京滬佳餚 (Fashion Walk) (已結業)

家中長輩特別喜歡食烤鴨，因此特別揀左呢度黎食!一家四人早早訂座，呢度裝潢極具中國風，環境不錯，坐得都舒服，而且服務態度都十分好。我地最後都食左唔少野!️* 北京填鴨三食京滬香酥烤鴨比想像中大份，相當特別的是店員會同大家講解點樣食。配料係一個九宮格，包括青瓜條、蘿蔔、哈密瓜、山楂條、京蔥等。店員會教大家先食咸，再食甜的包法。個人覺得十分好味，而且完全唔會油膩，真係大推~雲吞鴨肉湯味道相當濃郁，鴨肉與雲吞真係估唔到的夾，好少飲湯的我都讚不絕口。椒鹽香酥鴨架呢個真係幾辣，而且其實佢肉唔多，真係比大家有D野咬下咁，不過佢個種辣係香辣，唔錯gei~老陳皮咕嚕肉相比起出面的咕嚕肉，呢度份量唔算好多，但佢舊舊都大啖肉，味道則不算太酸又不算太甜，味道中規中矩，不過不失。招牌小籠包呢個大推!絕對可以話係皮薄餡酥炸廣島蠔酥脆香口，大大粒蠔啖啖肉，值得一食。蟹籽燒賣瑤柱濃湯浸茭白想叫個菜所以就叫侍應推介下，咁岩時菜有呢款，真係無介紹錯，未食過!估唔到咁好味，湯汁濃，蔬菜爽口超有好口感。甜品方面食左兩款：懷舊雨花湯丸山楂楊梅果(推薦) - 非常少見，好特別!酸酸甜甜，而且好煙韌我地仲叫左幾杯特別cocktail