ahnui的个人专页

小肥羊和其他外地來的食肆一樣，永遠都糾纏在相同的一個難題上，就是究竟應該保留自己風格，還是應當港化。很久沒有到小肥羊了，他們選擇了港化。餐牌上多了芝士腸，午餐肉一類的地道品種；可幸的，餐牌上仍有足夠的品種，點一桌全羊餐，而且還是堅持不設豉油、醬汁，只靠湯底的味道。東西還是不錯的，必吃的是羊肉丸子和羊肉餃子，還有黃金蔥餅。記著羊肉一定要點最便宜的品種；不知為何，他家的羊肉是越便宜越有羊肉味。新近改良了羊肉串，這個不能不讚，肉粒大了很多，由乾巴巴的肉渣串，變了南洋沙爹，好吃！有些冷門的就沒有了，以前有一個蕎麥的窩窩頭，一大盤的，豪邁到極點，絕對是男人吃的，又粗又寡。吃一盤，保証可騎馬來回蒙古和中亞細亞都不會肚餓。問你服未？小肥羊眼見日本和牛受歡迎，他貴價的羊肉全叫『和羊』，看來，『和雞』，『和鴨』，『和貓』，『和狗』指日可待。…查看更多

其實每一間大酒店的自助餐都有自己的名菜，知道的話，吃起來自然多一點樂趣。日航酒店最好吃的是：雲吞。還可以加很多蔥和韭黃來吃；自助餐嘛。第二，他的中西餐湯都有水準。第三好吃的是燒牛肉，很好很好的一塊燒牛肉，是燒帶肋骨的 short loin ，和其他餐廳燒小小的一塊牛柳，不可同日而語。最後是有咖哩 corner 由星馬的印度朋友主持；他的花生薄餅和拉茶必嚐。其他大家可能有興趣的還有，鵝肝，松茸燉蛋，crepes，亞拉斯加蟹腳；都係嗰的嘢啦。今日年初一加情人節，送燕窩糖水及日本年糕。之後有情人節『愛的宣言』作句大賽。我參加了：『假如妳要我在金錢和妳之間作一個選擇，很抱歉，我沒辦法不選擇金錢。但妳能令我要選擇妳或金錢已經極之難得，因為我愛錢如命！』…查看更多

今日人多，適逢年廿八，太子花墟一帶兵荒馬亂，飛沙走石，無處落腳，於是閃了入此店。坦白說：食物很糟。日本店在下面五樣嘢必需有一樣才可生存，食物好，賣相好，有特色，有氣氛，價錢平。佢似乎全欠奉了。還有，吞拿魚最近是貴了很多，但絞吞拿魚總不能溝水溝雜質，咁唔掂的。最後總要找些東西讚讚：員工們不錯，啤酒杯不錯。…查看更多

金豪這店，可算是個奇葩。我六時二十分到達，才小貓三兩，要店員安排座位，竞然面有難色。找來領班大佬，左度右度；我不禁失笑。原來菜牌上都夾著陳先留座，李生留座；再看清楚：陳李張黄何周先生都有，無一空桌。這麼人齊，最近都甚少人用這老套辦法。最後坐下一張生留座，暫代一下張先生。點莱。雞煲翅六两要兩百多元，問店員今天有没有；他說：「可能仲有多少掛」。聽到這裡差不多笑了出來；再問，上湯菜胆雞半隻；他說：「過年雞貴要多廿蚊半隻」。好嘢！咁都講得出口。點了六兩趐，半隻雞，一煲啫啫田雞，豉油皇炒麵。隔冇耐，伙計竟然攞六兩翅我睇。雖然只係翅群，但足曬秤，後來共四飯碗！煲雞湯翅上嚟，原本係澳門規矩，成隻雞喺番道，奶白色湯，點點浮油，再放番的翅落去，唔係一般酒家呃吓呃吓嗰種。嘩，美味。上湯雞係新鮮雞。田雞有很多很多蒜子。炒麵都十分認真。整體味道很好。坐了十五分鐘，陳、李、張、黃、何、周，真係到齊。我曾答應七點三交檯，君子一言，七點二打包返屋企再食過。我敬你金豪老實。交檯！按：又可以自來酒水 and 啤酒好夠凍…查看更多

昨天喝剩了半支酒，今天再接著找了間免開瓶費的食店。這是酒樓。後生仔女唔興的，後生仔女明明吃中菜，都要找個名字特別的，像主題餐廳。其實戇居嘅，只是給人家藉口，呢樣冇，嗰樣冇，叫碗淨麵都冇，粥又冇；好多時仲俾多ge錢。我食左：香檳龍蝦( 即係鮮忌廉汁) 炒花枝蝦球 梅子排骨 花膠扒 紅豆沙沙（送嘅）有兩味要講: 香檳龍蝦，是招牌，僅二十八蚊隻。每邊有兩大啖同一細啖肉碎，汁是鮮忌廉，好香奶味。花膠扒$128，有十吋 X 四吋，夠厚；兩味都超值，整體碟頭大。這裡服務也很好。我六點二到達，仲集體訓緊話，紀律甚嚴。中式酒家分四級：第一級，食飽就算，唔好要求。第二級水準一般，間有佳作。第三級，整體很好，烹飪出色。第四級，殿堂級數，極少失手。以上只論味道，其他一概不論。此店三級。價錢$358 ，你話呢？…查看更多

新餐廳，中環搬來MK。以下數百字都係叫你試吓，似鱔稿；不過其實真係唔係。你試過唔掂，俾個劣評，佢就玩完。點解要幫襯：1) 旺角冇好的法國菜。有要求，唔想食雞亦、意粉；你話我聽去邊？2)平。只係中環1/3價錢，散點四道菜每位 $1503)免開瓶費。邊個識食唔識飲酒？自由帶酒多好。我食左乜？煙鱔，蕃茄湯，洋蔥湯，鴨腿，魚扒，焗猪扒飯，焦糖布甸，茶。 酒自來，portugal pink port 馬莎有售，唔駛一舊。超水準。 不過而家香港地，乜都要講左壞處先，以下壞處有：1)得一個waiter，就係『阿妹』，佢好忙：飲湯連麵包都冇俾我。2)碟頭細，如果閣下仲要發育，最好去其他飯店俾5蚊叫人幫你加底，唔好黎呢度。3)冇檯布，夾檯細，真係似巴黎的小店4)燈太光，唔好做唔見得光嘅嘢。5)人少，無氣氛。6)黑布街，地點弱。但係唔黎試吓，你自已損失，佢應該係MK食French No.1…查看更多