萬豪中菜廳 (已結業)

澳門朋友介紹這間中菜廳，話抵食又好味，當然要黎試下，因為黎澳門通常都住巴黎人同銀河，好少會黎JW這邊，座低見到個餐牌都嚇親，5星中菜廳竟然兩百蚊都唔駛就有咁多嘢食。

珊瑚翡翠帶子餃， 叉燒腸粉

先講， 珊瑚翡翠希子餃，三色分明，咬落去帶子彈牙，帶子亦新鮮，好正。
鮑魚燒賣，兩者好夾，平時好少食到，口感一流。

蟹子蝦餃皇

跟住，這個蟹子蝦餃皇，皮薄多料，見到好晶瑩剔透，蝦好新鮮。跟其他酒樓係有分別。

叉燒及油雞

而叉燒同油雞都係水準之上， 叉燒肥瘦分明，燒到剛剛好。

干炒牛河，娃娃菜

干炒牛河，炒得好，夠干身，唔油，牛亦爽口。
娃娃菜，湯汁清甜。

鮑魚燒賣

春卷

叉燒腸粉，皮薄，舊舊都肉，叉燒唔硬。

流心朱仔包

最後有流心朱仔包，整得好精緻，唔捨得食，內裡仲好熱，流沙好濃郁，帶點甜，好食。
所有味道都好回味，值得再試，希望疫情快d過去，可以再黎澳門食好嘢。

餐牌同裝修都好華麗，配得上5星酒店。