strangerbkk的个人专页

想食個快lunch就揀左間茶餐廳, 叫兩個lunch set:黑椒蘑菇汁豬扒飯+例湯+飲品, $43！豬扒夠大塊亦算鬆軟! 汁多又濃、蘑菇又多, 重點係隻蛋係流汁的呀!!!! 另一個set鮮茄雞柳飯好足料極多雞柳, 蕃茄都有3大舊!!!! $38一個餐仲有熱飲, 原來響灣仔區仲有咁平民價錢既餐廳, 味道又唔錯, 堅係抵食! 至於服務方面其實有個小插曲, 令我覺得呢度既服務係超出茶餐廳水準! 我掛住影野食唔小心倒瀉杯野飲, 搞到地下同成檯都係, 全場望住我……好瘀皮 有個店員叔叔好好, 即刻遞紙巾俾我同抹檯, 另一個人幫手拖地, 仲補番杯野飲俾我! 雖然我只係叫檸水, 但係已經覺得佢地好helpful, 平時食肆D待應都面黑黑, 估唔到呢間餐廳又幾友善, 一路坐一路食仲留意到佢地會同客人笑住講bye bye, 唔講真係唔知自己去左茶記。 最後打呢篇食評 search返呢間餐廳先知道原來係「社企」, 原來佢地既員工係弱勢人士黎架。今日醫肚之餘又可以當支持下佢地, 感覺相當良好😋…查看更多

K11食完晚飯，大家都唔夠飽，直衝到牧羊食返個甜品.....我地叫左個 ‘‘蘋果伯爵果醬花形窩夫”, ‘花生醬焦糖法式可麗餅” , 揀呢兩樣純粹因為俾d圖吸引，點知野食來到既時候真係同d圖一樣咁靚同，真係睇見都開心！‘‘蘋果伯爵果醬花形窩夫”中間有個雲喱拿味雪糕球再係上面加左小小蜜糖&伯爵茶味既汁，真係食到好醒神，每格窩夫上有一小粒蘋果，酸酸甜甜好滋味，d cream 好滑呀！又唔似平時既咁甜！個窩夫又好鬆化👍🏻值得encore! 另外 ‘花生醬焦糖法式可麗餅”，屬「個樣好靚系列」，但味道一般，我略厭佢太甜，花生醬太多，成碟最好味係d香蕉，面有焦糖，係不錯既！今次食完，下次都可以試埋佢地d晚餐，好似都幾吸引，環境又幾岩朋獲聚腳，幾relax! …查看更多

今次我既食評就只有評 "黃沙豬潤粥"其實真係好好味!!! 佢d豬潤係勁彈牙, 又唔"high", 仲要好入味, 又多豬潤, 粥面仲有小小既黃油, 真係好正呀!甚本上我次次來靠得住, 都係食呢碗粥. 真心推介呀!至於其他野.....我就覺得好一般, 所以都唔特別講了!…查看更多

每次來都會叫豬手飯, 無記錯係$98, 好鐘意食佢塊皮, 好香好脆!!! 個炒飯又好夠味!!!!!!正呀!!!如果份量大小小會比較好...偏細今次仲叫左海鮮pizza, 個底係薄脆, 都不錯~仲有叫左個柚子魷魚沙律, 好開胃, 額外有一枝柚子味既汁俾人客自己"支"落去沙律到, 自己調教味道, 不錯!其實我都幾鐘意食so thai so good, 因為味道比較濃烈, 0岩曬我呀!!!!!!…查看更多

一朝早是是但但食左個包就返工, 放半"就", 專程來到意蠔屋嘆一嘆~~例牌叫左$138 4隻生蠔, 而次次都係叫南非...過往食佢都係肥大大的, 食完會齒夾留香, 但今次質素有小小參差, 有兩隻唔係太新鮮...但都有兩隻都是保持過往質素的~~~~~之後再叫多個芝士西蘭花, 真係好正呀!! 芝士係拉到長長果種, 正呀!!! 西蘭生既質感又唔會焗到"林之之" , 個汁又好好味~~~值得order! …查看更多

同男友叫左個奶茶味pancake老實講，我覺我個pancake 幾好味，d漿其實係泡沫口感，有d「希」，如果「結」返d同濃味d會好小小....至於野飲係咩薄荷味既沙冰之類...好淡........總括：坐得舒服，傾計休息一流但野食麻麻...…查看更多

同朋友去呢到食, 都係一個幾不錯既聚腳點, 我地坐樓上, 人流唔多, 食飽留係到吹吹水, 唔錯!今次我地兩個食左最原始既叉燒拉麵, 老實講, d叉燒真係入口即溶, 第一口食落係有驚喜! 可以同日本既質素睇齊(剩係叉燒) 不過我個人覺得d湯比較油, 同埋太過濃味. 總括, 我都覺得成碗麵係好味!!!因為d叉燒分數太高了!…查看更多