Rice Cheung's Profile

酸辣無骨鳳爪酸酸辣辣好開胃，鳳爪食落無骨好方便，口感爽脆，味道唔會太刺激。魚子醬紅磚豆腐豆腐滑到不得了，外面脆卜卜，上面嘅魚子醬加咗啲咸香，兩樣夾埋幾有層次，口感同味道都好新鮮。泰式青醬鮑魚鮑魚爽身彈牙，青醬香味突出，有少少辣，幾醒胃，鮑魚一啲都唔韌，咬落去非常軟熟。蟹肉海鮮羹羹夠濃稠，蟹肉同海鮮份量足，味道鮮甜，唔會太鹹，飲一啖暖晒胃，食落幾舒服。泰式青醬生蝦生蝦新鮮，青醬味道突出，酸辣度啱啱好，啖啖都好爽。香茅雞翼雞翼燒得啱啱好，外皮十分脆，肉質嫩滑，咬落去有陣陣香茅味，感覺好清新。調味夠入味但唔會太鹹，每啖都食到雞肉同香茅嘅香氣。炭燒豬頸肉沙律豬頸肉燒得啱啱好，肥瘦適中，沙律新鮮爽口，醬汁開胃，成碟色香味俱全。馬拉盞炒椰菜蒜香濃郁，椰菜入味，鹹香適中，少少辣辣地，好食！即烤沙嗲串（牛/雞)新鮮即烤，牛肉同雞肉都好嫩滑，外層微焦，沙嗲醬香濃仲有花生碎，唔會太甜或者太膩。牛同雞各有特色，牛肉較有嚼勁，雞肉就滑溜啲。金不換肉碎生菜包肉碎炒得夠香，金不換味道特別，生菜包住一齊食夠清新，唔會膩，幾有層次感。泰式蝦多士非常鮮甜新鮮，肉質爽口彈牙!麥皮金沙原隻蝦球蝦球外層炸得金黃香脆，咬落去蝦肉爽口彈牙，食到啖啖鮮味。金沙鹹蛋黃味濃郁，包住蝦球好香口。加埋脆脆嘅麥皮，口感層次豐富，唔會太油膩。黑糖椰子雪糕雪糕香滑，椰子味濃，黑糖加咗啲甜香，唔會太甜，仲有桃膠，食完有驚喜，幾消暑。…Read More

早排約左朋友, 試左佢介紹的佢屋企附近個間煲仔飯專門店。今次特別試左餐廳最新菜式, 備長炭火燒雞, 即叫即燒, 遠遠已經聞到香味，燒雞既外皮燒得好脆,咬落去卜卜聲， 唔使任何醬汁已經很濃香入味，已經好好食，見到差不多枱枱的客人都有點，點可以唔試。有趣的是，居然餐廳提供埋剪刀、手套和圍裙俾我哋剪雞, 感覺很專業(對燒雞)，十分有趣既體驗。另外也點了排骨煲仔飯，份量都算多，排骨香口入味，米飯間也滿滿浸透了肉汁香氣，每一口都吃到排骨，肉多骨少，也有脆口的米飯焦在旁，這是煲仔飯必有的，這令我很滿足。…Read More

在疫情慢慢緩和下來嘅時候，同閨蜜慶祝生日，想找一個隠世寧靜嘅地方，唔想去D大商埸，就想到了位於尖沙咀金巴利道嘅LAB EAT Restaurant.餐廳食物種類繁多，看到二人晚餐餐牌，排滿美味嘅食物，毫不猶豫，即刻下單。頭盤，先是四隻肥大的生蠔，新鮮甜美，充滿濃濃的海水味。跟住上，意式生牛肉薄片，牛肉嫰滑，夾着芝士入口溶化，令人回味。再上，昆布高湯冷凍鮑魚，爽爽的鮑魚，被一層啫喱般的高湯包着，好一個冷食。餐湯方面，我比較喜歡龍蝦海鮮湯，龍蝦味重，配合青口；朋友則選擇了牛肝菌湯，這個比龍蝦湯更濃郁。主菜方面，分別係炭燒澳洲M6和牛牛柳及西班牙紅蝦海膽意粉配奧西特拉鱘魚子醬。牛柳生熟程度剛好，肉質嫰滑有肉汁，意粉充滿海鮮風味，大大隻紅蝦肉質爽口有鮮味，海膽好有驚喜，新鮮又份量大，鱘魚子醬加埋煙靭嘅意粉，食到令人回味。配上白酒紅洒，人生一大樂事。喺咁豐富嘅食物之後，當然唔少得甜品啦，今晚嘅廚師甜品係，雪糕加tiramisu，為整個晚餐，畫上完美的句號。PS: 我介紹完之後，我老闆帶女朋友去過一次，返嚟都話勁正。…Read More

18樓雞煲之前食過覺得抵食味道剛好，所以見很久沒有打邊爐就去吃雞煲加打邊爐，二人來坐四人位十分舒適我們叫了小辣的雞煲，來到待應幫手混好等陣就可以食。辣度微度都剛好不太咸，雞肉份量不少而且肉質十分好保持到水準。之後我們出去拿飲品，有自家制茶好方便，已包裝好一杯杯，味道濃不甜，當然仲有汽水之類仲有西式熱茶，有桃茶和熱情果，仲有日本茶選擇。 特級肥牛肉味嫩又有肉味，除了特級牛肉仲有雪花牛肉都不錯。海鮮如蝦好新鮮又爽口，魚類白鱔和鯇魚腩爽口又鮮甜，自家制響鈴不油身又脆口，十分新鮮。魚皮餃大隻啖啖肉，蔬菜方面可以出去拿菜或點如淮山，南瓜，萵筍不少選擇都好乾淨又新鮮。麵類有幾款當然叫一個出前一丁再加上午餐肉啦。 差不多食到尾段再出去拿乳酪，配上不同配料，味道不甜可以口感有點似雪芭，整體都十分不錯，又乾淨，待應收碟都幾快手，幸好今日七點已去不用等位，食完都差不多八點半門外已有不少人等入去。嘆息之菜場…Read More

之前經過利東街商場見到新開嘅呢間蘋果批店已經想試。 今次終於比我試到啦，買咗一個蘋果批同糖焦糖堅果奶油蛋糕做下午茶😌 先講講個蘋果批，蘋果批到手嘅時候仲係熱辣辣，咬落去個酥皮非常鬆脆👏🏻 蘋果餡料裏面係一粒粒嘅蘋果肉，好有咬口。甜度亦都啱啱好，蘋果味好香，但係又唔會好似某快餐店嗰啲蘋果批嘅死甜味🤭 至於個焦糖堅果奶油蛋糕，雖然細細件，但係食完啱啱好。個蛋糕嘅焦糖味，我覺得有啲似楓糖糖漿嘅味道，啲堅果碎有少少軟，忌廉清爽唔油膩，配埋一啲比較甜嘅咖啡都冇問題。 下次希望試埋其他蛋糕啦❤️…Read More

我自己就少去科學園，好友兼我女的契媽最近係科學園番工已經一個月多，趁產假未完就丟低個女入去搵佢午餐。入面可以話係無咩選擇，同埋間間餐廳LUNCH時間都大排長龍，等得黎又要急急腳咁食因為驚就黎遲到，見到呢間餐廳有部便當販賣機都幾方便，只係排一陣隊就可以拎到盒飯，上去佢office食又唔怕同其他人太近接觸。講番呢部便當販賣機，一日都有六個餐可以揀，如果想有得揀就要快啲落去排隊，因為都有好多人食，隨時手快有手慢無，今日我係慢嘅一個，所以好多餐都賣哂~ 不過唔緊要，意粉我都鍾意食。.卡邦尼意粉今日我就揀左【卡邦尼意粉】，都幾足料，而且仲有一邊係放左啲蔬菜，有粟米、荷蘭豆同車厘茄，咁就唔洗驚出去食餐成日都多肉少菜唔健康~卡邦尼意粉，唔好睇佢好似便當細細，但其實係十分飽肚，份量都幾多。意粉上面加左好多火腿絲同芝士，撈埋一齊食，口感同味道都幾豐富，芝士味好濃郁~ 套餐仲包埋一罐飲品，成個餐岩岩好，唔怪得知可以係科學園屹立左咁耐依然人氣不減。…Read More

有位朋友係荔枝角放半日，搵她食下野，無幾耐同朋友行街行到腳都軟，就是就搵左間餐廳坐下，一入到黎每人都會有一杯綠茶，慢慢嘆下茶先，兩個女仔唔係好食得多嘢，都係叫幾樣小食傾吓計燒鱈魚棒熱辣辣即叫即燒，而且燒得好香，鹹香味岩岩好，配埋酸酸甜甜嘅沙律醬，夠哂香口又好味，話咁快我地兩個人就食哂，好食到停唔到口。三文魚蟹籽手卷好足料，啲蟹籽多到滿瀉，三文魚好鮮甜，手卷食落啖啖肉，價錢好親民，CP值超高!北海道南瓜炸薯餅炸到金黃香脆，炸皮好薄又好脆，入面包有滿滿嘅南瓜蓉，食落甜甜地，有好清香嘅南瓜味，非常好食。雜錦串燒一次可以食哂幾款串燒，燒得恰到好處，雞翼充滿肉汁，啲肉仲係KEEP住好嫩滑，而雞軟骨好有咬口同入味，兩個都係我最鍾意食。蟹子沙律食左咁多好野，再食個蟹子沙律清新一下，青瓜絲好清甜，加埋卜卜脆嘅蟹子，口感豐富，健康又好食，就算之前食左好多煎炸野都無咁有罪惡感!黎到除左可以食拉麵之外，小食都好好食，好值得推介黎食~…Read More

之前post過，想介紹俾朋友時，發現呢篇無左！好彩平時會打左係手機先，有記錄😟去到餐廳入面全場都好爆，walk in 嘅朋友要早少少黎啦~落完單之後就出去睇下自助飲品同熟食，類型真係好多：熟食有熱食凍食炸物沙律，飲品清酒啤酒汽水果汁好多選擇，而已都係中高價位嘅。隔離仲有生果同甜品櫃，真係你想食咩都可以滿足你，物有所值！首先上陣嘅係鮑魚花膠黃金翅，鮑魚同花膠嘅味道香濃，魚翅爽口彈牙，的確真材實料，冇諗過係放題都可以食到名貴海味！然後到茶碗蒸，蛋蒸得好嫩滑，入面有嗚門卷、粉絲同同雞絲，配上濃滑醬汁，令口感更豐富。再黎係刺身拉盤，有赤海蝦、甜蝦、赤貝、拖羅、三文魚、油甘魚、池魚、螺片，整體都好新鮮，冇腥味。尤其係甜蝦，又香又甜，又有少少痴住口腔嘅感覺，齒頰留鮮，好食！跟住係我最愛嘅鹽燒左口魚邊壽司同燒和牛壽司，和牛有少少火炙餘溫，左口魚入口即融，濃郁味道同壽司飯非常夾，正！海膽手卷有大大份海膽係面，淨係睇已經係視覺享受，味道更加唔使講，係濃郁鮮甜海膽香味。手卷大小剛好兩啖食得哂，唔會太飽，推薦食多幾次。鐵板和牛經過加入蒜頭後鐵板快炒，風味十足又有火候，熱辣辣幾好味~之後輪到燒物炸物，鹽燒牛舌彈牙多汁鹽燒雞中翼皮脆肉嫩，炸芝士年糕煙軔濃厚，都係高水準之作。最後揀左盒Movenpick朱古力味作為甜品。原本想試多D野食嘅，但係選擇實在太多了，咁就之後再黎再試哂佢地啦！…Read More

有一日睇左個印度嘅節目,朋友恥笑我從來都未食過印度餐,講真我對印度餐嘅了解只限於food court ,從來都未去過一間印度菜餐廳吃過印度餐，我唔憤氣所以就想Openrice度搵下有咩靚靚哋嘅印度菜可以試，見到呢間啲相唔差,一於就約咗朋友嚟呢度食，丟下胖蕉老公。一嚟到店員都係講英文，所以點菜都係用英文去點，好彩佢哋都有中文餐牌，但係佢嘅餐牌太多選擇，有啲眼花撩亂。驟眼見到好多外國人同中國同胞，香港人都係佔30%左右。首先枱面會發現有三種醬料和一支要付費嘅礦泉水，如果不要礦泉水，其實他們會有其他水。三種醬料貌似很辣，有一隻就丁點辣，一隻就中級，一隻就食不到了，因太辣！第一次食印度菜，先知道原來佢哋都係一碟碟或者一兜兜，當然都知道要點咖喱，同一定要配薄餅，所以我們當然都要入鄉隨俗。先來了一個小吃，是像一個擀麵棒盛住的小吃，看起來像輕又脆，不是，是內涵豐富，香料、薯仔一起炸的，表面一層脆口，又香味道不重不會辛辣帶點鹹。芝士薄餅很鬆軟，質感有點像麵包，帶有點點芝士香，表面有點脆身，裏面有一層類似是芝士，但不會很膩，有點咖哩吃真的很配，就好似我們中國人食白飯一樣。點了一款咖喱，由於不懂那一個比較好吃，就點了一個比較熟悉嘅秋葵咖喱，呢款秋葵咖喱是不辣的，帶有香料的味道而且鹹鹹的，吃了一啖會上癮，沾薄餅吃更好。很好奇為什麼秋葵咖喱是把秋葵切到一粒粒，但沒有秋葵平常的潺潺？是怎樣煮到的？…Read More

上回提要，因為母親大人去了旅行，所以我們多了外出用飯，但是小黃剛好颱風後要去修理，我們就開小黃來了大埔破財小修一下，都用了我們一個下午，修好後都晚上了，我們就用openrice 找找附近有什麼好吃。跟住胖蕉選了吃這間拉麵，還好喜歡人家門口的燈籠。一坐下就見每人用紙點自己的拉麵，而我就選了豚骨原味拉麵，少蔥，麵要硬。先一口湯，哇，好濃啊！再吃一啖麵，我和胖蕉都覺得這家居然好食過屋企樓下有名的拉麵好多，湯底濃而不渴，味道香而不油。麵質我覺得硬嘅話，好岩胃口，拉麵就是要shi起來爽口。叉燒2塊油脂層和肉層分明，有咬口又爽，最後一口吃的流心蛋入口即融，甜甜的。我們還點了一份厚燒芝士玉子，一口咬落，好熱，但香的芝士味融入口中，有些木魚帶來有點咸香，玉子帶甜甜的，很合拍。很可惜這間在大埔，不是修車部分零件都少來，不然可以常來試其他。…Read More

胖蕉的愛心外賣，最近有點身體不舒服，加上長假期在家中休養，胖蕉剛好開車經過屋企附近，就去了買海皇粥店的碎牛粥給我吃。這個愛心碎牛粥，真的沒有屯門老字號的好吃，不過四周老字號都倒閉了，想清腸胃的時候，一係自己煮，一係光顧他們。前一日我還去過這裏買白粥，發現這間粥店比以前多了不少的客人，不過都係上年紀的。碎牛粥的牛肉應該是經過炸過，有一pat在一邊，其餘的配菜只有蔥、花生和油炸鬼，材料少得可憐，幾片的油炸鬼泡落粥到發哂，好難吃>O<！不過粥底算香和杰。如果可以分開油炸鬼，又或者唔放落去會比較好。…Read More

前陣子跟胖蕉的親友在旺角晚餐，在旺角的街道收到這間餐廳的傳單才知道有間cafe。剛好見媽媽去了旅行的星期，就計劃一下瘋狂外出行街睇戲晚餐。放工打算和胖蕉去旺角買遊戲帶，順道來了這間cafe，可能是平日晚上人不算多，一到步就有侍應姐姐問幾位坐邊，我們見到有榻榻米的座位幾得意，之前屋企裝修都有諗過這樣的設計，就試吓舒唔舒服。見到我們旁邊有樂器，我諗假日、特別日子會有音樂聚會。選好左座位之後，剛剛的侍應姐姐就介紹如何用QR code掃完點餐，現在的科技相當方便，有手機就萬里通，可以自己點自己的份。餐廳預設每set都有杯welcome drink是菠蘿沙冰，甜甜酸酸的，剛剛坐下身體還很熱飲下很透心涼。我自己就選了前菜是日式麻醬蟹柳沙律和芝士神秘波波，還有蘑菇濃湯。因為好奇心的驅使下，好想試試芝士神秘波波是神馬傢伙？！用青瓜包住一顆白色的和一顆粉紅色的，白色的是芝士沒錯，粉紅色的"波波"口感有點似蒟蒻，清清淡淡的，吃藥有丁點酸的口感，好神秘，好神奇。侍應姐姐叫我們估是什麼來，千想萬猜，原來是經過醃製嘅冬瓜！(PS: 蒜蓉包好脆，好食)蘑菇濃湯好多粒粒的菇在入面，味道真的很濃郁，是法國餐廳的水準，如果下次帶奶奶來，她一定喜歡。主菜方面，我選了安格斯牛柳配薯菜，價錢上不貴，一般薯菜都係薯條加雜菜，這家的是薯仔、甜薯、秋葵和茄子組成，有點特別。牛柳大概半成熟，不過火，鬆軟肉質不會靭，容易切有少少血水，如果喜歡吃熟一點可預早跟餐廳說，但我接受3成的人，超愛生一點。而且餐廳有提供孓然粉，可以落一些在菜和肉上增添味道，更為好味。甜品不用加錢有北海道奶凍，香香滑滑的，奶味香不太甜。飲品的水果茶很好喝，如果跟一班姐妹來一面聊心一面飲超合適，大杯茶味又重不會太甜，很解渴又清爽。但可惜胖蕉歸心似箭要回家打機，飲了一半沒法外帶，下次帶女人group再來。…Read More

早一兩個星期時係呢幢726食過飯，搭LIFT走時，停左呢層有人出LIFT，望見呢間餐廳，比佢吸睛左，於是同胖蕉呢個週末黎開餐再戰726。是日外面OK熱，入到去同外面溫度成好大對比，內裡冷氣充足，very涼快。一眼望出去係空望到成個旺角既高空夜景，環境都好開揚闊絡，燈光帶微微昏暗，環境幾舒適，令人感覺幾自在。沙律份量幾多，面頭一塊塊既三文魚塊好新鮮，捲住沙律菜食更見一流平時唔會特別好食沙律既我都不左兩轉食好多汁，帶點杰身，好CREAMY，岩晒重口味既我好喜歡呢度煮既意粉，意粉煮得軟硬剛好，不太糊口或太軟身意粉帶點挺身彈彈地牙，剛好正合我意漢堡件好大件頭下，兩個人share黎食剛剛好牛肉漢堡肉好扎實，中間分開時由兩塊外脆內軟漢堡包夾住蕃茄、厚身牛肉漢堡、沙律醬，入面好JUICY，重牛肉味，唔乾身食得好滿足，雖剛罪惡感十足， 但唔理得咁多啦，食左先講。~~仲配左個炸薯條，新鮮炸熱辣辣好脆，無炸得過火，保持到薯仔既香味同脆度，就咁輕輕灑上鹽唔畸茄汁食都好正最後點左個甜品，個樣望落好似夏娃的誘惑隻禁果影番張相吸睛係指定動作，相機食左先外面係薄薄既朱古力，唔太甜，包住入面既係慕絲又帶少少CREAMY狀既CAKE，打得好滑入口即溶，甜品帶少少微酸，口感清新唔滯圍坐周邊既花花草草，都食得，朵粉紅玫瑰仲以為係朱古力，原來係餅來的落地大玻璃高空望住旺角夜境，一路食飯，自我感覺非常良好~~~女生嘛，一定會喜歡的說食物味道唔錯，環境又靚，食完又可以坐下hea住傾計，唔錯！ 值得來吃吃看p.s: 通常去餐廳食野都要側邊夾住個手袋迫住坐，呢殊有個膠箱比埋黎網住手袋，幾貼心吓~~…Read More

已婚的我又幫別人的婚禮當姊妹，因為婚禮應該會忙到晚上，午餐的時候老公擔心我肚餓，在接另一位姊妹前，就在附近吃午餐。先泊定小黃，入停車場之前我已經找到目標了，就是很久沒有在屯門見到的味千拉麵，想起以前讀書的時候，時不時都是去吃味千拉麵，當日嘅戰友已經遠嫁日本了，而今天的伴侶就是我老公。來到味千拉麵必點的食物，就是我最最最懷念的豬軟骨拉麵，但係麵未到，老公就叫了2杯飲品，他䆁道因天氣太熱了，由停車場行過來已經周身大汗，難道不是因為肥胖的關係？我問老公覺不覺得味千拉麵的裝修跟以前有點不同，大家都不約而同地說以前係紅色的主題！對啊，原來真的裝修不同了，就算是午餐時間都係依然咁多人，不過我哋都係等左一陣就有位， 可能我哋嚟到嘅時候已經兩點，午餐嘅人都係得7788，如果下次晚餐來嘅話會唔會都係咁多人呢，我老公話應該無位。#熱情果椰果飲兩啖已經透心涼，有粒粒椰果在座，有嚼口，味道不太甜，很清新，熱情果味重。過咗幾日仍然掛念呢種味😱😢#豬軟骨拉麵呢個真係經典，每次吃味千都一定會點，豬軟骨炆得好林，一夾就可以散開，好入味，連老公都覺得好驚喜，仲要有幾大舊，份量多，木耳、香蒽、菜不會缺。仲有半隻溏心蛋，是我最愛，入口即甜，是拉麵中的甜點。麵質方面是其他店找不到的，軟硬適中，所有回憶都湧現，我切切確確是一位味千拉麵的忠實粉絲😍#鹽味雞翼雖然佢係話鹽味雞翼，但係第一口咬落去係蜜糖味加鹽味，即係又咸又甜嘅口感，好特別，中間還有點點的黑椒味，香口的小食，不錯這個餐廳的商場是很方便泊車的，可以留意一下他們的泊車優惠，屯門之友可以有空開車過來試下…Read More

經過這間蛋糕店，老公雙眼有星光，突然就話好想吃蛋糕，那麼我們帶咗晚小朋友去玩完一輪之後，就買蛋糕回家吃。#草莓蛋糕這個是店內第二受歡迎的蛋糕，草莓蛋糕裏面一層層，不算太甜，入口溫和， cream不會太膩，草莓都是甜的，怪不得小侄女都吃掉半個。#千層蛋糕這個是店內第一受歡迎的蛋糕，用蛋皮一層一層包住cream和蛋糕，但是真的非常之甜，不太像日本人喜歡清淡的口感，可能她用了的糖漿是特別的吧？#熊貓蛋糕這個是大姪女要求要買的，但是白色的白朱古力慕絲部份實在太甜了，小朋友都未能吃得太甜，所以都係交給我老公處理。不過這間蛋糕店普遍來說價錢都是優惠，買了另外的丸子串$8，味道算不錯，本身想影多幾張相，但是我的姪女們已經急不及待伸手取蛋糕了。。。…Read More