越翠苑 (已結業)

知道荃灣附近有好多嘢食，但我同朋友偏偏都唔想食太大型嘅連鎖店，又想食啲開胃嘅嘢，於是去咗呢間越南小店。蝦肉卷撈：蝦肉卷，啱啱炸好熱辣辣，好彈牙亦都好有蝦味！質感好似泰式蝦餅。配料方面有青瓜絲、生菜絲、蔥花、香葉、蘿蔔絲、花生！ 我特別鐘意羅勒葉！撈埋一齊食口感豐富，味道好有層次！加埋個汁、酸甜開胃！胃口大開！唔怕食濟！牛油果沙冰：雖然牛油果味唔算重，奶香味比較多，但鐘意好似奶昔既好順滑既口感，唔會食到一粒粒既冰塊！整體來講，味道都唔錯，越南小店值得支持！