William_MU的个人专页

行行下太古城突然想食泰國嘢，於是就去左這間鋪頭，排左10分鐘就有位。order左6樣餸。第一樣，泰式鹵水豬手，價錢$98。豬手嘅肉質好嫩滑，淋到唔駛咬都得，而且幾入味。第二樣，脆皮烤乳豬，價錢$198。乳豬皮脆口，肉都軟熟，泰北醬都幾特別。第三樣，波羅海鮮炒飯，價錢$108。蝦都大隻，波羅大粒，飯炒得適中。第4樣，串燒，價錢就唔記得。味道就跟其他泰式餐廳差不多，ok。第5樣，芒果樹黃咖喱炒蜆，價錢$148。咖喱入味，如果配埋麵包就正。第6樣，袖子沙律，價錢$98。這個就一般，可以唔叫都得。…查看更多

尖沙咀K11 musea 都唔係第一次黎，這商場都幾多嘢食，不過有幾間鋪頭都幾多人排隊，心血來潮想食沾麵，於是就揀這間。門口見都係10幾個，但最後排左半個鐘。order左兩款麵。這個豚鴨沾麵，價錢$168。湯底好入味濃郁，肉質都鮮嫩，蛋都唔錯，沾麵硬度就適中。不過都係中目黑果間好食好多。另一樣，醬油拉麵，價錢$128。這個拉麵同湯底就普通些，不過比一籣好少少，蛋都合格。總結係沾麵好過拉麵，但係都係個人喜好。我都係掛住日本嘅沾麵拉麵多些。…查看更多

近期鰂魚涌海光街開左好多食店同cafe，成日都見食lunch 時間都好多人排隊，今日見到唔多人排隊就來試下，排左15分鐘。order左個日式all day breakfast 。價錢$118。平時嘅cafe好少俾紫薯，紫薯整得溶，但食落就好有口感，而煙三文魚應該係挪威貨，炒蛋就好軟滑，加埋個麵包食就一流。cold latte ，價錢$42。味道跟其他cafe差不多。間cafe雖然細，有5張枱，不過內在裝修有d日式味道。…查看更多

睇IG見到4月開始有唔少知名人士去呢間餐廳打卡，應該係新開張。見到呢間鋪係尖沙咀k11有間，呢間應該係分店。上網見到個tea幾吸引，咁就上openrice book位。order左個 always in love with you 。轉alcohol ，價錢$298/1，未計加一。賣相好吸引，絕對襯得起山頂嘅高貴氣派。座窗口位見到山頂及對面離島嘅景色。正。這個伯爵茶忌廉泡芙，賣相好吸睛，有淡淡嘅伯爵茶味，而咬落去，個口有好full嘅滑溜忌廉。玫瑰荔枝奶涷，面頭有塊朱古力，下面嘅奶涷有好香嘅荔枝味，不過唔算甜。紅寶石朱古力雲卷，味道就似普通蛋捲味，但係上面塊白朱古力又幾香口。苿莉花馬卡龍，面頭有金箔點綴，幾脆口，但唔太甜，因為出面嘅馬卡龍大部分都好甜。這個就唔錯。寶盒係裝英式鬆餅，鬆餅脆而香口，仲要係熱，就更加好味，再配上紅桑子果醬及德文郡忌廉，兩種各有特色，一定要加上鬆餅到食。紅石榴流心芝士餅，這個味道就比較少食到，幾特別。另外鹹點有3款，煙肉芝士撻，皮脆而且薄，煙肉帶點鹹，但相當夾。蘑菇酥皮盒，同樣皮脆，蘑菇好有鮮味，好有咬感。鮮蝦忌廉薯仔條，這個炸粉唔厚，外脆內軟，蝦亦新鮮。好味。兩種alcohol ，Brut rose比Rizzi甜。兩款味道配這個tea都好合適。總結，在這咁好嘅環境食到咁好嘅食物，再望到山頂對出嘅風景，係度hea一個下午，都係種享受。門口就係粉紅色為主。亦係打卡位。outdoor 擺設亦配合tea嘅主題。…查看更多

同舊同事敍舊，幾個都住上環西環，於是有人提議這間，不過見到網上評語好壞參半，咁就試下。order 左5樣嘢。第一款，肉骨茶，價錢$138。味道都算跟足馬來西亞同新加坡，有同樣嘅胡椒味及藥材味。第二款，馬來炸雞，價錢$108，5件。炸得好差，唔脆，同埋比較乾，覺得kfc仲好些。第三款，海南雞飯，價錢$138。味道又出奇地唔錯，雞肉鮮嫩，油飯都正宗，但係份量比較少。而湯就比較淡。第四款，椰漿飯併盤，價錢$128。雞同樣比較乾，椰飯冇椰子味，唔得。第五款，檳城炒貴刁，價錢$128。這個又炒得好正宗，有鍋氣，同馬來西亞味道，不過同樣份量好少。總結，真係好壞參半，都唔知係唔係唔同師父煮，而且份量比較少，好似唔想俾人食咁，不如在餐牌上加多些錢，份量俾多些仲好。…查看更多

平時都係在氹仔或路氹果邊食嘢，好少會去舊區同新口岸果邊食嘢。朋友介紹新口岸果邊有間唔錯嘅葡國菜餐廳，所以就去試下。幾個人就order左3樣嘢，食物都幾大碟。第一樣，什菜馬介休魚，魚都算多塊，魚質鮮嫩。第二樣，羊架，整得幾嫩，冇蘇味，好香口。第三樣，葡國牛尾，先講這個汁，整得好濃郁，配飯一流，而牛尾都整得好淋，咬口鮮嫩。總結，這間餐廳雖然冇華麗嘅裝修，不過味道就帶有葡國味道。味道好過而家嘅木偶好多倍，所以值得推薦俾朋友黎試下。但係這間比較偏僻，走果陣最好搭返的士去碼頭或其他酒店巴士去返路氹果邊嘅酒店比較穩陣。…查看更多

在澳門銀河行左一陣，經過這個悅榕吧，其實這間酒店係貼住銀河，不過一d都唔起眼，但係設計得有格調，好有泰國味道。於是就睇下有咩好食。這裡別樹一角，好清幽，最適合傾偈同hea。即興想食d甜嘢，就食個任食甜品tea。雖然只有10幾款選擇，不過都夠，味道都唔錯，cheese cake味道濃郁，餅底脆。鬆餅同葡撻夠熱，冇因為平，就將貨就價。馬卡龍都唔差，不過食兩舊就夠。仲有其他甜品，這裡嘅侍應唔錯，keep住refill食物。飲品就有好多選擇，有咖啡，中國茶，西茶。而果汁就任飲，有橙汁，西瓜汁。總結係抵，環境清幽，座位又舒服。…查看更多

住氹仔這邊嘅酒店，當然要黎氹仔舊城食下嘢，記得10年前黎過這間鋪，味道都唔錯，於是就去食下佢嘅葡國菜。我地4個人order左個4人餐，價錢$998，未計加一。先黎，餐湯加麵包，味道普通，跟出面餐廳差不多。跟住就係黎餐酒，可揀紅酒或白酒，應該都係超市貨，都係一般。到主菜，就當然有馬介休，同葡國豬排，仲有沙律菜，仲有個炒飯。馬介休冇當年嘅味道，而且豬排上枱果陣都唔太熱，炒飯就好普通。總結係，可能這間餐廳已經換左廚師，冇10年前果種葡國味道，如果這個價錢的話，可以去其他食好些。感覺有點失望，同行嘅朋友都有這個感覺。如果大家唔信嘅話，可以黎試下，係咪冇10年前咁好味。我好少俾這個評語，可惜今次真係sorry 。風景依然，味道不再，有點感慨。…查看更多

住巴黎人酒店當然係因為佢夠新，同埋睇佢個鐵塔。當時做緊promotion ，訂房送早餐buffet ，咁梗係要試下。果日差不多10幾落到黎，我目測裡面有好多枱，不過都差不多座左9成客人，可能大部分都係免費。等左10分鐘就有位。先黎第一round，炒蛋好多人排隊，炒得幾香口，而且配窩夫一流，窩夫都係即制，不過每次數量唔多，但整得快，食住其他嘢返黎就有得食。這間嘅款式比較多選擇，有三至四十樣，有中，西，泰，日式。另外，有唔同嘅咖啡揀，我都飲左幾款。侍應執碟都好密，抵贊。…查看更多

由於下午玩到好攰，夜晚果餐想在威尼斯人酒店附近食，見到這間冇人排隊，加上價錢吸引，就唔諗，就入左去。都係食大路嘅生蠔同魚生先，每次都係俾3隻生蠔，同埋每款魚生4舊，味道一般，生蠔細隻，要食一打先夠。長腳蟹就冇乜肉，食左兩隻就冇食。其他熱食都係大路嘅食物，味道都係一般。咁就唯有去搵甜品食，因為酒店嘅甜品應該唔會差得去邊，甜品都算多款式， 好在葡撻算熱，其他甜品味道都合格。最尾梗係要食返兩杯 haagen-dazs先夠，因為係任食。總結，這間價錢算平，不過味道就一般。…查看更多

澳門朋友介紹這間中菜廳，話抵食又好味，當然要黎試下，因為黎澳門通常都住巴黎人同銀河，好少會黎JW這邊，座低見到個餐牌都嚇親，5星中菜廳竟然兩百蚊都唔駛就有咁多嘢食。先講， 珊瑚翡翠希子餃，三色分明，咬落去帶子彈牙，帶子亦新鮮，好正。鮑魚燒賣，兩者好夾，平時好少食到，口感一流。跟住，這個蟹子蝦餃皇，皮薄多料，見到好晶瑩剔透，蝦好新鮮。跟其他酒樓係有分別。而叉燒同油雞都係水準之上， 叉燒肥瘦分明，燒到剛剛好。干炒牛河，炒得好，夠干身，唔油，牛亦爽口。娃娃菜，湯汁清甜。叉燒腸粉，皮薄，舊舊都肉，叉燒唔硬。最後有流心朱仔包，整得好精緻，唔捨得食，內裡仲好熱，流沙好濃郁，帶點甜，好食。所有味道都好回味，值得再試，希望疫情快d過去，可以再黎澳門食好嘢。餐牌同裝修都好華麗，配得上5星酒店。…查看更多

聽朋友講過話利園有間唔錯嘅中菜餐廳，於是就搵幾個朋友黎試下。門口同餐廳裡都裝修得時尚有格調，有別於一般中菜廳。order左好幾款主食。第一款，黑松露珍珠燻溏心蛋，價錢一件$34。上菜果陣，侍應打開個蓋d煙就會散出黎，有視覺效果。味道方面就煮得剛剛好，配合黑松露，就好味。第二款，東坡千層寶塔，價錢$328。整到一座塔，賣相都幾好。睇到師父嘅刀功勁，切到好薄。味道入口即溶，加埋個汁，口感唔錯。另外會有包俾你夾住食，可以吸埋d肉嘅油落個包到，又有另一個口感味道。第三款，金牌小籠包，價錢$75。味道就同出面食差不多，冇乜驚喜。第四款，瑤柱蛋白炒飯，價錢$142。都係跟一般中菜廳差不多，炒得一粒粒，算乾身。合格。第五款，上海粗炒，價錢$128。這款差左少少，比較多油，同埋份量比較少。第六款係甜品，高力豆沙，價錢唔記得。味道唔錯，唔係好甜，內裡夠熱，彈牙。總結係廳牌仲有好多嘢想試，希望下次有機會試埋其他菜式。門口都整得時尚。…查看更多

經過荔枝角某大廈，見到有幾間飲品店，心血來潮想飲下台式嘢，於是揀左呢間。因為覺得門口有誠意裝修，就入左去睇下有咩嘢飲。門口嘅打卡位? 好一句，一口茶蓋上心頭。揀左這杯，布蕾波波鮮牛乳，價錢$28。第一眼俾個杯蓋吸引，係心型，都有誠意，終於明白點解門口寫，一口茶蓋上心頭，原來係咁解。味道唔錯，感覺幾軟綿綿，有奶味，唔太甜，如果太甜就會蓋過牛乳。店員都整得幾快，有效率。仲有其他天然水果茶，下次要黎試下。…查看更多

金鐘果間香格里拉就食過幾次，九龍這間都係第一次食。用信用咭好似有7折，因為老闆請，所以唔清楚價錢，原價好似要7百幾蚊。第一轉梗係要食生蠔同海鮮。生蠔都新鮮，海水味都夠，不過就細隻左，所以要食一打先夠。而刺身用蟹都合格以上。鵝肝配漢堡同羊架都算好食，但係其他肉類就冇咁好，有d硬。其他熱盤都可以， 灌湯餃合格以上，不過一個就夠，因為要留肚食甜品。cheese cake唔錯，梳乎里每次有限，好多人想食，味道都好味，其他甜品都好食，個人覺得應該好過熱盤。總結，這個價錢未能做到5星酒店嘅食物水平，有待改善。風景就冇，都係望馬路。金鐘果間風景好些…查看更多

同朋友行過文武廟附近，大家都未食lunch，見到附近好似冇乜食店，上網搵下原來係文武廟隔離有條斜路轉右有條街再行入幾間鋪頭有間茶餐廳，都算隱蔽。入到去一望，平日都有一半食客，應該都唔差。我地order左一個tea，一個all day breakfast 。先講個，奄列班戟all day breakfast 。價錢$68。都好足料，有奄列，腸，煙肉，豆，菜，蕃茄，比起一般cafe黎講都算平。味道ok。另一款，係大路嘅茶餐廳tea，價錢$36。魚柳同炒蛋煎得炒得剛剛好。合格以上。兩樣食物都比想像好，因為這個價錢在中上環黎講算平。不過比較偏遠地鐵站。這裡落單用QR code 。同埋冇得用8達通，只收現金。記得要帶錢。…查看更多