alixland1207的個人專頁

第一次幫襯颱風過後出下街，見到呢間嘅裝修好特別就入咗去食落完單，習慣將啲筷子、匙羹用紙巾抹一抹。抹完，簡直嚇死我，張紙巾係黑色㗎，唔止一對，抹第二對、第三對都係咁…………我再用多張紙巾，抹到冇晒黑色為止。匙羹就好少少，紙巾上只係有少少淡黃色。我都知冇圖冇真相，但係我抹完，枱上面嘅紙巾好快比阿姐收走咗。枱面每份餐，even 仲有半碗飯喺度，見到停咗手就好快有人走埋嚟問係咪可以收走。食物都係好普通，唔算特別好食，又唔算唔好食，不過應該唔會有下次。…查看更多

透過 Openrice 外賣自取 9 個餐, 去到門口見得兩個侍應, 見佢哋忙緊安排座位比堂食, 咁我哋等一陣啦。後尾我 show 我電話畫面比佢睇我係 Openrice 落 order 嗰個, 佢繼續唔理我到後來我同事直接走入去話攞外賣，佢先話 “等咗你哋好耐，阻住晒我擺嘢”，嗰下個心都有少少 hard feeling大熱天時拎住啲外賣, 返到 office 發現漏單, 咪即刻打電話返去餐廳同佢講, 打第三次有人聽, 同佢講漏單, 對方死都話已經出齊, 後尾又突然轉呔話補返比我哋, 叫我哋 5 分鐘後嚟攞, 咁咪唯有係咁再去到嘅時間, 我同事同佢講係漏單嗰個。竟然傳嚟一把聲音講 “*聲稱*漏單嗰個”。What???什麼 ”聲稱“??? 事實真係漏咗單, 我呃你哋做乜啫? 有心呃就唔會呃最平嗰兩碗呀??真係好嬲, 我哋平時都成日食呢間餐廳, 點樣可以咁講嘢㗎!!…查看更多

好多時行過見到門口好多人等位呢日終於見好少人，所以試試當時抱住 bb，入到去有啲人排隊比緊錢，人龍散咗之後好快有個職員問我哋幾多位我話 3 位之後，個職員唔使一秒就答我: “無”其實佢望都無望過入面就一句毫無語調 “無”然後，好快有個阿姐搶答“有呀，執咗入面張枱比你啦”唔該晒阿姐好快手落咗 order食物唔差，意粉有調味唔似其他餐廳意粉好淡豬扒都唔錯，凍檸茶有茶味 👍最後想講的是，食完之後覺得肚痛 😅😅😅…查看更多

一向都好支持年青人創業鳳鳴居初開張時都好多傳媒訪問佢哋報章上見到兩個年青人都好有 heart加上臨開張時佢哋比人淋紅油所以更加多多幫襯初初開時都好多錯漏，不過唔緊要總要比多啲機會啲年青人一星期都總有一兩晚幫襯佢哋外賣從來都只係外賣，因為想返屋企舒舒服服咁食間唔中佢哋都會比錯嘢，都算了點解今次會激到我咁嬲要寫食評事緣琴晚 8 點零鐘，堂食唔算多人門外亦冇人等位，亦冇人等外賣我落完單後，收銀嗰位女士同我講要等 15 分鐘我 ok, 坐咗喺門口啲櫈仔等等咗 20 分鐘唔多對路，於是我起身睇睇舖入面一睇，見到廚房成班喺度停晒手吹水我望咗幾次，都唔覺得佢哋係整緊嘢食後尾有人埋單出嚟，我示意比個侍應睇我等緊外賣跟著我黑晒面咁 bear 住舖入面然後我見到佢哋先至喺度搵緊啲單無幾耐我見到其中一個喺雪櫃拎住水餃出嚟 (我 order了水餃)呢間嘢漏單情況真係好嚴重，已經唔係第一次係咁最後足足等咗 30 分鐘先至有外賣返到屋企，發現碗嘢有啲係我 order 嘅嘢有啲唔係我 order 嘅嘢究竟佢哋想點? 已經漏單，仲要做錯辛苦工作咗一整天，只係想食個晚餐好好安慰自己點知換來兩肚氣，真係好嬲!!!…查看更多

同 bb 買完日用品之後路過歇腳亭見天氣咁凍, 想買杯熱朱古力鮮奶飲下埋去 counter 同嗰位小姐講:“唔該要一杯中杯嘅熱朱古力鮮奶”嗰位小姐好冷酷咁答: “熱飲冇分大細”跟住我見八達通機個 mon 顯示 $18, (註: 熱朱古力鮮奶大杯 $24, 中杯 $22) 我都覺得有啲奇怪…………拎咗張飛企埋一邊等, 睇一睇張飛,佢打咗 【熱朱古力奶茶】, 因為本人唔飲得奶茶於是我埋去同佢講返我要嘅係 【熱朱古力鮮奶】跟住嗰位小姐先 bear 一 bear 我之後勁晦氣咁叫我再啪卡, 個 mon 顯示 $6咁即係佢局我買大杯………問都冇問唉, 算啦, 無謂同佢嘈, 之後佢再 bear 住我然後佢再同沖嘢飲嗰個人好求其講咗句“488 號要鮮奶”我都唔知負責沖嘢飲嗰位職員聽嚟聽到, 而且咁多人買嘢飲, 沖到我嗰杯時都唔知記唔記得…………到最後, 無奈地拎住呢杯嘢杯返屋企我都唔知飲唔飲好重申: 因本人唔飲得奶茶, 一飲奶茶會唔舒服, 而且仲要照顧 bb, 萬一飲完有事咁點算???真係、真係、真係、希望做飲食業嘅朋友希望你哋留心聽清楚人哋 order 啲乜聽唔清楚可以再問食物呢啲嘢真係唔可以講玩如果客人有食物敏感, 就係因為唔聽清楚 order 而唔小心食咗飲咗, 真係會可大可小的…查看更多

上水真係淪陷本身已經冇乜餐廳, 仲要咁難食我叫咗個黑松露牛肝菌意大利飯碟嘢嚟到黑麻麻咁樣, 見到都唔太開胃食咗一啖, 第一, 已經唔係意大利飯根本係普通嘅飯, 第二, 冇乜黑松露味第三, 啲牛肝菌味怪怪哋成碟飯勁多洋蔥, 我覺得似食緊洋蔥多過意大利飯覺得呢間嘢真係愈來愈差我食剩嘅黑松露牛肝菌意大利飯 😫唯一可以安慰返自己嘅, 就只有跟餐嘅忌廉湯同餐飽同埋上餐飲嘅速度, 呢頭落 order, 唔使一分鐘就有凍飲就勝在大大杯, 自己落糖漿, 唔使水吧調較, 中伏嘅機會大大減低 😂…查看更多

睇到個名，估計應該係一班年青人創業嘅餐廳，全場嘅 staff 大部分都係後生仔女。我比較支持呢 type 嘅餐廳，支持有夢想兼肯試嘅年青人。其實已經嚟過幾次，覺得應該要寫返篇食評，不過幾次都唔記得影相。睇 openrice 話佢哋開 11 點 ，我哋 11 點 3 到達，但其實佢哋係開 11 點半，當時佢哋食緊飯，不過佢哋都比我哋入座坐低先，所以做咗今日第一個客人。到咗 11 點半過啲啲，佢哋主動嚟幫我哋落 order，值得欣賞！🖒嘢食方面，首先佢每個餐都有羅宋湯，飲過幾次都有牛肉粒，感覺上好足料。不過如果可以有忌廉湯選擇就更好，因為唔係人人都飲羅宋湯。今日我叫咗個白酒香蒜蜆肉忌廉意粉，基本上我次次都係叫呢個，因為真係好香好好味不過唔知係咪改咗食譜，覺得今日好似有啲唔同咗，啲蒜重咗好多，我覺得之前啲蒜嘅份量已經足夠。而老公今日就叫咗個明太子蟹棒忌廉意粉，我試咗少少，都幾好味。另外，老公叫咗杯朱古力咖啡，不過我無試味。之前老公叫過芥末煙肉野菌意粉，都好好食，不過無影相。食物好味，環境幾好……可惜今日食食下有 4 位大媽嚟幫襯，坐正喺隔離枱，對啲 staff 既無禮貌又無知，大煞風景。如果要改善嘅地方，希望可以諗諗辦法，唔好令啲枱唔好咁痴笠笠，梳化都 keep 住清潔下就 ok! 希望呢班年青人繼續加油，相信我會再嚟幫襯!…查看更多

慶祝老公生日, 知道老公想鋸扒, 問咗同事嘅意見, 介紹咗呢間餐廳比我。呢間係一間西班牙餐廳, 我以為有好多海鮮食, 但睇佢 menu 又唔覺得。我哋叫咗 3 道菜, 第一道係沙甸魚多士。本身我麻麻哋沙甸魚, 但佢呢種做法又 ok 喎, 幾好味!既然老公想鋸扒, 安格斯肉眼扒走唔甩。份量好足, 但係我哋叫 7 成熟, 我覺得啲肉仲有啲紅。另一樣就係牛肝菌黑松露醬意粉, 我覺得好普通, 冇乜特別。總括嚟講, 我覺得呢間餐廳普普通通, 又唔係特別好食, 又唔係唔好食, 試過一次就夠了。不過值得一提係佢哋啲 services 幾好, 職員幾 nice。…查看更多

好少去大埔舊墟，唔係好識路。去到嘅時候過咗午膳時間，肚餓唔想再行嚟行去搵嘢食，於是見到呢間拉麵店就入去食。一拉開門，侍應姐姐見我係一個大肚婆，即刻安排一個闊少少、冇咁大風嘅位比我，又即刻拎多張櫈過嚟比我擺嘢。之後好快上咗一隻雞蛋比我，我問侍應姐姐個蛋黃係咪全熟，跟住侍應姐姐話係流心嘅。我本身諗住唔要隻蛋，因為懷孕期間要小心飲食，以免貪吃引起不適，點知侍應姐姐好好人，即刻叫拉麵師傅烚過另一隻蛋比我，要全熟蛋黃。仲間唔中幫我催師傅隻雞蛋熟未 (佢主動幫我催，唔係我催佢哋)佢哋真係好好人呀，表面睇佢哋個個都好後生，估唔到佢哋咁體貼，值得一讚，因為好耐都冇遇過咁有人情味嘅食肆!!至於拉麵，我覺得都 ok，同其他拉麵差唔多!希望佢哋 keep 住對客人體貼呢一份熱心，同時亦希望大家比多啲機會年青人同埋小店，多啲幫襯佢哋!!…查看更多

中秋節正日, lunch 同同事食好啲, 揀咗 OVO Cafe, 其實想嚟試好耐。驚 lunch time 多人, 特登提早 20 分鐘離開 office 去等位。見地方唔係好大, 但係全場有好多植物, 環境令人好舒服。叫咗一個意大利飯配沙律, 同事就配紫薯湯, 成碗紫色嘅湯, 賣相好吸引! 我哋都認同食材好新鮮, 份量啱啱好, 食完之後成個人都覺得好 fresh!不過唯一美中不足嘅就係安排客人入座嘅方法, 話說我哋一共 3 人去食, 我哋嚟到嘅時候係排第二, 但係排隊期間, 個職員係咁安排喺我哋後面嘅兩位或者一位嘅客人入座先, 我覺得對我哋好唔公平囉, 我哋咁早嚟就要排咁耐, 遲過我哋嘅就有得坐先, 可唔可以喺呢方面改善下呀? 其他方面我覺得冇問題。…查看更多

明記腸粉同魚蛋係幾好食不過次次幫襯都要受氣個老闆同老闆娘唔係鬧客就鬧伙記今日幫襯時等落單, 個伙記聽唔到我叫乜想行埋啲同佢講, 點知個老闆即刻拍枱鬧我同排我後面個男人, 叫我哋唔好行埋去, 想點?我後面個男人見佢態度咁差即刻走我見我已經落咗單就算, 如果唔係我都走其實當時唔多人, 老闆使唔使咁燥呀?落咗單佢又問我要乜, 其實我都已經講咗三次了最後我都黑面對返佢, 佢先同我講多謝, 不過我冇講唔該, 平時我唔會咁冇禮貌的!!…查看更多

上網、朋友都介紹過佢嘅手卷，但平時經過多數都係轉車返屋企食飯。咁啱今日一個人晚餐，行完街食埋嘢先返屋企。我係一個海膽、蔥花吞拿魚腩怪，超鍾意食，所以叫咗個海膽三文魚手卷。即叫即整，老闆娘一遞比我，我即刻放入口，好好味。食完唔夠喉，叫多個蔥花吞拿魚腩手卷，正!! 不過略嫌份量有啲少，我一個細細粒、瘦猛猛嘅女仔食兩個手卷都唔夠飽。由於太肚餓同埋太心急擺入口，抱歉唔記得影相。仲有值得留意嘅係，老闆娘超好人，非常好笑容，呢啲只有小店先至有，應該多啲支持小店，食都食得開心啲。我應該會再幫襯的，唔好執呀!!! 🙏🙏🙏…查看更多

星期六夜晚周圍都好多人, 特別係食日本嘢, 行咗好多間都門口排長龍。之前食過呢間兩次, 都 ok 嘅, 不過不失咁。叫咗碗粒粒魚生飯, 等咗一陣就嚟到, 侍應一放低嗰陣我都呆咗一呆, 一睇就見到成碗飯青瓜同蘿蔔仲多過魚生……夾晒啲青瓜同蘿蔔出嚟, 得嗰幾粒魚生……做生意唔係咁樣呀嘛? 另外試過兩次 order 粒粒牛柳都係冇, 咁佢擺落 menu 做乜?…查看更多