin的話真係可以黎試試~我自己試左兩伎味，都好正!呢度打卡同慶祝生日都係絕對好的選擇，無論係一家人定情侶如果想約會想聚會都可以諗諗~…查看更多

呢間由深圳開到來香港的餐廳，真係期待左好耐~有朋友去過已經相當推介，所以生日朋友就揀左呢度同我慶祝!環境真係絕美，主打粉紅色少女風，不論係門口位置定座位都係真花，芳香撲鼻。而已座位寬敞又不限用餐時間，真係岩曬同閨蜜黎打卡食飯!先說重點，如果想同朋友慶祝生日或者想慶祝紀念日的話，呢度都真係好好的選擇! 唔單之有生日安排，呢度仲可以買埋花送比朋友!只要提前同餐廳講定，餐廳會安排花花生日卡板，仲會有手推車推住皇冠、鮮花及蛋糕過黎比大家影相，真係比大家做一日Birthday Queen~ 不過當日有少少插曲，就係餐廳真係太忙太多人，竟然漏左我地無幫我地安排，最後要朋友出聲提醒，個刻朋友都有點不開心。真係本身驚喜都變左無咩驚喜，不過因為咁靚我地就原諒佢啦^^食物種類都唔少，揀左一輪最後選擇左經理推介的雙人套餐，呢個套餐包含左成間餐廳的精選食物。食物我地試左花廚特色菌菇湯、黑松露牛肉塔、金鎗魚能量沙律、香草烤三黃雞、烤南瓜栗子羊肚菌雞湯燴飯，最後仲有杏仁巧克力椰香蛋糕，包埋兩個茶，3個女仔食其實已經好豐富，我地仲叫多左個薯條，超滿足。呢個雙人套餐仲送兩盒茶可以拎返屋企慢慢品嚐，非常驚喜!食物不多說，總體黎講絕對係好味，加上環境絕對值得黎!仲有特別推介呢度的Cocktail，真係靚到呢，好飲易入口又岩打卡~必點推介: 玫瑰瑪格麗特!…查看更多

生日特別揀左呢間餐廳試下，閒日有預約不過其實無咩人!但真係覺得自己無揀錯，超適合打卡影相。餐廳裝修非常古典，真係度度都係打卡位，而且食物都好味，座位空間寬敞，坐得好舒服，職員服務好好。食物都幾多選擇，我地二人同行，經openrice book仲可以正價餐牌有折，相當唔錯。西班牙黑毛豬肉眼配薯蓉厚切豬肉熟度剛剛好，肉質嫩滑，肉味濃郁，連伴碟的薯菜都好好味。燒烤醬雞翼呢個幾驚喜，燒烤醬超香又惹味，而且隻隻都好肥美，啖啖肉好滿足~黑松露薯條呢個唔使講必食，薯條已經沾上點點的黑松露，味道不算太濃，加埋個沙律醬食更加滋味。左邊: La Rosabelle，右邊: Patrick Star既然黎到無理由唔試下呢度嘅Signature cocktails....個人比較鐘意左邊個杯，因為比較清新爽口，至於右邊個杯係果咪較濃，酒味較重。特別推介：Tiramisu質地挺身，口感超好，而且咖啡同酒香係夾到岩岩好，真係好好味!大推~…查看更多

得知呢間餐廳好久，但一直怕要排隊所以無黎，終於係平日星期二book到位。早到入座無咩人，侍應好貼心咁比我地自己揀位，我地話想影相，佢都即時推薦打卡可以坐外面嘅位。講真個環境真係有幾驚喜，真係幾靚，一眼已經覺得要影。至於食物方面，選擇真係唔多，不過我地去個時仲有happy hour，就叫左3款食物同點左兩杯白酒!牛油香煎蟹餅，外層香脆，一啖咬落全部都係蟹肉，加上沙律一齊入口，口感豐富。香煎北海道帶子番紅花意大利飯，大大粒帶子嫰滑軟腍，配上軟硬適中嘅意大利飯，相當唔錯。西班牙黑毛豬鞍架，第一次食，見佢切到塊塊都幾厚，食落軟硬適中，份量都幾多，夠飽對女仔黎講。呢度食物選擇唔多，不過勝在環境舒適，岩打卡同傾計，但我個人唔會推介，黎一次已經夠。…查看更多

一家四口一齊食晚餐，就因為個海景所以選擇了明珠海景。入內環境非常大，地方寬敞，感覺不錯，看到室外的小露台，本來還想影影相，但原來不是想像中的感覺，有一大塊玻璃隔開了，就咁係睇唔到個海景，有點失望。食物選擇都幾多，今次試了幾款，但有些沒有影相，但整體不過不失，可以再有進步的空間。金牌片皮鴨，不太特別可接受，感覺配菜方面比較少，不過食落味道都算OK。最喜歡的是菠蘿咕嚕肉，真係舊舊都好大舊，而且個酸度係我鐘意嘅，非常好味。酥炸魷魚鬚，反而幾出色，烤到非常酥脆，相當可口。另外有一款無影相的叫做黃金鴛鴦蝦球，除了一款是咸蛋炸外，另一種起初真的不知道是什麼。上到台才知道原來是沙律醬，兩款都好好味。甜品方面試了4款，沒有太大驚喜，不過有點失望的是，本來想椰皇燉鮮奶，點知到叫個刻先知道原來要預訂，超失望，好可惜。不過埋單的時候才發現原來現在有75折，咁呢餐都算不過不失。…查看更多

好耐無食過放題，聽朋友介紹就選擇左嚟旺角呢間食﹗入到去環境不錯，望兩望個menu，食物選擇相當多，真係選擇困難症，樣樣都想食﹗今次同朋友主打刺身同炸物，其實仲有火鍋，但都真係有點飽到唔多食得曬﹗刺身都有好多款可以揀，有三文魚、八爪魚、帶子、松葉蟹棒、希靈魚，而且仲有生蠔。特別推介三文魚，厚切新鮮，食落啖啖都係肉，口感一流﹗特別一提，刺身擺盤好靚，打卡一流﹗至於炸物方面就有芝士年糕、香芋丸、雞翼、天婦羅、吉列廣島蠔…….個人力推芝士年糕，煙煙韌韌之餘，一啖咬落滿口芝士，好正啊﹗另外要大讚的是，飲品及甜品方面都好多選擇，汽水、啤酒、紙包飲品、雪糕、雪條等，真係食完都好飽好滿足﹗食完覺得性價比幾高，無論同朋友定家人都值得去食﹗而家疫情無晚市，可以食足6小時，即係由Lunch食到6點， $229非常抵食﹗…查看更多

家中長輩特別喜歡食烤鴨，因此特別揀左呢度黎食!一家四人早早訂座，呢度裝潢極具中國風，環境不錯，坐得都舒服，而且服務態度都十分好。我地最後都食左唔少野!️* 北京填鴨三食京滬香酥烤鴨比想像中大份，相當特別的是店員會同大家講解點樣食。配料係一個九宮格，包括青瓜條、蘿蔔、哈密瓜、山楂條、京蔥等。店員會教大家先食咸，再食甜的包法。個人覺得十分好味，而且完全唔會油膩，真係大推~雲吞鴨肉湯味道相當濃郁，鴨肉與雲吞真係估唔到的夾，好少飲湯的我都讚不絕口。椒鹽香酥鴨架呢個真係幾辣，而且其實佢肉唔多，真係比大家有D野咬下咁，不過佢個種辣係香辣，唔錯gei~老陳皮咕嚕肉相比起出面的咕嚕肉，呢度份量唔算好多，但佢舊舊都大啖肉，味道則不算太酸又不算太甜，味道中規中矩，不過不失。招牌小籠包呢個大推!絕對可以話係皮薄餡酥炸廣島蠔酥脆香口，大大粒蠔啖啖肉，值得一食。蟹籽燒賣瑤柱濃湯浸茭白想叫個菜所以就叫侍應推介下，咁岩時菜有呢款，真係無介紹錯，未食過!估唔到咁好味，湯汁濃，蔬菜爽口超有好口感。甜品方面食左兩款：懷舊雨花湯丸山楂楊梅果(推薦) - 非常少見，好特別!酸酸甜甜，而且好煙韌我地仲叫左幾杯特別cocktail：特別推介"花語"、"菊姬"，易入口，而且非常清新同花味香，打卡一流…查看更多

終於如願book位黎呢度打卡兼食Tea!呢度可以話係多個打卡位的集合地，感覺餐廳每個地方都相當不同感覺，但絕對適合閨蜜情侶黎食野影相!不過提提大家灣仔而家碼頭個邊正在裝修，大家去的話要特別留意。呢度12點先開門，Tea Set有三個時段比大家揀，分別係12-2pm，3-5pm，6-8pm我專登揀左12點，比想像中好，因為無咩人，真係可以盡情影相!嚟到我地係影左陣相，Tea Set先上台，一黎會有兩杯Welcome drink，welcome drink係兩杯香檳，服務相當好。3層花花Tea Set，感覺好豐富，最頂層係甜品，下面兩層都係咸食，大家要注意的是不是所有都可以Refill，只有某幾款哦!最低層有4款咸點(都可以Refill)：英式提子鬆餅配鮮忌廉及果醬 - 我個人特別喜歡食鬆餅，所以我都特別refill左，不過真係會好飽，女生們留心啦芝士焗鷄肉酥盒 - 酥皮非常脆，口感豐富，估唔到的好食香濃咖喱雜菜批 - 呢個大推，特別refill了又係，咖哩唔辣但味道香濃，非常好味大蝦山葵沙律醬多士 第二層則有3款咸點：煙三文魚酸忌廉攤黃金尋龍魚子 - 大推，呢個真係好好味，煙三文魚加酸忌廉，超正!秋之松葉蟹肉沙律墨西哥薄餅蜜桃龍蝦沙律奶油多士至於甜點方面則有：冧酒朱古力軟心星球 - 大推，超濃冧酒味，同朱古力非常夾，好好味京都宇治抹茶蛋糕 - 抹茶味勁濃鏡之月柚子芝士蛋糕 - 芝士味與柚子味互相配合，唔會太濃亦唔會太漏滿月鮮檸檬撻 - 檸檬味超勁，酸酸甜甜的，好正迷你傳統月餅 - 作為中秋特別加上的，相當應節有心店員會不時推著車子來到餐桌前，大家可以隨喜好添食品，相當方便。Tea Set包左兩杯野飲，我地揀左洛神花茶及熱情果烏龍茶，不過不失，茶可以解膩，我覺得係不錯的選擇。最後要講下場內的打卡位，真係由入口到所坐的地方，滿滿都是影相位。個人最愛不是花花走廊，特別喜歡南瓜車的我，呢度真係非常喜歡!另外不講不知，原來這裡係可以搞婚禮的，揀緊地方的新人都可以了解下，場地寬敞舒適，都係不錯的選擇。…查看更多

呢間Cafe已經見過唔少人介紹，不過次次都見話要排隊所以到而家終於去食一次!平日放工黎到都已經唔少人排隊，最後排左大概半個鐘以上都，不過呢度有個好處就係本身無限時間，所有都OK!餐廳相當寬敞，雖然唔係話有咩打卡位，但坐得都好舒服。食物唔算話好多，不過真係估唔到喜出望外，無諗過真係有驚喜~意大利芝士熔岩(*大推)打卡必選，而且極有驚喜﹗tiramisu 甜及苦味相當平均，唔會太甜亦唔太苦，而且佢入口超滑，味道香濃，食落唔會相當漏，係食完想再食!蜜糖芥末雞翼(6隻)雞翼都有幾款可以揀，最後揀左呢個﹗一上台已經相當吸引，雞翼都幾大隻!外皮脆口，肉質嫩滑，味道相當唔錯!鹹蛋黃薯條每去到唔同餐廳都會試下薯條，呢度竟然有呢個鹹蛋黃薯條，真係必試!講真佢鹹蛋黃味真係超濃郁，其實味道係相當唔錯，但如果對薯條有要求的話，或者會覺得呢個唔夠脆，唔知關唔關鹹蛋黃gei事，但個鹹蛋黃味真係濃到，未食過一間係咁濃味!如果鐘意鹹蛋黃味的話必食~炸芝士拼盤(芝士條+芝士角)呢個芝士拼盤絕對推介，芝士味必食!個芝士條係拉絲架，而個芝士角就係一口咬落啖啖都係芝士，兩個芝士味都同樣濃郁，超正!黑松露忌廉磨菇雞肉焗飯黑松露味重，加埋香滑忌廉入口更加一流，飽感十足﹗…查看更多

看到介紹覺得環境相當靚，所以就決定同朋友黎呢度慶祝生日!一早訂定位，所以完全唔需要等，直接可以入座。不過大家要留意呢間餐廳close的時間較早。樓高兩層，入到去環境相當舒服，而且佈置好吸引，極具民族色彩，度度都係打卡位。而且服務態度非常好!至於食物方面，選擇唔算太多，不過味道方面都好滿足。食物包括：卡邦尼意粉、白酒忌廉青口、鬼馬薯條、莎樂美香腸PIZZA、脆脆蜜糖蒜香雞翼我個人相當喜歡「鬼馬薯條」，佢係平時食gei薯條加紫薯條，好香口，食到唔停口~另外我特別喜歡個PIZZA，芝士味唔會太濃，但口感十分豐富，成個PIZZA唔會太乾，入口啖啖茄汁香。特別要讚個甜品蛋糕，可以寫埋字，影相好靚。…查看更多

正日慶祝生日，為左屋企人選擇左中菜餐廳。呢間六公館不論環境同食物都相當出色。特別講埋，呢度有蛋糕預訂，好靚，提前兩日預訂就可以~真係打卡一流。另外，大家黎食飯記得到餐廳外面場地影相，餐廳侍應會替大家補燈，相當PRO，服務亦相當好。食物方面介紹下先~日本金柚手撕雞：味道好特別，金柚加青瓜絲，啖啖仲有雞肉，好好味~不過雖然是前菜，但唔係第一時間先上，有點奇怪~八味金磚豆腐：超好味，表層香脆，內裡滑溜，真係入口即融的感覺，好滋味，推薦啊~龍眼蜜燒西班牙黑豚叉燒：真係完全唔同平日食個D，厚身到呢，肥瘦交替，入口鬆化，軟綿多汁，好好味。不過屋企人就覺得厚身左D﹗可以薄少少會容易入口D。濃雞湯浸菜苗：真係超香濃雞湯，可以想像用料相當好，啖啖湯汁加上菜，口感豐富。松茸羊肚菌海膽燴飯：濃濃嘅松茸味，海膽完全唔會覺得腥，真係啖啖飯粒都好好味，呢個值得食~生日蛋糕：相當奢華的感覺 ，蛋糕係earl grey chocolate moussey Cake，入口香濃又滑，加上朱古力脆脆，唔算太甜太膩，真係影相同味道都好無得頂~…查看更多

不論食物及環境都相當不錯~可惜就係太早落場，與朋友相約1點左右到餐廳，但餐廳4點左右就已經要落場，相當可惜。因為呢度環境好好，可以邊食邊傾計，好舒適。黎到係午市套餐~仲有兩杯野飲﹗我地揀左兩款。頭盤有：帕馬森芝士蘑菇忌廉球伴沙律、水牛芝士配芝麻菜沙律及白毛豬火腿兩款都好好味，要讚個芝士蘑菇忌廉球，相當好味，既香仲要帶芝士味~主菜有：招牌烤豬伴香草焗薯、地中海小魷魚墨汁西班牙飯兩款都係好好食。烤豬整到個皮好脆，而且肉質軟腍，口感好好。至於個西班牙飯又係好好味，飯粒分明，但係濕潤度適中，口感層次較豐富最後因為係慶祝生日，訂位時已經講定可以寫上祝福。甜品都唔錯，又唔會太甜，但好好味~…查看更多

一早刻左位，黎到直接可以入座~不過呢度侍應太少，我地坐最入，基本上連叫野食都要自己行出去，無人招呼!食物方面唔多選擇，而且我地明明最早黎，但叫完食物後，等得最耐係我地，旁邊比我地遲入座的就已經上菜，但我地仲要不停去催。呢方面真係應該改善下，太少人，根本顧唔到食客。食物方面我地都叫左唔少野，首先推薦：*黑松露雜菌Pizza：好好食，黑松露味超香，入口香脆，呢個好值得食~佢係薄身pizza，唔會好滯~*德國咸豬手 配薯仔酸菜：估唔到咁好味，而且佢都好大舊下，我地6個人都可以Share，大家食D，又係推薦!佢個皮超脆，如果鐘意食豬手必食牛扒牛油果三文治配薯條、沙律：不過不失，share食就有D難度~不過佢個薯條就真係好好味﹗熱辣辣仲要夠厚身~紅菜頭燴意大利飯，配大啡菇講真，紅菜頭味唔係人人接受到~呢個打卡絕對係一流，不過食就...可能唔係太鐘意個個味，好素，但個意大利飯係做得唔錯~紅咖哩煙鴨胸螺絲粉鐘意食辣的話，呢個不妨一試~佢係辣味濃，但我個人就覺得一般~…查看更多

為朋友慶祝生日，所以就揀左嚟呢間cafe!起初以為好大，嚟到先知原來其實唔大，座位不多，不過勝在可以網上訂位，相對比較方便。整體環境都充滿藝術氣息，店內掛滿藝術品，仲有周邊產品可以購買，鐘意藝術的話絕對要嚟影相打卡~望左眼Menu先知，原來呢度食物方面選擇唔多，真係為左靚同影相，同埋呢度最有特色嘅藝術打印咖啡。另外呢度有限時間食野，所以如果要傾計的話，唔推薦呢度~有機大農場雞胸肉 $198講真主菜只有雞同魚可以選擇，真係無咩得揀~不過勝在真係好好味，雞胸肉肉質嫩多汁，而且佢加藜麥沙律，啖啖肉之餘相對健康。藝術打印咖啡 $88真係非常靚，可以揀凍咖啡/凍朱古力。佢除左可以揀店內的藝術掛畫印外，仲可以揀自己鐘意嘅圖片，將圖片以藍芽方式send比店員就可以。見到個咖啡真係超驚喜，而且甜度適中，完全係打卡首選~卡邦尼培根意粉 $158份量真係算少，不過味道唔錯，長通粉加上芝士，唔算太濃郁，食完唔會覺得漏同滯，但亦唔算飽肚，share淺嚐還可以。…查看更多