foodiejohn的个人专页

今日難得有半日假期，同朋友去了荔枝角行街，附近搵了一間餐廳去試，外觀上雖然平平淡淡，尚算舒適寬敞，但食物質數非常有驚喜！一陣續一介紹！因為我地今次得2個人黎食，只能叫左一個lunch set 同 pizza set ! 但超級豐富我地叫左Parma 風乾火腿 pizza set + 黑松露大蝦意粉lunch set + 小食 蒜香巴馬臣芝士雞翼首先係洋蔥湯，夠熱夠足料好多洋蔥，洋蔥味濃，幾好飲（如果份量多啲就好啦）蒜香巴馬臣芝士雞翼之後好快就黎左 蒜香巴馬臣芝士雞翼，皮脆有肉汁 有蒜味 但如果芝士再特出啲好正！黑松露大蝦MANCINI超粗意粉跟住有黑松露大蝦意粉 份量夠大意粉夠乾身 ，口感不錯，蝦夠大隻夠爽口，但如果黑松露味再特出啲就好啦 Parma 風乾火腿+$48porma ham, buffalo mozzarello, orugulo最後黎到今日嘅最驚喜主角，Parma 風乾火腿 pizza ，雖然我地今次叫 呢個pizza 款式 算係一個較傳統既款式，亦都係唔同pizza餐廳都會出現 ，都想試下比較有咩分別，因為係set 所以pizza size 一家係 9 inch，但對於一個人 作為 lunch 呢個份量一定足夠，而且好足料，成個pizza鋪滿晒 parma harm同火箭菜，而芝士因為用左水牛芝士，所以好balance 到成個味道，creamy 得黎好夾parma harm既油香，而成個pizza 皮，厚薄適中，脆口煙韌，唔太乾！下次要再試總括而言，因為我地今次得2個人黎食，只能叫左一個lunch set 同 pizza set ! 但已經好豐富好滿足！非常推薦 一班朋友聚餐，因為可以叫好多唔同口味既pizza去試！係一個性價比高的隱世餐廳！…查看更多

又係尖沙咀度搵食，天氣咁凍緊係慢慢打邊爐，坐耐啲同三五知己，舒舒服服吹吓水松茸雞翅冬瓜魚鍋好大鍋，湯有好甜既冬瓜、雞湯味，松茸味都好香！飲落去好滋補，清清地！基本上飲完個湯、食埋啲雞、再食啲冬瓜，其實都已經半飽！美國安格斯牛肉上菜好精緻！安格斯牛肉嘅花紋好靚！都好新鮮！係鮮紅色的，入口嫩滑，重牛肉味！鴨血好大片～ 口感好！唔腥！竹笙好厚好大塊！好爽口！彈牙！口感滿分！響鈴都夠脆！大大卷仲有擺得好精緻嘅豆腐～豆腐夠滑都好重豆味總體而言，個松茸雞翅冬瓜魚湯底真係滋補，清清地，食到野食既原味道仲好重冬瓜味！…查看更多

今日同朋友去油麻地區食嘢經過呢間Cafe，好少人，睇OpenRice嘅評論都唔錯環境好靜，喺內街嘅入面有一個好大嘅玻璃窗，睇返出邊嘅街景乾炒大蝦蒜香意粉：扁意粉炒得好乾身大蝦幾彈牙，加埋菇類、香蒜，紫菜都幾香口龍蝦湯配牛油果大蝦稻庭烏冬湯同烏冬分開上，要自己加熱湯入去烏冬入面幾好玩，熱湯真係有嘅龍蝦味，唔喊、冇味精，食到咁上下再加湯，令湯保持熱度，大蝦有四隻都幾多，稻庭烏冬好煙韌、口感幾好Dirty: 算幾濃，有豆香，唔錯…查看更多

冬天今晚想食一碗暖暖既麵，簡簡單單咁，見到呢間拉麵店好吸引！日本過江龍，用蠔做拉麵湯底、做野食，我本人都好鐘意食蠔，但就未試過蠔融入係日本拉麵店度！見到menu，拉麵款選擇唔算多，好容易落到決定！一定會叫既係招牌：牡蠣鹽味拉麵牡蠣鹽味拉麵先飲一啖湯，真係好濃厚既蠔味，唔係咸既味精味！正！拉麵好掛湯，加有好多配菜/蔥粒，增加成個麵口感，做到清新唔油膩，好有層次！可惜麵量唔算多～好想再食多點醬漬牡蠣一口飯一上枱已經賣相好吸引，聞到好香嘅蠔味，醬漬蠔味有點似金蠔氣味。一入口蠔好嫩滑之餘，帶有好creamy 好濃郁蠔味，比生蠔香，但唔腥，原來熟嘅蠔都可以做到入面內軟嘅口感，醬油已經入晒味，咁做法仲好食過生蠔！加埋飯同紫菜夾住咁食，冇得輸！煙燻黑椒豚骨拉麵豚骨湯好creamy，豚肉好嫩，黑椒味唔會好濃冇蓋過豚骨味～…查看更多

係銅鑼灣同朋友食完正餐，覺得唔係好夠飽，決定留肚食甜品，附近Hesheeat 位置最方便，梳乎厘班戟又好似幾吸引，就上去試試～叫左宇治抹茶黑芝麻梳乎厘班戟 加一杯燕麥乳酪奶昔(^_^)v宇治抹茶黑芝麻梳乎厘班戟宇治抹茶醬夠多，濃濃既醬加配梳乎厘食，梳乎厘空氣感十足，都有半濕軟既海綿蛋糕感覺。我鐘意呢種口感！加有紅豆、小丸子、蕨餅，每樣都有唔同質感，配黑芝麻cream會比較甜，跟個人喜愛甜度加入就可以燕麥乳酪奶昔淡淡既燕麥味，仲有d燕麥粒粒，配酸酸既乳酪奶昔，清新，唔會好甜，中和番甜品既甜～…查看更多

年底了～好有節日冬日氣氛～同朋友喺尖沙咀行街見口渴，最近就喺呢間當文歷餐廳，但係我知道佢哋出名甜品，堂食要排隊，所以打算買兩杯飲品就算，一杯Mocha一杯Latte。Mocha分量都幾大杯，一飲落去好濃濃嘅朱古力味，係可可豆既味道，係高質嘅～唔係死甜嗰隻！呢個真係有驚喜，估唔到呢度嘅Mocha飲品都咁出色!Café Latte （凍）咖啡豆味有，唔會酸，加埋奶比例岩岩好👌🏻順滑，好味😋相比之下～Mocha呢杯我下次一定會再嗌～幾有驚喜…查看更多

約朋友尖沙咀食晚飯，食泰國菜最出名都數一數二係呢間～環境大，4個人有卡位坐得舒服！先黎椰青冬陰功湯：唔算好辣，岩番香港人口味，都岩哂我！帶椰香～酸辣平衡，仲有各種海鮮、菇類，一路保持溫度熱辣辣～香芒軟殼蟹米紙卷： 芒果夠甜，配合埋酥脆軟殼蟹、粉絲、香葉、青瓜配料⋯好味好有層次！勁開胃！必食推介！炸蠔餅：剛炸好，脆卜卜唔油膩！好多蠔仔串燒沙嗲：有雞、豬、牛串燒：燒得好香，醃料都已經幾入味，但我好欣賞個汁，帶酸酸地、好惹味，中和番糯米飯同串燒既油膩/滯口！生菜包： 偏辣，但肉碎同配料炒得好香整體來講：泰國菜食物水準都幾高！ 環境都算舒服，位置又方便！難怪咁旺場！…查看更多

今日經同事介紹，叫我試吓呢間好出名既米線，係元祖級正宗雲南米線！店面裝修好舊，好小店形式，好似大牌檔咁，放lunch時間都已經好多人。我叫左碗腩肉大腸米線（酸辣）配支豆漿：賣相好正！熱辣辣，湯底好濃，酸酸辣辣，好重蔥香！腩肉已經煮得好入味，大腸都偏肥，食到好有鑊氣味，比出面d米線鋪多左份大牌檔既惹味！另外想講下個米線麵質，比以往食既煙靭，有咬口，都比較粗身，個人黎講，我幾鐘意！味道真係偏重口味！但呢個係獨有既風味～…查看更多

晚飯時間，餐廳都比較多人，所以今晚選擇叫外賣返去食！呢間食評既評價都唔錯，唔係熱氣野，今晚一試～招牌卡豬軟骨野菜咖喱湯烏冬：咖喱湯好濃稠，好香～係日式甜咖喱汁～豬軟骨好大舊，煮得好淋身，好似食緊炆牛腩，咁好多軟骨嘅膠原，超級入味！野菜配料好多。烏冬嘅麵質好好。好滑！好煙韌係高質嘅烏冬，仲好掛湯！醬汁溏心蛋（日本產）：入味，嫩滑軟煮牛肋野菜咖喱飯：打開個飯盒～嘩，啲餸菜仲多過啲飯，牛肋煮得好淋身，夠入味，咖啡味岩岩好，仲有蓮藕片，好好送飯昆布湯：味道剛好，唔咸！…查看更多

今晚黎個早飯，趁早、又未到繁忙時間、唔洗排隊，去食晚飯先！呢個日式餐廳係度都有一段時間，我一直未有機會試下！個餐牌入面d丼飯都幾多選擇下，咩季節限定、咩類型都有，如果都唔岩自己心水既話都可以自己搭配！ 我就已經睇中左一款: 吞拿魚腩蓉.溫泉蛋.三文魚籽丼呢個配搭預期應該好好味🤤吞拿魚腩蓉.溫泉蛋.三文魚籽丼：配中華沙律、麵豉湯麵豉湯都幾多料！唔係只係湯！入面有紫菜、豆腐皮、京蔥絲等，味道豐富有層次！丼飯：賣相唔錯👍🏻吞拿魚腩蓉同三文魚籽 望落去都算新鮮，再將溫泉蛋拌勻，呢個配搭實在太好送飯啦！每一啖都食到吞拿魚腩、加埋三文魚子嘅鮮甜！再加埋溫泉蛋嘅蛋香、濕潤口感！…查看更多

今日lunch 同同事行遠少少去黃埔海濱附近chill，嘉里酒店入面有個大food court ， 又冇乜人，唔洗排隊，地方闊落張枱又夠大，環境舒服～ 入面有好多餐廳可以揀，日式、泰式、中式、西式⋯乜都有，我揀咗個日式丼飯：日式溫泉蛋燒牛肉丼飯：牛肉燒得好香～牛肉唔會好硬/好乾，仍然有肉汁！個汁好正，啲洋蔥又住得夠香，而且好淋！送飯一流呀！配埋溫泉蛋夠濕潤！加埋蔥花同一啲醃咗嘅蘿蔔，增加個口感！冇咁油膩之餘，非常之有層次！…查看更多

知道荃灣附近有好多嘢食，但我同朋友偏偏都唔想食太大型嘅連鎖店，又想食啲開胃嘅嘢，於是去咗呢間越南小店。蝦肉卷撈：蝦肉卷，啱啱炸好熱辣辣，好彈牙亦都好有蝦味！質感好似泰式蝦餅。配料方面有青瓜絲、生菜絲、蔥花、香葉、蘿蔔絲、花生！ 我特別鐘意羅勒葉！撈埋一齊食口感豐富，味道好有層次！加埋個汁、酸甜開胃！胃口大開！唔怕食濟！牛油果沙冰：雖然牛油果味唔算重，奶香味比較多，但鐘意好似奶昔既好順滑既口感，唔會食到一粒粒既冰塊！整體來講，味道都唔錯，越南小店值得支持！…查看更多

夜晚同朋友喺觀塘工廈附近慶祝生日，於是叫咗呢間台灣美食外賣芋泥肉鬆蛋餅芋泥肉鬆好足料！一濕一乾嘅組合包埋一齊，口感豐富！好香！同蛋餅非常之夾！拉絲芝士火腿蛋餅帶芝士火腿嘅鹹味，夾埋蛋餅一齊食～都唔錯👍🏻台灣夜市小食拼盤入面有台灣腸、花枝丸、鹽酥雞，揸得好酥脆、香噴噴。花枝丸夠彈牙！台灣腸夠鹹香手撕雞便當雞味香濃，肉質嫩滑，而且加埋好多配料，例如青瓜絲、台灣腸、滷水蛋～整得好香口，而且好入味，旁邊咁多配菜一齊食，口感特別豐富又清新！蜜汁排骨便當排骨甜甜地，炸得剛剛香脆香蔥紫菜滷肉飯魯肉肥瘦適中，好多紫菜鋪喺飯面，而且加埋蔥、魯肉碎一齊食、好香！送飯一流！整體來講幾好味！ 下次會去堂食，應該仲好食！…查看更多

之前已經有兩三年冇嚟梅窩，發覺呢度變得好多。難得黎到兩日一夜渡假，第二日朋友介紹我去一間新開好隱蔽嘅Cafe，我見到圖片上嘅環境好靚！好吸引！於是預約第二日朝早去！好期待！交通方面，離碼頭唔算近，要行一段路，要喺消防局走入去，但係我覺得位置唔算太偏僻，只係行20分鐘左右就到，咁話明隱世，咁梗係唔可以位於鬧市啦！見到門口覺得已經好有心思！已經有員工淋緊花草樹木，整左好多田園裝飾，好多花草。咁啱門口仲有隻店主貓！非常之可愛！而且入面地方好大、好休閒。好似去咗外國度假嘅感覺！勁chill餐廳方面：可以選擇嘅食物唔算多，總共有兩頁紙我叫左個Avocado Toast (Avocado, Tomato, Ricotta Cheese, Coriander, Red Onion)加一杯Flat White個景又靚、食物賣相又靚、個天又靚，簡直係無敵！唔怪得知咁多人慕名而來打卡！個toast焗得好脆身，牛油果同車厘茄嘅結合好清新，帶少少酸甜感覺，做一個輕食嘅早餐杯Flat White咖啡同埋奶嘅比例啱啱，好飲到豆香，又唔會帶酸味雖然呢間餐廳交通環境唔算方便，但係行遠少少入嚟，可以喺呢度享受咁正環境，咁好嘅地方，留喺呢度幾個鐘都值得！同埋我好欣賞店主對呢個地方嘅用心經營！…查看更多

今晚同朋友喺油麻地廟街搵食，見附近煲仔飯大排長龍，隔離有間隱蔽d嘅拉麵店，因為門面普通左d，平時可能冇留意，但今晚決定食拉麵啦！睇落去⋯係一間小本經營嘅日式拉麵舖頭，入面環境新裝修，而且用心製造好似喺日本小店嘅感覺，發現餐牌有好多拉麵嘅選擇，同出面嘅拉麵譜一樣可以揀麵質嘅軟硬度，而且可以自選再加配料，望落去黑蒜油豚骨拉麵好似好吸引～黑蒜油豚骨拉麵 $88好大碗！已經聞到好香嘅黑蒜味，而且上菜嘅時候比佢大塊嘅紫菜吸引住，好誇張！先飲一飲湯，湯味好濃，而且豚肉四邊被燒到微微焦香！燒完嘅油脂，更加香口！正！糖心蛋嘅都整得好入味！煮既時間剛剛好，嫩滑！而且我揀嘅麵質係屬於適中，岩岩好！麵底做到掛湯效果，非常唔錯👍🏻 大量嘅京蔥絲同蔥花好香，亦都增加咗成個麵嘅口感！…查看更多